Ijeremaya 29:26 - IWE ỌNỊNỊ

²⁶ Ẹnẹyịmavara ọ sị ọ dọ ọnọrụ ana aā hi Ijehoyada ịrẹsụ ka ọ̀ vị ohirẹsụ irehi Ohomorihi nị, dị a hịka ọnị ọ kụkụ vị ohirẹsụ avaba anụkọrọ irehi Ohomorihi booro aanị. Ụ ka ọnị ọ vị ụkọrọ anị ka avaba ọnụra anaa mẹ apẹ ka vị ẹnị aa kà ịsẹ nị. Ọ̀ tụ wa ịchẹkẹchẹkẹ dị ọ sị enyusẹ kara wa ọrọkọ nị.

Ijeremaya 29:26 ပူးပေါင်းရင်းမြစ်များ

2 Ohinọyị 11:15

Ijehoyada e yi sì ka à wụ Atarịya ini irehi Ohomorihi, dị ọ ka à yị ọga isoja ẹnẹnị ka, è tura a zi oze ịnị akakana oserẹtẹ nịnị nị. Ọ kà ọza ene èe sì ka ọnị dọ ọ hụrẹ wa ụvọ, ẹ̀ wụ ọ.

2 Ohinọyị 11:18

Dị aza ẹnẹnị nọ irehi Ịbaarị, di e wú ọ ha nị. Ụta ịsọvọ ọnịrị uyi ana a mẹ hi ịzọọ vị ẹnẹ ẹ chaka ha, dị ẹ wụ̀ Ịmatanị, ohirẹsụ irehi Ịbaarị tụ ọvịdị ụta ịsọvọ ẹnẹẹ nị. Ijehoyada ộ kụ aza kara irehi Ohomorihi ka ee sere e.

2 Ohinọyị 9:11

Ịjị Ijehu varẹma ne tu ogu anị, dị ẹnịnị họ̀ ọ use ka, á vị ẹ̀ yị nyị ịrẹyị? Sị onuvu ọnọọ ee si wu aà mẹ? Dị Ijehu tu wa ohi ka: Vị́ ụ wàaa yẹ ịsị e si nịnị nị.

2 Ịtọpa 16:10

Ịrẹyị ọnọnị ọ mẹ ka Asa ọ kụ́ ayị hi ọnịsẹ ọnọọ, dị ọ ka a kụ́ ịchẹkẹchẹkẹ hi ọ ụvọ tụ ịnị ẹngwa nị. Hụrẹ ụmẹ ọnọnị Asa nyima aa chamayị yị aza anị ẹnyị nị.

2 Ịtọpa 18:26

Wèe tù ịzọọ dị ụ kà a ka mị ka à sị ọ tụ́ ịnị ẹngwa, dị waa dà ịsa kiiki yọ, dị wa rẹẹ sị enyi chee yọ. Ọ̀ vavọọ yà ịzọọ pooro dị ma vavẹ ịnị ẹngwọọrọ.”

Ijeremaya 29:27

Ụ ka sị ẹ vẹ dị ẹ̀ yị vavọọ mẹ Ijeremaya ana vị anẹkụra ana aā hị́ Anatọtị? Ụ ka Ijeremaya ọnọọ aa kà ịrẹyị aza anka ọnịsẹ avọọ.

Ijeremaya 38:28

Avọọ Ijeremaya mẹ vana yà ịnị ohweje oserẹtẹ nịnị pooro ne tu ụmẹ ana a sị kụ ịrẹkụ va rị Ijerusarẹmị nị.

Ijeremaya 38:6

Ijeremaya ka, ịzẹyịza, dị ẹnịnị sị ọnị, dị ẹ́ tụ ọnị obo, dị e ne ọnị ngụ ịkangga nị. Ozi ohinọyị ana aā hị́ Imarikija ọ nyị ịkangga ọnọọ nị. Ịkangga ọnọọ ẹ́ yị nyị enyi, ụdọ-ụdọ ọ vị nị, dị ọnị chì ngụ ụdọ nị.

Ihoseya 9:7

Ụmẹ ụyọrị Anisirẹrị nịnị ọ sị ngụ tu wa, Ụmẹ ọnị Ohomorihi ee si si wa atọ ebira odivi ẹnịnị aa gụrị ẹtẹ. Ẹ yị jẹẹ dị Isirẹrị ẹ yẹ. Ẹnịnị ẹ yaa kà a ka ọnịsẹ ọnịrị ọnụtụ Ohomorihi nịnị vị onuvu. Ẹnịnị ệ nyị ịhyẹrẹ Ohomorihi agụvị ka ebira odivi ẹnịnị ọ sị vị ẹnẹmẹhị.

Ịzakaraya 13:1

Ẹnẹyịmavara Ochẹtẹẹngụ kà a ịjị ụmẹ òo si tù, enyi vee si hụụnị ẹtẹ ana vaa nyịna ezi Idevidi ẹnịrị aza ene hi Ijerusarẹmị hụụnị ebira odivi ẹnịnị ọnịrị ẹvụvụ ori ọnị ẹ yaa hẹkẹ.

