Ijeremaya 31:30 - IWE ỌNỊNỊ

³⁰ Ama ọza tụra ọza anaa rị ikoko ọchị ẹbaazị, anyị anị vee su nị. Ọzọza vị ene vee su isu ịvị anị.

Ijeremaya 31:30 ပူးပေါင်းရင်းမြစ်များ

2 Ohinọyị 14:6

Ama ẹ yị wụ ezi aza ana wụ ada anị ẹnẹnị; agụvị ka â chẹrẹ ẹ tụ ịnị iwe ọda Imosiisi ka; Ẹnẹyịmavara ộ mẹ̀ ọda ka: Ọza ẹ yị vaa hụ agụvị ebira odivi ozii wụ ada anị; ọza ẹ yị rẹ vaa hụ agụvị ebira odivi adaa wụ ezi anị. Ama ọzọza vị ene vee su isu ebira odivi ọnị ọ́ mẹ.

Ijoovu 21:20

Navọ wa ẹnị ụvọta ẹ rị ụya, dị ẹ yẹ Ohomorihi Ochẹtẹẹngụ mẹẹ kụ ayị hi ọza.

Ayịsaya 3:11

Ama dị ụ kà a yị aza edivi ka ẹ sị dà. Ụya aa vẹ ịrẹsụ ẹnịnị agụvị ka ebira ẹnẹ mẹ, a vaa sị ọgụ anịị yị wa.

Ezikẹẹrị 18:20

Ọza ana mẹ̀ ebira odivi, o vee su isu anị nị. Ozi ẹ́ yị vaa rị ụya ebira odivi ada anị; ada ẹ́ yị vaa rị ụya ebira odivi ozi anị. Ọza ọyịza vaa rị ọgụ ebira ọyịza, avọọ ọza odivi mẹ vaa rị ụya ebira odivi anị nị.

Ezikẹẹrị 18:4

Ka, ọnị ọ nyị avaba aza nị. Aza ana ma ozi ọnịrị ezi ẹnịnị, ọnị ọ nyị wa vabẹ nị, avọọ ọza anaaa mẹ̀ ebira odivi, o vee sú isu anị nị.

Ezikẹẹrị 3:24

Ama ụhwẹ Ohomorihi ộ ngụ ọnị ẹngụ, dị ọ sị ọnị vọrọ jẹẹ nị, Ohomorihi ộ kà a yị ọnị ka, ọnị ò ne chire oze hi ẹngụ tu ini eehi anị.

Ezikẹẹrị 33:13

Ẹnẹyịmavara kà ọnị kà a yị ọza ọyịza ka ọ vaa yara, ama dị ọ kụkụ sị ayị tụra ọyịza ọnị ọ́ vịdị mẹ, dị ọ kụkụ aa mẹ̀ ebira odivi nị, ọnị ẹ́ yị vaa tamayị ọyịza ọnyọọnyị ọnị ọ vịdị mẹ. Ọza ọnọọ vee sú agụvị ebira odivi anị.

Ezikẹẹrị 33:18

Ọza ọyịza ọ̀ọ hụụnị ebira ọyịza ọ̀yị mẹ, dị ọ kụkụ aa mẹ̀ ebira odivi nị, vị́ o vee su agụvị avọọ nị.

Ezikẹẹrị 33:8

Ẹnẹyịmavara kà ọnị ọ̀ọ kà a yị ọza odivi ka vị́ ọ vee su nị, dị ọnị Ezikẹẹrị ẹ̀ yị kà ọza odivi ọnọọ ọnọ ka, ọ̀ và hụụnị ebira odivi anị ụ vị dị ọ̀ há nị, ọza ọnọọ vee su isu ebira odivi anị, ama ọnị Ezikẹẹrị vaa kụ́ irenu anị agụvị iswọọza ọnọọ.

Anigaratiya 6:5

Ọzọza ọnị ụvọta ọ vaa kà enube ẹngụ anị nị.

Iwe Ọhụhị Imosiisi ana aa hị́ Ọyịvatụrọda 24:16

Ọza ẹ yị vaa wụ̀ aza ana ma ezi agụvị ebira odivi ẹnịnị, ọza ẹ yị rẹ vaa wụ̀ ezi agụvị ebira odivi aza ana ma wa. Ọzọza vi ene vee su usu ebira odivi anị.

Ijemiisi 1:15

Ariro odivi ọnọọ ọọ̄ mẹ̀ ọza ka ọ̀ mẹ ịvị nị. Ịjị ọza ọ̀ọ sị ịvị mẹ ta, dị ahịka isu ọ zaa ịrẹsụ nị.