Ijeremaya 31:2 - IWE ỌNỊNỊ

² Ẹnẹyịmavara kà, ọnị ộ vayị aza ene è yị re ve su ịnị ụnọmị. Ịjị Anisirẹrị nịnị ê sị ịzị ẹyaa na tụ́ ụhwọ́.

Ijeremaya 31:2 ပူးပေါင်းရင်းမြစ်များ

Ahẹ Ụgama 78:52

Di Ohomorihi kụ́ aza anị jịnẹ aa na ịnị ụnọmị anka ọza ene ee sere atẹmẹ mẹ̀ẹ kụ́ atẹmẹ anịị zị avọọ nị.

Ahẹ Ụgama 95:11

Di Ohomorihi va kụ́ ayị dị ọ hị́ eku ka aza ẹnẹẹ ẹ yị kụkụ vaa jị ahụụ ngụ ịnị ịzị ọnị ka ọnị yaanị kụ́ wa ne hi dị ẹ̀ẹ tụ́ ụhwọ nị.

Ọyịkụra 1:16

Di ohinọyị ka: ẹ̀ẹ yaa naa gụ anẹẹ Anihiburu ụvọ ẹ̀ẹ yaa ma ozi dị ẹ̀ si eyi pè wa. Ọ kà àa vị ozi ọnọrụ aa ma nị, dị ẹ̀ wụ̀ ọ. Ama àa vi ozi ọnẹẹ yọ nị, dị ẹ̀ naavọ.

Ọyịkụra 1:22

Di Ihwarawo kụkụ va mẹ ọda dị ọ kà a yị avaba aza anị dị ọ ka, “Avaba ozi ọnọrụ anị Anihiburu ọ̀ọ ma è ne ne wa ngụ irehu Ịnayịrị. Ama à navọ ozi ọnẹẹ ẹnị ẹ̀ẹ ma.”

Ọyịkụra 12:37

Anisirẹrị nịnị vị ana aa na anka isoja anaā sịị ahụ zị. Oze Iramesisi ẹ zi jịnẹ, di e zi oze Isukoti aa na nị. Ẹnị ana na vị akahị-akahị oze akata (600,000). Ẹnị anọrụ ana sị hụ ọmụha kẹnẹ ọ vị ọnọọ nị. Ọza ọ yị za anyẹnẹẹ ọnịrị ezweyi tụ́ ọ.

Ọyịkụra 2:23

Ộ vana dà kù, di ohinọyị Anijipiti wusu nị. Anisirẹrị vị ana aa rịị rị ụya, di e yee nowu agụvị ụkọrọ ana a za wa ọrịhị aa mẹ nị. E yee nowu ka Ohomorihi ọ̀ gụ ẹnị ụvọ.

Ọyịkụra 33:14

Dị Ẹnẹyịmavara tụ́ ohi dị ọ ka, “Ẹnị ụvọta vaa saasa wụụ na, mị vaa mẹ ka ayị awụ ọ̀ nẹtẹ.”

Ọyịkụra 5:21

Dị ẹnị ana aā kụ́ azaa nọ ịnị ụkọrọ aanị ka: Ẹnẹyịmavara ee re Imosiisi nịnị. Ẹ ka ọnị ọ vaa sịị họ̀ wa nị. Ẹ ka ẹ raà mẹ ka ẹnị ẹ̀ kụkụụ nyị Ihwarawo ọnịrị aza anị ịhyẹrẹ. Ẹ ka ẹ raà sị ụhwọ chire wa ụvọ ka ẹ̀ sịị wụ ẹnị.

Ijeremaya 2:2

ọnị ọ̀ na kà a yị Anijerusarẹmị nịnị ka ọnị ộ tamayị ẹnịnị mẹmẹ kụ ẹngụ hi ịrẹyị anị ịyẹẹyẹ anka ọnẹẹ ana sẹsẹ va ọnọrụ avọọ, ọnị ộ tamayị, ẹnịnị mẹmẹ saasa ọnị ịnị ụnọmị ọnị ọza ẹ yị da aarẹ tụ da.

