Ijeremaya 3:19 - IWE ỌNỊNỊ

¹⁹ Ẹnẹyịmavara kà ọnị ô rò o ka vị ọnị vaa sị ụvọ za awụ nịnị anka ezi anị avọọ nị. Ọnị sì ka ọnị ọ̀ sị ẹtẹ ene zoza hu kere-kere ịnị ẹhẹ yị wụ nịnị nị. Ọnị ô zi ka vị ẹwụ nịnị va hị́ ọnị Ada awụ nịnị, dị wa a saasa ọnị nịnị pooro nị.

Ijeremaya 3:19 ပူးပေါင်းရင်းမြစ်များ

Ahẹ Ụgama 106:24

Dị aza ẹnẹẹ aa sị eyii wụ ẹtẹ ozoza oni Ohomorihi ka ọnị aa sịị yị wa, dị ẹnịnị ẹ̀ yị sị ayị tụra Ohomorihi ka ọ vaa mẹ ịrẹyị ọnị ọ kà nị.

Ahẹ Ụgama 16:6

Ọyịza-ọyịza ụ gà zị oze eyi ịdị amị nọ; Ẹ yị nyị odivi ikonya ọnị ụ gà zị oze eyi ịda amị.

Ahẹ Ụgama 89:26

Ụ rẹ ka ọ vaa hị́ wụ dị ọ ka ẹwa vị Ada anị nị Dị ọ ka ẹwa vị Ohomorihi ịzị ọnị na tẹ̀ tụ́ dị à yị nyị ịsị ẹ mẹ̀ ọnị nị. Dị ọ rẹ ka ẹwaa dọ ọnịị tụ́ nị.

Ụhịrẹyị 3:35

Aza ana yẹ ịrẹyị vị ana aā ga, ama ọnụra vị ọnị aā mẹ̀ ụhị nyị.

Ayịsaya 63:16

Ẹwa vị ada ayị nị. Ohiku ayị Abụrahamị ọnịrị Ijekọvụ ẹ yị yẹ yị, ama ẹwụ Ẹnẹyịmavara ọ vị ada ayị. Ẹwa vị ọza anaa dọ yị ha pooro nị.

Ayịsaya 64:8

Ama Ẹnẹyịmavara, ẹwa yị vị Ada ayị nị. Vị́ ị sị mẹẹ ụmọpa avọọ, dị ẹwụ sị mẹẹ ọjụnọkọ avọọ nị. Ụkọrọ ụvọ awụ ị vị̀ nị.

Ijeremaya 12:10

Ọ kà, oseratẹmẹ ọrụrụ-ọrụrụ ẹ sị ụbazị ịvayịnị anị du ha. Ẹ raa sị ahụ chaka aarẹ anị. Ẹ sị ẹtẹ anị ọkụmị-ọkụmị vara ụnọmị ọyịwụ.

Ijeremaya 3:17

Ọ kà, ụmẹ ọnọọ vị ana a kụkụ vaa hị́ Ijerusarẹmị aha udi ohinọyị Ẹnẹyịmavara. Avaba anẹhẹ vaa vẹ ịzọọ vaa hẹkẹ ọnị. Ẹnịnị ẹ yị kụkụ vaa mẹ ayị ọkatẹngụ ẹnịnị anaa sị wa mẹ̀ ebira odivi enee si.

Ijeremaya 3:4

Ọ kà ẹwụ nịnị vaa hị́ ọnị booro aanị ka, ọnị ọ vị Ada awụ nịnị, dị ọnị sì ịrẹyị awụ nịnị hụụnị ozweyi nị.

Ijeremaya 31:20

Ẹnẹyịmavara kà, ẹwụ nịnị Anisirẹrị ẹ vị ozi ịpaapa anị nị. Ẹwụ nịnị ọnị sì ịrẹyị anị hu nị. Ọnị ọ̀ọ daka aa yịị kụ ayịị hi u nịnị ọnị ee yii rò ịrẹyị awụ nịnị. Ọ kà, ịrẹyị awụ nịnị ẹ́ yị hụụnị ayị anị, ọnị vaa vayị awụ nịnị.

Ijeremaya 31:9

Ọ kà, aza anị vaa vàa vẹ dị eyee sụ ùnè, ọnị ọọ kụ wa aa vàa vẹ dị ẹyaa mẹ̀ aduwa. Ọnị vaa zụ wa oze naa ngụ ịnị okuha ana nyị enyi, ọnị vaa kụ wa vaa tụra oze ana swa, ẹnịnị ẹ́ yị vaa vangga. Ọ kà, Ada ọnị vị yị Anisirẹrị nịnị nị, dị Ehwireemi vị ozi ịpaapa anị nị.

Ijeremaya 33:9

Ọ kà Ijerusarẹmị vaa vị ayohine ọnịrị ụbanyịị yị ọnị, dị ọnị aa sị waa mẹ eyi. Avaba anẹhẹ vee hí angwa, dị ẹyaa dá ẹgahị ịjị ẹnịnị ẹẹ wụ́ ịrẹyị ịsị ọyịza ọnịrị ize ọnị mẹ yị Anijerusarẹmị ẹnẹnị.

