Ijeremaya 31:23 - IWE ỌNỊNỊ

²³ Ẹnẹyịmavara Ochẹtẹẹngụ, Ohomorihi Anisirẹrị ka, ịjị ọnị ọọ raa varẹma kụ aza anị vaavẹ eehi ẹnịnị, ẹnịnị vanaa kà a ịnị ẹtẹ Ijuda ọnịrị avaba ẹkụra ene hi ịnị anị ka, Ẹnẹyịmavara ọ̀ mẹ ka ò zé yị ataba anị ana yà Ijerusarẹmị, aha ọnịnị ịzị ọnị ụvọta ra.

Ijeremaya 31:23 ပူးပေါင်းရင်းမြစ်များ

Ahẹ Ụgama 128:5

Ẹnẹyịmavara ana yà Ịzayọnị ọ̀ navọ ò zee wu pooro ịnị avaba ẹhẹ awụ. Dị ọ̀ rẹ navọ wa sị eyi awụ re Ijerusarẹmị o mè zè yọ.

Ahẹ Ụgama 129:8

nyị ọza ana aa parahu ana vaa mẹ̀ aduwa ka Ẹnẹyịmavara ọ̀ mẹ ka ò zee yị aza edivi ẹnẹẹ. Ẹyị aa mẹ̀ aduwa ka Ẹnẹyịmavara ọ navọ ò zee yị ẹwụ.

Ahẹ Ụgama 134:3

Ẹnẹyịmavara yà. Ọnị ọ mẹ ihinẹba ọnịrị ẹtẹ nị. Ọ̀ navọ ọ̀ mẹ ka ò zee wu nịnị.

Ahẹ Ụgama 28:9

Ohomorihi, navọ wa dọ aza awụ tụ́ dị wa mẹ ka ò zee yị wa Weē sere wa, dị wa si eyi pè wa pooro.

Ayịsaya 1:21

Anẹkụra ana maanị nyị ayị ọnya ịjọnọọ wáá yị? Ẹnị ẹ kụkụ maanị aa dụ ori zị anka ọnẹẹ ana navọ ọva anị, dị aa sẹ̀ ịrẹka zị avọọ nịị? Ịyẹyẹ anẹkụra ọnọnị vị ana vịdị aa mẹ ịzẹyịza, ama booro aanị, avaba ẹnịnị kụkụ vị ọwọọza.

Ayịsaya 1:26

Ọ rẹ ka ọnị vaa sị ẹngụ ọmọkarẹyị anịyẹẹyẹ vaa wụ̀ nịnị ne beri ẹngụ onuwọjị ịyẹẹyẹ. Ịjọnọọ a rẹ vanaa hị́ wụ anẹkụra ana aa mẹ ịzẹyịza, dị a ka wâ nyị ayị ọnya.

Ayịsaya 11:9

Ịnị ụmẹ ọnọọ, ịrẹsụ Ịzayọnị ana vị ataba Ohomorihi, ẹ yị vaa nyị ịsị ẹ vaa mẹ̀ ọza ịsa odivi. Òkū mẹ̀ vị enyeenyi avọọ, avọọ avaba ẹhẹ mẹ̀ vaa yẹ ịsa oni Ohomorihi sì nị.

Ayịsaya 32:16

Avaba aha vị ana a kụkụ vaa yàa mẹ ịzẹyịza ịnị ẹtẹ ọnọọ.

Ayịsaya 33:5

Ẹnẹyịmavara ộ dà nyị ụbanyị kẹnẹ Ọnị ọ vị ohinọyị avaba ịsa nị. Ọ vaa mẹ ka avaba aza ene hi ẹ̀ẹ mẹ ịzẹyịza ọnịrị ebira ana vọrọ.

Ayịsaya 60:21

Aza awụ vaa mẹ ịsị ẹ vọrọ, dị ẹ nyị ẹtẹ pooro zịna. Ẹnẹyịmavara kà ọnị ộ mẹ̀ wa, dị ọnị sị wa jẹẹ agụvị ẹ sị ụbanyị anị zụ nị.

