Ijeremaya 31:3 - IWE ỌNỊNỊ

³ Ẹnẹyịmavara kà ọnị ộ hụrẹ aha ẹnẹẹnẹ ve tu wa, dị ọnị ka, ẹwụ nịnị Anisirẹrị, vị ọnịị sì ịrẹyị awụ nịnị pooro kẹnẹ nị ọ. Avọọ ọnị maanị aa yịị sị zụ wụ nịnị ka ọnị oo sì ịrẹyị awụ nịnị pooro nị.

Ijeremaya 31:3 ပူးပေါင်းရင်းမြစ်များ

1 Ohinọyị 10:9

Ò zee yi Ẹnẹyịmavara ana vị Ohomorihi awụ ana maanị sì wu. Ọ sị wụ ka wa vị ohinọyị Anisirẹrị, agụvị ka ô sì ịrẹyị Anisirẹrị pooro zịna-zịna. Ộ sị wụ rị ohinọyị ka waa mẹ̀ ọkarẹyị, dị wa rẹẹ mẹ̀ ịsa ana vọrọ.”

Ahẹ Ụgama 103:17

Ama Ẹnẹyịmavara vi eneē sì ịrẹyị aza eneē hí angwa anị pooro zịna-zịna. Ịsa ana vọrọ ọọ̄ mẹ yị ezi ẹnịnị ịrẹma-ịrẹma nị.

Ahẹ Ụgama 25:6

Ẹnẹyịmavara, tamayị ka hụrẹ ụmọrụmọ vẹ vị ọnị ụụ̄ vayị ọza ẹtẹẹtẹrẹ; di u reē sì ịrẹyị ọza nị.

Ahẹ Isoromọnị 1:4

Navọ wa sị mị za, di ye zwe. Vị ohinọyị amị, dị wa sị́ mị na ngụ aha ọyị sụ̀ awụ de. I vee duduu jẹ, dị yaa mẹrị ẹngụụ huni ọza ene hú eche. Vị́ a vọrọ ka avaba anyẹnẹẹ è sì ịrẹyị awụ nị.

Ayịsaya 43:4

Agụvị ka wâ nyị irihi ini eyi amị nịnị, mâ sị ụbanyị wụ nịnị, dị mị sì ịrẹyị awụ nịnị nị. Mâ hụrẹ aza ụvọ ụvị dị ụ wa ha nịnị. Mâ sị anẹkụra nịnị vara wụ nịnị, ụvị dị ụ wa yàra nịnị.

Ayịsaya 45:17

Ama Ẹnẹyịmavara ọ raà dọ Anisirẹrị nịnị ha, ẹ vaa nyị ehuna pooro zịna-zịna nị. Ụhị ẹ yị vaa nyị wa.

Ayịsaya 49:14

Aza ene hi Ịzayọnị kà, Ẹnẹyịmavara ọ raà va ịrẹma ka ẹnị, di o hi ayị ẹnịnị nị.

Ihoseya 11:1

Ẹnẹyịmavara kà Isirẹrị mẹ hụrẹ vị ozweyi ọnị sì ịrẹyị anị, dị ọnị hị́ ọ hụrị Ijipiti nị.

Ihoseya 11:4

Ọnị ọ sị ayamva ọnịrị oyisì anị tura wa pe ẹngụ anị, dị ọ za wa kú ayị anka ozi anyavava avọọ nị. Ọnị o nyima na yị wa ịsa.

Ịmarakayị 1:2

Ẹnẹyịmavara kà ọnị vị eneē sì ịrẹyị Anisirẹrị nịnị. Dị ẹnịnị họ̀ ọ use ka, “Ọ́ mẹmẹ sì ịrẹyị ẹnịnị kẹ?” Dị Ẹnẹyịmavara va ohi wa ka, “Ẹ́ẹ́ yẹ ka Ijekọvụ ana vị ohiku ẹnịnị vị ọyịnyara Iisọ?” Ama dị ọnị sì ịrẹyị Ijekọvụ nị,

Aniroomi 8:30

Aza oni Ohomorihi sị nyị tịtẹ, dị ọ rẹ hị́ wa nị. Aza ọnọọ vavọọ hị́, dị ọ rẹ jị ịhị yị wa nyị. Aza ọnị ọ vavọọ jị ịhị yị, dị ọ rẹ sị ụbanyị yị wa nị.

Aniroomi 9:13

Á vịdị chẹrẹ ẹ tụ́ ini Iwe Ohomorihi ka: Oni ô sì ịrẹyị Ijekọvụ, ama oni e yi sì ịrẹyị Iisọ.

Iwe Ọhụhị Imosiisi ana aa hị́ Ọyịvatụrọda 10:15

Ọ nyayịnẹ sì ịrẹyị ohiku ẹnịnị, dị ọ nyị wa dị ọ navọ avaba Anẹkụra nịnị ana vọ nị. Avọọ ọ mẹ yị nyị wa pooro ve tu ajịnị nị.

Iwe Ọhụhị Imosiisi ana aa hị́ Ọyịvatụrọda 33:26

Ẹwụ nịnị Anisirẹrị, ẹ yị nyị ori ana ya anka Ohomorihi ẹnịnị. Ọọ̄ tụra eguhi chi hụrẹ ẹbẹẹba vaa gụ ụ nịnị ụvọ nị.

Iwe Ọhụhị Imosiisi ana aa hị́ Ọyịvatụrọda 33:3

Ẹnẹyịmavara ò sì ịrẹyị aza anị, dị è sere aza ana vị anị. Agụvị avọọ ẹnị aa ku ẹtẹ kụ ọ, dị ẹnị sị ụvọ za avaba ọda anị nị.

Iwe Ọhụhị Imosiisi ana aa hị́ Ọyịvatụrọda 4:37

Agụvị ka o sì ịrẹyị ohiku ẹnịnị, ọ sị nyị ezi ẹnịnị, dị ọ sị ụkata anị kụ wa jịnẹ hụrẹ Ijipiti nị.

2 Itimoti 1:9

Ohomorihi ọ dọ yị ha, dị ọ hị́ yị ka yaa mẹ̀ ebira ọnịnị nị. Ẹ́ yị vị agụvị ịsị ị mẹ ọ vavọọ sị mẹ; ama agụvị ayamva anị kẹnẹ ọnịrị agụvị eto ọnị ọ vịdị sị mẹ yọ nị. Ini oze Ikirisiti ọ vavọọ sị vayị ayị hụrị ụmọrụmọ dị a va yẹ ka aa mẹ ẹhẹ nị.

Ijemiisi 1:18

Ô zé Ohomorihi eyi, dị ọ sị ịrẹyị anị ana vị ịzẹyịza, dị ọ sị mẹ ka ya yàra nị; ộ vavọọ mẹ, agụvị dị ya vị ọnịpaapa ịnị aza anị.

1Ipita 1:3

À vẹ ya sị ụga yị Ohomorihi ana vị Ada Ijeesu Ikirisiti Ananyị yị! Ohomorihi ộ vayị ayị ẹtẹẹtẹrẹ, di o tenyi yị ma nị. Agụvị avọọ yáa nyị ọyịtureyi ka ị vaa yara ịdị anị pooro zịna-zịna, agụvị ka Ijeesu Ikirisiti ộ ha kwẹẹtẹ hụụnị isu.

1 Ịjọọnụ 4:19

Yée sì ịrẹyị Ohomorihi agụvị ka ọnị ọ vịdị sì ịrẹyị ayị nị.