Ijeremaya 30:21 - IWE ỌNỊNỊ

²¹ Ọ kà, ịnị ẹngụ ẹnịnị ẹ vaa nyị ọdọvịdị ẹnịnị ọnịrị ohinọyị ẹnịnịị hụrẹ nị. Ọnị vee turaa pe ẹngụ dị ọ gụrị ọnị, agụvị ka ẹ́ yị nyị ọza ana nyayịnẹ ka pe ọnị ẹ̀ẹ vị ọnị hị́ ọ.

Ijeremaya 30:21 ပူးပေါင်းရင်းမြစ်များ

Oyinyima 18:27

Di Abụrahamị rẹ ka ọnị eteesu ọnịrị atịtọ, ọnị ọ́ọ́ nyị irenu oni ọnị ee sii pè Ẹnẹyịmavara kà ịrẹyị?

Oyinyima 18:30

Di Abụrahamị rẹ ka, “Aarịhịnị, nyarị, ọyịkụ, vị ọnị ka oni ò họ̀ use ka àa vị ẹnị ohurẹẹwụ kẹnẹ ẹ vị aza ọyịza e ne re ịzọọ yọ?” Dị Ẹnẹyịmavara rẹ ka, “Ọnị ọ yị vaa wụ̀ anẹkụra ọnọọ ọnị oo re aza ọyịza ohurẹẹwụ ịzọọ.”

Oyinyima 18:32

Di Abụrahamị kụkụ ka, “Aarịhịnị, ộ zụ ọgọnị, ọ sị vọrọ ka ọ kụ́ ayị hi ọnị, vị ọnị ka ọnị ọ̀ yaanị họ̀ use ụpẹ ọnya kẹnẹ tụ́ ọ nị. Àa na vị ka aza ẹnị ẹẹwụ pere ẹ vị aza ọyịza ene hi ịzọọ yọ?” Di Ẹnẹyịmavara kà: “Ọnị ọ yị vaa wụ̀ wa agụvị aza ẹnị ẹẹwụ ọnọọ.”

Oyinyima 49:10

Ijuda, ẹwa vaa vi ohinọyị nị. Ẹ yị nyị ọza ana vaa dọ wụ ohinọyị. Aza vaa kụ̀ ịsa ẹtẹ vaa wụ, anẹhẹ vị ana vaa vẹ vaa kụ̀ wụ, ịsa ẹtẹ ini Ihiburu a ka Isiro. Ọza ọ yị yẹ ịsị ẹ vị iruvo anị booro.

2 Ịsamụwẹrị 7:13

Kà a yọ ka ozi anị ọnọọ ọ vaa dà irehi mị nị. Ozi anị ọnọọ mị vaa si ahụ ohinọyị ọnị ọ rị jẹẹ pooro zịna-zịna nị.

Ẹzịra 2:2

Ọdọvịdị ẹnịnị ana kụ wa vẹ ẹ vị Izerubabẹrị, Ijesuwa, Inehemaya, Iseraya, Ireeraya Imodekaya, Ibirisani, Imisipa, Ibigivayi ọnịrị Irehumi neberi Ibaana nị. Ịrịka aza ana hụụnị ovwoovu ọnyọọnya vẹ yị.

Inehemaya 7:2

Mâ sị Ihanani ọyịnyara amị ọnịrị Ịhananịya ana vị ọga aza eneē sere aha ọyịtẹ̀ ka ẹ̀ sị eyi pè Ijerusarẹmị. Ịhananịya ô hí angwa Ohomorihi huu aza na vọ, dị ọ vị ọza ana wụra sị ayị tụra nị.

Ahẹ Ụgama 65:4

Aza ọnị ụ sị nyị di u tura wa pè ẹngụ ka ẹ̀ va ra ịda awụ vaa dàa jẹ kẹnẹ Avaba ịsa ozoza ene hi ini eehi awụ vaa mẹ ka ịnẹ ọ̀ há yị.

Ahẹ Ụgama 89:29

Wa rẹ kà a ka ovwoovu anị vị ọnị ụ vaa sị jẹẹ pooro, dị ahịka ọnị ọ vị ohinọyị pooro zịna-zịna nị.

Ọyịkụra 3:5

Di Ohomorihi rẹ ka, “Asị ọ kà vẹ hu avọọ. Ọ kà Imosiisi ọ̀ tụ̀ adava anị hị́ ẹtẹ agụvị ka ọnị Ohomorihi yà ịzị ọ jẹẹ avọọ.”

