Ijeremaya 30:18 - IWE ỌNỊNỊ

¹⁸ Ọ kà, ọnị vaa kụ Anijerusarẹmị vàa vẹ eehi, dị ọnị và ogu ẹnịnị ịrẹma yị wa. Ọnị vaa vayị ovwoovu ikonyikonyara ẹnịnị. Ọ kà, e vènee tenyi Ijerusarẹmị da, dị a da irehi ohinọyị ẹnịnị varẹma tụ aha anị.

Ijeremaya 30:18 ပူးပေါင်းရင်းမြစ်များ

1 Ịtọpa 29:1

Ohinọyị Idevidi ộ kà a yị avaba aza ana gụ ka: Ozi anị Isoromọnị Óhomorihi va nyị nị, ama ozweyi ọ vị nị; ẹ yị nyị ịsa ọ yẹ. Ụkọrọ ana nyị ka à mẹ aanị ọ́ọ dẹngụ ẹtẹẹtẹrẹ, agụvị ka ẹ yị vị irehi ohinọyị ọzarẹyịrẹsụ irehi ọnọnị vị, Irehi Ẹnẹyịmavara Ohomorihi ọ vị nị.

1 Ịtọpa 29:19

Ọ kà, Navọ wa mẹ ka ozi emi Isoromọnị ọọ sị avaba ayị anịị sị̀ ka ọnị ọọ saasa avaba ịrẹyị awụ; dị ọ̀ da irehi Ohomorihi ọnị mị hụvị anị tenyi avaba ịsa ẹnẹnị tịtẹ.

Inehemaya 7:4

Ịnị ụmẹ ọnọọ ẹkụra ộ banyị, dị ọ gana eyi, ama aza che ẹ ra ịnị anị. Irehi ene hi ini anị ẹ yị rụrụ agụvị ka ẹ yị nyị irehi ọwọọwa ana a vana da.

Ahẹ Ụgama 102:13

Mâ yẹ ka ụ vaa kwẹẹtẹ dị wa vayị Anịzayọnị ụmẹ ọnị ụ nyị ka wa sị vayị anị òo si tụ́.

Ahẹ Ụgama 102:14

Ezi ahụ awụ vị ana nyayịnẹ sì ịrẹyị Anịzayọnị. Ọ̀ọ daka zee e eyi ọ sị jị eburu, ẹnịnị vị ana aa vịị vayị Anịzayọnị

Ahẹ Ụgama 122:7

Ẹngwọọrọ vị ana vaa yà ịnị ẹkụra Ijerusarẹmị. A yi nyị ịsị e vee chire ọza angwa ini ohweje ohinọyị.

Ahẹ Ụgama 48:13

Rẹ zama ohweje anị re, dị wa hịrẹ nọ ẹbẹẹba anị. Wèe si o re, dị wa zụ kà enube anị yị ezi ịrẹma.

Ahẹ Ụgama 48:3

Ohomorihi ọ raà sị zụ̀ ka ọnị yà ịnị ẹkụra ọnọọ agụvị avọọ ọnị ọ yị vaa zẹẹ ka à nyị ịsị ẹ kanyị aza ene hi ịzọọ.

Ahẹ Ụgama 78:69

Dị ọ dà irehi anị tụ́ ịzọọ anka irehi anị ana yà ẹbẹẹba nị. Ộ sị ọ jẹẹ geri-geri anka ọ́ mẹ̀ sị ẹhẹ ịnyẹmba jẹẹ pooro.

Ahẹ Ụgama 85:1

Ẹnẹyịmavara, wâ vayị aza ene hi ịnị ẹtẹ ọnọnị. Wa raà mẹ ka ẹngụ Anisirẹrị ẹ̀ rẹ varẹma hunẹnẹ.

Ayịsaya 44:26

Ama ozi ahụ amị ọ̀ọ kà ịrẹyị tịtẹ ka ọ vaa mẹ, ịjị màa tụ ọnụtụ amịị tụ ka ọ̀ na kà a ịsị mị vaa mẹ, Mịị̄ mẹ ka ịrẹyị ẹnẹẹ ẹ̀ mẹ ịzẹyịza. Mâ kà a yị Ijerusarẹmị ka aza vanaa ra ịzọọ, dị mị rẹ kà a yị ẹkụra ene hi Ijuda ka e venee tenyi wa dà nị. Mị ka ẹkụra ẹnẹẹ ana jị eburu aanị vanaa kwẹẹtẹ.

Ayịsaya 44:28

Mâ kà a yị Ịsayịrọsị ka, “Ẹwụ mị vana sịị mẹ ohinọyị nị. Ụ vaa mẹ ịsị mi sì ka wa mẹ. Ụ vaa kà a ka è tenyi Ijerusarẹmị varẹma dà, dị e re tenyi Irehi Ohomorihi kà ẹtẹ.”

Ijeremaya 23:3

Ọ kà ọnị aa vaa kụ aza anịị gụ hụrị avaba ẹkụra ọnị ọnị dụ wa ne hi, dị ọnị kụ wa vavẹ eehi ẹnịnị. Ẹnịnị vaa mẹ ozi ọrụrụ-ọrụrụ, dị ẹyaa rụrụ hu avọọ.

