Ijeremaya 3:25 - IWE ỌNỊNỊ

²⁵ Ẹ ka, à jẹẹ vị ẹnị sụtẹẹtẹ và hí ẹtẹ ụhị-ụhị, agụvị ka ẹnịrị ohiku ẹnịnị ẹ sị ebira odivi mẹ hi Ẹnẹyịmavara, Ohomorihi ẹnịnị. Ẹ ka, ẹnị mẹ hụrẹ vị ozweyi, pooro va ngụ ajịnị, ẹnị ẹ yị wụ́ chire Ohomorihi da.

Ijeremaya 3:25 ပူးပေါင်းရင်းမြစ်များ

Ahẹ Ụgama 106:6

Ya sị ebira odivi mẹ anka ohiku ayị nịnị ẹnị mẹ̀ rẹ mẹ. Ya sị akụvị mẹ, yâ mẹ̀ ebira ene è yi zoza.

Ahẹ Ụgama 106:7

Óhiku ayị me hi Ijipiti, ẹnịnị ẹ yị sị ayị ro ịnị ịvọpa ọnị ụmẹ. Ẹ yị tamayị ịsa irenyi-irenyi ọnị ụ mẹ yị wa, dị ẹ yaa kụ̀ụ hịrẹ wụ ụtọ Okuha Ịkịịkẹ nị.

Ahẹ Ụgama 109:29

Ụhị ọ vaa nyị ọnịvị amị nị Ụhị vi ene e ve sii kú ẹngụ anka ịta avọọ.

Ụhịrẹyị 13:18

Ọza ana ka ọnị ọ mā wụ́ ịrẹyị ọza vi ene e re, dị ụhị a nyị ọ, ama ọza anaā wụ́ ịrẹyị ọza vi ana nyị ụbanyị.

Ụhịrẹyị 5:13

Wẹ yị batọ ịrẹyị aza ana aa zụ wụ ịsa. Wẹ yị sị ụtọ nọ ịnị ịrẹyị ẹnịnị vụrụ-vụrụ.

Ayịsaya 48:8

Ẹnẹyịmavara kà ọnị ọ yẹ ka ẹnịnị ẹ yị wụra sị ayị tụra. Â yẹ wa ka anakamawụ ẹ vị hụrẹ ẹtẹẹtẹ nị. Agụvị avọọ ẹ yị wụ́ ịrẹyị ọnọnị vụrụ-vụrụ nị. Ẹnịnị ẹ sị ụtọ kụ ahị ịrẹyị anị.

Ayịsaya 50:11

Avaba aza ana mẹ eto odivi ka ẹnị ẹ wụ̀ ọnọhụva ẹnịnị vị ọnị eto odivi ẹnịnị vaa rị ịrẹsụ. Ẹnẹyịmavara va mẹ ka odivi ọnị ọza o si yị ọnọhụva anị ọ vị aanị.

Ijeremaya 11:13

Ẹnẹyịmavara kà, ẹwụ nịnị Anijuda, avaba ẹkụra awụ nịnị vị ana kụkụ nyị ori ẹnịnị. Avaba oze ene hi Ijerusarẹmị vị ẹnị ẹnị re hi ụta hi. Ịnị ụta ẹnẹẹ ẹ yaa mẹ̀ ịsọvọ yị ori ana aā hị́ Ịbaarị nị. Ori ọnọọ vị anaa nyị ọza ịhyẹrẹ.

Ijeremaya 12:13

Ẹnẹyịmavara kà, aza anị ê chire akụ ama dị a hi ka ebe ẹ́ kụ gụ nị. Ẹnịnị ệ mẹ̀ ụkọrọ ẹtẹẹtẹrẹ ama ẹ yị nyị ịsị e re hụụnị anị. Ịsị ịnị aarẹ ẹnịnị ẹ yị mẹ agụvị ka ọnị aa kụ ayịị hi wa.

Ijeremaya 14:20

Ẹ ka, ẹnị ệ dọ irenu ebira odivi ẹnịnị ọnịrị ebira odivi ohiku ẹnịnị ka ẹnị ệ rị ịvị Ẹnẹyịmavara.

Ijeremaya 14:7

Ẹnẹyịmavara kà, aza anị aa jị òrèrè ka, ịzẹyịza, ịvị ẹnịnị aa dọ ẹnị ivenu de, ama, ọnị navọ ọnị ọ̀ gu ẹnị ụvọ anka ọnị mẹ vịdị kà a. Ẹ ka, ụmẹ ọrụrụ-ọrụrụ ẹnị sị va ịrẹma Ẹnẹyịmavara nị, ẹnị ẹ raa rị ịvị anị.

Ijeremaya 2:17

Ẹnẹyịmavara kà, Anisirẹrị, ẹwụ nịnị ọ kụ ọsọnị tu ẹngụ awụ nịnị nọ. Ka vị ọnị Ẹnẹyịmavara ana vị Ohomorihi awụ nịnị aa zụ ụ nịnị oze dị ụ vana và hụrị ọnị ịrẹma nịnị kẹnẹ nị.