Imatiwu 21:23

Ijeesu ọ rẹ vavẹ ini irehi Ohomorihi. Ọ màa zụ̀ aza ịsa, dị ohirẹsụ ẹbanyị irehi Ohomorihi beri ọdọvịdị nịnị ve tù ọọ nị. Dị ẹ họ̀ ọ ka, “Ọda ịsị ụ maanị aa sịị mẹ? Ẹnẹ sị ọda ọnọnịị wụ ka wa maanịị mẹ?”

Ịmaakị 3:21

Ịjị aza anị Ijeesu maanị wụ́, dị ẹ na ka ẹnị ẹ̀ na sị ọọ hụụ ịzọọ nị, agụvị ka vị aza kà a ka vi ee che uvu nị.

Ịjọọnụ 10:20

Aza ọrụrụ-ọrụrụ ẹnịnị aa kà a ka, “Ộ nyị ụhwẹ echu, vi ee che uvu nị! Sị ẹ vẹ di u wee batọ ịrẹyị anị nịnị?”

Ịjọọnụ 10:33

Dị Aniju nịnị tụ́ ọọ ohi, dị ẹ ka, “Yẹ yị hụ agụvị ụkọrọ ozoza ọnyọọnyị ne wu ịrẹta. Ama yee sì ka ye ne wu ịrẹta, agụvị ka waa kà ịrẹyị odivii hi Ohomorihi. Ọza rị ẹyị ị́rẹsụ kẹnẹ ụ vị nị, ama wee sì ka wa sị ẹngụ awụ vara Ohomorihi.”

Ịjọọnụ 8:53

Ewéé kuku ve huna Abụrahamị ada ayị, ene sú nị? Ọnịsẹ nịnị ẹnị e re wusu. Sị ụ vị ana sị ẹngụ awụ hị́ ka wáa vị?”

Odeyi 16:24

Ịjị a maanị sị ọọ kà a yọ, dị ọ kụ́ Ịpọọrụ nịnị ne hi ịnị aku ọdịrẹma ịnị ẹngwa, dị ọ kụ́ ọchị ẹbanyị-ẹbanyị hi wa ahụ tụ́ ịzọọ nị.

Odeyi 26:11

Ụmẹ ọrụrụ-ọrụrụ mị sị sị ụya rị wa ịnị avaba irehi Ohomorihi nị, dị maa sị ụkata za wa ka ẹ̀ẹ kà ịrẹyị odivii hi Ijeesu nị. Ayị ẹnịnị ộ kụ́ mị pooro ne tù ka mâ tụra wa nọ ẹkụra ọsa ka ma na sị ụya rị wa.”

Odeyi 26:24

Ị́pọọrụ mẹ̀ maanị aa kụ́ irenu anị, dị Ịhwẹsịtọsị nowu dị ọ ka, “Ịpọọrụ, u wee che uvu nị! Iwe ahaahara ọnị ụ kà, aa tụ́ wụ uvu aanị!”

Odeyi 26:25

Dị Ịpọọrụ ka, “Taarụ! Ịhwẹsịtọsị, me yi che uvu. Ịrẹyị ịzẹyịza m maa kà nị. Ma rẹ sị ụvọ za ẹngụ amị.

Odeyi 4:1

Ipita ọnịrị Ịjọọnụ vị ana aa yịị kà ịrẹyịị yị aza ẹnẹẹ, dị ohirẹsụ irehi Ohomorihi nịnị ọnịrị ọga iporisi irehi Ohomorihi ne beri Anisadusi nịnị vene ve tù wa nị.

Odeyi 5:18

Dị ẹ za odeyi nịnị, dị ẹ kụ́ wa tụ́ ịnị otumare ịjọva nị.

Odeyi 5:24

Ịjị ọga iporisi irehi Ohomorihi ọnịrị ohirẹsụ ẹbanyị irehi Ohomorihi maanị wụ́, ô hí wa irenu ka ịrẹyị ịsị aa vẹ aanị?

2 Anịkọrịntị 11:33

Ama â sị mị tụ́ ini uji, dị a sị mị zị oze ana yà ịnị ọvọ chi hi ẹtẹ, di mi zwe hụrẹ wa ụvọ nị.

Ẹtore 2:10

Asị u hí angwa ọnyọọnyị ịnị ụya ọnị ụ waa vaa rị! Re, Echu vaa zama wụ nịnịị re, dị ọ kụ́ aza ẹnyị awụ nịnị ne hi ịnị ẹngwa. Ụ vaa rị ụya nịnịị mẹ̀ ẹkụhị ẹẹwụ. Sị sị ayị yị mị nịnị pooro, wàa daka ee sú nịnị! Mị vaa sị ọgụụ wụ nịnị, ọnị ọ vị ka mị vaa mẹ ka wa yàra nịnị pooro zịna-zịna ị́dị Ohomorihi.