Ayịsaya 63:1

Ẹnẹ ọnị ọnọnị vị ana hụrị Ibozira ịnị ẹtẹ Edomi aa vẹ aanị kẹ? Ẹnẹ kụ́ ẹnya ovivi chomi-chomi hí ẹngụ, di e hu ahụ ọkọọka ịnị ụbanyị ụkata anị vẹ aanị? Ẹnẹyịmavara ana hụ ọ dọ ọza ha aa vẹ vaa nọ̀ ka ọnị ọ raà nyị ehuna.

Ijeremaya 30:9

Ama ẹnịnị vaa hẹkẹ ọnị, Ẹnẹyịmavara Ohomorihi ẹnịnị. Ẹ vaa vàa ku ẹtẹ yị ozi Idevidi ọnị ọnị vaa sịị rị ohinọyịị yị wa.

Ijeremaya 33:15

Ọ kà ụmẹ ọnọọ, ọnị vaa sị ozi Idevidi ọnyara ana vị ọnịzẹyịzaa rị ohinọyị. Ohinọyị vaa mẹ ịsị ana vọrọ dị ọ vị ịzẹyịza avaba aha ịnị ẹkụra.

Ijeremaya 49:19

Ẹnẹyịmavara kà, ọnị vaa vẹ anka idu ana tụ hụụnị iruku aa vẹ, dị ọ́ và tụra oze Ijodani aa vaa ngụ ịzị avị Anedomi nịnị hụrị ẹkụra ẹnịnị. Ịjọnọọ, dị ọza ọnị ọnị nyị ka ọ̀ vị ọdọvịdị kụkụ aa mẹ ohinọyị tụra ẹkụra ọnọọ. Ọ kà, ẹnẹ vana wụra juwe anị da? Ẹnẹ vana zụ hị́ ọnị ịrẹvụ kẹ? Ye re ohinọyị ana zụ hị́ ọnị ịrẹkụ da?

Ijeremaya 50:44

Ẹnẹyịmavara kà ọnị vaa vẹ anka idu ana jịnẹ hụụnị iruku Ijodani aa vẹ ịzị ịsụpa yaa rị avị ohwoohu avọọ, dị ọnị vaa dụ Anibabironi nịnị hụrị ẹkụra ẹnịnị obonobono. Ịjọnọọ, ọza ọnị ọnị ọọ nyị vaa rị ohinọyị tụ ẹkụra ọnọọ. Ọ kà, ene e zụ sị juwe anị da? Ẹnẹ ka ọnị ọ zụ hị́ ọnị ịrẹkụ kẹ? Yere ohinọyị ana zụ gẹ ọnị ịrẹvụ kẹ?

Ezikẹẹrị 37:24

Ohinọyị ọnya anka ozi ahụ anị Idevidi ọ vaa vị̀ ohinọyị ẹnịnị nị. Ohinọyị ọnyara ọnọọ vaa kụ waa vaabẹ, dị ẹnịnị aa sị ịzẹyịzaa saasa ọda anị.

Ihoseya 1:11

Anijuda ọnịrị Anisirẹrị nịnị vaa vabẹ, dị ẹ nyị ọdọvịdị ọnyara yị ẹngụ ẹnịnị. Dị ẹ varẹma dọ ẹtẹ ẹnịnị agụvị ka ẹkụhị Ijezirẹẹrị vaa nyị ẹngụ anị.

Ịrịka 16:40

Ịsa ana mẹ aanị vaa ka Anisirẹrị nịnị ọnọ ka ọza kẹnẹ-kẹnẹ ọnị ẹ yị vị evere Eerọnị ẹ yị nyẹngụ nọ ọvịdị Ẹnẹyịmavara na rị eturare ịra ịrẹsụ ụta. Ọza àa vavọọ mẹ vee re ịsị tu Ikora ọnịrị aza ana saasa a. Dị Ẹnẹyịmavara kà yị Imosiisi ka ọ vavọọ mẹ nị.

Ịrịka 16:5

Dị ộ ka yị Ikora ọnịrị aza anị ana saasa a ka Ẹnẹyịmavara vaa sị ọza ọnị ọ̀ọ nyị zụ ẹnẹnẹ eyinẹhẹ anị. Ọza ana nị ọnị ọ nyị kẹnẹ ọ̀ vaa zụ gụrị ọ nị.

