Ijeremaya 31:16 - IWE ỌNỊNỊ

¹⁶ Ẹnẹyịmavara kà, hụụnị orere ọ̀ yị jị dị we nyee ẹgọ hụụnị eyi awụ, agụvị ka ụ vaa dọ ọgụ ụkọrọ awụ. Ezi ewu vanaa vàa hụrị ẹtẹ ọnịvị ẹnịnị ve eehi.

Ijeremaya 31:16 ပူးပေါင်းရင်းမြစ်များ

Oyinyima 43:31

Dị ọ na nyịna eyi anị dị ọ jịnẹ vẹ nị. Dị ọ sị vụrị dị ọ ka: ẹ̀ kụ́ ịsa vẹ nị.

Oyinyima 45:1

Ijosẹẹhụ mẹ̀ vavọọ wụ́ ịrẹyị Ijuda, ọ yị kụkụ zụ sị rị anyị ini eyi avaba ezi ahụ anị ene hi ịzọọ. Di o nowu dị ọ ka, “Kà a ka avaba aza ẹ̀ jịnẹ tụ́ ẹhẹ.” Avaba aza ẹ sị jịnẹ tụ́ ẹhẹ di Ijosẹẹhụ va kà a yị ẹnẹbẹnị anị nịnị ka ọnị ọ vị Ijosẹẹhụ nị.

2 Ịtọpa 15:7

Ọ kà Asa ọ̀ sị tụ ayọvị, à sị ọ hụrẹ ayịnẹ ka ọ vaa rị ọgụ ụkọrọ ana aa mẹ aanị

Ahẹ Ụgama 126:5

Aza ana ahịka vi e yee sụ́ ùnè é mèe chire ịsa nị, navọ ẹ̀ẹ yaa kụ́ ịsa ọnọọ hụụnị aarẹ ahịka vị ẹ kụkụ aa jẹ nị.

Ahẹ Ụgama 30:5

Ọ mā kụ́ ayị gọdọ ama vị ọọ̄ mẹ ọyịzaa yị ọza pooro ịnị ẹhẹ nị Ọza ọ zụ jị òrèrè ịrahụ, ama eyi ọ̀ọ naa nị dị ịnẹ anị kuku ee hine.

Ịrẹyị Ọzwọzịsa 9:7

Wa naa sị ayohine rị ịsa ọnị waa nyị, dị wee hu waa mẹrị kẹnẹ; agụvị ka Ohomorihi ọ raa sị ụvọ tụ ịnị ịsị ọnị waa mẹ yị wụ.

Ayịsaya 25:8

Ọ mā vana zẹẹ ka ọza ò sú paa Ẹnẹyịmavara ana vi ohinọyị ọ yị kụkụ vaa zẹẹ ka ọza ò re ịrẹyị orere. Ọ yị rẹ kụkụ vaa zẹẹ ka ụhị ọ̀ vana nyị aza anị ịnị ẹhẹ. Ẹnẹyịmavara kà ọnị ọ kà avọọ nị.

Ayịsaya 30:19

Ẹwụ nịnị Anijerusarẹmị we yi kuku vee sụ ùnè nịnị. Ẹnẹyịmavara vị anaā vayị ọza. Wèe nowu na za a, ọ vaa ba wụ nịnị owu.

Ayịsaya 40:10

Ẹnẹyịmavara Ochẹtẹẹngụ a vaa sị ụkata mẹ ịjọva tụra wa ịrẹsụ. Re, ọgụ ana a sị yị ọzọza yarị ọ. Utosi anị vị ana ya ọvịdị anị.

Ijeremaya 23:3

Ọ kà ọnị aa vaa kụ aza anịị gụ hụrị avaba ẹkụra ọnị ọnị dụ wa ne hi, dị ọnị kụ wa vavẹ eehi ẹnịnị. Ẹnịnị vaa mẹ ozi ọrụrụ-ọrụrụ, dị ẹyaa rụrụ hu avọọ.

Ijeremaya 29:14

Ẹnẹyịmavara kà, ịzẹyịza, u vee re ọnị nịnị, dị ọnị và ụ nịnị ịrẹma va tụ ịnị ẹtẹ awụ nịnị. Ọ kà ọnị kụ́ ụ nịnịị gụ hụrị avaba ẹkụra ọnị ọnị gara ụ nịnị ne hi. Ọnị vaa kụ́ ụ nịnị hụrị ẹkụra ana dị ụ nịnị ne hi, dị ọnị kụ ụ nịnị và vẹ ẹkụra awụ nịnị.

