Ijeremaya 30:22 - IWE ỌNỊNỊ

²² Ẹnẹyịmavara kà ẹnịnị vaa vị aza anị, dị ọnị vị Ohomorihi ẹnịnị.

Ijeremaya 30:22 ပူးပေါင်းရင်းမြစ်များ

Ọyịkụra 6:7

Ọ kà ọnị aa sị wa mẹ aza anị, dị ọnị vị Ohomorihi ẹnịnị. Ọ kà ọnị ọ̀ọ vavọọ sị ọ mẹ, ẹ vaa yẹ ka ọnị Ẹnẹyịmavara vị Ohomorihi ẹnịnị nị, ka ọnị ọ kụ̀ wa hụrẹ Ijipiti ka asị ẹ kụkụ vị ọrịhị ẹnịnị nị.

Ahẹ Isoromọnị 2:16

Ọza oni mi sì aanị vị aamị, dị ẹmịrị vị aanị nị. Ịnị akakana ododo ọyịza-ọyịza ọọ̄ kụ ịsụpa anịị rị nị.

Ijeremaya 11:4

Ịrẹyị ọnị ọnị mẹ ọda anị yị ohiku ẹnịnị ọnị mẹ kụ wa hụrị ẹtẹ Ijipiti ọ vị ọnọọ nị. Ẹtẹ Ijipiti vị ana sị mẹẹ anka arasị ịrịịra avọọ yị wa. Ọnị ộ kà a yị wa ka ẹ wụ́ chire ọnị dị ẹẹ mẹ avaba ịsị ọnị mẹ ọda anị yị wa. Ọnị ka ẹnịnị vaa vị aza anị, dị ọnị vị Ohomorihi ẹnịnị.

Ijeremaya 24:7

Ọ kà ọnị vaa sị ayị yị wa ana vaa mẹ ka ẹ̀ yẹ́ ka ọnị ọ vị Ẹnẹyịmavara nị. Ẹnịnị vaa vị aza anị, dị ọnị vị Ohomorihi ẹnịnị, agụvị ka ẹnịnị vaa sị avaba ayị ẹnịnị và a ka ọnịị vẹ.

Ijeremaya 31:1

Ẹnẹyịmavara kà ụmẹ aa vẹ ọnị ọnị vaa vị Ohomorihi avaba ịrẹsụ-ịrẹsụ Anisirẹrị nịnị, dị ẹnịnị ẹnị rẹ vị aza anị.

Ijeremaya 31:33

Ẹnẹyịmavara kà, aanị ọnị mẹ vaa zẹẹ oto ọwọọwa yị wa nị: Ọnị vaa chẹrẹ ọda anị tụ ịnị ayị ẹnịnị; ọnị vaa vị Ohomorihi ẹnịnị, dị ẹnịnị vị aza anị.

Ijeremaya 32:38

Ọ kà, ẹnịnị vaa vị aza anị, dị ọnị vị Ohomorihi ẹnịnị.

Ezikẹẹrị 11:20

Ịjọnọọ, ẹnịnị vaa sị ụvọọ za ọda anị, dị ẹyaa sị ịzẹyịzaa mẹ ịsị ọnị ọnị mẹ ọda yị wa. Ọnọọ vaa mẹ ka ẹnịnị ẹ̀ vị aza anị, dị ọnị vị Ohomorihi ẹnịnị.

Ezikẹẹrị 36:28

Ịjọnọọ ụ vaa rá ịnị ẹtẹ ọnị ọnị sị yị ohiku awụ nịnị. Ụ vaa vị̀ aza anị nịnị, dị ọnị vị Ohomorihi awụ nịnị.

Ezikẹẹrị 37:27

Ẹnẹyịmavara kà ọnị vaa ra ịzọọ pe wa. Ọnị vaa vị Ohomorihi ẹnịnị, dị ẹnịnị vị aza anị.

Ihoseya 2:23

Ẹnẹyịmavara kà ọnị vaa sị Isirẹrị jẹẹ, di o zee yọ. Ọnị vee sì ịrẹyị aza ọnị ọnị e yi vịdị si, dị aza ọnị ọnị ka ẹ yị vị aza anị kụkụ vị aza anị, dị ẹ yaa hị́ ọnị Ohomorihi ẹnịnị.

Ịzakaraya 13:9

Ẹnẹyịmavara Ohomorihi kà a ẹnị ana vọ vị ọnị ọnị vaa zama a re anka á mẹẹ sị ịraa nyịna isiriva avọọ. Ọnị vaa zama wa re anka a mẹẹ̄ sị ịraa zama igooru avọọ. Ịjị ọnọọ ẹnịnị ẹ̀ẹ hị́ ọnị, ọnị vaa wụ́ wa. Ọnị vaa kà a ka aza anị ẹ vị nị, dị ẹnị rẹ kà ọnị ọ vị Ẹnẹyịmavara Ohomorihi ẹnịnị nị.

Ịzakaraya 8:8

Ọnị vaa kụ́ wa vavẹ Ijerusarẹmị vaa ra; ẹ vaa vị aza anị, dị ọnị rẹ vaa Ohomorihi ọnịrẹyịzẹyịza ana wụra sị ayị tụra.

Imatiwu 22:32

‘Ẹma vị Ohomorihi Abụrahamị nị, dị mị rẹ vị Ohomorihi Ayiziiki nị, dị mị rẹ vị Ohomorihi Ijekọvụ nị.’ Ohomorihi ọ yị vị Ohomorihi aza ene wusu, ama Ohomorihi aza ana yàra.”

Anihiburu 8:10

Ananyị yị rẹ kà oto ọnị ọnị kụkụ vee wo yị Anisirẹrị nịnị yị: Ọ kà, Ịnị ụmẹ ana aa vẹ, ọnị vaa sị ọda anịị tụ́ ịnị ayị ẹnịnị, dị ọnị rẹ chẹrẹẹ tụ́ ịnị ayị ẹnịnị. Ọnị vaa vị Ohomorihi ẹnịnị, dị ẹnị rẹ vị aza anị.

Ẹtore 21:3

Dị mị wụ́ ọngwẹ ọbanyị ọnya hụrẹ ẹbẹẹba vẹ, dị ọ ka, “Re! Irehi Ohomorihi yàrị aza. Ohomorihi yàrị aza. Ohomorihi vaa raa pe wa, dị ẹ vị aza anị. Dị Ohomorihi ọnị ụvọta yà ịda ẹnịnị, dị ọ vị Ohomorihi ẹnịnị.