Ijeremaya 29:25 - IWE ỌNỊNỊ

²⁵ Ẹnẹyịmavara Ochẹtẹẹngụ, Ohomorihi Anisirẹrị ka, waa sị ịrẹha ẹngụ awụ chẹrẹ ịrẹta tu hi avaba aza ene hi Ijerusarẹmị, ọnịrị ohirẹsụ irehi Ohomorihi ana aā hị́ Ịzẹhwanaya ozi Imaseya beri avaba ohirẹsụ irehi Ohomorihi ana vọ, waa kà a yị Ịzẹhwanaya ka:

Ijeremaya 29:25 ပူးပေါင်းရင်းမြစ်များ

2 Ohinọyị 19:14

Ihezekaya ộ dọ iwe ọnọọ hụụnị ụvọ ọnụtụ ẹnẹẹ, dị ọ kà a nị. Ọ sị ọ ka, dị ọ nọ ini Irehi Ẹnẹyịmavara, dị ọ sị tụ ọvịdị Ẹnẹyịmavara nị.

2 Ohinọyị 19:9

Anasiriya nịnị ệ wụ ọ ka Itirihaka, ohinọyị Etiyopiya ana raa hị́ Ikusi, ọ́ raà kụ isoja Anijipiti ee vee pe ẹnịị kụ̀ ịrẹkụ. Ịjị ohinọyị Asiriya maanị wụ, ộ sị iwe tụ hi Ihezekaya, ohinọyị Ijuda.

2 Ịtọpa 32:17

Iwe ọnị Isenakeribi chẹrẹ vị ọnị ọ sị kụ Ẹnẹyịmavara Ohomorihi Anisirẹrị ụhụ. Ộ kà ori anẹkụra ana vọ ẹ yị zụ dọ wa ha hụụnị ụvọ anị, ori Ihezekaya ẹ yị vaa zụ dọ aza anị ha hụụnị ụvọ anị.

Inehemaya 6:17

Ịnị avaba ụmẹ ọnọọ, ọdọvịdị Anijuda nịnị ọnịrị Itobaya vị anaa chẹrẹ iwe tu hi ẹngụ pooro dị ọvọ ta tụra.

Inehemaya 6:19

Aza vị ana ya eyi amị aa kà ebira ọyịza Itobaya, dị ẹ raà ka avaba ịsa ọnị mi kà yị Itobaya nị. Dị Itobaya chẹrẹ iwe ọrụrụ-ọrụrụ ka ọnị ọ sị chire mị angwa nị.

Inehemaya 6:5

Ana tụ ọ ụpẹ ọhụhị, dị Ịsanbaratị chẹrẹ iwe tụ ozi ahụ anị ka ọ sị ụvọ sị ọ chapaa va yị mị nị.

Ijeremaya 29:1

Ijeremaya ka ọnị ộ chẹrẹ ịrẹta tu hi ohirẹsụ irehi Ohomorihi nịnị, ọnịsẹ nịnị, ẹnị ọdọvịdị nịnị ọnịrị avaba aza ana vọ ọnị Inebukadineza za ọrịhị hụrị Ijerusarẹmị ne hi Ịbabịrọnị.

Ijeremaya 29:29

Ijeremaya ka Ịzẹhwanaya ộ ka ịrẹta ọnọọ zụ ọnị,

Ijeremaya 37:3

Ijeremaya ka, ohinọyị Ịzẹdẹkaya ộ tụ ọnọrụ ọnya aanị ana aā hị́ Ijehukari, ozi Iseremaya beri Ịzẹhwanaya ozi Imaseya ve tu ọnị. Ịzẹhwanịya ọnị vị ohirẹsụ irehi Ohomorihi. Ọ kà, aarịhịnị, ọnị ò pe ẹnị mẹ̀ aduwa hi Ẹnẹyịmavara, Ohomorihi ẹnịnị de.

Ijeremaya 52:24

Inebuzaradani, ana vị ọdọvịdị isoja ene ee sere ohinọyị aanị ộ zá ohirẹsụ ịrẹsụ ọbanyị irehi Ohomorihi ana aā hị́ Iseraya. Dị ọ́ rẹ za ohirẹsụ irehi Ohomorihi ana va tụra a, ana aā hị́ Ịzẹhwanaya beri ọdọvịdị irehi Ohomorihi ọkọọka ọsa ẹẹta nị.

Odeyi 9:2

ka ọ̀ sị iwe yị ọnị, dị ọnị ọ̀ sị na yị irehi ahẹkẹ Aniju nịnị ene hi Ịdamasịkọsị nị. Ọ kà oni òo re ọza ana aa saasa oze Ikirisiti ịzọọ, dị ọnị ọ tụ́ wa orupa vẹ Ijerusarẹmị, ẹ̀ẹ vị ọnọrụ, ẹ̀ẹ daka vị anẹẹ.