Ezikẹẹrị 20:35

Ọnị vaa kụ wụ nịnị vaa ngụ ịnị ụnọmị anaā rị ọza. Ọnịrị ẹwụ nịnị vaa sị eyii gẹrị eyi ịzọọ, dị ọnị mẹ̀ ọkarẹyị yị wụ nịnị.

Ihoseya 11:4

Ọnị ọ sị ayamva ọnịrị oyisì anị tura wa pe ẹngụ anị, dị ọ za wa kú ayị anka ozi anyavava avọọ nị. Ọnị o nyima na yị wa ịsa.

Ịrịka 10:33

Dị ẹ zị ụsẹ ẹkụhị ẹẹta hụrẹ ataba Ịsịnayị Ẹnẹyịmavara beri apoti oto tụ ọvịdị aza ana vọ agụvị Ihobabi ọ sị zụ wa ịzị a vọrọ ka ẹ jẹẹ tụ́ ụhwọ́.

Ịrịka 14:20

Ịzẹyịza, dị Ẹnẹyịmavara kà ọnị ọ vagu wa anka Imosiisi mẹ̀ da ịpẹ anị,

Imatiwu 11:28

Ká mị vẹ nịnị, ẹwụ nịnị ana ayị anị sị vazi, di e reè kune ẹnya ọrata tụra wụ nịnị, ka mị vaa sị ụhwọtụụ yị wụ nịnị!

Iwe Ọhụhị Imosiisi ana aa hị́ Ọyịvatụrọda 1:30

Ẹnẹyịmavara Ohomorihi ẹnịnị ya ọvịdị ẹnịnị aa na ịzọọ, ọ vaa vụ ịrẹvụ yị wa anka ẹnịnị me ree ịsị ọ mẹ ẹtẹ Ijipiti,

Iwe Ọhụhị Imosiisi ana aa hị́ Ọyịvatụrọda 1:33

Ohomorihi vana dọ ọvịdị ẹnịnị nee si aha ịzị ẹ vaa jị udi tụ́. Ọnị ọ vị ịra ọbanyị yị wa ịrahụ, dị ọ vị eguhi yị wa ọọdụ, dị aa zụ wa oze ẹnẹ vaa zị.

Iwe Ọhụhị Imosiisi ana aa hị́ Ọyịvatụrọda 12:9

Agụvị ka wẹẹ̀ yị va ngụ ịnị ẹtẹ ẹnẹ Ẹnẹyịmavara aa sịị wụ nịnị ka wa na tụ́ ụhwọ́ nịnị; wẹẹ̀ yị dọ ogu oni Ohomorihi ka ọnị aa sịị wụ nịnị.

Iwe Ọhụhị Imosiisi ana aa hị́ Ọyịvatụrọda 2:7

Dị Imosiisi ka, asị ayị hi wa ka Ẹnẹyịmavara vene sere wa ịrayị ẹbẹẹva ịhị ụnọmị paragada. Ộ mẹ̀ ẹhẹ rọ wa ẹngụ, ẹ yị nyị ịsị ẹ zwọ wa.

Iwe Ọhụhị Imosiisi ana aa hị́ Ọyịvatụrọda 8:16

Ọnị ọ sị ịsọyịrị ọnị ohiku ẹnịnị ẹ yị rị dị yị wa ịnị ụnọmị nị. Ọnị ọ̀ ku ẹngụkata tu wa dị ọ sị zama wa re nị. Ọvavẹ ịrẹma vị ọnị ọ vana sị ịsa ọyịza-ọyịza yị wa.

Ijosuwa 1:13

ẹ̀ tamayị ịrẹyị oni Imosiisi ọnụtụ Ẹnẹyịmavara kà yị wa. Ọ kà Imosiisi ọ́ọ kà a ka Ẹnẹyịmavara ana vi Ohomorihi ẹnịnị vaa sị ẹtẹ ọnọnị yị wa, dị ọ yị zẹẹ ka à nyị ịsị ẹ kanyị wa.