Ijeremaya 29:11

Ọ kà agụvị ka ọyịnyara ọ yẹ́ aro ọnị nyị yị ụ nịnị nị, ọnị ọọ nyị aro ọ́ mẹmẹ vee zee ụ nịnị ẹ́ yị vị ọ́ mẹmẹ vaa kata ụ nịnị ẹngụ, ọnị ọọ nyị aro ịsa ọnị waa tụra eyi nịnị ụhwọọ mẹmẹ vaa gẹẹ yị ụ nịnị.

Ijeremaya 29:14

Ẹnẹyịmavara kà, ịzẹyịza, u vee re ọnị nịnị, dị ọnị và ụ nịnị ịrẹma va tụ ịnị ẹtẹ awụ nịnị. Ọ kà ọnị kụ́ ụ nịnịị gụ hụrị avaba ẹkụra ọnị ọnị gara ụ nịnị ne hi. Ọnị vaa kụ́ ụ nịnị hụrị ẹkụra ana dị ụ nịnị ne hi, dị ọnị kụ ụ nịnị và vẹ ẹkụra awụ nịnị.

Ijeremaya 30:3

agụvị ka ụmẹ aa vẹ ọnị ọnị Ẹnẹyịmavara vaa va aza anị Anisirẹrị nịnị ọnịrị Anijuda nịnị vẹ eehi ẹnịnị. Ọ kà nị vaa kụ wa vaavẹ ịnị ẹtẹ ọnị ọnị sị yị ohiku ẹnịnị.

Ijeremaya 31:23

Ẹnẹyịmavara Ochẹtẹẹngụ, Ohomorihi Anisirẹrị ka, ịjị ọnị ọọ raa varẹma kụ aza anị vaavẹ eehi ẹnịnị, ẹnịnị vanaa kà a ịnị ẹtẹ Ijuda ọnịrị avaba ẹkụra ene hi ịnị anị ka, Ẹnẹyịmavara ọ̀ mẹ ka ò zé yị ataba anị ana yà Ijerusarẹmị, aha ọnịnị ịzị ọnị ụvọta ra.

Ijeremaya 31:38

Ẹnẹyịmavara kà ụmẹ aa vẹ ene e vee tenyi Ijerusarẹmị dà anka ẹkụra. A vaa dà a hụrị ohurohuro Ịhananẹrị eyi ọnị ọyịị̄ zị naa ngụ ẹtẹ naa ngụ oze ovwoovu ẹkụra ana yà ịnị ịkọna.

Ijeremaya 31:4

Ọ kà, ẹwụ nịnị Anisirẹrị ọnị vanaa kụ ụ nịnị kwẹẹtẹ, ịzẹyịza dị ụ kwẹẹtẹ nịnị. Ụ vanaa sị ahịhya awụ nịnị, dị waa nyẹzẹ ụ waa maa jẹ ịrajẹ nịnị.

Ijeremaya 31:40

Ọ kà, avaba inoze ene ee ne okuu hi ọnịrị ịzị aa kụ ututuu hi ne beri avaba ẹtẹ ana ya ẹbẹẹba okuha Ikidironi, huu naa ngụ oze umaata ana a zị ngụ ịnị ẹkụra eyi ọnị ọyịị̄ zịị hụrẹ, vị ana vanaa sịị turenyi yị ọnị. Ọza e me vene vu Ijerusarẹmị ẹtẹ paa.

Ijeremaya 32:15

Ẹnẹyịmavara Ochẹtẹẹngụ, Ohomorihi Anisirẹrị ọ sị ọ ka ka, a vànaa hị́ irehi, ẹtẹ ọnịrị ụbazị ịvayịnị ịzị ẹnị o.

Ijeremaya 32:44

Aza vaa sị ẹkẹhịị hị́ ẹtẹ. A vaa mẹ iwe dị a sị ụvọ hi ọ, dị a dọ ivenu tụ ọ, dị e ku ọ oku, dị a sị ịsa va a. A vavọọ vaa hị́ ẹtẹ Ịbẹnjamịnị, ọnịrị ẹkụra eweyi-eweyi ana kara Ijerusarẹmị beri ẹkụra ẹbanyị-ẹbanyị ene hi Ijuda. A vaa hị́ ẹtẹ ẹkụra ene hi ịrẹsụ ataba ọnịrị ẹkụra ene hi iruvo ataba beri eyi ụvẹtẹ Ijuda. A vaa hị́ ẹtẹ ẹkụra ene hi ịrẹsụ ataba ọnịrị ẹkụra ene hi iruvo ataba beri eyi ụvẹtẹ Ijuda. Ẹnẹyịmavara kà ọnị vaa và aza ịrẹma vẹ ịnị ẹtẹ ẹnịnị.