Ijeremaya 30:18

Ọ kà, ọnị vaa kụ Anijerusarẹmị vàa vẹ eehi, dị ọnị và ogu ẹnịnị ịrẹma yị wa. Ọnị vaa vayị ovwoovu ikonyikonyara ẹnịnị. Ọ kà, e vènee tenyi Ijerusarẹmị da, dị a da irehi ohinọyị ẹnịnị varẹma tụ aha anị.

Ijeremaya 30:3

agụvị ka ụmẹ aa vẹ ọnị ọnị Ẹnẹyịmavara vaa va aza anị Anisirẹrị nịnị ọnịrị Anijuda nịnị vẹ eehi ẹnịnị. Ọ kà nị vaa kụ wa vaavẹ ịnị ẹtẹ ọnị ọnị sị yị ohiku ẹnịnị.

Ijeremaya 33:11

aza ee nowu ẹ mee hine ayị dị ẹyaa jẹ ịrajẹ ụ vaa wụ̀ aza maa jẹ dị ẹyaa mẹ aahẹ agụvị ka ẹ yaa nyị ẹngụ. Ụ vaa wụ̀ aza maa jị ahẹ, ẹnịnị ẹẹ sị ẹyịza a vaa kụ avọ ịnị irehi Ohomorihi; dị ẹ ka, aza ẹẹ ku Ẹnẹyịmavara Ochẹtẹẹngụ avọ agụvị ka Ẹnẹyịmavara oo zoza, vị oo sì ịrẹyị ọza pooro nị. Ẹnẹyịmavara kà ọnị vaa me ka ò zee yị ẹkụra ọnọnị anka ịyẹẹyẹ.

Ijeremaya 33:7

Ọ kà, ọnị varẹma vaa mẹ ize yị Anijuda ọnịrị Anisirẹrị nịnị dị ọnị kụ wa varẹma kwẹẹtẹ anka ẹ́ mẹ vịdị ya ịpaapa.

Ezikẹẹrị 37:21

Ọnị ọ̀ ka ẹ yị wa ka, ọnị, Ẹnẹyịmavara Ananyị ụkata hu vaa kụ́ aza anị hụrị ẹkụra-ẹkụra ẹnẹ ẹnịnị nọ. Ọnị vaa kụ waa gụ, dị ọnị kụ́ wa vavẹ ịnị ẹtẹ ẹnịnị ụvọta.

Ihoseya 1:11

Anijuda ọnịrị Anisirẹrị nịnị vaa vabẹ, dị ẹ nyị ọdọvịdị ọnyara yị ẹngụ ẹnịnị. Dị ẹ varẹma dọ ẹtẹ ẹnịnị agụvị ka ẹkụhị Ijezirẹẹrị vaa nyị ẹngụ anị.

1 Anịtẹsaronika 4:14

Yáa dọ wụ́ ka Ijeesu ô sú, dị ọ rẹ varẹma ha hụụnị isu nị. Ya rẹ dọ wụ ka aza ana sị ayị tụra Ijeesu dị e vee sú, Ohomorihi vaa kụ́ ẹnịrị Ijeesuu vaa vẹ.

Anihiburu 11:6

Ọza ẹnẹ ẹ̀ yị sị ayị tụra Ohomorihi, ọ yị nyẹngụ zé Ohomorihi eyi vụrụ-vụrụ. Iruvo ọ vị ka ọza ana àa vẹ ịdị Ohomorihi, áa nyị ka ọ̀ vịdị dọ wụ́ da ka Ohomorihi yà ịzọọ, ọnịrị ka ọọ̄ sị ọgụụ yị aza ene èe sì ọọ.

Anihiburu 6:10

Ohomorihi ọ ma mẹ irikichi. O yi vee hi ayị ụkọrọ awụ nịnị. O yi re vee hi ayị, u meme sì ịrẹyị aza Ohomorihi, dị ụ waa gụ wa ụvọ nịnị agụvị ịrẹha anị, anka ụ màa yịị mẹ nịnị.

Iruutu 2:12

Ẹnẹyịmavara ò si wu ụta ịsị ọnị wụ mẹ. Ẹnẹyịmavara Ohomorihi Anisirẹrị ọnị wụ vẹ va vaka vee si wụ ụta gụ.”