Ijeremaya 31:10 - IWE ỌNỊNỊ

¹⁰ Ẹwụ nịnị anẹkụra ọ̀ wụ́ ịrẹyị Ẹnẹyịmavara dị wa nọ̀ ọ yị anẹkụra ene hi utenyi ẹnẹẹnẹ. Ẹnẹyịmavara ana gara Anisirẹrị hi rẹ vaa kụ wa gụ dị ee sere wa anka oseratẹmẹ mee sere ịsụpa anị avọọ.

Ijeremaya 31:10 ပူးပေါင်းရင်းမြစ်များ

Oyinyima 10:5

Ịpa ẹnịnị aza ana ra hi ini òkū ọnịrị ụtọ òkū chị hụrẹ nị. Ọzọza vị ana ra ẹkụra anị dị ọzọza raa kà ẹkụra anị nị.

Ahẹ Ụgama 147:2

Ẹnẹyịmavara aa sị Ijerusarẹmị vaa vẹ udi anị. Avaba aza ana a va kụ́ ọrịhị vị ọnị ọ vaa kụ́ụ vaa vẹ.

Ahẹ Ụgama 23:1

Ẹnẹyịmavara ee sere mị anka oseratẹmẹ avọọ nị. Ẹ yị nyị ịsị ẹ vaa zwọ mị.

Ahẹ Ụgama 72:10

Ohinọyị Anitasisi ọnịrị ohinọyị ene hi ẹkụra huu vaa kụ́ ịsa vaa mẹ ohinọyị ẹyịza. Ohinọyị Anarabi ọnịrị ohinọyị Anetiyopiya rẹ vaa kụ́ ịsaa vaa yọ.

Ụhịrẹyị 27:23

Re ka waa yẹ ịsị aa na ịnị ẹngụ ịsụpa awụ, dị waa tẹsị ẹnịnị ẹtẹẹtẹrẹ,

Ayịsaya 24:14

Aza ana vọ vaa jẹ ịrajẹ dị ẹ yaa jị ahẹ. Aza ana ra hi eyi ọnị ọyịị̄ zị naa ngụ ẹtẹ vaa kà ịrẹyị ụbanyị Ẹnẹyịmavara.

Ayịsaya 27:12

Ịhị ẹkụhị ọnọọ òo si tù, Ẹnẹyịmavara vaa tọ̀ọ́ aza anị ọnya-ọnya hụrẹ Iyuhwuretisi huu na ngụ ụtọ ẹkụra Ijipiti. Vị ọ vaa tọ̀ọ́ wa anka ọza ana aa tọ̀ọ́ akụụ hụụnị azizẹ avọọ nị.

Ayịsaya 40:1

Ohomorihi awụ kà: “Sị ayị aza anị nẹtẹ, sị ayị aza anị nẹtẹ.

Ayịsaya 40:11

Ọ vaa sị eyi pe atẹmẹ anị anka oseratẹmẹ avọọ. Ọ vaa kụ ezi atẹmẹ anị gụ vabẹ dị ọ kụ wa rị ụvọ; dị ọ tangwa aa zụ ọnyị ẹnịnị oze nị.

Ayịsaya 41:1

Ohomorihi kà: Avaba ẹwụnị anẹkụra ene enyi kara, jẹẹ sii, dị wa wụ́ ịrẹyị amị nịnị, Tenyi ẹngụ dị wa sị ịrẹyị awụ nịnị tụ ọvịdị ikootu; Ụ vaa nyị ụmẹ ọyị kụ irenu awụ nịnị. Vẹ ya gẹ nịnị, dị ya kà a ọza ana mẹ̀ ịsa ana vọrọ.

Ayịsaya 42:10

Jị ahẹ ọwọọwa gono Ẹnẹyịmavara nịnị. Jị ahẹ gono o avaba ẹwụ nịnị anẹhẹ. Ẹwụ nịnị anaā zị ụsẹ ini òkū ee gono o. Avaba ịsa ene hi ini òkū ee gama a Dị aza ana ra hị́ aha ẹnẹẹnẹ eni e ree gono o.