Imatiwu 2:2

Dị e họ̀ use ka: ịzị ozi ana a ma ana vaa vị ohinọyị Aniju nịnị ya? Ẹ ka ẹnị ê re ụzọmị anị ka ộ chị tụ eyi ọnị ọyịị̄ zịị hụrẹẹ vẹ, dị ẹnị vẹ ka ẹnị ẹ̀ va vaku ẹtẹ kụ ọ nị.

Imatiwu 27:37

Ệ chẹrẹ ịrẹka ẹnẹẹ kụ́ za a tụ́ ịrẹsụ apavahị ka, “Ijeesu Ohinọyị Aniju nịnị yị.”

Imatiwu 3:17

Re, dị ọngwẹ ọnya hụrị ẹbẹẹba vẹ ka, “Ozi emi oni mi sì ịrẹyị anị yị, ịnẹ amị ô hine tù ọ ẹtẹẹtẹrẹ”.

Iruuku 24:26

Ẹ yị vọrọ ka Ikirisiti ọ̀ maanị rị ụya, dị ọ̀ va ngụ ịnị igirima anịị?”

Odeyi 5:31

Ohomorihi ọ raà sị ọọ tụ́ ẹba éyi ụvọrị anị, ka ọ̀ vị Ohinọyị ọnịrị Ọdọzaha. Dị ọ̀ rẹ mẹ ka Anisirẹrị nịnị è ro ịnẹ varẹma, dị ọ̀ vagu wa ịnị ịvị ẹnịnị.

Aniroomi 8:34

Áá nyị ọza ana kụkụ zụ jị ịvị yị wa? Ẹ yị nyị, agụvị ka Ijeesu Ikirisiti, ô wusu yị wa. Ohomorihi ộ hyakụ rẹ sị ọọ ha kwẹẹtẹ hụụnị isu bẹẹ. Ọ kụkụ yà eyi ụvọrị Ohomorihi booro aanị. Aa dá ịpẹ ịrẹyị ayịị yị Ohomorihi.

Iwe Ọhụhị Imosiisi ana aa hị́ Ọyịvatụrọda 17:15

Re ka ọza ọnị wa nyị ka ọ vị ohinọyị awụ nịnị vị ọza ọnị Ẹnẹyịmavara ọnị ụvọta sị nyị. Ẹngụ ọza ọnọọ ọ vị ọza ịnị ẹngụ awụ nịnị, asị ọ vị anikinami.

Iwe Ọhụhị Imosiisi ana aa hị́ Ọyịvatụrọda 18:18

Mị vaa tụ ọnịsẹ ọnya anka ẹwụ hụụnị ẹngụ ẹnịnị hi wa. Mị vaa kà a yị ọ ịrẹyị ọnị ọ́ vaa kà; dị ọ kà a avaba ịrẹyị ọnị mị kà yọ yị wa.

Iwe Ọhụhị Imosiisi ana aa hị́ Ọyịvatụrọda 33:5

Ụmẹ ọnị Anisirẹrị nịnị ẹẹ sị kụ ẹngụ gụ, dị Ẹnẹyịmavara vị ohinọyị ẹnịnị.

Anihiburu 1:3

Ini oze Ozi Ohomorihi ọnọọ ígirima Ohomorihi aa zịị zẹtẹ nị. Ọnị ọ vị uhwoto Ohomorihi gẹdẹ-gẹdẹ nị. Ịrẹyị anị ana nyị ụkata ọ sị za avaba ẹhẹ jẹẹ nị. Ộ nyịna aza hụụnị ịvị ẹnịnị ka ẹ̀ nyẹngụ nị. Dị ọ nọ ẹbẹẹba, dị ọ na yaayịtẹ éyi ụvọrị Ohomorihi ana nẹba hu kere-kere nị.

1 Ịjọọnụ 2:2

Ọnị ọ sị ẹngụ anị mẹ̀ ịsọvọ ana kụ́ ịvị ayị kwooze nị. Ẹ́ yị hyakụ vị ẹ́ẹyịnya kẹnẹ, ama ịvị avaba anẹhẹ.

Ẹtore 19:16

 chẹrẹ ịrẹha ọnya aanị tụ́ ịnị awuru anị ọnịrị ịnị usi anị ka, “Ọza ana nyị avaba aza ọnị Ohinọyị avaba ohinọyị nịnị.”