Ijeremaya 5:7

Ẹnẹyịmavara kà, si ẹ vẹ ọnị ọnị aa sịị vagu ịvị aza anị ẹnẹnị? Ẹnịnị ẹ raa hụrẹ ọnị ụvọ, dị ẹ naa hẹkẹ ori ẹnẹ ẹ yị nyị ịsị ẹ vị nị. Ọ kà, ọnị ộ sị avaba ịsị e yee si yị wa, ama vị ẹ yị naa sẹ̀ ịrẹka dị ẹ yaa hara nọ ịnị eehi ọsẹrẹka nịnị nị.

Ezikẹẹrị 20:6

Ụmẹ ọnọọ ọnị sị kà a yị wa ka ọnị vaa kụ waa hụrị ẹtẹ Ijipiti, dị ọnị kụ wa ne hi ẹtẹ ọnya ọnị ọnị raa nyị tịtẹ yị wa ẹtẹ ọyịza-ọyịza ọnị ịsa gwẹtẹ ịnị anị. Ẹtẹ ọnọọ o zoza hu avaba ẹtẹ ana vọ nị.

Ịdanịyẹrị 11:16

Anisiriya ana kụ ịrẹkụ vẹ vị ana vaa mẹ o me zee eyi kẹnẹ, dị ẹ yị nyị ọza ana zụ sị ụvọ jị. Ọ́ vaa jẹẹ ịnị ẹtẹ Isirẹrị ana maanị nyị ụbanyị aanị, dị aà mẹ ọda tụra avaba anị ịrẹsụ nị.

Ịdanịyẹrị 11:41

Ọ hyakụ va kụ ịrẹkụ na ngụ ẹtẹ Isirẹrị dị ọ wụ otomiroku aza ịzọọ. Ama a vaa dọ Anedomi ọnịrị Animowabi beri Anaamọnị ana vọ hụrẹẹ ụvọ.

Ịdanịyẹrị 11:45

Ọ va naa jị ajẹngụ ọbanyị ohinọyị anị tụ ịnị ẹtẹ ana ya ịnị akakana oku ọnịrị ataba ana dà irehi Ohomorihi tu Ijerusarẹmị. Ama e yị vee re ọzaa gụ ọ ụvọ dị ò su ne ta.

Ịdanịyẹrị 8:9

Ịdanịyẹrị ka ọnyara ịnị ọpanyị ẹẹna ẹnẹnị ộ vàna nyí ụkata ẹtẹẹtẹrẹ ne tu ka ộ sị ụkata anị pịva yị Anijipiti ọnịrị Anipesiya beri Anipataya nịnị. Anisirẹrị nịnị vị ọnị ọ́ rẹ mẹ̀ ẹ yị bẹẹ.

Ihoseya 11:8

Ọ kà a ọnị mẹmẹ nyẹngụ hụrẹ Isirẹrị ụvọ? Ọnị mẹmẹ nyẹngụ navọ ka wa? Ọnị wáá vaa sị ụya rị wa anka Anadima ọnịrị Izeboyimi nị? Ọ kà ọnị o re sì ịrẹyị ẹnịnị baaba. Ịrẹyị ẹnịnị vị ene sụ ùnè e ayị anka ịtahụ avọọ.

Anigaratiya 3:26

Avaba awụ nịnị vị ezi Ohomorihi, agụvị ka wáa sị ayị tụra Ijeesu nịnị.

Anẹhwẹsọsị 1:5

Ohomorihi ộ vịdị sị eto anị mẹ ka ini oze Ijeesu Ikirisiti ọnị vaa sị ẹyịị mẹ ezi anị. Ịsa ene zé e eyi, dị ọ yẹ ịnị ayị anị ka óo zoza ka ọnị ọ̀ mẹ ọ vị ọnọọ nị.

Iwe Ọhụhị Imosiisi ana aa hị́ Ọyịvatụrọda 14:1

Ẹwụ nịnị Anisirẹrị vị ezi Ẹnẹyịmavara Ohomorihi awụ nịnị. Agụvị avọọ, ẹnịnị aa zị ẹngụ oku, asị ẹ sị ịsa da ẹngụ ẹnịnị, a vị dị ẹ hara ẹyị ịnị ịrẹsụ ẹnịnị yị oku.

Anihiburu 10:39

Ama ẹyị ẹ yị vị ẹngụ aza anaā kà a nọ ịrẹma, dị è ne vu ẹtẹ. Ama ẹyị aa yịị sị ayịị tụra Ohomorihi, ka asị ụhwẹ ayị vú.

1Ipita 1:17

Wàa mẹ̀ aduwa nịnị, ụụ̄ hị́ Ohomorihi: Nda, nịnị. Ohomorihi àaa mẹ̀ ọkarẹyị aza anka ịsị ẹ mẹ, ọ mā mẹ irikichi; agụvị avọọ, nyị angwahi Ohomorihi ịnị avaba ịsa ọnị ụ waa mẹ nịnị, ụ mẹ̀ vị ọzọga hi ẹhẹ nịnị booro aanị.