Ijeremaya 30:10 - IWE ỌNỊNỊ

¹⁰ Ọ kà, ẹwụ nịnị aza anị, Anisirẹrị, asị ụ hí angwa nịnị; asị ayị hụrẹ ụ nịnị ịnẹ. Ẹnẹyịmavara kà ọnị vaa dọ ẹwụrị ezi ẹwụ nịnị ha hụrị aha ẹnẹẹnẹ ịzị a za awụ nịnị ọrịhị hi avọọ. Ụ vanaa nyị ẹngwọọrọ, dị ọnị ee sere ụ nịnị. É ma vana nyị ọza ana vaa mẹ angwaa hi wu nịnị.

Ijeremaya 30:10 ပူးပေါင်းရင်းမြစ်များ

Oyinyima 15:1

Ịjị ịrẹyị ẹnẹnị ta, di Abụramị re ẹtẹ ẹkụhị ọnya nị. Di Ẹnẹyịmavara va kà a yọ ịnị ẹtẹ ọnọọ dị ọ ka, “Abụramị, asị u hí angwa. Ọ kà ọnị ọ yị vaa zẹẹ ka ịsa odivi ò tù ọ, ọgụ ọnị ọnị vaa sị yọ vaa banyị

Ayịsaya 14:3

Ịhị Ẹnẹyịmavara ọ̀ọ raà sị wụ hụụnị ụyọrị ọnịrị ẹngụkata ene vịdị tù wu ụ mé vị ọrịhị,

Ayịsaya 35:9

Ẹ yị vaa nyị Idu ịzọọ. Ẹ yị rẹ nyị uye odivi ọnyọọnyị ana vaa vatụra oze ọnọọ. Aza oni Ohomorihi sị hị́ varẹma kẹnẹ ẹ vaa vatụra oze ọnọọ nị.

Ayịsaya 43:5

Asị ụ hí angwa, agụvị ka mị yà pe wu nịnị. Mị vaa kụ́ ezi ewu nịnịị hụrẹ eyi ọnị ọyịị̄ zị vẹ, ọnịrị hụrẹ eyi ọnị ọyịị̄ zị naa ngụ ẹtẹẹ vẹ. Mị vaa kụ́ wụ nịnị gụ.

Ayịsaya 44:1

Ẹnẹyịmavara kà, “Sị ụtọ pe ẹtẹ booro aanị, ẹwụ Isirẹrị, ozi ahụ amị. Ẹwụ nịnị ezi Ijekọvụ, ọnị mị nyị mẹ aza amị.

Ayịsaya 44:2

Ẹmị a vị Ẹnẹyịmavara ana tụ́ wụ nịnị nị; hụrẹ ụmẹ ana a sị ma wụ, m maa gụ wụ ụvọ nị. Asị ụ hí angwa; ezi ahụ amị ụ vị nịnị nị, ẹma nyị wụ nịnị mẹ aza amị, dị mị sì ịrẹyị awụ nịnị nị.”

Ayịsaya 46:11

Maa hị́ inomi eneē che ịsaa hụrẹ eyi ọnị ọyịị̄ zịị vẹ, maa hị́ ọza ana vaa mẹ ịsị mị ka mị vaa mẹ hụrẹ ẹkụra ene noze. Ịsị mị raa kà, mị vaa mẹ̀ ẹ; ịsị mị me eto anị, mi vaa mẹ̀ ẹ.

Ayịsaya 46:13

Maa mẹ ka ẹkụhị ọnị vaa sị nyị ẹbẹẹba ọ̀ hụra tu. E yi kuku vee kù dị ma dọ wụ nịnị ha Mị vaa dọ Ịzayọnịị ha, agụvị ka Anisirẹrị vị ọnị maa sị ụbanyị.

Ayịsaya 49:12

Dị aza kụkụ a hụrẹ avaba aha ana ọnịrị ẹkụra ana hị́ Isini.

Ayịsaya 49:25

Ama Ẹnẹyịmavara ọ̀ kà a ka ọnị vaa va eyi ịrazị ka aza ene pe wa vụ ịrẹvụ. Ọnị vaa dọ ezi ẹnịnị hụrẹ ụvọ ọnịvị ẹnịnị ana vị anayịchama.

