Ijeremaya 3:12 - IWE ỌNỊNỊ

¹² Ẹnẹyịmavara kà ọnị ọ na nọ̀ ọ yị Anisirẹrị nịnị ka, ẹwụ nịnị Anisirẹrị, aza anị ẹnẹ ẹ yị nyị ịzẹyịza, và vẹ eehi nịnị, dị waa ka ọnịị vẹ nịnị, agụvị ka ọnịị vayị ọza. Ọnị ẹ yị vaa kụ́ ayịị hi u nịnị zịna-zịna.

Ijeremaya 3:12 ပူးပေါင်းရင်းမြစ်များ

Oyinyima 4:7

Ọ kà ọọ yaanị mẹ̀ ebira ana vọrọ, ịnẹ anị yaanị ee hine aanị. Ọ rẹ ka ọ̀ yị mẹ̀ ebira ana vọrọ, ịvị ọ sị gụrị ọ ee sì ka ọnị ọ̀ nyị ehuna anị Ọ kà ama ọ̀ sị vụrị di ò re ka ọnị ô huna a.”

2 Ohinọyị 15:29

Ụmẹ ọnị Ịpẹka sị vị ohinọyị, Ítigirati Ipiresa, ohinọyị Asiriya sị kụ́ ịrẹkụ vẹ Isirẹrị, dị ọ dọ wa ẹkụra ẹnẹnị nị: Ayijoni, Ẹba Ịbẹtị Ịmaka, Ijanowa, Ịkẹdẹsị, ọnịrị Ịhazọ. Ộ rẹ dọ wa ẹtẹ Anigiriyadi, Igariri, ọnịrị Inahwitari nị. Ộ za aza ẹnẹẹ ọrịhị ne hi Asiriya.

2 Ohinọyị 17:23

Dị Ẹnẹyịmavara va dụ wa kwooze ka à sị ọnị kuku re wa nị. Ộ vịdị vavọọ raà tụ ọnịsẹ anị nịnị va ka wa ọnọ ka ọnị vavọọ vaa mẹ wa. Avọọ á mẹmẹ va za Anisirẹrị nịnị ne hi Asiriya pooro ve tu ajịnị nị.

2 Ohinọyị 17:6

Ịnị ana tụ ọ ịrayị ọhụhịịna ọnị Ihoseya rị ohinọyị, ohinọyị Asiriya ộ za Ịsamarịya, dị ọ za Anisirẹrị nịnị ọrịhị ne hi Asiriya nị. Aza ẹnyị ẹnịnị vị ọnị ọ kụ ne hi ịzị aā hị́ Ịhara, dị ọ kụ ẹnyị ne hi ọ̀ sị gụrị Irehu Ịhabọ ana ya okokoro Igozanị nị. Aza ẹnyị vị ọnị ọ ku ne hi ẹkụra Imediya.

2 Ohinọyị 18:1

Ịnị ana tụ ọ ịrayị ọhụta ọnị Ihoseya ozi Era rị ohinọyị Ísirẹrị. Ihezekaya ozi Ahazi ộ rị ohinọyị Íjuda.

2 Ịtọpa 29:10

Ộ kà a booro aanị, ọnị ọ raà tenyi ẹngụ ka ọnị o tenyi eku hị́ yị Ẹnẹyịmavara Ohomorihi Anisirẹrị agụvị asị ọ kụkụ vavọọ kụ ayị hi ẹnị.

2 Ịtọpa 30:9

Ẹnịnị ẹ̀ẹ va ka Ẹnẹyịmavara vẹ, avaba aza ana za anda ẹnịnị ọrịhị nọ ẹkụra ọsa vaa vayị ẹnịnị, dị ẹ̀ hụrẹ wa ụvọ vẹ eehi ẹnịnị. Ẹnẹyịmavara ana vị Ohomorihi awụ nịnị vị anaā vayị ọza, dị ọọ̄ ngụ ayị ọza nị. Ẹnịnị ẹ̀ẹ vaka a vẹ, ọ vaa dọ wa.”

Ahẹ Ụgama 103:17

Ama Ẹnẹyịmavara vi eneē sì ịrẹyị aza eneē hí angwa anị pooro zịna-zịna. Ịsa ana vọrọ ọọ̄ mẹ yị ezi ẹnịnị ịrẹma-ịrẹma nị.

