Ijeremaya 30:13 - IWE ỌNỊNỊ

¹³ Ẹ́ yị nyị ọza anaa da ịpẹ ịrẹyị awụ nịnị; ẹ́ yị nyị ịsị a zụ sị mẹ ịtahụ awụ nịnị, asị ụ tụra eyi ka ẹngụ awụ nịnị vaa nịya o.

Ijeremaya 30:13 ပူးပေါင်းရင်းမြစ်များ

Ijoovu 34:29

Ohomorihi ọ̀ọ ka ẹ yị nyị ịsị ọnị a mẹ̀ vụrụ-vụrụ. Ẹnẹ hwọ jị ịvị yọ? Ọ̀ọ ka ọnị aa sị̀ eyi tẹ̀, ẹ yị nyị ịsị ị zụ mẹ

Ijoovu 5:18

Ọ̀ọ nya ọza ịsa, dị ọ za gụrị ẹngụ. Ọ̀ọ tọ ọza ụnava dị ọ rẹ wụ ọ ụnanava.

Ahẹ Ụgama 106:23

Ohomorihi vi ana ka ọnị ọ̀ yaanị wụ̀ wa va ha, à yị vị oni Imosiisi ọnị ọ nyị va jị Ohomorihi oze, dị ọ̀ yị zẹẹ ka ọ̀ sị ọyịkụ wụ̀ wa và ha.

Ahẹ Ụgama 142:4

M mẹ̀ kana eyi kara ẹngụ me yi re ọza ana vọrọ ka ọ̀ mẹ ọgụvọ mị, me yi re aha zwe na tẹ̀, ẹ yị nyị ọza ana aa tẹsị amị.

Ọyịkụra 15:26

Dị Ẹnẹyịmavara kà ẹ̀ẹ sị ụtọ pè ịrẹyị ọnị ana vị Ohomorihi ẹnịnị dị ẹ yaa mẹ̀ ịsa ọnị ọnị re ka ộ vọrọ nị, dị ẹ sị eyi pè ọda anị dị ẹ yaa saasa a nị, ọnị ọ yị vaa zẹẹ ka ọnyọọnyị ịnị ụkụ ana za Anijipiti avọọ ọ̀ za wa. Ọ kà ọnị ọ vị Ẹnẹyịmavara anaā mẹ wa ụkụ nị.

Ayịsaya 1:6

Hụrẹ ịrẹsụ awụ huu na ngụ ahẹtẹ awụ, ẹ yị nyị ịzị ẹ dà tịtẹ ẹnẹ ẹ̀ yị nyị ụnava. Avaba ẹngụ awụ vị ịtahụ-ịtahụ dị ẹ yaa và nị. Ọza ọ yị nyee yọ dị à hyakụ va sụ́ ọ. Ọza ọ yị sị ahọ̀nọ tụ́ ọ.

Ayịsaya 59:16

Ộ zị ọ ka ẹ yị nyị ọza ana vọrọ ka ọ mẹ ọgụvọ yị aza ana aa mẹ ẹvaya yị. Agụvị avọọ ọnị vaa sị ụkata anị dọ wa ha, dị ẹ nyị ẹbẹẹba ọnịvị ẹnịnị.

Ijeremaya 14:19

Anijuda nịnị ka tee! Vị Ẹnẹyịmavara wa kụkụ sị ẹnị yi tịtẹ samị-samị nị? Ẹ ka, vị Ẹnẹyịmavara waa kụkụ nyị ịhyẹrẹ Anịzayọnị nịnị nị? Sị ẹ vẹ dị ọ maanị kụ ẹngụkata odivi tu ẹnị ka, asị ẹngụ ẹnịnị zụ nịya? Ẹnị ee zi ka ẹnị a vaa nyị ẹngwọọrọ, ama ẹ yị nyị ịsị ọyịza anaa mẹẹ tu ẹnị vụrụ-vụrụ. Ẹnị èe zị ka ẹngụ ẹnịnị aa vaa nịya, dị ahịka ayịhụrịnẹ ọ rẹ vẹ nị.

Ijeremaya 17:14

Ijeremaya ka, Ẹnẹyịmavara ọ̀ mẹ̀ ọnị ụkụ, ka ẹngụ anị vaa nịya saka-saka. Ọ̀ ka Ẹnẹyịmavara ọ̀ dọ ọnị tụ, dị asị á nyị ịsị ẹ mẹ̀ ọnị vụrụ-vụrụ. Ẹnẹyịmavara, ẹwụ ọnị aa sị ụgaa yị nị.

Ijeremaya 30:17

Ẹnẹyịmavara kà ọnịvị awụ nịnị ẹẹ daka kà a ka asị Anịzayọnị du tụ ẹhẹ, ẹ́ yị nyị ọza ọnị ịrẹyị anị kụkụ jị areyi, ọnị vanaa mẹ ka ẹngụ awụ nịnị ọ̀ nịya. Ọnị vaa mẹ ka ụnava awụ nịnị ọ̀ vị.

Ijeremaya 33:6

Tizọ-tizọọ, Ẹnẹyịmavara kà ọnị vanaa sị Ijerusarẹmị ọnịrị aza anị ẹngụụ nịya. Ọnị vaa mẹ ka ò zee yị wa eyi ụvọnị-ụvọnị, dị ọnị ee sere wa.