Ayịsaya 42:4

Ẹ yị vaa tụ ọ, ẹ yị vee du ọ eyi; Ọ vaa mẹ̀ ka à kụkụụ mẹ̀ ịsa ana vọrọ ịnị ẹhẹ, dị anẹkụra ọsa nịnị kukuu ee zi ka ọ̀ va zụ ẹnị ịsa.”

Ayịsaya 48:20

Ẹ jịnẹ hụrị ẹtẹ Ịbabịrọnị, ẹẹ na hara kẹnẹ! Ẹ ka enube ayohine; dị avaba aza ẹ wụ́ ọ avaba aha tụra aha ka Ẹnẹyịmavara ọ raà dọ ozi ahụ anị Isirẹrị ha.

Ayịsaya 54:7

Mâ hụrẹ ụvọ ụmẹ chee, ama agụvị ka mê sì ịrẹyị ẹnẹmẹhị, mị vaa sị ụụ varẹma.

Ayịsaya 60:9

Ẹnịnị vị ẹpa ana hụrẹ aha onoze aa vẹ. Ệ kụ aza Ohomorihi vẹ eehi. Ệ kụ igooru ọnịrị isiriva saasa wa ọyị sị sị ụbanyị yị Ẹnẹyịmavara, Ohomorihi ọnịnị Isirẹrị. Ọnị ọ mẹ avaba ẹhẹ ka ẹ sị ụbanyị yị aza anị nị.

Ayịsaya 66:19

Ẹ vaa yẹ ka ọnị ọ vị ọza anaa sị ụya rị wa nị. Ama, ọnị vaa navọ aza ẹnyị ẹnịnị, dị ọnị tụ́ wa nọ ẹkụra irenyi-irenyi aha onoze ịzị ọza ẹ yị wụ́ ịrẹyị anị, dị ẹ hyakụ ve re ụkata. Ẹnịrị aza ana yara ne ọpa vaa nọ Isipeni, Iribiya ọnịrị Iridiya, Itubari beri Igiriisi. Ẹ vaa sị ụbanyị anị zụ ịnị ẹkụra ẹnịnị.

Ijeremaya 23:4

Ọnị vaa nyị ohinọyịị yị wa ana vaa tẹsị ẹnịnị. Aza anị ẹ yị kụkụ vee hí angwa, ayị ẹ yị kụkụ vaa hụrẹ wa ịnẹ. Ọ kà ọnị ẹ yị kụkụ vaa sị ụyaa rị wa.

Ijeremaya 25:22

Avaba ohinọyị ẹtẹ Ịtaya, avaba ohinọyị ẹtẹ Ịsịdọnị ẹnịrị ohinọyị ẹkụra ene hi ụtọ oku nịnị;

Ijeremaya 3:15

Ọ kà ọnị vaa sị ẹngụ ọza ana vaa wụ́ chire ọnịị yị wụ nịnị ene vee sere wụ nịnị anka oseratẹmẹ avọọ. Ọza ọnọọ vaa sị ịrẹyọyẹẹ pá wụ nịnị.

Ijeremaya 50:17

Ẹnẹyịmavara kà Anisirẹrị nịnị vị ana sị mẹẹ anka atẹmẹ ọnị idu nịnị dụ, dị ẹ gara hi ozi avọọ. Ịpaapa, ohinọyị Asiriya ọ vịdị kwẹẹtẹ tu wa nị, dị Inebukadineza, ohinọyị Ịbabịrọnị ọnị kụkụ va sị anyị ngụ wa na za ẹchụkụ nị.

Ijeremaya 50:19

Ẹnẹyịmavara kà, ọnị vanaa kụ Anisirẹrị nịnị vaavẹ ịnị ẹtẹ ẹnịnị. Ẹnịnị vaa kụ́ ịsọyịrị tụ ịrẹsụ ataba Ịkamẹrị ọnịrị ịnị ẹtẹ Ịbasanị, dị ẹyaa rị ọ. Ẹnịnị vee re avaba ịsị eyee sì ịrẹsụ ataba Ehwireemi ọnịrị hụrị ẹtẹ Anigiriyadi.

