Ijeremaya 3:23 - IWE ỌNỊNỊ

²³ Ẹ ka, ori ọnị ẹnị aa hẹkẹ ngụ ịnị atabaa zị, ọnịrị eche ọnị ẹnị ee hú zị ka vị ẹnị aa mẹ ahẹkẹ aanị nị vị evene kẹnẹ. Ẹnẹyịmavara Ohomorihi kẹnẹ ọ vaa dọ Anisirẹrị ha nị.

Ijeremaya 3:23 ပူးပေါင်းရင်းမြစ်များ

Ahẹ Ụgama 3:8

Ẹnẹyịmavara ẹwaā dọ ọzaa ha nị. Navọ wa mẹ ka ò zee yị aza awụ.

Ahẹ Ụgama 62:7

Ohomorihi ọ zụ dọ mị tụ́ nị, ọnị ọ rẹ zụ mẹ ka asị ụhị nyị mị nị Ọnị ee sere mi nị mị ka Ohomorihi ọ rẹ yị zẹẹ ka à nyị ịsị ẹ kanyị mị nị.

Ụhịrẹyị 21:31

Ọza ọ zụ kanyị ọpa aa nọ ịrẹkụ ama Ẹnẹyịmavara ọ sị ọzaa nyị ẹbẹẹba ịrẹkụ nị.

Ayịsaya 10:20

Ụmẹ aa vẹ ana ahịka Anisirẹrị ana vọ ẹ yị kụkụ vaa sị ayị tụra anẹkụra ana vịdị ka ẹnị aa wụ waa ha.

Ayịsaya 12:2

Ịzẹyịza Ohomorihi ọ vị ẹnẹdọha amị nị. Ẹwụ m maa sị ayịị tụra nị, me yi vee hí angwa. Ẹnẹyịmavara ọ sị ụkata yị mị nị. Ẹwa m maa sịị jị ahẹ nị. Ọnị ọ vị ẹnẹdọha amị nị.

Ayịsaya 43:11

Ọ kà, “Ẹmị, Ẹma vị Ẹnẹyịmavara nị. Ẹ yị nyị ọza ẹnẹsa ịrẹma amị ana zụ dọ ọza ha.

Ayịsaya 44:9

Avaba aza anaa mẹ ori vị aza kẹnẹ-kẹnẹ. Ori ẹnẹ vavọọ sị ụbanyị yị, rẹ vị ịsa kẹnẹ-kẹnẹ. Aza anaa hẹkẹ ori ẹnẹẹ vị ogweyi, dị ẹ̀ yị nyị ịsị ẹ yẹ nị. Ohomorihi vị ana vaa mẹ ụhịị nyị wa.

Ayịsaya 45:15

Ohomorihi Anisirẹrị ana dọ wa ha vị Ohomorihi ana sị ẹngụ tẹ̀.

Ayịsaya 45:17

Ama Ẹnẹyịmavara ọ raà dọ Anisirẹrị nịnị ha, ẹ vaa nyị ehuna pooro zịna-zịna nị. Ụhị ẹ yị vaa nyị wa.

Ayịsaya 45:20

Ẹnẹyịmavara kà avaba anẹkụra nịnị ana ha hụụnị ịrẹkụ ẹ kụ ẹngụ gu, dị ẹ ka ọnị vẹ. Ẹ yị nyị ịrẹyọyẹ ịnị ori ẹnẹ sị ọchị bẹ, ọnị e yee chema zịịzị avọọ. Ẹnịnị vị ana mẹ̀ aduwa yị ori ẹnẹ ẹ yị nyị ụkata gụ wa ụvọ.

Ayịsaya 63:1

Ẹnẹ ọnị ọnọnị vị ana hụrị Ibozira ịnị ẹtẹ Edomi aa vẹ aanị kẹ? Ẹnẹ kụ́ ẹnya ovivi chomi-chomi hí ẹngụ, di e hu ahụ ọkọọka ịnị ụbanyị ụkata anị vẹ aanị? Ẹnẹyịmavara ana hụ ọ dọ ọza ha aa vẹ vaa nọ̀ ka ọnị ọ raà nyị ehuna.

