Ijeremaya 31:20 - IWE ỌNỊNỊ

²⁰ Ẹnẹyịmavara kà, ẹwụ nịnị Anisirẹrị ẹ vị ozi ịpaapa anị nị. Ẹwụ nịnị ọnị sì ịrẹyị anị hu nị. Ọnị ọ̀ọ daka aa yịị kụ ayịị hi u nịnị ọnị ee yii rò ịrẹyị awụ nịnị. Ọ kà, ịrẹyị awụ nịnị ẹ́ yị hụụnị ayị anị, ọnị vaa vayị awụ nịnị.

Ijeremaya 31:20 ပူးပေါင်းရင်းမြစ်များ

Oyinyima 43:30

Di Ijosẹẹhụ wụsẹ ne sì aha ọnya ịzị ọ na yà dị aa jị òrèrè nị, agụvị ka ariro Ịbẹnjamịnị yà ịnị ayị anị ẹtẹẹtẹrẹ. Di Ijosẹẹhụ ngụ ịnị aku anị, di o ne sụ ùnè nị.

1 Ohinọyị 3:26

Ọnẹẹ ana vị ọnyị ozi ana yara aanị vị ana nyayịnẹ sì ịrẹyị ozi anị. Agụvị avọọ dị ọ kà a yi ohinọyị, dị ọ kà “Ada ayị taarụ, aarịhịnị sị ozi ana yara avọọ yị ọnẹẹ ọnọnị, asị ụ wụ̀ ọ.” Ama dị ọnẹẹ ọsa ọnị ka, “É che e ẹẹva, asị a nyị ọza ana a sị ozi ọnọnị yị.”

Ahẹ Ụgama 103:13

Anka ada ozi mẹ̀ẹ vayị ozi anị avọọ, avọọ Ẹnẹyịmavara mẹ̀ẹ vayị ọza ene hí angwa anị nị.

Ụhịrẹyị 3:12

Aza ọnị Ẹnẹyịmavara sì ịrẹyị anị oō tụ ohuvọ anka ada ọza mẹẹ̄ tụ ozi anị ohuvọ avọọ.

Ahẹ Isoromọnị 5:4

Ọza ọnị mị maanị sì ịrẹyị anị mẹ̀ jị ụvọ ngụ ịnị uhwohwo oze, dị ayị mị nyayịnẹ ee hine ka ọ sị gụrị ẹmị nị.

Ayịsaya 16:11

Ịrẹyị Imowabi ọnịrị Ikiri-Iheresi ộ mẹ̀ ka ayị amị ò du ẹtẹẹtẹrẹ.

Ayịsaya 30:18

Ama Ẹnẹyịmavara ee sii sì ka ọnị ọ̀ vayị awụ nịnị Ee sì ka ọnị ọ́ vayị awụ nịnị agụvị ka Ẹnẹyịmavara ọnị vị Ohomorihi anaā mẹ̀ ịsa ana vọrọ. Avaba aza ana sị ayị tụra a ẹ̀ nyarị ịrẹsụ ọyịza.

Ayịsaya 55:7

Navọ ọza ọhịmị ọ và hụụnị ẹhẹ odivi anị, dị ọza odivi ọ̀ và hụụnị aro odivi anị. Navọ ẹnịnị ẹ̀ và ka Ẹnẹyịmavara vẹ ka ọ vaa vayị ẹnịnị. Ẹnịnị ẹ̀ và ka Ohomorihi ayị vẹ, ka ọ vaa vaa gu wa ẹtẹẹtẹrẹ.

Ayịsaya 63:15

Ẹnẹyịmavara navọ wa va eyi chi vẹ hụrẹ ẹbẹẹba, aha ọnịnị ọnịrị ụbanyị awụ, dị wee re ịsa ana aa na.

Ijeremaya 3:12

Ẹnẹyịmavara kà ọnị ọ na nọ̀ ọ yị Anisirẹrị nịnị ka, ẹwụ nịnị Anisirẹrị, aza anị ẹnẹ ẹ yị nyị ịzẹyịza, và vẹ eehi nịnị, dị waa ka ọnịị vẹ nịnị, agụvị ka ọnịị vayị ọza. Ọnị ẹ yị vaa kụ́ ayịị hi u nịnị zịna-zịna.

Ijeremaya 3:19

Ẹnẹyịmavara kà ọnị ô rò o ka vị ọnị vaa sị ụvọ za awụ nịnị anka ezi anị avọọ nị. Ọnị sì ka ọnị ọ̀ sị ẹtẹ ene zoza hu kere-kere ịnị ẹhẹ yị wụ nịnị nị. Ọnị ô zi ka vị ẹwụ nịnị va hị́ ọnị Ada awụ nịnị, dị wa a saasa ọnị nịnị pooro nị.