Ezikẹẹrị 11:16

Kàa yị anda awụ nịnị ana a za ẹwụrị ọrịhị ka, ọnị Ohomorihi ọ me ka à ku wa ve hi aha ene noze aanị, dị ọnị gara wa hi ẹkụra-ẹkụra nị. Ama ọnị vaa yàa pe wa avaba ẹkụra ẹnẹ ẹnịnị ee hi.

Ezikẹẹrị 20:34

Ịjị ọnị ọọ varẹma kụ wụ nịnị gụ hụrị avaba ẹkụra ọnị ụ che ne hi nịnị, ọnị vaa sị ụkata anị ọnịrị ọyịkụ anịị zụ wụ nịnị.

Ezikẹẹrị 34:12

Ọnị vaa tẹsị ẹnịnị anka oseratẹmẹ mẹẹ tẹsị atẹmẹ anị ana gara hi dị a varẹma kụ wa va gu avọọ. Ọ kà ọnị vaa kụ waa vaavẹ hụrị avaba aha ana á gara wa ne hi ịnị ụmẹ odivi ọnị ẹngụkata si tu wa.

Ezikẹẹrị 37:24

Ohinọyị ọnya anka ozi ahụ anị Idevidi ọ vaa vị̀ ohinọyị ẹnịnị nị. Ohinọyị ọnyara ọnọọ vaa kụ waa vaabẹ, dị ẹnịnị aa sị ịzẹyịzaa saasa ọda anị.

Ezikẹẹrị 5:10

Ụyọrị ọnọọ, ada rị ozi nịnị vaa wụ̀ ẹngụụ rị Ijerusarẹmị. Ẹnẹyịmavara kà ọnị vaa sị ụyaa rị wụ nịnị, dị ọnị gara aza awụ nịnị ana vẹtẹ ne hi avaba aha.

Ezikẹẹrị 5:2

Ẹnẹyịmavara kà ịjị ọpa ẹkụhị ọnị ọnị aa yà ịnị ẹngụkataa vị̀ ọọ sị gụ, ọnị ọ̀ sị oze ọnyara ịnị ẹyị anị ọnọọ, dị ọnị ọ̀ rị ọ ịra Ijerusarẹmị. Ọ kà ọnị ọ̀ rẹ sị oze ọnyara ọsa, dị ọnị ọ̀ sị ụhwọ yẹrẹ ẹ và hí ẹtẹ kara Ijerusarẹmị. Ọnị ọ̀ sị oze ọnyara ana vọ dị ọnị ò hira a và hí ịnị ahị, agụvị ka ọnị Ẹnẹyịmavara vaa tụ ụhwọọ dụ Anijerusarẹmị nịnị.

Ịdanịyẹrị 11:18

Ịrẹma ọnọọ, ọ vaa kụ ịrẹkụ ne tu anẹkụra ene hi eyi ụtọ oku dị ọ nyị ẹbẹẹba ọrụrụ-ọrụrụ ẹnịnị. Ama ọdọvịdị ọnya ana ahịka ọzọga ọ vị nị va sị zụ ọ, dị ọ̀ hụụnị ịkanggụ anị, ịzẹyịza, ọ vaa sị ịkanggụ anị zụ ọ ẹtẹẹtẹrẹ.

Ireevi 26:33

Ọ kà ọnị vaa kụ ịrẹkụ vee tù wa, dị ọnị gara wa ne hi ẹtẹ anẹkụra ọsa nịnị. Ẹtẹ ẹnịnị vaa tụ́ osusu, dị ẹkụra ẹnịnị jị eburu.

Imika 2:12

Ẹwụ nịnị Anisirẹrị ana vọ, Ohomorihi vaa kụ́ wụ nịnị gụ. Ọ vaa kụ̀ wụ nịnịị gụ anka atẹmẹ ana wara va gụ ini eehi ẹnịnị avọọ. Aza rẹ vanaa gụ hi ịnị ẹtẹ ọnọnị anka atẹmẹ mẹ̀ẹ gụụ hi ịzị ẹẹ̄ rị avọọ.

