Ijeremaya 29:8 - IWE ỌNỊNỊ

⁸ Ọ kà ọnị Ẹnẹyịmavara, Ohomorihi Anisirẹrị aa kà wụ nịnị ọ̀nọ̀ ka, asị ụ zẹẹ ọnịsẹ ene hi ịnị akakana awụ nịnị ẹnịrị aza ana ka ẹnị ẹ zụ kà ịsị ana va mẹ ụhwọọ è vene ụ nịnị o. Asị ụ wụ́ ịrẹyị ụra ẹnẹ ẹ ka ẹnị aa rá avọọ o.

Ijeremaya 29:8 ပူးပေါင်းရင်းမြစ်များ

Ijeremaya 14:14

Ama dị Ẹnẹyịmavara tụ ohi ka, ọnịsẹ ẹnẹẹ vi enee cheeche ka maa tụ ẹnị ụtụ. Ọ kà ọnị ẹ́ yị tụ wa ụtụ, ọnị ọ yị rẹ mẹ ọda ọnyọọnyị yị wa. Ẹnẹyịmavara kà ọnị ẹ yị nyị ụvọ tụ ịnị ẹtẹ ẹnẹ ẹ ka ẹnị ee re zị; ịsẹ ẹnẹ ẹ yaa ka vị ịrẹyị kẹnẹ-kẹnẹ ẹnẹ ẹ yaa sị ayị ẹnịnịị rò.

Ijeremaya 23:16

Ẹnẹyịmavara Ochẹtẹẹngụ ộ kà a yị Anijerusarẹmị nịnị ka, Asị ẹ wụ́ ịrẹyị ọnị ọnịsẹ ẹnẹnị aa kà o; ịrẹyị ireche ẹyaa mẹ ka waa tụra eyi nịnị nị. Ọ kà, ịrẹyị ọnị ọnịsẹ ẹnẹnị rò tụ ịnị ayị ẹnịnị ẹyaa kà a yị wụ nịnị nị, ẹ yị vị ịsị ọnị kà yị wa.

Ijeremaya 23:21

Ẹnẹyịmavara kà, dị ọnịsẹ ẹnẹnị daka ee zwe echi dị ẹyaa kà ịsẹ ngwọọ zịịzị aanị, ọnị ẹ yị tụ wa ụtụ; ọnị ẹ yị kà ịrẹyị yị wa.

Ijeremaya 23:25

Ẹnẹyịmavara kà, ọnị ộ wụ ịsị ọnịsẹ nịnị anaa sị ịrẹha anịị cheeche ka vị ẹnị aa kà ịsẹ anị nị aa kà. Ẹnịnị ka ọnị ô tụ́ ẹnị ụtụ ịnị ụra ọnị ẹnị ra.

Ijeremaya 23:27

Ọ kà ụra ẹnẹ ẹ ka ẹnị ệ ra ẹnẹ maanị aa kà aanị, vị ẹnị eyee sì ka ẹnị ẹ̀ sị mẹ ka aza anị è hí ayị anị, anka ohiku ẹnịnị me hi ayị anị di ẹ naa hẹkẹ Ịbaarị avọọ.

Ijeremaya 27:9

Ọ kà, asị ụ wụ́ ịrẹyị ọnị ọnịsẹ awụ nịnị, aza eneē ré ẹtẹ wụ nịnị, aza anaā kà iruvo ụraa wụ nịnị ọ̀ọ va vị ọmahọnọ awụ nịnị aa kà. Ẹnịnị ka wẹ́ yị vaa kụụ hẹkẹ ohinọyị Anibabironi nịnị.

Ijeremaya 28:15

Ijeremaya ka, ọnị ộ maanị kà a yị Ịhananịya, dị ọnị rẹ ka a tụ ọ yọ ka, Ịhananịya wụ́ o! Ẹnẹyịmavara ẹ́ yị tụ ụ ụtụ, á vị dị waa mẹ ka aza ẹnẹnị ẹ̀ sị ayị tụra ireche ahẹ.

Ijeremaya 29:1

Ijeremaya ka ọnị ộ chẹrẹ ịrẹta tu hi ohirẹsụ irehi Ohomorihi nịnị, ọnịsẹ nịnị, ẹnị ọdọvịdị nịnị ọnịrị avaba aza ana vọ ọnị Inebukadineza za ọrịhị hụrị Ijerusarẹmị ne hi Ịbabịrọnị.

