Ijeremaya 31:14 - IWE ỌNỊNỊ

¹⁴ Ẹnẹyịmavara kà, ọnị vaa sị ịsọyịrị ọyịza-ọyịzaa yị ohirẹsụ irehi Ohomorihi ẹnịnịị rị. Ọ kà, avaba ịsị aza anị ee si vị ọnị ọnị vaa sịị yị wa dị ịnẹ ha wa.

Ijeremaya 31:14 ပူးပေါင်းရင်းမြစ်များ

2 Ịtọpa 6:41

Ọ kà Ẹnẹyịmavara Ohomorihi ọ̀ kwẹẹtẹ beri apoti oto anị ana vị ịsa ụkata anị, dị ọ ngụ ịnị irehi anị na ya pooro zịna-zịna. Ọ mẹ ka o zee yi ohirẹsụ irehi Ohomorihi ịnị ịsa tụra ịsa, dị ọyịza ọnị aa mẹ̀ yị wa ọ vị ayohine avaba aza anị.

Inehemaya 10:39

Anisirẹrị nịnị ẹnịrị Anireevi nịnị vaa kụ́ avaba akụ, eche ọnịrị angwẹ orivi ne hi ini aku ịzị aā kụ ẹnya ụkọrọ irehi Ohomorihi hi, ọnịrị ịzị ohirẹsụ irehi Ohomorihi nịnị ọnị ụkọrọ tu, oserẹtẹ nịnị, ọnịrị ọjahẹ nịnị ra. Ẹ ka ẹnị ẹ yị vaa varẹmaa ka irehi Ohomorihi ẹnịnị.

Ahẹ Ụgama 107:9

Aza ọnị ụngwẹ ọnịrị ónyi aa kụ̀ vị ọnị ọ sị ịsa ozoza yị, dị ịnẹ há wa.

Ahẹ Ụgama 132:16

Ẹnẹyịmavara rẹ ka ohirẹsụ irehi anị ene hi vị ọnị ọnị vaa mẹ ka ò zee yi ẹtẹẹtẹrẹ, dị aza anị ene hi ịzọọ aa jị ahẹ ịrajẹ.

Ahẹ Ụgama 132:9

Navọ ahịka ebira ana vọrọ ohirẹsụ irehi awụ nịnị vaa mẹ pooro nị Dị aza awụ ẹ̀ẹ jị ahẹ ịrajẹ.

Ahẹ Ụgama 17:15

Ama emi vee re wu agụvị ka wâ yẹ ka mẹ yị mẹ̀ ebira odivi Màa sị há ini uhwoto awụ, ọnọọ vaa há mị ịnẹ.

Ahẹ Ụgama 36:8

Aza ệ vẹ ịda awụ, dị ụụ hara ịsọyịrị yị wa dị ẹ rị dị ịnẹ há wa nị Wâ mẹ̀ ịsa ozoza yị wa ana nọ wa onyi anka aza ene ne hú enyi ini okuha avọọ.

Ahẹ Ụgama 63:2

Me reè re wu ini irehi awụ Mê re ụ mẹmẹ nyị ụkata ọnịrị ụbanyị.

Ahẹ Ụgama 63:5

Mâ yẹ ka mị vaa rị ịsa ene zoza, dị ịnẹ há mị dị maa jị ahẹ dị maa sịị kụ́ wụ avọ.

Ahẹ Ụgama 63:6

Màa na sụ mị vaa tamayị awụ ịrẹyị awụ ọ yị zụ hụụnị ayị amị pooro di eyi ọ̀ nị̄.

Ahẹ Ụgama 65:4

Aza ọnị ụ sị nyị di u tura wa pè ẹngụ ka ẹ̀ va ra ịda awụ vaa dàa jẹ kẹnẹ Avaba ịsa ozoza ene hi ini eehi awụ vaa mẹ ka ịnẹ ọ̀ há yị.

Ahẹ Ụgama 85:13

Ẹnẹyịmavara vị ana vaa mẹ̀ ịsa ana vọrọ, oze ịzẹyịza ọ vaa vàa tụra nị.

Ahẹ Ụgama 90:14

Navọ ẹnẹnẹ-ẹnẹnẹ yee re ka wê sì ịrẹyị ayị ịnị ịzẹyịza, dị ọnọọ ọ̀ há ọnọọ ọ̀ há yị ịnẹ. Ọnọọ vaa mẹ ka ayị ayị òo hine, dị yaa jị ahẹ pooro ịnị ẹhẹ ayị.

Ahẹ Isoromọnị 5:1

Ma raà ngụ ịnị ụbazị amị, ose mi anaā sịị ayị amịị hine. Maa kụ avị irenyi-irenyi ana a sịị̄ mẹ̀ ịsaa hine ọnịrị ịmaya amị gụ. Maa rị ẹhụ amị ọnịrị ụpaha anị. Mee hú eche ọnịrị ịrẹva ụnọ amị. Ẹwụ nịnị ọnị mị sì ịrẹyị anị, rị ịsa, di wee hú nịnị; waa mẹrị nịnị kẹnẹ.

Ayịsaya 25:6

Ẹnẹyịmavara Ochẹtẹẹngụ vaa mẹ̀ ịsa ozoza gụ ẹtẹ ịrẹsụ ataba dị ọ ka ọzọza ẹ̀ va rị. Ịsa ọnọọ ộ nyị eche ene zoza ẹtẹẹtẹrẹ ne beri uye ene zoza.