Ahẹ Ụgama 103:8

Ẹnẹyịmavara vị anaā vayị ọza ẹtẹẹtẹrẹ, ọ mā hụra kụ́ ayị, ama oō sì ịrẹyị ọza ẹtẹẹtẹrẹ.

Ahẹ Ụgama 103:9

Ọ mā tụ́ ọza ohuvọ kù, ọ mā rẹ kụ́ ayị gọdọ.

Ahẹ Ụgama 145:8

Ẹnẹyịmavara vị ana aā vayị ọza ẹtẹẹtẹrẹ.

Ahẹ Ụgama 79:5

Ẹnẹyịmavara aanị ụ wáá mẹ̀ vaa kụ́ ayịị hi yi pooro nị? Mị ka aanị ụ mẹ vaa kụ́ ayị pooro nịị?

Ahẹ Ụgama 86:15

Ẹnẹyịmavara, Ohomorihi anaā vayị ọza ụ vị nị, vị ụụ ngụ ayị ọza nị, wẹ mā hụra kụ́ ayị, wâ nyị ịzẹyịza, avọọ ụ mẹ̀ rẹẹ̄ vayị ọza nị.

Ahẹ Ụgama 86:5

Ẹnẹyịmavara, ịsa ozoza ụụ̄ mẹ, dị ụụ̄ rẹẹ vagu ọza nị. Avaba aza ana aa mẹ̀ aduwaa hi wụ vị oni ụụ̄ sì ịrẹyị anị.

Ụhịrẹyị 28:13

Ẹ yị ve zoza yị ọza anaa jị oku ku ịvị anị, ama ọza anaa dọ irenu ịvị anị dị ọ va hụụnị anị, vị ọnị Ẹnẹyịmavaraā vayị anị.

Ayịsaya 31:6

Ẹwụ nịnị Anisirẹrị, wa raà mẹ̀ ebira odivi hi Ohomorihi nịnị. Navọ wa varẹma ka a na nịnị.

Ayịsaya 44:22

Ma raa kụ ebira edivi ọnị ụ mẹ nịnị kwooze anka eguhi mẹẹ hụ́ avọọ, dị mị kụ́ ịvị awụ nịnị kwooze anka uruvu anaa dàa hụụnị ịsa mee vu avọọ nị. Varẹma ká mị vẹ nịnị, agụvị ka ẹ ma dọ wụ nịnị ha nị.”

Ijeremaya 11:6

Ijeremaya ka, dị Ẹnẹyịmavara kà a yị ọnị ka, ọnị ọ̀ nọ ẹkụra ene hi Ijuda ọnịrị utoze-utoze Ijerusarẹmị dị ọnị ọ̀ naa nọ̀ọ avaba ịrẹyị ọnọnị yị wa nị. Ọ ka ọnị kà a yị wa ka ẹnịnị ẹ̀ wụ́ ịrẹyị ọnị ẹnị dọ beri ẹngụ tụ ịnị anị dị ẹnịnị ẹ̀ saasa a.

Ijeremaya 12:15

Ama, ọnị ọọ raa kụ wa kwooze, ọnị varẹma vaa vayị ẹnịnị. Ọnị varẹma vaa kụ anẹkụra ọzọzaa vaa vẹ eehi ẹnịnị, ịnị ẹkụra ẹnịnị.

Ijeremaya 23:8

Ama ẹnịnị vanaa sị ọnịị hị́ eku anka Ohomorihi ana yára ana kụ Anisirẹrị nịnị hụrị ẹtẹ Ịbabịrọnị ọnịrị avaba aha ọnị ọnị dụ wa ne hi vẹ. Ẹnịnị vaa ra ịnị ẹtẹ ẹnịnị.

Ijeremaya 3:1

Ẹnẹyịmavara kà, ọza ọ̀ọ jị ose anị ịjẹvụ, dị ose anị ọnọọ hụụ ịdị anị, dị ọ na va ọnọrụ ọsa nị, ọza ọnọọ ẹ yị kụkụ zụ dọ ọ varẹma. Ọza ọnọọ ọ̀ọ dọ ọ varẹma, ọ sị ẹtẹ du saka-saka. Ama, ẹwụ nịnị Anisirẹrị, ẹwụrị onyeehi ọrụrụ ọ na ra sẹ̀ ịrẹka zịịzị. Ụ́ wáá kụkụ a vaa vàa ka mịị vẹ nịnị booro aanị nị?