Ijeremaya 2:19

Ẹnẹyịmavara Ochẹtẹẹngụ ka ọnị ọ sị ọ ka: Ebira odivi awụ nịnị ọ vaa sị ụya rị ụ nịnị nị. Ụ vee vú ẹtẹ nịnị agụvị ka waa và ịrẹma anị nịnị nị. Ụ vee re ịsị aa hị́ ụya nịnị, dị wa yẹ́ nịnị ka ẹ yị zoza ka we yị Ẹnẹyịmavara ana vị Ohomorihi awụ nịnị tịtẹ, dị à sị ụ kụkụ nyị angwahi anị nịnị.

Ijeremaya 2:2

ọnị ọ̀ na kà a yị Anijerusarẹmị nịnị ka ọnị ộ tamayị ẹnịnị mẹmẹ kụ ẹngụ hi ịrẹyị anị ịyẹẹyẹ anka ọnẹẹ ana sẹsẹ va ọnọrụ avọọ, ọnị ộ tamayị, ẹnịnị mẹmẹ saasa ọnị ịnị ụnọmị ọnị ọza ẹ yị da aarẹ tụ da.

Ijeremaya 2:26

Ẹnẹyịmavara kà ụhị mee nyị oyi àa sị ọ za avọọ, avọọ ụhị mẹ vaa nyị avaba Anisirẹrị nịnị ẹnịrị ohinọyị ẹnịnị, ọdọvịdị ẹnịnị, ẹnị ohirẹsụ irehi Ohomorihi beri ẹnị ọnịsẹ ẹnịnị nị.

Ijeremaya 20:18

Ọ kà sị a vana ma ọnị vẹ ẹhẹ ve si da? Váá ma ọnị vẹ ẹhẹ ka ọnị ọ̀ maanị vee re ẹngụkata ọnịrị ayodu, dị ọnị ọ̀ sị ụhị za ẹhẹ anị ẹtẹ nị?

Ijeremaya 22:21

Ụmẹ ọnị o si zee yi wụ nịnị, Ẹnẹyịmavara ộ kà ịrẹyịị ụ, ama ụ ka wẹ yị wụ nịnị. Avọọ ụ mẹ mẹ nịnị ụ́ mẹ hụrẹ vẹ ẹhẹ nịnị nị. Wẹ́ ma saasa ịrẹyị Ẹnẹyịmavara nịnị.

Ijeremaya 3:13

Ẹnẹyịmavara kà dọ nịnị kẹnẹ ka waa rị ịvị nịnị, dị ụ kụ̀ hịrẹ ọnị ana vị Ohomorihi awụ nịnị nị. Dọ irenu nịnị ka waa mẹ̀ ebira ịrẹka ọyị sẹ, dị ụ naa hẹkẹ ori nịnị iruvo ọchị ohwoohu nịnị nị. Dọ irenu nịnị ka wẹ yị wụ́ chire Ohomorihi awụ nịnị.

Ijeremaya 31:19

Ẹ ka ẹnị ệ vịdị ha hụrị oze Ẹnẹyịmavara ama ẹnị varẹma ka a vẹ. Ẹ ka ẹnị mẹ sị yẹ aanị, ẹnị ee va ụvọ kụ ịrẹsụ ẹnị mee du ayị. Ụhị aa nyị ẹnị agụvị ebira odivi ẹnẹ ẹnị mẹ ẹnị mẹ hụrẹ vị ozweyi.

Ijeremaya 6:26

Ẹnẹyịmavara ọọ kà a yị aza anị ka, ẹ̀ kụ ịta suku-suku hi ẹngụ, di è ku ẹngụ ẹnịnị atịtọ. Ọ kà, ẹnịnị ẹẹ jị òrèrè ọngwọọngụ anka ozi ikonya ọnị ọza ma oo sú avọọ, agụvị ka evu-ẹtẹ vị ana vaa sụ̀ wa avaavo.

Ijeremaya 7:19

Ẹnẹyịmavara kà, ọnị ẹnịnị waa vana ka ẹnị aa mẹ ayị kụ nị? Ọ kà, ẹngụ ẹnịnị ẹ yaa zama nị. Ẹngụ ẹnịnị ẹ yaa mẹ̀ ụhị nyị nị.

Ijeremaya 8:14

Dị ẹnị aza Ohomorihi ka, sị ẹnị yaatụ ịzị ẹnaanị ee zi? Ẹ ka, a vẹ ẹnị e dudu zwe ne hi ẹkụra ana a jị ọvọ kara, dị ẹnị è sú hi ịzọọ. Ka, Ẹnẹyịmavara, Ohomorihi ẹnịnị ọ sị ẹnị hụrẹ ụvọ yị isu, ọ raa sị ẹchịpa yị ẹnị ka ẹnị è hú ọ; ka ẹnị ẹ sị ebira odivi mẹ hi ọ.

