Ijeremaya 30:16 - IWE ỌNỊNỊ

¹⁶ Ama booro aanị, avaba aza ana va gara ụ nịnị ha vị ana a vaa garaa ha; avaba ọnịvị awụ nịnị vị ana a vaa za ọrịhị nee hi ẹkụra ọsa. Avaba aza ana sị ụya rị ụ nịnị vị ana a vaa sị ụyaa rị. Aza ana kụ ẹnya awụ nịnị vị ana a vaa kụ ẹnya ẹnịnị.

Ijeremaya 30:16 ပူးပေါင်းရင်းမြစ်များ

Ahẹ Ụgama 129:5

Avaba aza ana kụ́ ayị Ịzayọnị vị ana vaa sị ụhị-ụhị varẹma.

Ọyịkụra 23:22

Wàa wụ́ ịrẹyị anị nịnị, dị waa mẹ avaba ịsị mị kà nị, ọza ana àa ka ọnị aa vị ọnịvị awụ nịnị dị ẹmị rẹ vị ọnịvị anị. Ọza ene èe pè wu nịnị zyaazị di emi ree pè e zyaazị.

Ụhịrẹyị 22:23

Ẹnẹyịmavara vaa jẹẹ yị wa, ịsị aza ẹ̀ẹ kụ tu wa ọnị rẹ vaa kụ tu ẹnị nị.

Ayịsaya 14:2

Anẹkụra ana vọ vaa mẹ ọgụvọọ yị Anisirẹrị ka ẹ varẹma nọ ịnị ẹtẹ oni Ohomorihi sị yị wa. Anẹkụra vị ana vaa mẹ ụkọrọọ hẹkẹ Anisirẹrị ịzọọ. Aza ana vịdị za wa ọrịhị vị ẹnị ẹnị rẹ vanaa za ọrịhị. Dị ẹ rẹ yaa mẹ ịjọvaa tụra ọza ana vịdị mẹ ịjọva tụra wa.

Ayịsaya 33:1

Wa sị dà, ẹwụ nịnị ana maanị aa wụ̀ aza, dị à yị nyị ọza ana aa wụ nịnị. Mị ka wa sị da, ẹwụ nịnị onireche ene ee vene ọza dị ọza ò yi vene ẹwụ nịnị. Ụ màa wụ̀ ọza nịnị aanị, ịjị ụmẹ awụ nịnị ọ̀ọ ta, a rẹ vaa wụ̀ ẹwụ nịnị. Ịjị wè yi rè kuku vene ọza nịnị, ụmẹ ọnọọ e vee vene wu nịnị nị.

Ayịsaya 54:15

Àa nyị ọza anaa kụ́ ịrazịị tu wu, mẹ yị tụ ọza ọnọọ ụtụ. Ọza tụra ọza ana àa kụ ịrazị ve tu wu vị ana vaa hyẹdụ.

Ayịsaya 54:17

Ama ẹ yị nyị ẹnya ịrẹkụ ana hụ vị awụ mẹ, ana vaa mẹ̀ ụkọrọ. Avaba ịrarẹ ana àa sị ịrẹyị awụ na tụ́ ịrẹka, vị ọnị ụ vaa kụụ hi ireche.” Ẹnẹyịmavara kà ịsa ọnị mẹ tịtẹ yị ezi ahụ anị yị, ọnị vaa mẹ ka ẹ̀ nyị ehuna.

Ijeremaya 10:25

Ọ kà, ọ sị ọyịkụ anị zụ aza ana ka ẹnị ẹ yị yẹ ẹ; dị ẹnịnị ẹ yị maa hẹkẹ ẹ. Ẹnịnị ẹ sị aza Ẹnẹyịmavara wụ̀ ha; ẹ sị ẹnị vú ẹtẹ saka-saka, dị ẹ jị ẹkụra ẹnịnị eburu nị.

Ijeremaya 12:14

Ẹnẹyịmavara kà, aa nyị ịsị ọnị aa kà ịnị ịpa aza ana ra vahụra Anisirẹrị nịnị. Ẹnịnị ẹ sị ẹtẹ ọnị ọnị sị yị aza anị, Anisirẹrị nịnị du ha. Ọ kà, ọnị vaa kụ aza edivi ẹnẹẹ hụụnị ẹkụra ẹnịnị anka á mee hu ọchị hụrị ẹtẹ avọọ, dị ọnị dọ Anijuda nịnị hụrẹ wa ụvọ.

Ijeremaya 2:3

Ẹnẹyịmavara kà Anisirẹrị vị aza ọnị ọnị nyị tụ irenyi yị ẹngụ anị. Avaba aza ana kwọ kata wa ẹngụ vị ọnị ọnị sị ụya rị, dị ọnị kụ ẹngụkata odivi tu wa.