Ayịsaya 63:16

Ẹwa vị ada ayị nị. Ohiku ayị Abụrahamị ọnịrị Ijekọvụ ẹ yị yẹ yị, ama ẹwụ Ẹnẹyịmavara ọ vị ada ayị. Ẹwa vị ọza anaa dọ yị ha pooro nị.

Ijeremaya 14:8

Ẹ ka, ọnị ọ vị ọyịtureyi Anisirẹrị nịnị nị, ọnị ọọ dọ ẹnị ha hụụnị ẹngụkata nị. Sị ẹ vẹ dị ọnị kụkụ sị mẹ anka ọzọga anaa jịnẹ dị ọ ha ka ọnị sụ̀ venẹẹhẹ avọọ yị ẹnị?

Ijeremaya 17:14

Ijeremaya ka, Ẹnẹyịmavara ọ̀ mẹ̀ ọnị ụkụ, ka ẹngụ anị vaa nịya saka-saka. Ọ̀ ka Ẹnẹyịmavara ọ̀ dọ ọnị tụ, dị asị á nyị ịsị ẹ mẹ̀ ọnị vụrụ-vụrụ. Ẹnẹyịmavara, ẹwụ ọnị aa sị ụgaa yị nị.

Ijeremaya 17:2

Aza awụ nịnị anaa mẹ ahẹkẹ ịzị ụta ọnọọ yà, dị ụ raa nọ iruvo avaba ọchị ọnịrị ịrẹsụ ataba ịzị asị ụmọmọ ori ọnyẹnẹẹ ana aā hị́ Asẹra tụ nịnị nị.

Ijeremaya 3:6

Ijeremaya ka, Ẹnẹyịmavara ộ ka ẹ yị ọnị, ụmẹ ọnị Ijosaya sị vị ohinọyị ka, ọnị oo rẹ ịsị Anisirẹrị nịnị mẹ? Anisirẹrị nịnị vị ọnyẹnẹẹ ẹnẹẹ yị nyị ịzẹyịza. Ọ sị ịrẹma và ka ọnị, dị ọ naa sẹ̀ ịrẹka ngụ ịrẹsụ ataba ọnịrị iruvo avaba ọchị ohwoohu zị nị.

Ijeremaya 31:7

Ẹnẹyịmavara kà, hụ̀ agụvị Anisirẹrị waa jẹ ịrajẹ dị waa jị ahẹ nịnị. Hụ agụvị Anisirẹrị wee nowu nịnị agụvị ka ẹnị ẹ vị ohirẹsụ avaba anẹkụra nịnị nị. Wee gono Ẹnẹyịmavara boro-boro, dị waa kà a nịnị ka, ọ sị aza anị ana vẹtẹ dọ ha.

Ezikẹẹrị 20:28

Ọ kà ọnị ộ kụ wa va ngụ ẹtẹ ọnị ọnị kà a ka ọnị aa sịị yị wa. Ahatụraha aha ẹnẹ ẹnịnị ee ré ataba ana nẹba ọnịrị ọchị avị-avị nịnị kẹnẹ, dị ẹ na yà ịzọọ aa mẹ̀ ịsọvọ. Ịsị ịsọvọ ẹnẹ ẹyaa rị ịra ọnịrị eche ẹnẹ ẹyaa sị mẹ̀ ịsọvọ vị ọnị ẹyaa sịị mẹ ayịị kụ ọnị.

Ihoseya 1:7

Ama ọnị vaa vayị evere Ijuda, dị ọnị dọ wa ha agụvị ka ọnị ọ vị Ẹnẹyịmavara ana vị Ohomorihi ẹnịnị nị. Ẹ yị vaa nyị ka ẹ kụ ọpa ọnịrị ọkịta, ụ̀hwọ̀ ọnịrị umaata nọ ịrẹkụ, dị ẹ sị dọ ẹngụ ẹnịnị ha.

Ịjọọnụ 4:22

Ẹwụ nịnị vị ana aa hẹkẹ ọza ọnị ụ wẹ̀ yị yẹ nịnị; ama àa vị ẹyịị yọ, yâ yẹ ọza ọnị yaa hẹkẹ, agụvị ka ọza ana vaa dọ ọzaa há vị ana vaa hụrẹ ịdị Aniju nịnị ị vẹ.