Ijeremaya 31:21 - IWE ỌNỊNỊ

²¹ Ọ kà wa mẹ apọtẹrẹwa jẹẹ oze nịnị. Vatụra oze ọnị ụ zị na nịnị, wa rẹẹ vaavẹ nịnị. Ẹwụ nịnị Anisirẹrị wa vaavẹ eehi awụ nịnị.

Ijeremaya 31:21 ပူးပေါင်းရင်းမြစ်များ

1 Ịtọpa 29:3

Ene hu keekere ịnị avaba ịsa ọnị ọnị tenyi tịtẹ aanị, ọ vị ka, ọnị ộ sị isiriva ọnịrị igooru hụụnị ogu anị ụvọta ka a sị mẹ̀ ụkọrọ ọnọnịị; agụvị ka oni oò sì ịrẹyị irehi Ohomorihi ọnọnị ẹtẹẹtẹrẹ.

2 Ịtọpa 11:16

Avaba Anisirẹrị nịnị ana sị ayị ọnya aa hẹkẹ Ẹnẹyịmavara ana vị Ohomorihi ẹnịnị ệ saasa Anireevi nịnị nọ Ijerusarẹmị agụvị dị ẹ̀ mẹ̀ ịsọvọ hi Ẹnẹyịmavara ana vị Ohomorihi ohiku ẹnịnị.

2 Ịtọpa 20:3

Ịjị ọ maanị wụ́ ọ kẹnẹ, dị angwa hi ọ, dị ọ aduwa ka Ẹnẹyịmavara ọ sị oze zụ ẹnị nị. Dị ọ kà avaba Anijuda ẹ za awẹ,

Ahẹ Ụgama 62:10

Ịsa ọnị waa mẹ ọza eyi ịngwẹngwẹẹ dọ avọọ asị ụ sị ayị tụra a ka u vaa sị mẹ ẹhẹ Asị ụ rẹ na sị ayị tụra a ka wàa sị ụkata-ụkata yi ọza Iisaka â nyị ịsa ozoza ọnị ụ vaa sị ẹngụ ịsa ẹnẹẹ mẹ, ogu awụ ọ̀ọ daka aa rụrụụ hu avọọ, asị ụ sị ayị tụra a.

Ahẹ Ụgama 84:5

Aza ana ahịka ẹwaa sị ụkataa yị nị, dị ayị ẹnịnị ee sì ka ẹnị ẹ̀ nọ Ijerusarẹmị vaa dàa jẹ.

Ụhịrẹyị 24:32

Mmi mê re e, di mi ro o, dị mị kọsẹ ịrẹyọyẹ hụụnị anị nị.

Ayịsaya 48:20

Ẹ jịnẹ hụrị ẹtẹ Ịbabịrọnị, ẹẹ na hara kẹnẹ! Ẹ ka enube ayohine; dị avaba aza ẹ wụ́ ọ avaba aha tụra aha ka Ẹnẹyịmavara ọ raà dọ ozi ahụ anị Isirẹrị ha.

Ayịsaya 57:14

Ẹnẹyịmavara kà, “jẹẹ aza amị ẹ̀ vàka mị vẹ. Kụ́ ịsị ẹ dọ wa oro hụrẹ oze yị wa. Tụ́ oze yi wa, di u we tenyi oze ọnọọ tịtẹ.”

Ayịsaya 62:10

Ẹwụnị aza ene hi Ijerusarẹmị, jịnẹ tụ ẹhẹ hụụnị ẹkụra ọbanyị ọnọnị, dị ụ waa tụ́ oze yị aza ana aa vavẹ.

Ijeremaya 3:12

Ẹnẹyịmavara kà ọnị ọ na nọ̀ ọ yị Anisirẹrị nịnị ka, ẹwụ nịnị Anisirẹrị, aza anị ẹnẹ ẹ yị nyị ịzẹyịza, và vẹ eehi nịnị, dị waa ka ọnịị vẹ nịnị, agụvị ka ọnịị vayị ọza. Ọnị ẹ yị vaa kụ́ ayịị hi u nịnị zịna-zịna.

Ijeremaya 3:14

Ẹnẹyịmavara kà, vavẹ eehi nịnị, ka aanị ụ vị nịnị nị. Ọ kà ọnị vaa sị ọza ikonyi ikonya hụrị ẹkụra ọnya, aza ẹnị ẹẹva hụụnị ịrẹsụ ọnya, dị ọnị kụ wụ nịnị vavẹ ẹtẹ.