Ijeremaya 3:14

Ẹnẹyịmavara kà, vavẹ eehi nịnị, ka aanị ụ vị nịnị nị. Ọ kà ọnị vaa sị ọza ikonyi ikonya hụrị ẹkụra ọnya, aza ẹnị ẹẹva hụụnị ịrẹsụ ọnya, dị ọnị kụ wụ nịnị vavẹ ẹtẹ.

Ijeremaya 3:18

Anisirẹrị nịnị ẹnịrị Anijuda vaa vàa bẹ, dị e dudu hụrẹ ẹkụra ana a za wa ọrịhị ne hi eyi ẹbẹẹba. Ẹnịnị vaa vàa vẹ ịnị ẹtẹ ọnị ọnị sị mẹ ogu yị ohiku ẹnịnị.

Ijeremaya 3:22

Ẹnẹyịmavara kà, avaba ẹwụ nịnị ezi ana kama wụ ọ̀ và ka ọnị vẹ. Ọnị vaa sị ụ nịnị ẹngụ nịya, dị ọnị mẹ ka waa mẹ ịzẹyịza nịnị. Dị ẹnịnị tụ́ ohi, dị ẹ ka, ịzẹyịza ẹnị aa vàa vẹ, agụvị ka ẹwụ a vị Ẹnẹyịmavara, Ohomorihi ẹnịnị nị.

Ijeremaya 3:5

Ịzẹyịza ọnị ẹ yị vaa maanị du ayịị hi u nịnị agụvị ịrẹyị kiiki; ọnị vee hi ayị anị. Avọọ wụ mẹ vaa kà, dị waa yịị mẹ̀ avaba ebira odivi ụmẹzụ-ụmẹzụ nịnị.

Ijeremaya 3:7

Ẹnẹyịmavara kà ọnị ô rò ka ọ̀ọ sị avaba ẹsẹnị mẹ, ọ vaa và a ka ọnị vẹ, ama ọ yị và vẹ. Ijuda, onyeyiza anị ẹnẹẹ yị nyị ịzẹyịza oo ré avaba anị nị.

Ijeremaya 30:11

Ẹnẹyịmavara kà ọnị ọ̀ yà pe wu nịnị, ọnị vaa dọ wụ nịnị ha. Ọ kà ọnị vee vu avaba ẹkụra ọnị ọnị gara wụ nịnị ne hi ẹtẹ, ama ọnị e yi vee vu wu nịnị ẹtẹ. Ọ kà ọnị ẹ yị vaa mẹ ka wẹ́ yị rị ụya nịnị, ama ịjị ọnị aa sị ụya rị ụ nịnị, ẹhwị ụya ọnị vaa sị rị wụ nịnị nị.

Ijeremaya 31:20

Ẹnẹyịmavara kà, ẹwụ nịnị Anisirẹrị ẹ vị ozi ịpaapa anị nị. Ẹwụ nịnị ọnị sì ịrẹyị anị hu nị. Ọnị ọ̀ọ daka aa yịị kụ ayịị hi u nịnị ọnị ee yii rò ịrẹyị awụ nịnị. Ọ kà, ịrẹyị awụ nịnị ẹ́ yị hụụnị ayị anị, ọnị vaa vayị awụ nịnị.

Ijeremaya 31:21

Ọ kà wa mẹ apọtẹrẹwa jẹẹ oze nịnị. Vatụra oze ọnị ụ zị na nịnị, wa rẹẹ vaavẹ nịnị. Ẹwụ nịnị Anisirẹrị wa vaavẹ eehi awụ nịnị.

Ijeremaya 31:8

Ọ kà, re, ọnị vaa kụ wa hụrị ẹtẹ Ịbabịrọnị vẹ, dị ọnị kụ wa gụ hụrị aha ẹnẹẹnẹ ịnị ẹhẹ. Ogweyi ọnịrị oswahụ, aza enee zyẹẹ ẹnịrị aza ẹnị ịrẹẹ aa zị vee hi ịnị ẹngụ ẹnịnị, dị ẹyaa vẹ gigirigi.

