Ijeremaya 31:22 - IWE ỌNỊNỊ

²² Ẹnẹyịmavara kà, ịzị ụ vaa mẹ ọsọọsa nee tu, ẹwụ nịnị ẹnẹ yị nyị ịzẹyịza aanị? Ọ kà ọnị vaa mẹ̀ ịsa ọwọọwa ana vị irenyi ọ̀ mẹ ịnị ẹhẹ. Anisirẹrị nịnị vee sì ịrẹyị Ohomorihi ẹnịnị.

Ijeremaya 31:22 ပူးပေါင်းရင်းမြစ်များ

Oyinyima 3:15

Ohomorihi ka ọnị vaa mẹ ka ẹwụ ọnịrị ọnẹẹ ọnọọ ọ̀ vị ọnịvị ẹngụ. Ọ kà Irima ezi anị ọnịrị irima ezi ẹwụ vị ana vaa vị ọnịvị ẹngụ. Ẹnị vị ana vaa chaka wụ ịrẹsụ, dị ẹwaa dà a ibezyahụ rị.

Ayịsaya 7:14

Ananyị yị ọnị ụvọta vaa sị apọtẹrẹwa ọnya yị wụ dị wa yẹ ka ịrẹyị ẹnẹnị vị ịzẹyịza. Ozwoorihi ọnya vee zyẹẹ, dị ọ ma ozi ọnọrụ ọnya aanị. Ẹmanụwẹrị ụ vaa hị́ ịrẹha anị nị.

Ijeremaya 13:27

Ó ree re wụ ụ maa mẹ̀ ịsa anaā nyị ọ ịhyẹrẹ nịnị. Oo re wụ ụ maa hẹkẹ ori nịnị ngụ ịnị ataba ọnịrị ịnị aarẹ zịịzị. Ụ sị mẹ nịnị anka ọnọrụ enee sì ose ọnọhụva anị avọọ nị, avị umaata araka anaa dụ ọnẹẹ zị. Ẹwụ nịnị Anijerusarẹmị, wa sị da nịnị. Ịhị ụ vaa hụụnị ẹvahụra ọ yị mẹ nịnị da?

Ijeremaya 14:7

Ẹnẹyịmavara kà, aza anị aa jị òrèrè ka, ịzẹyịza, ịvị ẹnịnị aa dọ ẹnị ivenu de, ama, ọnị navọ ọnị ọ̀ gu ẹnị ụvọ anka ọnị mẹ vịdị kà a. Ẹ ka, ụmẹ ọrụrụ-ọrụrụ ẹnị sị va ịrẹma Ẹnẹyịmavara nị, ẹnị ẹ raa rị ịvị anị.

Ijeremaya 2:18

Ọ kà, ọgụ sị ụ va rị nịnị ịnị enyi ịnị irehu Ịnayịrị ọnị ụ nọ Ijipiti ne hú nịnị booro aanị? Ọgụ sị ụ rị nịnị ịnị enyi ịnị irehu Iyuhwireti ọnị ụ nị Asiriya ne hú nịnị?

Ijeremaya 2:23

Ọ kà ẹnịnị ẹ́ẹ́ zụ ka a ka ẹnị ẹ yị sị ẹngụ ẹnịnị du ẹngụ aanị, ẹ́ẹ́ zụ ka a ka ẹnị ẹ yị mẹ̀ ori anaā hị́ Ịbaarị? Ọ kà ẹnịnị è re ịsị ẹnẹ raa mẹ, di è re ẹ mẹmẹ mẹ ịvị. Ọ kà vị ẹnịnị sị mẹẹ anka ịnyaakụmị ọnẹẹ enee si ka ọnị ọ̀ tụra di ee zwee zị,

Ijeremaya 2:36

Wa sị ẹngụ awụ nịnị vara ọnịyẹyẹ ụ maa ngụ ori zịịzị nịnị hụrị ẹkụra ẹnyị naa ngụ ọsa. Anijipiti vị ana vaa mẹ̀ ụhị nyị ụ nịnị anka Anasiriya mẹ mẹ̀ ụhị nyị ụ nịnị avọọ.

Ijeremaya 3:1

Ẹnẹyịmavara kà, ọza ọ̀ọ jị ose anị ịjẹvụ, dị ose anị ọnọọ hụụ ịdị anị, dị ọ na va ọnọrụ ọsa nị, ọza ọnọọ ẹ yị kụkụ zụ dọ ọ varẹma. Ọza ọnọọ ọ̀ọ dọ ọ varẹma, ọ sị ẹtẹ du saka-saka. Ama, ẹwụ nịnị Anisirẹrị, ẹwụrị onyeehi ọrụrụ ọ na ra sẹ̀ ịrẹka zịịzị. Ụ́ wáá kụkụ a vaa vàa ka mịị vẹ nịnị booro aanị nị?

Ijeremaya 3:14

Ẹnẹyịmavara kà, vavẹ eehi nịnị, ka aanị ụ vị nịnị nị. Ọ kà ọnị vaa sị ọza ikonyi ikonya hụrị ẹkụra ọnya, aza ẹnị ẹẹva hụụnị ịrẹsụ ọnya, dị ọnị kụ wụ nịnị vavẹ ẹtẹ.