Ayịsaya 61:6

Aza vaa yẹ wa ka ohirẹsụ irehi Ẹnẹyịmavara ẹ vị nị. Ezi ahụ Ohomorihi ayị. Ẹnịnị ẹ vaa sị ogu anẹkụra nịnị mẹ ẹhẹ nị. Ee mè eyi ka ẹnị ẹ nyị nị.

Ijeremaya 31:25

Ọ kà, ọnị vaa sị ụkata yị aza ọnị ọ sị ngụ ẹngụ, ọnị vaa sị ịsọyịrịị yị aza ọnị ụngwẹ raa tụ ọkụmị dị ịnẹ ha wa.

Ijeremaya 33:9

Ọ kà Ijerusarẹmị vaa vị ayohine ọnịrị ụbanyịị yị ọnị, dị ọnị aa sị waa mẹ eyi. Avaba anẹhẹ vee hí angwa, dị ẹyaa dá ẹgahị ịjị ẹnịnị ẹẹ wụ́ ịrẹyị ịsị ọyịza ọnịrị ize ọnị mẹ yị Anijerusarẹmị ẹnẹnị.

Ijeremaya 50:19

Ẹnẹyịmavara kà, ọnị vanaa kụ Anisirẹrị nịnị vaavẹ ịnị ẹtẹ ẹnịnị. Ẹnịnị vaa kụ́ ịsọyịrị tụ ịrẹsụ ataba Ịkamẹrị ọnịrị ịnị ẹtẹ Ịbasanị, dị ẹyaa rị ọ. Ẹnịnị vee re avaba ịsị eyee sì ịrẹsụ ataba Ehwireemi ọnịrị hụrị ẹtẹ Anigiriyadi.

Ezikẹẹrị 34:14

Ọnị vaa kụ wa naa rị ịzị avị ozoza-ozoza hi, dị ẹ rẹ yaa naa rị ịrẹsụ ataba ene hi Isirẹrị. Ẹnịnị vaa sụ̀tẹtẹẹ hi ịzị avị ozoza-ozoza hi ịzọọ, dị ẹyaa rị avị ọyịza-ọyịza ịnị ataba Isirẹrị.

Ịhagayị 2:19

Ẹnẹyịmavara ộ rẹ kà a ka, ẹnịnị ẹ yị daka nyị ihu ayị, dị ẹ yi nyị ẹtụtụ ịvayịnị ọnịrị, ihwigi beri orivi, ọnị vaa mẹ̀ ka o ze yị wa.

Imatiwu 5:6

Aza ene enyi aa kụ̀, dị ụngwẹ aa kụ̀ ka ẹnị ẹ̀ zụ mẹ ịzẹyịza vaa daa jẹ, agụvị ka Ohomorihi vaa vayị ẹnịnị.

Anẹhwẹsọsị 1:3

À vẹ ya sị ụga yị Ohomorihi Ijeesu Ikirisiti Ananyị yị, ọnị ọ rẹ vị Ada anị nị. Ohomorihi ọ raà mẹ̀ ịsa ọyịza yị ẹyị ẹnẹ ẹyịrị Ijeesu sị vị ọnya. Ohomorihi ọ raà sị avaba ịsa ozoza anị ana yà ẹbẹẹba ịdị anịị yị.

Anẹhwẹsọsị 3:19

Máa yẹ ka ọza ọ yị zụ yẹ ta, ịzị Ikirisiti sì ịrẹyị ayị na za. Ama ọ̀ yị navọ wa zụ yẹ nịnị ịzị Ikirisiti sì ịrẹyị awụ nịnị ne tù, agụvị dị avaba ịsa ozoza ana vị Óohomorihi, ọ̀ rẹ zụ gụ tụ́ ịnị avaba ayị awụ nịnị.

Iwe Ọhụhị Imosiisi ana aa hị́ Ọyịvatụrọda 33:23

Yị Aninahwitari ọ kà; Ẹnẹyịmavara ọ ngụ ayị ẹnịnị ẹtẹẹtẹrẹ, dị ọ sị ịsa ọyịza-ọyịza yị wa nị. Ẹnịnị ẹ nyị ẹtẹ hụrị adagu Igariri va chi va ngụ ụvẹtẹ.

1Ipita 2:9

Àa vị ẹwụ nịnị yọ, ẹwụ nịnị vị aza oni Ohomorihi sị nyị. Ẹngụ ohirẹsụ irehi Ohomorihi ana aa hẹkẹ Ohomorihi Ohinọyị, ụ vị nịnị nị. Anẹkụra oni Ohomorihi nyị tụ́ irenyi yị ẹngụ anị, ụ vị nịnị nị. Aza Ohomorihi obooro ụ vị nịnị nị. Ộ nyị wụ nịnị ka waa kà a yị aza ịsa ẹbanyị-ẹbanyị oni Ohomorihi mẹ, ọ mẹ̀ hị́ wụ nịnị hụụnị ịrahụ va ngụ ini ẹtohweyi anị ene hí ọza irenu.

Ẹtore 5:10

Wa raà nyị wa ka ẹ̀nyị tụ́ ịnị ịjọva Ohomorihi. Dị ẹ̀ rẹ yà anka ohirẹsụ irehi Ohomorihi, dị ẹ̀ẹ hẹkẹ Ohomorihi ayị, ẹnịnị rẹ vaa rị ohinọyị ịnị ẹhẹ.