Ijeremaya 25:12

Ọ̀vavẹ ịrẹma anị, dị ọnị vaa sị ụyaa rị ohinọyị Ịbabịrọnị ọnịrị ẹkụra anị agụvị ebira odivi ẹnịnị. Ọ kà ọnị vee vu ẹkụra ọnọọ ẹtẹ dị ọnị jị ọ eburu tịtẹ pooro nị.

Ijeremaya 30:15

Ẹnẹyịmavara kà, sị ẹ vẹ di we nowu zị nịnị agụvị ụnava awụ nịnị ọnị ọza ẹ̀ yị zụ mẹ? Ọ kà, agụvị ebira odivi ọrụrụ-ọrụrụ awụ nịnị ọnịrị ayịchama awụ nịnị ọnị maanị sị mẹ ụ nịnị nị.

Ijeremaya 50:28

Ijeremaya ka, wụ́ nịnị, aza ene zwè hụrị Ịbabịrọnị va tẹ, maa kà a, Ananyị yị Ohomorihi ayị mẹmẹ aa họ̀ oponu ịsị Anibabironi nịnị vịdị va mẹ ịnị Irehi anị.

Ijeremaya 8:16

Ẹ ka ọnịvị ẹnịnị ẹ sị ngụ ẹkụra Ịdaanị, Ẹnị aa wụ ẹtẹ ịrẹyị umaata ẹnịnị maa sị tụ ụhwẹ ụkata-ụkata. Avaba ẹtẹ ee zizi ịjị umaata ẹnịnị è na owu, ọnịvị ẹnịnị ẹ zị vẹ ọyị ve vu ẹkụra ẹnịnị ọnịrị aza beri ịsa ene hi ịnị anị ẹtẹ.

Arụwẹ 1:21

Wụ́ ị maa jị òrèrè, ama ẹ yị nyị ọza ana vọrọ ka ọ sị ayị amị nẹtẹ. Avaba ọnịvị ayị ẹ raà wụ́ ẹngụkata ọnị Ẹnẹyịmavaraene kụ tu yị dị ẹ yaa jẹ ka ọ yara mẹ nị. Ẹnẹyịmavara sị ẹkụhị ọnị ụ wo oto vẹ, dị ọnịvị ayị nịnị ẹnị ẹ rẹ maanị rị ụya ọnọnị.

Arụwẹ 1:22

Ẹnẹyịmavara ọ̀ navọ ọnịvị ayị ẹ̀ rị ụya avaba ebira odivi ẹnịnị. À sị ụya rị wa anka ị maa rị ụya ebira odivi aanị. Ẹnị aa jị òrèrè ọngwọọngụ agụvị ụya ọnị ẹnị aa rị, dị ẹngụ aa zị ẹnị tụ ịnị ịhị nị.

Ezikẹẹrị 29:6

Ịjọnọọ, avaba Anijipiti vaa yẹ ka ọnị ọ vị Ẹnẹyịmavara nị. Ẹnẹyịmavara kà, Anisirẹrị nịnị vị ana va ẹngụ ya ẹwụ nịnị Anijipiti ka waa gụ ẹnị ụvọ nịnị, ama ẹ́ yị nyị ọgụvọ ọnị ụ zụ mẹ nịnị.

Ezikẹẹrị 35:5

Ẹwụrị Anisirẹrị nịnị vị ọnịrẹyị ẹngụ pooro kẹnẹ. Dị ụ mẹ ka à wụ Anisirẹrị nịnị va ha, ụmẹ ọnị ẹngụkata tu wa nị. Ụmẹ ana a sị sị ụya ọdịrẹma rị wa agụvị ebira odivi ẹnịnị.

Ijowẹrị 3:8

Dị ọ ka ọnị vaa kụ́ ezi ẹnịnị anọrụ ọnịrị anẹẹ chire Anijuda ụvọ ka ẹ ná wa yị Anisabiya ana ra ụnọngụ-ụnọngụ.

Imika 4:11

Ẹwụ nịnị Anijerusarẹmị anẹkụra ọrụrụ ẹ kụ́ kwẹẹtẹ tù wu Ẹ ka à wụ Anijerusarẹmị ha, dị à jị ịzọọ eburu, dị ụhị ọ̀ nyị wa.

