Ijeremaya 31:1 - IWE ỌNỊNỊ

¹ Ẹnẹyịmavara kà ụmẹ aa vẹ ọnị ọnị vaa vị Ohomorihi avaba ịrẹsụ-ịrẹsụ Anisirẹrị nịnị, dị ẹnịnị ẹnị rẹ vị aza anị.

Ijeremaya 31:1 ပူးပေါင်းရင်းမြစ်များ

2 Ịsamụwẹrị 7:24

Wa raà sị Anisirẹrị jẹẹ ka aza awụ ẹ vị pooro nị. Ẹnẹyịmavara, ẹwa vị Ohomorihi ẹnịnị nị.”

Ahẹ Ụgama 144:15

Ẹngụ aza ọnị wàa maanị mẹ yị vaa dàa jẹ. Aza ẹnị Ẹnẹyịmavara ọ̀ọ vị Ohomorihi anị ẹ̀ nyarị ịrẹsụ ọyịza.

Ahẹ Ụgama 48:14

Ohomorihi ọnọnị ọ vị Ohomorihi ayị pooro zịna-zịna nị Ọnị ọ vaa zụ̀ yị oze pooro ịnị ẹhẹ nị.

Ayịsaya 20:6

Ịnị ụmẹ ọnọọ aza ana ra hi ụtọ oku Ihwirisitiya vaa dà ẹngụ igege dị ẹ ka wéē re ịsị e tù aza ẹnị ẹyị rẹ sị ayị tụra. Ẹnị ẹyị vịdị zwe ne tù ka ẹ̀ dọ yị tụ́ hụụnị ụvọ ohinọyị Anasiriya nọ! Ẹyáá kụkụ zụ há aanị?

Ayịsaya 41:10

Asị ụ hi angwa ka ọnị ya pe wụ nịnị! Ọnị ọ vị Ohomorihi awụ nịnị, asị ụ hi angwa. Ọnị vaa sị ụkata yị wụ nịnị, dị ọnị gụ wụ nịnị ụvọ, Ọnị vee sere wụ, dị ọnị dọ wụ ha.

Ijeremaya 23:6

Ịjị ọọ raa rị ohinọyị, ẹngụ anị Ijuda nịnị vee hi ahị, dị Anisirẹrị nịnị nyị ẹngwọọrọ. Ịrẹha anị ọ vaa rị Ẹnẹyịmavara ọ vị Amẹtẹrẹ Ayị nị.

Ijeremaya 3:18

Anisirẹrị nịnị ẹnịrị Anijuda vaa vàa bẹ, dị e dudu hụrẹ ẹkụra ana a za wa ọrịhị ne hi eyi ẹbẹẹba. Ẹnịnị vaa vàa vẹ ịnị ẹtẹ ọnị ọnị sị mẹ ogu yị ohiku ẹnịnị.

Ijeremaya 30:10

Ọ kà, ẹwụ nịnị aza anị, Anisirẹrị, asị ụ hí angwa nịnị; asị ayị hụrẹ ụ nịnị ịnẹ. Ẹnẹyịmavara kà ọnị vaa dọ ẹwụrị ezi ẹwụ nịnị ha hụrị aha ẹnẹẹnẹ ịzị a za awụ nịnị ọrịhị hi avọọ. Ụ vanaa nyị ẹngwọọrọ, dị ọnị ee sere ụ nịnị. É ma vana nyị ọza ana vaa mẹ angwaa hi wu nịnị.

Ijeremaya 30:22

Ẹnẹyịmavara kà ẹnịnị vaa vị aza anị, dị ọnị vị Ohomorihi ẹnịnị.

Ijeremaya 30:24

Ẹnẹyịmavara ẹ́ yị vaa vàa hụụnị ọyịkụ anị ẹ̀ yị vị ọ́ raa mẹ avaba ịsị o rò ka ọnị aa mẹẹ ta. Ịhị ẹkụhị oo tu, ịrẹyị ọnọnị vee ye aza anị gedebee.

Ijeremaya 30:3

agụvị ka ụmẹ aa vẹ ọnị ọnị Ẹnẹyịmavara vaa va aza anị Anisirẹrị nịnị ọnịrị Anijuda nịnị vẹ eehi ẹnịnị. Ọ kà nị vaa kụ wa vaavẹ ịnị ẹtẹ ọnị ọnị sị yị ohiku ẹnịnị.

Ijeremaya 31:33

Ẹnẹyịmavara kà, aanị ọnị mẹ vaa zẹẹ oto ọwọọwa yị wa nị: Ọnị vaa chẹrẹ ọda anị tụ ịnị ayị ẹnịnị; ọnị vaa vị Ohomorihi ẹnịnị, dị ẹnịnị vị aza anị.

Ijeremaya 32:38

Ọ kà, ẹnịnị vaa vị aza anị, dị ọnị vị Ohomorihi ẹnịnị.

Ijeremaya 33:14

Ẹnẹyịmavara kà, re, ụmẹ aa vẹ ọnị ọnị vaa mẹ avaba ịsa ọnị ọnị ka ọnị vaa mẹẹ yị Anijuda ẹnịrị Anisirẹrị nịnị aanịị yị wa.

