Ijeremaya 29:32 - IWE ỌNỊNỊ

³² Re, ọnị vaa sị ụyaa rị Isemaya ana vị Anineherami ọnịrị evere anị; ẹ́ yị nyị aza ẹngụ anị ana vaa sị eyi re ịsị ọyịza ọnị ọnị vaa mẹẹ yị aza anị, agụvị ka ọ raa sị ịrẹyị irenu anị kụ̀ hịrẹ Ẹnẹyịmavara.

Ijeremaya 29:32 ပူးပေါင်းရင်းမြစ်များ

1 Ohinọyị 13:18

Dị ọnịsẹ ọzọkụ ọnọọ cheeche yọ dị ọ ka, “Ẹmị rẹ vị ọnịsẹ ộ anka ẹwụ. Ẹnẹyịmavara ộ tụ́ anggẹẹrị ka ọ̀ va kà a mị ka ẹmịrị wụ ọ̀ zị và nọ ini eehi amị, dị wa rị ịsa, di we re hú enyi.”

2 Ohinọyị 5:27

Dị ọ ka, ụkụ ọbanyị Ịnaamanị vaa kụ̀ra vaa za wụ beri avaba ịpa evere awụ pooro zịna. Ịjị Igehazi na hụrẹ ọvịdị Erisa, ụkụ ọbanyị ọ sị ọ za. Dị â vwẹtẹ owu oyiche avọọ nị.

2 Ohinọyị 7:2

 nyị ozi ahụ ohinọyị ọnya ọnị ọ hụraa tụ́ ụtụ. Ộ kà a yị Erisa ka, ịzị ọ na vị̀. Ẹnẹyịmavara ọ̀ọ daka na ozokete ihinẹba, dị ọ zụ̀ orihi ka ịsa ẹ̀ mẹ nị, ọ́ọ́ zụ vavọọ yà? Ama Erisa ộ kà a yọ ka, ọ vaa sị eyi anịị re e, ama ẹ yị vaa rị ịnị anị.

Ọyịkụra 20:5

Wẹ yị nyayịnẹ hẹkẹ wa. Ẹma vị Ẹnẹyịmavara ana vị Ohomorihi awụ nị. Me mē sì ka ọza ò sì ịrẹyị amị di ò re kuku ne sì ịrẹyị ori. Ọza ọ̀ọ nyị ịhyẹrẹ amị ịvị ọ mẹ avọọ nị. Maa sị ụya anịị rị ọ ne beri ozi anị ọnịrị aazị anị ne chire ẹmaazị anị.

Ayịsaya 14:20

Wa sị ẹkụra awụ va nẹtẹ, wa kụ́ aza awụ va ha, agụvị avọọ ọza o yi vee ne wu anka a mè ne ohinọyị ana vọ. Avaba evere awụ vị aza edivi. Ẹnịnị ệ ta ịnị ẹhẹ pàá.

Ayịsaya 14:22

Ẹnẹyịmavara Ochẹtẹẹngụ ka ọnị vaa kwẹẹtẹ tù Anibabironi, dị ọnị za avaba ezi anị ọnịrị ịpa ẹnịnị di oni vú wa ẹtẹ hụrẹ ẹhẹ.

Ijeremaya 17:6

Ẹngụ aza ẹnẹẹ vana sị mẹẹ anka avị ana chị tụ ịnị ẹtẹ ọpaapara avọọ. Vị ọ́ sị mẹ anka avị ana yà ịnị ụnọmị avọọ nị. Ẹ́ yị nyị ịsị ọyịza ọnị oo ree sị ụvọọ za.

Ijeremaya 20:6

Ọ kà àa vị ẹwụ Ipasihuri yọ, ẹwụrị avaba aza awụ vana vaa za ọrịhị nee hi Ịbabịrọnị bẹẹ. Ẹwụrị avaba ọta awụ ẹnẹ ẹwụrị cheeche ka vị Ohomorihi tụ wụ nịnị ụtụ avọọ vene vee sú tụ ịzọọ.

Ijeremaya 22:30

Ẹnẹyịmavara kà ọnị ọ sị ọkarẹyị mẹ yị ọnọrụ ọnọnị ka avaba ezi anị vaa jị ọ ụvọ. E yị vee zee yọ. Ẹ yị nyị ịpa anị ana vanaa yaatụ ịrẹsụ aga ohinọyị Idevidi ọ̀ yị mẹ ohinọyị ẹtẹ Ijuda paa.