Ijeremaya 29:15

Ẹnẹyịmavara kà, waa kà a nịnị ka, ọnị ộ sị ọnịsẹẹ wụ nịnị Ịbabịrọnị.

Ijeremaya 29:21

Ẹnẹyịmavara Ochẹtẹẹngụ, Ohomorihi Anisirẹrị ọ́ raa kà ịrẹyị ọnọrụ ana aā hị́ Ahabị ozi Ikoraya ọnịrị Ịzẹdẹkaya ozi Imaseya. Ẹnịnị ee cheeche wụ nịnị ka vị ọnị tụ ẹnị ụtụ nị. Ẹnẹyịmavara kà ọnị vaa hụrẹ wa ụvọ yị Inebukadineza ohinọyị Anibabironi dị ọ wụ̀ wa eyi awụ nịnị goro-goro.

Ijeremaya 29:23

Ẹnẹyịmavara kà, aanị ọ́ mẹ vaa yàa yị wa nị, agụvị ka ẹnịnị ẹẹ rị ịvị ebira odivi irenyi-irenyi ẹnẹ ẹ́ mẹ. Ẹnịnị ệ sị ose ọnọhụva ẹnịnị dị e re yee cheeche ka ọnị Ẹnẹyịmavara ọ tụ ẹnị ụtụ nị. Ẹnẹyịmavara é yi sì ẹngụ ịrẹyị ọnọnị. Ộ yẹ́ ịsị ẹnịnị mẹ, dị ọ́ rẹ vị onivenu tụ ọ nị.

Ijeremaya 37:9

Ẹnẹyịmavara kà ọnị aa kà a yị wa ka, asị e vene ẹngụ ẹnịnị dị ee rò o ka Anibabironi ẹ yị ma vana vavẹ, ẹnịnị vaa vaavẹ o.

Ijeremaya 5:31

Ọnịsẹ nịnị kụkụ èe cheeche; ohirẹsụ irehi Ohomorihi nịnị vị ana kụkụ a sị ọda ẹngụ ẹnịnị mẹ ịsị ẹ yaa mẹ, dị aza anị vavọọ yị si ọ ka a vavọọ mẹẹ nị. Ama sị ụ vaa mẹ nịnị ịnị ẹzẹtẹ anị kẹ?

Arụwẹ 2:14

Ireche kẹnẹ ọnịsẹ Anijuda nịnị ee che yị wa nị. Ẹnịnị ẹ yị kà ịzẹyịza yị wa, ẹnịnị ẹ yị sị zụ wa ka ẹ yaa mẹ̀ ebira odivi. Agụvị avọọ ẹnịnị ẹ yị ro ka a vọrọ ka ẹnị è ro ịnẹ varẹma.

Ezikẹẹrị 13:6

Apẹ ẹyaa mẹ ka vị ẹnị re ẹtẹ nị. Ịsẹ ẹnẹ ẹyaa kà vị ireche osusu. Ẹnẹyịmavara kà, ọnị ẹ́ yị tụ́ wa ụtụ, ama dị ẹ ka, ọnị ọ̀ tụ ẹnị ụtụ nị. Dị eyee zi ka ọnị vaa sị ịrẹyị ẹnịnịị gẹ nị.

Imika 2:11

Mâ yẹ ka onireche ana aa kà ịsẹ ireche zị ka u vee re echee hú ẹtẹẹtẹrẹ u sì nịnị.

Ịzakaraya 13:4

Ịjị ụmẹ ọnọọ o tụ́, nyị ẹ yị ọza ene vee wo ka ọnị a kà ịsẹ, a vị ka ọnị ee re ẹtẹ, di o chire awuru ọnịsẹ ka ọnị ọ sị vene aza.

Imatiwu 24:24

Agụvị ka onireche nịnị ana ka ẹnị vị ikirisiti, ọnịrị ọnịsẹ ireche nịnị vaa kwẹẹtẹ, dị ẹyaa mẹ̀ ụkọrọ ohyozirenu ẹbanyị-ẹbanyị, agụvị ẹ̀ nyẹngụ si vene aza oni Ohomorihi sị nyị, ẹ̀ẹ zụ mẹ̀ ẹ.