Ijeremaya 33:11

aza ee nowu ẹ mee hine ayị dị ẹyaa jẹ ịrajẹ ụ vaa wụ̀ aza maa jẹ dị ẹyaa mẹ aahẹ agụvị ka ẹ yaa nyị ẹngụ. Ụ vaa wụ̀ aza maa jị ahẹ, ẹnịnị ẹẹ sị ẹyịza a vaa kụ avọ ịnị irehi Ohomorihi; dị ẹ ka, aza ẹẹ ku Ẹnẹyịmavara Ochẹtẹẹngụ avọ agụvị ka Ẹnẹyịmavara oo zoza, vị oo sì ịrẹyị ọza pooro nị. Ẹnẹyịmavara kà ọnị vaa me ka ò zee yị ẹkụra ọnọnị anka ịyẹẹyẹ.

Ijeremaya 33:7

Ọ kà, ọnị varẹma vaa mẹ ize yị Anijuda ọnịrị Anisirẹrị nịnị dị ọnị kụ wa varẹma kwẹẹtẹ anka ẹ́ mẹ vịdị ya ịpaapa.

Ijeremaya 46:27

Ẹnẹyịmavara kà, ẹwụ nịnị aza anị, Anisirẹrị, asị ụ hí angwa nịnị. Asị ayị hụrẹ wụ nịnị ịnẹ. Ọnị vaa dọ wụ nịnị ha hụrị aha ẹnẹẹnẹ, ịzị a za wụ nịnị ọrịhị ne hi avọọ. Ụ vanaa và a vẹ eehi awụ nịnị, dị waa mẹ ẹhẹ awụ nịnị ẹngwọọrọ-ẹngwọọrọ. Ọ kà, ọnị vee sere wu nịnị, dị ọza é yi me vene chire wu nịnị angwa.

Ijeremaya 49:39

Ọ kà, ama ụmẹ aa vẹ, ọnị ọnị rẹ vana mẹ ka oo zee yị Erami.

Ijeremaya 49:6

Ama Ẹnẹyịmavara kà, ọ̀ vavẹ ịrẹma anị, ọnị vanaa mẹ ka ò zee yị Anaamọnị nịnị.

Ezikẹẹrị 36:11

Ẹnẹyịmavara kà, ọnị vaa mẹ ka aza ẹnịrị ịsụpa ẹẹ rụrụ. Ẹwụ nịnị Anisirẹrị vaa rụrụụ huni ụ mẹ vịdị yà, dị ụ mà ezi va gwẹtẹ nịnị. Ọnị va navọ ka wa rá hi ịzọọ nịnị anka ịyẹẹyẹ, dị ọnị mẹ ka òo zé yị wụ nịnị hu avọọ. Ịjọnọọ ụ vaa yẹ nịnị ka ọnị ọ vị Ẹnẹyịmavara nị.

Emọsị 9:14

Ẹnẹyịmavara kà ọnị vaa kụ aza anị anaa za ọrịhị hi ikinamị vaa vẹ eehi. Ẹnịnị vee tenyi eburu ẹkụra ẹnịnị da, dị ẹ̀ ra hi ịnị anị. Ẹ vaa kụ ụbazị ịvayịnị, dị e yee hu eche anị, ẹ vaa da ụbazị, dị ẹ yaa rị ịsa anị.

Ịzakaraya 1:12

Dị anggẹẹrị ọnọọ họ̀ Ẹnẹyịmavara Ochẹtẹẹngụ ka ịzị o vee ku ne tù dị ọ vaa nyị ayamva yị Ijerusarẹmị ọnịrị ẹkụra ene hi ịnị ẹtẹ Ijuda? Ộ sị mẹ ịrayị ẹtarẹwụ ọnị ọ hụrẹ aa kụ́ ayị hi anẹkụra ẹnẹẹ.

Ịzakaraya 1:16

Avọọ Ẹnẹyịmavara kà a ọnị vaa varẹma nyị ayamva yị Ijerusarẹmị, dị a varẹma tenyi irehi anị dà. Ẹnẹyịmavara Ochẹtẹẹngụ kà Ijerusarẹmị vị ọnị e vee tenyi dà.

Ịzakaraya 12:6

Ụmẹ ọnọọ Ẹnẹyịmavara kà ọnị vaa mẹ̀ Ijuda anka ịra ịnị iruku, a vị ịnị aarẹ ọnị akụ anị sị vị. Ẹnịnị vee vu avaba ẹkụra nịnị ana kara wa. Aza ene hi Ijerusarẹmị vaa ha tụ̀ ịzọọ.

Ịzakaraya 12:7

Ẹnẹyịmavara kà a ọnị ụvọta vaa vịdị dọ aza ana ra Ijuda ha da, agụvị dị ọ sị ụbanyị yị ovwoovu Idevidi, dị asị aza ene hi Ijerusarẹmị huna Ijuda.

Ịzakaraya 14:10

Avaba aha vaa vara inozi hụrị Ịgẹba na ngụ Irimoni, ụvẹtẹ Ijerusarẹmị. Ẹ vaa ya anka ẹtẹ Araba avọọ nị. Ama Ijerusarẹmị vaa kụ́ nọ udi anị hụrị oze ọbanyị Ịbẹnjamịnị na ngụ oze ọbanyị Ịpaapa, na ngụ oze ọbanyị ịnị Ịkọna. Hụrị ịnị irehi ọgọdọ Ịhananẹrị na ngụ ịnị ụkọ ohinọyị.