Ijeremaya 46:11

Ẹnẹyịmavara kà, ẹwụ nịnị Anijipiti, ẹ̀ nọ ẹtẹ Anigiriyadi dị we ne si ahọ̀nọ nịnị. Ẹ́ yị rẹ va nyị ịsị ahọ̀nọ awụ nịnị zụ mẹ. Ẹ́ yị nyị ịsị ẹ zụ mẹ wụ nịnị ụkụ o.

Ijeremaya 6:7

Enyi meē hi ẹtẹ ịnị ịkangga avọọ, avọọ ebira odivi-odivi mẹ gwẹtẹ Ijerusarẹmị nị. Ebira ụkata-ụkata ọ̀yị sị mẹ ịrẹyị ọnịrị ịsa oyi du ha aa wụ́ ịzọọ nị. Ụkụ ọnịrị ụnava kẹnẹ ọnị ee re ịzọọ nị.

Ijeremaya 8:22

Ọ kà, aanị ka ẹ yị kụkụ nyị ahọ̀nọ ẹtẹ Anigiriyadi? Aanị ka ẹ yị kụkụ nyị Idokita ịzọọ? Sị ẹ vavẹ dị ẹngụ aza anị ẹ̀ẹẹ yị va nịya?

Arụwẹ 2:13

Hoo! Anijerusarẹmị ana a maanị sì ịrẹyị anị. Sị mị nyẹngụ kà? Sị mị zụ sị ayị awụ nịnị nẹtẹ aanị? Ẹ yị nyị ọza ana maanị rị ẹngụ ụya ọnọnị da o. Ịrẹyị odivi ene tu wụ aanị ọ sị dẹngụ baaba. Ẹ yị nyị eyọtụra vụrụ-vụrụ?

Ezikẹẹrị 22:30

Ẹnẹyịmavara kà, ọnị ô si ọza-ịnya ịnị ẹngụ Anisirẹrị nịnị anaa kà a ka, à kụ́ ebira odivi ẹnẹnị kwooze, ama ọnị é yị re. Ọnị é yị re ọza ana hyakụ nyẹngụ hụvị ẹtẹ Isirẹrị va da ịpẹ ka asị ọnị vu ọ ẹtẹ.

Ezikẹẹrị 30:21

Ozi-ọza, ọnị Ẹnẹyịmavara ọ sị ohinọyị Ijipiti che ụvọ. Ọza ẹ́ yị jị ịsa sụ́ ọ yị ọ ka ọ̀ vị́, dị ọ va nyị ụkata ọ̀yị varẹma zá ụhwọ.

Ihoseya 14:4

Ẹnẹyịmavara kà ọnị vaa kụ aza anị varẹma ka ẹngụ na. Avaba ayị anị ọnị sị sì ịrẹyị ẹnịnị: Ọnị ẹ yị kụkụ aa kụ ayị hi ẹnịnị.

Ihoseya 6:1

Anisirẹrị nịnị ệ hị́ ẹngụ ka ẹnị aa varẹma ka Ẹnẹyịmavara na. Ệ kà ọnị ana gara ẹnị ha chẹkẹ-chẹkẹ ọ rẹ zụ mẹ̀ ẹnị ụkụ nị. Ọnị ana tọ̀ ẹnị ụnava, ọ rẹ zụ sị ịsa sụ yị ẹnị nị.

Ịnahụmị 3:19

Ụnava ọnị ọ tọ̀ aanị o divi ẹtẹẹtẹrẹ, ẹ yị nyị eyọtụra. Ama avaba aza ana vaa wụ́ ọ vị ana vaa jẹ, dị ẹ yaa gụ ahụ Àa nyị ọza ana ha hụụnị ayịchamayị awụ?

Iwe Ọhụhị Imosiisi ana aa hị́ Ọyịvatụrọda 32:39

Aanị ka wẹ yị yẹ ka ẹmị ịnyara ọ vị Ohomorihi? Ẹ yị nyị Ohomorihi ọsa ịrẹma amị. Ẹ maa sị ụhwẹ yọ ọza, ẹmaa rẹ dọ ọza ụhwẹ nị. Ẹmaa tọ ọza ụnava, dị mị rẹ mẹ ụkụ nị. Ẹ yị nyị ọza ana hụụ za mị jẹẹ.

1Ipita 2:24

Ikirisiti ụvọta ộ sị ịrẹsụ dọ ụya ịvị ayị, a mẹ̀ kanyị ọ za ọchị apavahị, agụvị dị ya kụkụ sị mẹẹ oku avọọ dị asị kụkụ zụ mẹ ịvị, dị ya kụkụụ mẹ ịzẹyịza. Ini oze ụnava ana a tụ̀ ọ, ọ sị mẹ wụ nịnị ụkụ nị.

1 Ịjọọnụ 2:1

Ẹwụ nịnị ezi emi, maa chẹrẹ ịsa ẹnẹnịị tụ́ụ hi wu nịnị agụvị asị ụ mẹ̀ ịvị nịnị. Ama àa nyị ọza ana mẹ ịvị, áa nyị ọnịpọda ọnya ana yà ịdị Ohomorihi Ada ayị; ọza ọnọọ ọ vị Ijeesu Ikirisiti ana vị ọnịrẹyịzẹyịza nị.