Ijeremaya 28:16

Avọọ, Ẹnẹyịmavara kà ọnị vaa sị ụ hụrị ẹhẹ. Wee sú dị ịrayị ọnọnị ọ̀ gẹ, agụvị ka wàa sị ịrẹyị irenu awụụ kụ̀ụ hịrẹ Ẹnẹyịmavara.

Ijeremaya 29:24

 nyị ọnọrụ ọnya ana aā hị́ Isemaya ana vị anẹkụra ana aā hị́ Ineherami. Ijeremaya ka Ẹnẹyịmavara ộ tụ́ ọnị ka ọnị ọ̀ kà a yọ ka:

Ijeremaya 30:1

Ẹkụhị ọnya Ẹnẹyịmavara, Ohomorihi Anisirẹrị ộ kà a yị Ijeremaya ka,

Ijeremaya 35:19

Avọọ, ọnị Ẹnẹyịmavara Ochẹtẹẹngụ, Ohomorihi Anisirẹrị aa kà a tịtẹ ka ọza é yi vee si ezi Ijonadabị ka ẹ̀ mẹ̀ ụkọrọ anị dị à si e re.

Ijeremaya 36:31

Ẹnẹyịmavara kà ẹwụrị ezi ewu beri ọdọvịdị ana kara awụ, vị ọnị ọnị vaa sị ụyaa rị agụvị avaba ebira odivi ẹnẹ ẹ mẹ. Ọ kà ẹwụrị aza ene hi Ijerusarẹmị ọnịrị Ijuda ẹ́ yị wụ́ ịrẹyị anị ọnị maa kà wụ, nịnị ọnọ. Agụvị avọọ, avaba ụya ọnị ọnị wo oto ka ọnị vaa sịị rị wụ nịnị, vị ọnị ọnị vaa sịị rị wụ nịnị ịzẹyịza.

Ezikẹẹrị 20:38

Avaba aza anaā kụ̀ụ hịrẹ ọnị, dị ẹẹ̄ mẹ̀ ebira odivi-odivi vị ọnị ọnị vaa tọ̀ọ kwooze, ọnị vaa kụ waa hụrị ẹtẹ ẹnẹ ẹ́ ra booro aanị, ama ọnị ẹ́ yị vaa zẹẹ ka ẹnịnị ẹ̀ vavẹ ẹtẹ Isirẹrị. Ịjọnọọ ụ vaa yẹ nịnị ka ọnị ọ vị Ẹnẹyịmavara nị.

Emọsị 7:17

Dị Emọsị ka ẹnịnị wụ́ ịsị Ẹnẹyịmavara kà booro aanị, Ẹnẹyịmavara kà ịrẹkụ aa vaa rị ezi anọrụ ọnịrị anẹẹ ẹnịnị. A vaa za wa ọrịhị nọ ẹkụra anikinami. Ịzọọ anọrụ ẹnịnị vee su hi nị. Dị ose ẹnịnị vara ọsẹrẹka hi ịnị ẹkụra. Dị anẹkụra ọsa vaa dọ ẹtẹ ẹnịnị dị ẹ ga hi ẹngụ ụvọ.

Emọsị 9:10

Aza ẹnyị ịnị ẹngụ ẹnịnị anaā mẹ̀ odivi ka ụvọ e yị vee kú ẹnị vị ana vee su usu ụhwọ.

Iwe Ọhụhị Imosiisi ana aa hị́ Ọyịvatụrọda 13:5

Wụ̀ ọnịsẹ ọnọọ ana ka wa mẹ akamawụ hi Ẹnẹyịmavara Ohomorihi ana dọ wụ ha hụrị Ijipiti ịzị a ya za wụ nịnị ọrịhị. Ẹngụ ọza ọnọọ vị ọza ọhịmị ana a sị vụrị ka ọnị ọ mẹ wụ nịnị nyeeyi hụụnị ẹhẹ ana vọrọ ọnị Ẹnẹyịmavara kà wa ra. Wụ̀ ọ agụvị wa kụ udivi hụrẹ ẹtẹ.