Ijeremaya 3:22

Ẹnẹyịmavara kà, avaba ẹwụ nịnị ezi ana kama wụ ọ̀ và ka ọnị vẹ. Ọnị vaa sị ụ nịnị ẹngụ nịya, dị ọnị mẹ ka waa mẹ ịzẹyịza nịnị. Dị ẹnịnị tụ́ ohi, dị ẹ ka, ịzẹyịza ẹnị aa vàa vẹ, agụvị ka ẹwụ a vị Ẹnẹyịmavara, Ohomorihi ẹnịnị nị.

Ijeremaya 3:4

Ọ kà ẹwụ nịnị vaa hị́ ọnị booro aanị ka, ọnị ọ vị Ada awụ nịnị, dị ọnị sì ịrẹyị awụ nịnị hụụnị ozweyi nị.

Ijeremaya 3:6

Ijeremaya ka, Ẹnẹyịmavara ộ ka ẹ yị ọnị, ụmẹ ọnị Ijosaya sị vị ohinọyị ka, ọnị oo rẹ ịsị Anisirẹrị nịnị mẹ? Anisirẹrị nịnị vị ọnyẹnẹẹ ẹnẹẹ yị nyị ịzẹyịza. Ọ sị ịrẹma và ka ọnị, dị ọ naa sẹ̀ ịrẹka ngụ ịrẹsụ ataba ọnịrị iruvo avaba ọchị ohwoohu zị nị.

Ijeremaya 3:8

Ọ kà, Ijuda ẹnẹẹ yị nyị ịzẹyịza vị onyeyiza Isirẹrị. Oo re ka ọnị ộ jị Isirẹrị ịjẹvụ, dị ọnị da uwe yọ, dị ọnị dụ ọ kana kwooze nị, agụvị ka ộ và ịrẹma ka ọnị, ọ naa sẹ̀ ịrẹka. Ama angwa ẹ yị hụvị avọọ hi Ijuda, ọnị ọ́ rẹ naa sẹ̀ ịrẹka ụhị ẹ yị nyị ọ.

Ijeremaya 4:14

Ẹwụ nịnị Anijerusarẹmị, hụụnị ebira odivi awụ nịnị dị wa ha. Ịzị ụ maanị vaa sị ịrẹyị odivi tụ ịnị ayị nee tu nịnị?

Ijeremaya 49:4

Sị ẹ vẹ dị ẹwụ nịnị ẹnẹ ẹ̀ yị nyị ịzẹyịza aanị ee wo oto kẹ? Waa sị ayị tụra ogu awụ nịnị di wee wo nịnị ka ẹ́ yị nyị ọza ana zụ kwẹẹtẹ tu wu nịnị nị.

Ijeremaya 7:24

Ama ẹnịnị ẹ yị wụ́ chire ọnị, ẹnịị ẹ yị wụ́ ịrẹyị anị. Ẹnịnị ệ mẹ ayị ọkatẹngụ, dị ahịka ịsị ayị odivi ẹnịnị ộ kà yị wa kẹnẹ ẹ yaa mẹ nị. Ana vọrọ ka ẹ̀ sịị kà a tụ ọvịdị dị ahịka vee divi yị wa hu avọọ nị.

Ihoseya 11:7

Ẹnẹyịmavara kà aza ẹ̀ raà tenyi ẹngụ ka ẹnị a va ịrẹma anị na hẹkẹ ori. Ẹnịnị aa hị́ ọnị ene hu kere-kere ama ẹnịnị ẹ yị sị ụbanyị yị ọnị.

Ihoseya 14:4

Ẹnẹyịmavara kà ọnị vaa kụ aza anị varẹma ka ẹngụ na. Avaba ayị anị ọnị sị sì ịrẹyị ẹnịnị: Ọnị ẹ yị kụkụ aa kụ ayị hi ẹnịnị.

Ihoseya 4:16

Ayị Anisirẹrị ẹ katẹngụ anka imaaru; Ẹnẹyịmavara ọ́ọ́ zụ aa kụ́ wa na rị ịnị avị anka atẹmẹ?

Ihoseya 8:5

Ẹnẹyịmavara kà tee ẹwụnị Anịsamarịya! Yere ụmẹ ọnị ụ vaa sị rị ịhị nịnị? Ọ kà ọnị aa kụ́ ayị hi wa agụvị ọchị ọnị ệ bẹ anka ụnọ ọnị ẹ sị mẹ̀ ori ẹnịnị.

Ịzakaraya 7:11

Ama ẹnịnị ệ sị mẹ iribatọ. Dị ẹ sị akamawụ varẹma ka a agụvị asị ẹ wụ́ nị.

Ịrịka 16:30

Ama Ẹnẹyịmavara ọ̀ọ mẹ ịvọpa, dị eteesu ha irenu, dị mụnẹ ẹnịrị ẹnya ẹnịnị, dị ẹ ngụ eku ireyi-ireyi nị, aza vaa yẹ ka ẹ sị eyi wụ Ẹnẹyịmavara.

Imatiwu 1:21

Ọ vaa ma ozi ọnọrụ ọnya, dị ụ hị́ ịrẹha anị Ijeesu; agụvị ka ọnị ọ vaa dọ aza anịị háa hụụnị ịvị ẹnịnị nị.”

Anigaratiya 4:4

Ama ịjị ụmẹ Ohomorihi vavẹ, Ohomorihi ộ tụ́ Ozi anị vẹ ịnị ẹhẹ ọnọnị. Ọnyẹnẹẹ ọnya aanị ọ ma a nị. Ọnị ọ rẹ saasa ọda Aniju nịnị,