Ayịsaya 54:4

À sị u hí angwa, agụvị ka ọza ẹ́ ma vana mẹ̀ ụhị nyị wụ. Àsị u hụrẹ ayịnẹ, agụvị ka ụhị ẹ́ ma vana nyị wụ. U vee hí ayị ụhị ana nyị wụ ịjị ọnị ụ vị ozweyi. Wẹ́ ma vana tamayị ụhị ana nyị wụ ịjị ọnị ụ vị ọnịịnya anka osoku avọọ.

Ijeremaya 23:3

Ọ kà ọnị aa vaa kụ aza anịị gụ hụrị avaba ẹkụra ọnị ọnị dụ wa ne hi, dị ọnị kụ wa vavẹ eehi ẹnịnị. Ẹnịnị vaa mẹ ozi ọrụrụ-ọrụrụ, dị ẹyaa rụrụ hu avọọ.

Ijeremaya 23:4

Ọnị vaa nyị ohinọyịị yị wa ana vaa tẹsị ẹnịnị. Aza anị ẹ yị kụkụ vee hí angwa, ayị ẹ yị kụkụ vaa hụrẹ wa ịnẹ. Ọ kà ọnị ẹ yị kụkụ vaa sị ụyaa rị wa.

Ijeremaya 23:6

Ịjị ọọ raa rị ohinọyị, ẹngụ anị Ijuda nịnị vee hi ahị, dị Anisirẹrị nịnị nyị ẹngwọọrọ. Ịrẹha anị ọ vaa rị Ẹnẹyịmavara ọ vị Amẹtẹrẹ Ayị nị.

Ijeremaya 23:8

Ama ẹnịnị vanaa sị ọnịị hị́ eku anka Ohomorihi ana yára ana kụ Anisirẹrị nịnị hụrị ẹtẹ Ịbabịrọnị ọnịrị avaba aha ọnị ọnị dụ wa ne hi vẹ. Ẹnịnị vaa ra ịnị ẹtẹ ẹnịnị.

Ijeremaya 29:11

Ọ kà agụvị ka ọyịnyara ọ yẹ́ aro ọnị nyị yị ụ nịnị nị, ọnị ọọ nyị aro ọ́ mẹmẹ vee zee ụ nịnị ẹ́ yị vị ọ́ mẹmẹ vaa kata ụ nịnị ẹngụ, ọnị ọọ nyị aro ịsa ọnị waa tụra eyi nịnị ụhwọọ mẹmẹ vaa gẹẹ yị ụ nịnị.

Ijeremaya 29:14

Ẹnẹyịmavara kà, ịzẹyịza, u vee re ọnị nịnị, dị ọnị và ụ nịnị ịrẹma va tụ ịnị ẹtẹ awụ nịnị. Ọ kà ọnị kụ́ ụ nịnịị gụ hụrị avaba ẹkụra ọnị ọnị gara ụ nịnị ne hi. Ọnị vaa kụ́ ụ nịnị hụrị ẹkụra ana dị ụ nịnị ne hi, dị ọnị kụ ụ nịnị và vẹ ẹkụra awụ nịnị.

Ijeremaya 3:18

Anisirẹrị nịnị ẹnịrị Anijuda vaa vàa bẹ, dị e dudu hụrẹ ẹkụra ana a za wa ọrịhị ne hi eyi ẹbẹẹba. Ẹnịnị vaa vàa vẹ ịnị ẹtẹ ọnị ọnị sị mẹ ogu yị ohiku ẹnịnị.

Ijeremaya 30:3

agụvị ka ụmẹ aa vẹ ọnị ọnị Ẹnẹyịmavara vaa va aza anị Anisirẹrị nịnị ọnịrị Anijuda nịnị vẹ eehi ẹnịnị. Ọ kà nị vaa kụ wa vaavẹ ịnị ẹtẹ ọnị ọnị sị yị ohiku ẹnịnị.

Ijeremaya 30:7

Ẹnẹyịmavara kà ẹkụhị odivi aa vẹ. Ẹ́ yị nyị ẹkụhị ana vaa wụra juwe anị: Ọ kà ụmẹ ọnị aza anị vaa sị rị ụya ọ vaa vị nị, ama ẹnịnị vaa ha.