Imika 7:10

Ọnịvị ayị ò re e dị ahịka ụhị ọ kụkụ nyị wa nị. Aza ọnyị vị ene ee họ̀ use ka ịzị ayị ka Ohomorihi ayị ộ yà Ị ka eyee họ̀ use ka ịzị Ẹnẹyịmavara vị ana yà kẹ? Eyi ayị ẹ vaa hyẹdụ dị aa kụ́ ahụụ hi wa zẹtẹ nị Ị ka ẹnịnị vaa hyẹdụ dị ahịka vị ẹ vara eteesu nị.

Ịnahụmị 1:8

Ẹnẹyịmavara vi ene vee vu ọnịvị anị ẹtẹ anka ọhaara enyi mẹẹ̄ kụ ịsa avọọ. Dị ọ sị ọnịvị anị nịnị na gẹrẹ usu.

Ihabaku 2:16

Booro aanị, Ẹnẹyịmavara vaa mẹ̀ ụhị nyị ọ, dị ọ rẹ rị ụya ọnị ọ sị̀ yị aza rị. Dị aza ẹnị ree re ahwaahụ anị, dị ụhị nyị ọ eyi ẹnịnị.

Ịzẹhwanaya 2:8

Ẹnẹyịmavara kà ọnị ô wụ avaba ụhụ ọnịrị isiya ọnị Animowabi ọnịrị Anamọnị aa mẹ̀ aza anị. Ẹ hyakụ ee wo oto ka ẹnị a dọ Anisirẹrị ẹtẹ.

Ịzakaraya 1:14

Dị anggẹẹrị ene pe Ịzakaraya kà ịrẹyị aanị kà ọ nọ́ ka Ẹnẹyịmavara Ochẹtẹẹngụ aa kụ́ ụhị Ijerusarẹmị ọnịrị Ịzayọnị.

Ịzakaraya 1:15

Ọnị nyayịnẹ ee du ayị hi anẹkụra nịnị ana vọ ene ro ka ẹnị ẹ nyị ẹngwọọrọ. Ọnị vị ana kụ́ ayị chee hi aza anị dị ẹnịnị sị ụya rị wa hu avọọ nị.

Ịzakaraya 12:2

Ọnị vaa mẹ Ijerusarẹmị anka ako eche avọọ. Ẹkụra ana kara a vee hú dị aa mẹrị wa anka ohweche avọọ. Ịjị ẹnịnị ẹ̀ẹ kara Ijerusarẹmị hi, ẹkụra ana vọ ịnị ẹtẹ Ijuda ẹ yị vaa ha.

Ịzakaraya 14:2

Ẹnẹyịmavara vaa kụ́ anẹkụra ana vọ vabẹ, dị ẹ gẹ ịrẹkụ tu Ijerusarẹmị. Dị ẹ rị ẹkụra ọnọọ, dị kụ́ avaba ogu ẹnịnị, dị ẹ sị ụkata-ụkata pe ese ẹnịnị sụ̀. Achẹva aza ene hi Ijerusarẹmị vị ana vaa za ọrịhị na ẹkụra ọsa, dị a navọ ẹnị ana vọ hi ịzọọ.

Ịzakaraya 2:12

Ẹnẹyịmavara vaa sị Ijuda vị ogu ọtirenyi yị ẹngụ anị ịnị ẹtẹ anị, dị Ijerusarẹmị vị ẹkụra ọnị o sì ịrẹyị anị hu kere-kere.

Ịzakaraya 2:8

Ịsị Ẹnẹyịmavara Ochẹtẹẹngụ ana nyị ụbanyị kà ya anẹkụra nịnị ana sị ụkata kụ́ ogu aza anị yị; Ọ kà ọza tụra ọza ana a kanyị wa, ọ raà jị ụvọ ngụ ọnị eyi.

Iwe Ọhụhị Imosiisi ana aa hị́ Ọyịvatụrọda 30:7

Dị ahịka ọnịvị ẹnịnị ana nyị ịhyẹrẹ ẹnịnị, dị a mẹ̀ ẹvaya yị wa, Ẹnẹyịmavara kụkụ aa sị ụya rị nị.

Ẹtore 13:10

Aza ana àa sị kà ka vaa vaa za nị, vị a vaa za wa nị. Aza ana àa sị ụ̀hwọ̀ wụ̀ ọza, ụhwọ a rẹ vaa sị wụ ọnị nị. Ọsọnị ọ́ọ dọ ka aza Ohomorihi ẹ̀ sị ẹngụ dọ ọ, dị ẹ̀ yị sị ayị tụra Ohomorihi.

1 Ịsamụwẹrị 17:53

Anisirẹrị mẹ̀ raà dụ Anihwirisiti dị ẹ varẹma vavẹ, dị vẹ udi Anihwirisiti nịnị, dị ẹ va kụ́ ẹnya nị.