Ijeremaya 31:9

Ọ kà, aza anị vaa vàa vẹ dị eyee sụ ùnè, ọnị ọọ kụ wa aa vàa vẹ dị ẹyaa mẹ̀ aduwa. Ọnị vaa zụ wa oze naa ngụ ịnị okuha ana nyị enyi, ọnị vaa kụ wa vaa tụra oze ana swa, ẹnịnị ẹ́ yị vaa vangga. Ọ kà, Ada ọnị vị yị Anisirẹrị nịnị nị, dị Ehwireemi vị ozi ịpaapa anị nị.

Ijeremaya 33:26

Avọọ gẹdẹ-gẹdẹ ọnị mẹ vaa sị ụvọ za ịzẹzẹ ọnị zẹẹ beri ezi Ijekọvụ ọnị Idevidi ana vị ozi ahụ anị nị. Ọnị vaa nyị ọnya ịnị ezi Idevidi ana vaa rị ohinọyị tụra ezi Abụrahamị, Ayiziiki ọnịrị Ijekọvụ ịrẹsụ. Ọ kà ọnị vaa vayị aza anị dị ọnị varẹma mẹ ka ò zee yị wa.

Ijeremaya 48:36

Ọ kà, agụvị avọọ, ọnị aa zị ẹngụ yị Animowabi ọnịrị anẹkụra ana aā hị́ Ịkị-Ịhẹrẹsị nịnị. Ọnị aa zị ẹngụ ụ yị wa anka ọza enee hú okokoro izoku avọọ, agụvị ka avaba ịsị ẹnịnị nyị ộ ta.

Arụwẹ 3:22

Ẹnẹyịmavara vị enee sì ịrẹyị ọza pooro, dị ẹ yị zá ụvọ jẹẹ, ayamva anị ẹ mā nyị ẹzẹtẹ.

Ezikẹẹrị 33:11

Ọ kà, ọnị kà a yị wa ka, àa vị ọnị Ẹnẹyịmavara Ananyị yị ọ vị Ohomorihi ana yara nị, ayị anị é yi hine ka ọnị oo ré ka ọnịvị ee sú. Vị ọnị ee sì ka ẹnịnị ẹ̀ hụụnị ebira odivi ẹnịnị, dị ẹ̀ yàra nị. Ẹwụ nịnị Anisirẹrị, hụụnị ebira odivi ọ̀ yị mẹ nịnị. Sị ẹ vẹ dị wee sì ka we su nịnị?

Ihoseya 14:4

Ẹnẹyịmavara kà ọnị vaa kụ aza anị varẹma ka ẹngụ na. Avaba ayị anị ọnị sị sì ịrẹyị ẹnịnị: Ọnị ẹ yị kụkụ aa kụ ayị hi ẹnịnị.

Ireevi 26:44

Ama ịnị avaba anị, ụmẹ ẹnẹ ẹnịnị ẹ̀ẹ yà ịnị ẹtẹ ọnịvị ẹnịnị ọnị ẹ́ yị vaa hụrẹ wa saka-saka; ọnị ẹ́ yị vee vu wa ẹtẹ bemi-bemi. Ọnị ọ̀ọ vavọọ mẹ, vị ọnị ẹ̀ yị saasa ịrẹyị ọnị ọnịrị wa hị́ eku anị yị ẹngụ avọọ nị: Ọnị ọ vị Ẹnẹyịmavara Ohomorihi ẹnịnị nị.

Iruuku 15:24

Ọ kà, ‘Ozi emi ọnọnị ô sú, ọ rẹ varẹma sị yàra; ô vú, ya rẹ sị ọ hèe.’ Di e nyima, dị ẹyaa rị eche nị:

Iruuku 15:32

 vọrọ ka yaa rị eche, dị yaa mẹ inohine, agụvị ka ọyịnyara awụ ọnọnị ô sú, ọ rẹ sị yara; ô vú, ya sị ọọ hèe.’ ”

Iwe Ọhụhị Imosiisi ana aa hị́ Ọyịvatụrọda 32:36

Ẹnẹyịmavara vaa dọ aza anị ha ụmẹ ọnị òo re ka ụkata ẹnịnị ọ̀ọ ta. Ọ vaa vayị aza ana hẹkẹ ẹ, òo re ẹ mẹmẹ tụ̀ ọkụmị. Ẹ yị nyị ọza ana vaa vọ, ọ vị ọrịhị a vị ọza obooro.

Anihwiripi 1:8

Ohomorihi ọ́ọ yẹ ka Ijeesu Ikirisiti ụvọta ọ mẹ ka eyi awụ nịnị ọ̀ọ tụra mị ẹtẹẹtẹrẹ nị.

Ọdọvịdị 10:16

Ịjị ẹ maanị raa da ịpẹ, dị ezi Anisirẹrị nịnị va avaba ori ẹnịnị ha, dị ẹ kụkụ a hẹkẹ Ẹnẹyịmavara nị. Ụyọrị ezi Anisirẹrị ọ zị Ẹnẹyịmavara ẹngụ ẹtẹẹtẹrẹ.