Ijeremaya 9:18

Kàa ka ụsẹ ọ̀ hụ wa ịra vẹ, dị ẹnịnị ẹ vaa jị òrèrè yị ẹnị, naa ngụ ịjị eyi ẹnịnị ọọ ta hí yị ẹgọ dị ọ kụkụ è sì ẹnị ẹẹ ma jị òrèrè nị.

Arụwẹ 5:16

Avaba ịsị ẹnị yaa sị me eyi zị ệ ta. Ya sị da agụvị ebira odivi ọnị ị mẹ.

Arụwẹ 5:7

Ohiku ayị nịnị ẹ mẹ̀ ebira odivi ama ẹnịnị ẹ yị kụkụ ya ịzọọ, dị ẹyị vaa rị ụya anị aanị nị.

Ezikẹẹrị 2:3

Ozi-ọza, ọnị Ẹnẹyịmavara aa tụ́ ọnịị hi Anisirẹrị nịnị. Ẹnịnị ệ vịdị raa kụ̀ hịrẹ ọnị dị ẹ va eyirazị ka ọnị nị. Booro aanị vị ọnị ẹyaa yịị kụ̀ụ hịrẹ ọnị anka ohiku ẹnịnị mẹ vịdị mẹ.

Ezikẹẹrị 36:32

Ẹnẹyịmavara kà, ọnị ee sì ka ẹwụ nịnị Anisirẹrị ọ̀ yẹ ka, ẹ́ yị vị agụvị awụ nịnị ọnị vaa mẹ avaba ịsa ẹnẹnị o. Ọnị ee sì ka ụhị ịsa ọnị waa mẹ ọ̀ nyị wụ nịnị.

Ezikẹẹrị 44:13

Ẹnịnị ẹ́ yị ma vana gụrị ọnị ọ̀ yị mẹ̀ ụkọrọ anka ohirẹsụ irehi Ohomorihi. A sị ẹnịnị kụkụ jị ahụ ngụ aha ọnịnị ene hu kere-kere ini irehi anị, dị a sị ẹ rẹ nyayịnẹ kanyị ịsị a sị tụ irenyi yị ọnị Ohomorihi. Aanị ọnị mẹ vaa mẹ̀ ụhị nyị wa agụvị ịrẹyị enyisi ẹnẹ ẹ mẹ nị.

Ezikẹẹrị 7:18

Avaba ẹnịnị vaa và ịta suku-sukuu ku ẹngụ, dị angwahi ta ngụ wa ẹngụ. Ẹnịnị vaa kụ́ avaba ịrẹsụ ẹnịnị anka ọza ana nyị ọmarị avọọ, dị a mẹ̀ ụhị nyị avaba ẹnịnị.

Ịdanịyẹrị 12:2

Aza ọrụrụ-ọrụrụ ana raà sị eteesu vị ịta kụ ẹngụ vaa ha kwẹẹtẹ. Aza ẹnyị ẹnịnị vaa ha dị ẹ yara ịdị Ohomorihi pooro zịna-zịna, dị aza ẹnyị naa rị ụya dị ụhị aa nyị wa pooro zịna-zịna.

Ihoseya 9:10

Ohomorihi kà ịpaapa ọnị re Isirẹrị, ọ sị mẹ anka ọza oo rere re ẹtụtụ igirepi ọwọọwa ịnị ụnọmị avọọ nị. Ohiku ẹnịnị vị Ọnịrị re anka ẹtụtụ ọchị ihwigi ene vi sọkọ-sọkọ ịnị ụmẹ anị avọọ nị. Ama dị ẹnịnị va ịrẹma anị na sị ẹngụ ẹnịnị chire ori ana a hị́ Ịbaarị-Ịpẹyọ ụvọ nị. Dị ẹ kụkụ aa nyị ọza īhyẹrẹ anka ori ọnị ẹ yaa hẹkẹ nị.

Ịzẹhwanaya 1:17

Ẹnẹyịmavara kà ọnị vaa kụ ọ hana wa, dị ẹnịnị ẹ yị yẹ oze ana vọrọ ka ẹ zị anka ogweyi avọọ. Agụvị ebira odivi ọnị ẹ mẹ̀ hi Ẹnẹyịmavara, a vaa wụ̀ wa dị anya ẹnịnị ee sii vaa ha anka enyi avọọ, dị oku ẹnịnị vụ và hí ẹtẹ anka ịhyẹrẹ avọọ.

Aniroomi 6:21

Sị ẹ vị ọgụ ọnị ụ rị hụụnị ịsa ọnị ụ kụkụ vaa nyị ụhị anị nịnị booro aanị? Isu kẹnẹ ọ vị ọdịrẹma ịsa ẹnẹẹ nị.

Ọdọvịdị 2:2

Ộ kà a yị wa ka asị ẹnịrị aza ana raa hi ịzọọ hị́ eku ẹnyẹnyị yị ẹngụ. Ẹnịnị wu ụta ori ene hi ịzọọ ha. Ama ẹnịnị ẹ yị vaa saasa ọda anị. Ẹnịnị ee re ịsị ẹ mẹ aanị.