Ijeremaya 31:4

Ọ kà, ẹwụ nịnị Anisirẹrị ọnị vanaa kụ ụ nịnị kwẹẹtẹ, ịzẹyịza dị ụ kwẹẹtẹ nịnị. Ụ vanaa sị ahịhya awụ nịnị, dị waa nyẹzẹ ụ waa maa jẹ ịrajẹ nịnị.

Ijeremaya 46:11

Ẹnẹyịmavara kà, ẹwụ nịnị Anijipiti, ẹ̀ nọ ẹtẹ Anigiriyadi dị we ne si ahọ̀nọ nịnị. Ẹ́ yị rẹ va nyị ịsị ahọ̀nọ awụ nịnị zụ mẹ. Ẹ́ yị nyị ịsị ẹ zụ mẹ wụ nịnị ụkụ o.

Ijeremaya 50:5

Ẹnịnị vee họ̀ use ka ịzị ẹ vị oze, dị ẹnịnị và tụra a. Ẹnịnị vaa vẹ vee wo oto yị ọnị, ka ọnị ẹnị vanaa saasa pooro zịna-zịna nị. Ẹnịnị ẹ́ yị vee hi ayị oto ọnọọ paa.

Ijeremaya 51:50

Ẹnẹyịmavara ộ kà a yị aza anị ene hi Ịbabịrọnị ka. Wa sị ha hụrị ụvọ isu nịnị, waa na nịnị booro aanị. Asị ụ jẹẹ nịnị o. Ọ kà, dị ụ da ka ị noze rịrị eehi nịnị aanị, waa tamayị ọnị, Ẹnẹyịmavara nịnị, dị asị u hi ayị Ijerusarẹmị nịnị.

Ijeremaya 51:6

Ọ kà ọzọza ò zwè hụrị ẹtẹ Ịbabịrọnị, ọzọza ọ sị ụvọ ku ịrẹsụ oo zwè. Asị ụ zẹ ka a wụ agụvị ebira odivi ẹnịnị. Ụmẹ o si tu ka ọnị Ẹnẹyịmavara ọ̀ họ̀ oponu, ọnị vaa sị ụyaa rị wa á mẹ vọrọ.

Ijeremaya 6:16

Ẹnẹyịmavara ộ kà a yị aza anị ka, jẹẹ ịzị oze va gẹ nịnị dị we re. Họ̀ use oze ịyẹẹyẹ nịnị, ka ịzị oze ọyịza ọnọọ ya, dị wa và tụraa nịnị, ka ọ va rọ wụ nịnị ẹngụ. Ama ẹnịnị ka heyiye, ẹnị ẹ yị zị avọọ.

Ezikẹẹrị 40:4

Ọza ọnọnị ộ kà a yị ọnị ka, ọnị ozi-ọza ò sị eyi pe ẹtẹ o. Ọnị ọ̀ sị ụtọ pe ẹtẹ ẹtẹẹtẹrẹ, dị ọnị ò jị eyi ngụ avaba ịsị ọnị ọnị ọọ sị zụ ọnị; agụvị ka ịsị a hụvị anị sị ọnị vẹ ịzẹnị ọ vị ọnọọ nị. Ọ kà avaba ịsị ọnị oo re, ọnị ọ̀ kà a yị Anisirẹrị nịnị.

Ịhagayị 1:5

Agụvị avọọ, Ẹnẹyịmavara Ochẹtẹẹngụ kà yị wa ka è ro ịrẹyị ẹngụ ẹnịnị.

Ịzakaraya 10:9

Ẹ mẹ daka gara hi ẹhẹ zịịzị aanị, ọ daka noze, ẹ vaa tamayị anị. Ẹnịrị ezi ẹnịnị vaa ha dị ẹ varẹma vabẹ ve eehi.

Iwe Ọhụhị Imosiisi ana aa hị́ Ọyịvatụrọda 32:46

dị ọ kà yị wa ka ẹ tamayị avaba ịrẹyị ọnị ọnị ka yị wa ajịnị. Ẹẹ vatụra a yị ezi ẹnịnị agụvị dị ẹ saasa avaba ọda Ohomorihi ẹnẹnị hwịnị-hwịnị.