Ijeremaya 29:14

Ẹnẹyịmavara kà, ịzẹyịza, u vee re ọnị nịnị, dị ọnị và ụ nịnị ịrẹma va tụ ịnị ẹtẹ awụ nịnị. Ọ kà ọnị kụ́ ụ nịnịị gụ hụrị avaba ẹkụra ọnị ọnị gara ụ nịnị ne hi. Ọnị vaa kụ́ ụ nịnị hụrị ẹkụra ana dị ụ nịnị ne hi, dị ọnị kụ ụ nịnị và vẹ ẹkụra awụ nịnị.

Ijeremaya 30:18

Ọ kà, ọnị vaa kụ Anijerusarẹmị vàa vẹ eehi, dị ọnị và ogu ẹnịnị ịrẹma yị wa. Ọnị vaa vayị ovwoovu ikonyikonyara ẹnịnị. Ọ kà, e vènee tenyi Ijerusarẹmị da, dị a da irehi ohinọyị ẹnịnị varẹma tụ aha anị.

Ijeremaya 32:44

Aza vaa sị ẹkẹhịị hị́ ẹtẹ. A vaa mẹ iwe dị a sị ụvọ hi ọ, dị a dọ ivenu tụ ọ, dị e ku ọ oku, dị a sị ịsa va a. A vavọọ vaa hị́ ẹtẹ Ịbẹnjamịnị, ọnịrị ẹkụra eweyi-eweyi ana kara Ijerusarẹmị beri ẹkụra ẹbanyị-ẹbanyị ene hi Ijuda. A vaa hị́ ẹtẹ ẹkụra ene hi ịrẹsụ ataba ọnịrị ẹkụra ene hi iruvo ataba beri eyi ụvẹtẹ Ijuda. A vaa hị́ ẹtẹ ẹkụra ene hi ịrẹsụ ataba ọnịrị ẹkụra ene hi iruvo ataba beri eyi ụvẹtẹ Ijuda. Ẹnẹyịmavara kà ọnị vaa và aza ịrẹma vẹ ịnị ẹtẹ ẹnịnị.

Ijeremaya 50:7

Avaba aza ene ré wa vị ana kwẹẹtẹ tu wa. Ọnịvị ẹnịnị ka, ịsa tụra ịsa ọnị ẹnị ẹẹ mẹ wa booro aanị, ẹnị ẹ́ yị rị ịvị, agụvị ka Anisirẹrị nịnị ẹ mẹ̀ ebira odivi hi Ẹnẹyịmavara nị. Ẹnẹyịmavara ọnọnị ọọ̄ sị ẹngwọọrọ yị wa nị. Ọnị ohiku Anisirẹrị vịdị sị ayị tụra nị.

Ọbadaya 1:17

Ama Anisirẹrị nịnị vaa dọ ẹtẹ ana vị ẹnịnị varẹma hụụnị ụvọ aza ana ba wa uchi ụvọta. Ijerusarẹmị vaa vị aha ọnịnị ịzị aza vee zwe naa tẹ̀ hi.

Imika 4:1

Ụmẹ aa vẹ dị ataba ịzị dà irehi Ẹnẹyịmavara tụ́ aanị kuku vaa vị ataba ana nẹba hu ataba ana vọ, dị ọ da jịnẹ wa. Anẹkụra ọrụrụ-ọrụrụ vee tụraa hi ịzọọ.

Ịzakaraya 8:3

Ịsị Ẹnẹyịmavara Ochẹtẹẹngụ kà yị: Ọ kà ọnị vaa vavẹ Ịzayọnị, dị ọnị ra Ijerusarẹmị. A vaa hị́ Ijerusarẹmị ẹkụra ọnịrẹyịzẹyịza, dị a hị́ ataba Ẹnẹyịmavara Ochẹtẹẹngụ ataba ọnịnị

Iruutu 2:4

Ẹ mẹ̀ vavọọ hi ịzọọ, di e vene re ka Ibowazị ộ hụrẹ ịnị ubooro Ịbẹtịrẹhẹmị aa vẹ nị. Dị ọ kụ́ anụkọrọ ẹnẹẹ nị, dị ọ ka, “Ẹnẹyịmavara ọ̀ yà pè wụ nịnị.” Dị ẹnịnị va ụkụ yọ ka, “Ẹnẹyịmavara ọ navọ ò zee wu.”