Ijeremaya 33:26

Avọọ gẹdẹ-gẹdẹ ọnị mẹ vaa sị ụvọ za ịzẹzẹ ọnị zẹẹ beri ezi Ijekọvụ ọnị Idevidi ana vị ozi ahụ anị nị. Ọnị vaa nyị ọnya ịnị ezi Idevidi ana vaa rị ohinọyị tụra ezi Abụrahamị, Ayiziiki ọnịrị Ijekọvụ ịrẹsụ. Ọ kà ọnị vaa vayị aza anị dị ọnị varẹma mẹ ka ò zee yị wa.

Ijeremaya 4:1

Ẹnẹyịmavara kà, ẹwụ nịnị Anisirẹrị ọ và ka ọnị vẹ, ọ ka wàa mẹ ịzẹyịza hi ọnị nịnị, dị ụ va ori awụ nịnị ha nị, agụvị ka ọnị ọọ nyị ịhyẹrẹ ori.

Arụwẹ 3:22

Ẹnẹyịmavara vị enee sì ịrẹyị ọza pooro, dị ẹ yị zá ụvọ jẹẹ, ayamva anị ẹ mā nyị ẹzẹtẹ.

Ezikẹẹrị 11:17

Avọọ, Ohomorihi Ananyị ụkata hu kere-kere ka, ọnị vanaa kụ́ waa gụ hụrị avaba ẹkụra ọnị ọnị gara wa ne hi, dị ọnị varẹma sị ẹtẹ Isirẹrị yị wa.

Ezikẹẹrị 33:11

Ọ kà, ọnị kà a yị wa ka, àa vị ọnị Ẹnẹyịmavara Ananyị yị ọ vị Ohomorihi ana yara nị, ayị anị é yi hine ka ọnị oo ré ka ọnịvị ee sú. Vị ọnị ee sì ka ẹnịnị ẹ̀ hụụnị ebira odivi ẹnịnị, dị ẹ̀ yàra nị. Ẹwụ nịnị Anisirẹrị, hụụnị ebira odivi ọ̀ yị mẹ nịnị. Sị ẹ vẹ dị wee sì ka we su nịnị?

Ezikẹẹrị 39:25

Ama booro aanị, Ẹnẹyịmavara Ananyị yị ka, ọnị vaa vayị evere Ijekọvụ; ẹnị ẹ vị Anisirẹrị nịnị nị, dị ọnị mẹ ka ọ̀ varẹma zee yị wa. Ọnị vaa hụ̀ agụvị ịrẹha ọnịnị anịị kụ ụhị.

Ihoseya 6:1

Anisirẹrị nịnị ệ hị́ ẹngụ ka ẹnị aa varẹma ka Ẹnẹyịmavara na. Ệ kà ọnị ana gara ẹnị ha chẹkẹ-chẹkẹ ọ rẹ zụ mẹ̀ ẹnị ụkụ nị. Ọnị ana tọ̀ ẹnị ụnava, ọ rẹ zụ sị ịsa sụ yị ẹnị nị.

Ireevi 26:40

Ọ kà ama ẹnịnị ẹ̀ẹ dọ irenu ịvị ẹnịrị ohiku ẹnịnị, ohiku ẹnịnị ana và eyirazị ka ọnị, dị ẹyaa mẹ ịsị ọnị ọnị è yi sì,

Ịzakaraya 1:4

Asị ẹ hama ebira ohiku ẹnịnị ịyẹẹyẹ ọnị ọnịsẹ nịnị kà yị ka Ẹnẹyịmavara Ochẹtẹẹngụ ka ẹ hụụnị ebira odivi ọnịrị ẹhẹ kẹnẹ-kẹnẹ ọnị ẹ yaa ra. Ẹnịnị ẹ̀ yị hyakụ sị ụtọ pe ịrẹyị ọnịsẹ ẹnẹẹ, a vị ka ẹ wụ́ chire Ẹnẹyịmavara.

Iwe Ọhụhị Imosiisi ana aa hị́ Ọyịvatụrọda 30:2

Ẹnịrị ụnanka ẹnịnị ẹ̀ẹ varẹma ka Ẹnẹyịmavara vẹ, dị ẹ sị ayị ọnya saasa ọda ọnị ọnị sị yị wa ajịnị nị.