Imika 4:6

Ẹnẹyịmavara kà ụmẹ vaa vẹ dị ọnị na kụ́ aza anị ọnị ọnị hụ hụrẹ ẹkụra. Ọ kà aza ọnị ọnị vavọọ sị ụya rị avọọ, ọnị aa kú waa vaa vẹ.

Imika 5:4

Ẹnẹyịmavara vaa sị ụkataa yị aza ọnị ọ vaa sị vẹ. Ụkata ọnọọ o ve sii sere aza anị. Mị ka ụkata Ẹnẹyịmavara Ohomorihi ana nyị ụbanyị o ve sii sere wa nị. Angwa o yi kuku vee hi aza Ohomorihi agụvị ka avaba anẹhẹ vaa yẹ ka Ohomorihi ộ banyị.

Ịzẹhwanaya 2:11

Ẹnẹyịmavara vee chire wa angwa ẹtẹẹtẹrẹ. Di o du ori ene hi ịnị ẹtẹ ọnọọ ha. Ịjọnọọ dị anẹkụra ọzọza aa hẹkẹ Ẹnẹyịmavara ịzị ẹ̀ẹ ya.

Ịzẹhwanaya 3:19

Ẹnẹyịmavara kà ụmẹ aa vẹ ọnị ọnị vaa sị ụya rị aza ana chamayị yị wụ. Ọnị vaa dọ ọkụmị nịnị ha, dị ọnị kụ́ aza ana a za ọrịhị nọ ẹkụra ọsa vavẹ eehi. Ọnị vaa vara ụhị ẹnịnị ka ọ vị ịsa ụbanyị yị wa. Avaba anẹhẹ vaa ga wa.

Ịzakaraya 10:8

Ẹnẹyịmavara kà ọnị vaa hị́ anị, dị ọnị kụ́ wa gụ, dị ọnị dọ wa ha, dị ọnị mẹ̀ wa ka ẹ varẹma rụrụ anka ẹ mẹ vịdị ya.

Ịzakaraya 2:6

Ẹnẹyịmavara kà a ẹnịnị e juntu-juntu zwe hụụnị ẹtẹ eyi ẹbẹẹba agụvị ka ọnị ọ raa gara wa tụ́ oze ahị ẹbẹẹba ẹẹna.

Ịzakaraya 9:16

Ịhị ẹkụhị ọnọọ òo si tu, Ẹnẹyịmavara vaa dọ aza anị ha anka oseratẹmẹ mẹẹ dọ ịsụpa anị tụ hụụnị ụvọ uswọọza avọọ. Ẹnịnị vaa zẹtẹ ịnị ẹkụra anị anka ọmọ ohinọyị avọọ.

Iruuku 12:32

“Ẹwụ nịnị ịragụ oweyi, asị u hí angwa nịnị, agụvị ka ịnẹ Ada awụ nịnị ô hine ka wa ngụ ịdị anị nịnị dị ọnị ọ̀ọ mẹ ịjọvaa tụra wụ nịnị.

Ịjọọnụ 10:27

Atẹmẹ amị vị anaā wụ́ ọngwẹ amị, mâ yẹ wa, ẹnịnịị̄ dụ mị ịrẹma.

Ịjọọnụ 11:52

Ẹ yị rẹ vị ịrẹyị ẹnịnya kẹnẹ, ama ka ọ rẹ vaa kụ́ avaba aza Ohomorihi ana gara hi avaba aha gụ tụ́ aha ọnya.

Iwe Ọhụhị Imosiisi ana aa hị́ Ọyịvatụrọda 30:4

Ẹnịnị ẹ daka ne hi ẹtaha ẹhẹ, Ẹnẹyịmavara Ohomorihi ẹnịnị vaa kụ́ wa gụ, dị ọ kụ́ wa varẹma vavẹ eehi.

Iwe Ọhụhị Imosiisi ana aa hị́ Ọyịvatụrọda 32:26

Ẹnẹyịmavara kà ịjị ọnọ ọ̀ọ sị wa wụ̀ va ha bemi-bemi, aza ẹ yị kụkụ vaa tamayị ẹnịnị.