Iruuku 21:8

Dị Ijeesu ka, “Sị eyi pe ẹngụ awụ nịnị, oo! Asị ụ zẹẹ ka è vene wu nịnị! Aza ọrụrụ-ọrụrụ vaa rị ịrẹha amị, dị ẹ vẹ, dị ẹ ka ẹnị ẹ vị Ọdọzaha nị. Dị ẹ rẹ ka ụmẹ aa gụrị ẹtẹ. Asị ụ saasa wa nịnị!

Iruuku 6:26

Wa sị dà nịnị, wèe re ka avaba aza ee gono wu nịnị, agụvị ka avọọ gẹdẹ-gẹdẹ óhiku ẹnịnị mè re gono ọnịsẹ ireche nịnị nị.”

Aniroomi 16:18

Ẹngụ aza ana aa mẹ̀ ebira ẹnẹẹ, ẹyị vị Ikirisiti Ananyị yị ẹyaa hẹkẹ. Ịsa ọyịrị kẹnẹ ẹ sị ayị tụ́ ịnị anị nị. Dị ẹyaa sị ịrẹyị ohine ọnịrị ọza oyigonoo vene aza ẹnẹ ẹ̀ yị nyị ịsị ẹ yẹ.

Anẹhwẹsọsị 4:14

Ịjọnọọ, yẹ yị kụkụ vaa yà anka ezweyi ẹnẹ ẹ̀ yị mā jẹẹ aha ọnya, dị enevene ana aa zụ̀ aza ịsa aa kụ́ waa vaa chíi vaa hịrẹ anka ahị avọọ. Dị ẹyaa sị irikichi ẹnịnịị be aza enee vee vene.

Anẹhwẹsọsị 5:6

Asị ụ zẹẹ ka ọza ọ̀ sị ịrẹyị kẹnẹ-kẹnẹ vene wu nịnị! Agụvị ịsa ẹnẹẹ Óhomorihi vaa sị sị ụyaa rị aza ẹnẹ ẹ̀ yị mā wụ́ ịrẹyị anị nị.

2 Anịtẹsaronika 2:3

Asị ụ zẹẹ ka à nyị ọza ene vene wu nịnị ini oze ọnyọọnyị o. Ẹkụhị ọnọọ ọ́ yị vaa vẹ ne tù ụmẹ ana aza ọrụrụ-ọrụrụ vaa và ịrẹma Ohomorihi, dị ọza ọnọọ anaā jịnẹ avaba ọda ọ̀ sị ẹngụ anị tụ́ ẹhẹ. Ọnị ọ vị ọza ene vee vú ẹtẹẹ tụ́ ini ẹkụra nị.

2 Itimoti 3:13

Ama aza edivi ọnịrị enevene nịnị vị oni o vee divi yii hu avọọ hu avọọ. E vee vene ọza, dị e re vene ẹnị.

1 Ịjọọnụ 4:1

Ẹwụ nịnị anda ayị, asị ụ dọ avaba aza ana kà a ka ẹnị ẹ́ẹ nyị Ụhwẹ Ọnịnị wụ́. Ama zama wa re, dị ụ wa yẹ ịzẹyịza àa vị Ụhwẹ Ọnịnị Ohomorihi ẹ nyị nị, agụvị ka ọnịsẹ onireche ẹ sị gara hi ẹhẹ.

Ẹtore 13:14

Ụkọrọ ohyozirenu ọnọọ nyị ụkata dị ọ maanị aa mẹ éyi uye ọnọọ aanị, ee sii vene aza ene hi ịnị ẹhẹ nị. Dị ọ kà a yị aza ene hi ẹhẹ ka ẹ̀ mẹ ori yị uye ịnị avị ọnọọ anaa sị ụhwọ tụ̀ ụnava, dị ọ yị yàra nị.

Ẹtore 19:20

Dị a za uye ịnị avị ọnọọ ọnịrị ọnịsẹ ireche anị ana vịdị aa mẹ̀ ụkọrọ ohyozirenu éyi anị nị. Ụkọrọ ohyozirenu ọnọọ ọ sị vene aza ana nyị apọtẹrẹwa uye ịnị avị ọnọọ, dị ẹ rẹ hẹkẹ ori anị nị. Dị a za uye ịnị avị ọnọọ ọnịrị ọnịsẹ ireche ọnọọ, dị a kụ́ wa va hi ịnị adagu ịra ana a sị ohuru tụ́ ịnị anị nị.