Ijeremaya 33:16

Ọ kà ụmẹ ọnọọ, a vaa dọ Anijuda ọnịrị Anijerusarẹmị nịnịị ha, dị ẹ kuku hi ịnị ẹngwọọrọ. Ijerusarẹmị á kụkụ vaa hị́ Ẹnẹyịmavara ọ dọ yị ha nị.

Ezikẹẹrị 16:52

Booro aanị, tenyi ẹngụ wa sị ẹngụ dọ ụhị ana a vaa mẹẹ nyị wụ. Ebira odivi awụ o huna oonyeyiza awụ nịnị nị. Ebira odivi awụ ọ kụkụ raà mẹ ka ee ré ka onyeyiza awụ nịnị aa mẹ̀ ịsa ana vọrọọ hu wu nị. Tenyi ẹngụ wa sị ẹngụ dọ ụhị ana vaa nyị wụ, agụvị ka wa raà mẹ ka ee ré ka ẹ́ yị nyị ịsị onyeyiza awụ.

Ezikẹẹrị 38:11

Ụ vaa kà a ka waa kụ́ ịrẹkụ nee tu ẹkụra ẹnẹ ẹ̀ yị nyị ọza mẹ ọgụvọ yị wa. Ịzọọ vị ọnị aza ra hi ẹngwọọrọ-ẹngwọọrọ, dị ẹnịnị ẹ̀ yị hyakụ jị ọvọ kara ẹkụra ẹnịnị ọ̀ yị sere ẹngụ.

Ịdanịyẹrị 12:1

Ụmẹ aa vẹ anaa vaa nyị ẹngụkata ana ahịka ẹ yị vịdị vavọọ nyị da á mẹ hụrẹ nyị ẹkụra anaā hị́ Isirẹrị. Ụmẹ ọnọọ Ịmayịkẹẹrị ana vị anggẹẹrị ana sị eyi pe Anisirẹrị nịnị vaa kwẹẹtẹ. Ịjị ụmẹ ọnọọ òo tu, Ohomorihi vaa dọ avaba Anisirẹrị ọnị ịrẹha ẹnịnị hi ịnị iwe anịị ha.

Ihoseya 2:18

Ộ kà ọnị vaa dọ ka Isirẹrị ọ̀ ra ịnị ẹngwọọrọ. Ọnị vaa mẹ̀ ka asị uye ịnị avị nịnị ọnịrị inomi nịnị kụ́ akanya tù ọ. Dị ọnị rẹ kụ́ ịrẹkụ hụrẹ ẹtẹ kwooze yị ọ.

Ihoseya 2:20

Ộ kà ọnị vaa sị ọ mẹ ose anị ịnị ịzẹyịza, dị ọ yẹ ọnị anka ọva anị.

Ihoseya 6:11

A vị ẹnịnị Anijuda yọ, ụmẹ ọnị ẹ vaa sị rị ụya tịtẹ ee zi wa. Ama Ẹnẹyịmavara kà ọnị e si ka ọnị ọ sị Anisirẹrị nịnị aza anị kwẹẹtẹ da.

Ijowẹrị 2:21

Avị, asị ụ hí angwa nịnị, ama waa jẹ dị ayị awụ oo hine. Agụvị ka Ẹnẹyịmavara aa mẹ ịvọpa ọnọọ nị.

Imika 4:9

Anijerusarẹmị, sị ẹ vẹ dị ụ maanị aa tụ̀ orere boro-boro? Sị ẹ vẹ dị wee nowu anka ọza ana aa barẹẹ avọọ? Vị waaa nyị ohinọyị nịnị nị. Mâ yẹ ka e zụ pe wu nịnị juwe ộ!

Ịzakaraya 3:10

Ịhị ọnọọ Ẹnẹyịmavara kà ọzọza vaa hị́ ọnọhụva anị ka ọ yaayịtẹ uruvo ọchị ịvayịnị ọnịrị ihwigi.

Ịjọọnụ 12:15

“Asị u hí angwa, ẹwụ ozi ọnẹẹ Anịzayọnị! Wee re, Ohinọyị awụ aa vẹ, ộ tụra ozi ịkẹrịkẹtẹ.”