Ijeremaya 33:7

Ọ kà, ọnị varẹma vaa mẹ ize yị Anijuda ọnịrị Anisirẹrị nịnị dị ọnị kụ wa varẹma kwẹẹtẹ anka ẹ́ mẹ vịdị ya ịpaapa.

Ijeremaya 50:4

Ẹnẹyịmavara kà, ịjị ụmẹ ọnọọ oo tu, Anisirẹrị nịnị ẹnịrị Anijuda nịnị vaa jị òrèrè, dị eyee sì ọnị, Ohomorihi ẹnịnị.

Ezikẹẹrị 11:20

Ịjọnọọ, ẹnịnị vaa sị ụvọọ za ọda anị, dị ẹyaa sị ịzẹyịzaa mẹ ịsị ọnị ọnị mẹ ọda yị wa. Ọnọọ vaa mẹ ka ẹnịnị ẹ̀ vị aza anị, dị ọnị vị Ohomorihi ẹnịnị.

Ezikẹẹrị 34:24

Ẹnẹyịmavara kà ọnị ọ sị ọ ka, ọnị vaa vị Ohomorihi ẹnịnị, dị ọza ịnyara vị ohinọyị ẹnịnị anka ozi ahụ anị Idevidi avọọ.

Ezikẹẹrị 34:31

Ọ kà, ẹwụ nịnị atẹmẹ anị, ọnị ọnị aa pa vị aza anị, dị ọnị vị Ohomorihi awụ nịnị nị.

Ezikẹẹrị 36:28

Ịjọnọọ ụ vaa rá ịnị ẹtẹ ọnị ọnị sị yị ohiku awụ nịnị. Ụ vaa vị̀ aza anị nịnị, dị ọnị vị Ohomorihi awụ nịnị.

Ezikẹẹrị 39:22

Anisirẹrị nịnị vaa yẹ́ hụrị ụmẹ avọọ ka ọnị ọ vị Ẹnẹyịmavara, Ohomorihi ẹnịnị nị.

Ezikẹẹrị 39:25

Ama booro aanị, Ẹnẹyịmavara Ananyị yị ka, ọnị vaa vayị evere Ijekọvụ; ẹnị ẹ vị Anisirẹrị nịnị nị, dị ọnị mẹ ka ọ̀ varẹma zee yị wa. Ọnị vaa hụ̀ agụvị ịrẹha ọnịnị anịị kụ ụhị.

Ihoseya 1:11

Anijuda ọnịrị Anisirẹrị nịnị vaa vabẹ, dị ẹ nyị ọdọvịdị ọnyara yị ẹngụ ẹnịnị. Dị ẹ varẹma dọ ẹtẹ ẹnịnị agụvị ka ẹkụhị Ijezirẹẹrị vaa nyị ẹngụ anị.

Ireevi 26:12

Ọnị vaa raa pe wa; ọnị vaa vị Ohomorihi ẹnịnị, dị ẹnịnị vị aza anị.

Ịzakaraya 13:9

Ẹnẹyịmavara Ohomorihi kà a ẹnị ana vọ vị ọnị ọnị vaa zama a re anka á mẹẹ sị ịraa nyịna isiriva avọọ. Ọnị vaa zama wa re anka a mẹẹ̄ sị ịraa zama igooru avọọ. Ịjị ọnọọ ẹnịnị ẹ̀ẹ hị́ ọnị, ọnị vaa wụ́ wa. Ọnị vaa kà a ka aza anị ẹ vị nị, dị ẹnị rẹ kà ọnị ọ vị Ẹnẹyịmavara Ohomorihi ẹnịnị nị.

Ịjọọnụ 20:17

Dị Ijeesu kà a yọ ka, “Asị ụ sị ụvọ kanyị mị, agụvị ka mẹ yị varẹma nọ ẹbẹẹba ị́dị Ada amị! Ama na kà a yị ẹyịnyara amị ka: maa nọ ẹbẹẹba ị́dị Ada amị ana rẹ vị Ada ẹwụ nịnị; ọnị ọ vị Ohomorihi amị, dị ọ rẹ vị Ohomorihi awụ nịnị nị.”

2 Anịkọrịntị 6:16

Sị ẹ zụ kụ́ irehi Ohomorihi ọnịrị ori vabẹ? Ẹya vị irehi Ohomorihi ana yára nị, agụvị ka Ohomorihi ộ kà a ka, ọnị vaa ra ịnịnẹ ẹnịnị, dị ọnị aa ngụ ịnị akakana ẹnịnịị zị. Ọnị vaa vị Ohomorihi ẹnịnị, dị ẹnị rẹ vị aza anị.

Anihiburu 12:16

Asị a rẹ nyị ọza ana na vị ọsẹrẹka ọnịrị ọza ẹnẹ ẹ̀ yị tẹsị ịrẹyị Ohomorihi anka Iisọ! Iisọ ọ́ọ hụ agụvị ịsọyịrị ụpẹ ọnya kẹnẹ ná ọzọkụ anị yị ọhụva anị.