Ijeremaya 31:11 - IWE ỌNỊNỊ

¹¹ Ẹnẹyịmavara kà ọnị o ree si ụta Anisirẹrị nịnị. Ọnị ọ raa dọ wa ha hụụnị ụvọ anẹkụra ene chi wa ẹngụ.

Ijeremaya 31:11 ပူးပေါင်းရင်းမြစ်များ

Ahẹ Ụgama 142:6

Navọ wa ba mi owu ka ọ kụ́ mị tụ́. Navọ wa dọ mị tụ́ ka aza ana aa dụ mị ẹ sị ụkata nyị huna mị.

Ọyịkụra 15:16

Angwahi ọnịrị ẹgahị vaa ngụ wa ẹngụ. Ẹnẹyịmavara, ẹnịnị mè re ụkata awụ, ẹngụ ẹnịnị e si hị́ azọnọ. Avọọ ẹnịrị angwahi màa jẹẹ re ẹtẹ pooro dị aza awụ ẹ̀ na para hu nị. Ẹwa dọ aza awụ ẹnẹẹ tịtẹ ka asị ẹ kụkụ vị ọrịhị nị.

Ayịsaya 44:23

Ẹwụ nịnị ẹbẹẹba, wa jị ahẹ nịnị agụvị ka Ẹnẹyịmavara ọ sị ọ mẹ. Ẹwụ aha ana nyịnẹ ịnị ẹtẹ, we nowu nịnị. Ẹwụ nịnị ataba, wa jị ahẹ nịnị. Ẹwụ nịnị avaba ọchị ene hi ini iruku. Agụvị ka, Ẹnẹyịmavara ọ sị Ijekọvụ dọ ha. Anisirẹrị nịnị vaa sị ụbanyịị yọ.

Ayịsaya 48:20

Ẹ jịnẹ hụrị ẹtẹ Ịbabịrọnị, ẹẹ na hara kẹnẹ! Ẹ ka enube ayohine; dị avaba aza ẹ wụ́ ọ avaba aha tụra aha ka Ẹnẹyịmavara ọ raà dọ ozi ahụ anị Isirẹrị ha.

Ayịsaya 49:24

Áá zụ dọ isoja ẹnya ọnị kụ hụrẹ eyi ịrẹkụ? Áá zụ dọ aza ana za ọrịhị eyi ịrẹkụ hụụnị ụvọ ọza ana chamayị yị ọ?

Ayịsaya 49:25

Ama Ẹnẹyịmavara ọ̀ kà a ka ọnị vaa va eyi ịrazị ka aza ene pe wa vụ ịrẹvụ. Ọnị vaa dọ ezi ẹnịnị hụrẹ ụvọ ọnịvị ẹnịnị ana vị anayịchama.

Ayịsaya 51:11

Aza ọnị ọ dọ ha vaa ngụ Ijerusarẹmị ịnị ayohine, dị ẹ yaa jị ahẹ, di e yee na owu booboro agụvị ka ayị ẹnịnị ee hine. Ẹnịnị vị ana vaa jị ịrajẹ pooro agụvị ka ẹ sị hụụnị ayodu ọnịrị ẹngụ ọyị và hí.

Ijeremaya 15:21

Ọ kà, ọnị vaa dọ ọnị tụ hụụnị ụvọ aza edivi nịnị anaā mẹ ezigi.

Ijeremaya 50:33

Ẹnẹyịmavara Ochẹtẹẹngụ ka, aa mẹ ẹvaya yị Anisirẹrị nịnị ọnịrị Anijuda nịnị. Aza ana za wa vị ana si eyi pe wa gegede. Ẹnịnị ẹ́ yị zẹẹ ka ẹnị ẹ̀ hụrẹ wa ụvọ.

Ijeremaya 50:34

Ama ọza ana vaa dọ waa ha, ọọ kata Ẹnẹyịmavara Ochẹtẹẹngụ ịrẹha anị rị nị. Ọnị ụvọta vaa hụvị ịrẹyị ẹnịnịị kwẹẹtẹ, dị ọ mẹ ka avaba anẹhẹ ẹ̀ nyị ẹngwọọrọ. Ama ọ vaa kụ ẹngụkataa tu Anibabironi nịnị.

Arụwẹ 3:58

Ananyị yị ộ hụvị ịrẹyị amị kwẹẹtẹ, dị ọ dọ mị ha.

Ihoseya 13:14

Ẹnẹyịmavara kà a ọnị ọ́ọ́ jị wa hụụnị ụkata aneku? Ọnị ọ́ọ́ dọ wa ha hụrị ụvọ usu?

Ịzakaraya 9:16

Ịhị ẹkụhị ọnọọ òo si tu, Ẹnẹyịmavara vaa dọ aza anị ha anka oseratẹmẹ mẹẹ dọ ịsụpa anị tụ hụụnị ụvọ uswọọza avọọ. Ẹnịnị vaa zẹtẹ ịnị ẹkụra anị anka ọmọ ohinọyị avọọ.

Imatiwu 12:29

Ẹ yị nyị ọza ana nyẹngụ ngụ ini eehi adarehi ana nyị ụkata dị ọ̀ na kụ́ ọọ ẹnya; ẹ̀ yị vị o vịdị sì oze dị ọ̀ za adarehi ọnọọ dị ọ̀ sụ́ ọ, ịjọnọọ ọgọnị di o ve re oze kụ́ ọ ẹnya irehi.

Imatiwu 20:28

Agụvị ka ẹmị Ozi ọza onigirima mẹ yị vẹ ka à mẹ ozi ahụ yị mị, ama ka ma mẹ ozi ahụ yị aza, dị ma rẹ sị ụhwẹ amị hị́ aza ọrụrụ-ọrụrụ varẹma.”

Imatiwu 22:29

Dị Ijeesu ka, “We si nyeeyi nịnị, agụvị ka wẹ yị yẹ Iwe Ohomorihi, wẹ yị rẹ yẹ ụkata Ohomorihi nịnị.

Ịtayịtọsị 2:14

Ijeesu ọnọọ ọ vịdị sị ẹngụ anịị yị, agụvị dị ọ̀ zụ hị́ yị varẹma nị, agụvị dị ya zụ há hụụnị avaba ịsa edivi. Dị ọ́ mẹ ayị ayị ọnịnị, dị ị kụkụ sị vị aza anị ana aa sịị vụrị ka yaa mẹ̀ ịsa ene zoza nị.