Ijeremaya 29:18 - IWE ỌNỊNỊ

¹⁸ Ọ kà ọnị vaa kụ́ ịrẹkụ ụngwẹ ọnịrị ụkụụ tù wa dị ọnị sị dụ wa. Avaba anẹkụra ene hi ẹhẹ vee re wa dị ayị aa hụrẹ wa ịnẹ. Ịsị ẹ mẹ tù wa vaa za azaa zizi, dị angwa ee hi wa aha tụra aha ọnị ọnị ọọ dụ wa ne hi. Aza vị ana vaa sị wa mẹ ịyẹyẹ, dị ẹ kụkụ aa sị ịrẹha ẹnịnị tụ ozirenuu hi aza.

Ijeremaya 29:18 ပူးပေါင်းရင်းမြစ်များ

2 Ịtọpa 29:8

Ẹnẹyịmavara vị ana nyayịnẹ du ayị hí Anijuda ọnịrị Anijerusarẹmị nịnị. Ịsị ọnị ọ mẹ̀ wa vi ene hi ọzọza angwa, dị ahị za wa. Ẹnịnị ẹ yẹ ọsọnị ẹtẹẹtẹrẹ.

Ahẹ Ụgama 44:11

Wâ hụrẹ yị ụvọ ka ọnịvị ayị ẹ̀ẹ wụ yị anka atẹmẹ avọọ dị ẹ gara yị zị hi avaba ẹhẹ nị.

Ayịsaya 65:15

Aza amị ẹnị mị nyị vị ana vaa sị ịrẹha awụ nịnịị chìi hi ọza. Ẹmị Ẹnẹyịmavara Ohomorihi vaa mẹ ka we su nịnị. Ama mị vaa sị ịrẹha ọwọọwaa yị aza anaa saasa ịrẹyị amị.

Ijeremaya 15:4

Ịsa ọnị ọnọrụ anaā hị́ Ịmanasẹ ozi Ihezekaya mẹ Ijerusarẹmị ụmẹ ọnị ọ sị vị ohinọyị Ijuda, ọnị vaa mẹ ka ịrẹyị Anijuda nịnị ọ̀ za avaba anẹhẹ zizi ẹtẹẹtẹrẹ.

Ijeremaya 18:16

Ẹnịnị ẹ́ raa mẹ ka ẹtẹ ọnọnị oo chire ọza angwa, dị à kụkụụ sị eyi wụ ọ pooro. Ịsị ana aza anaa parahu vee re, vaa za waa zizi. O vee hi wa irenu di e yee zizi ịrẹsụ.

Ijeremaya 19:8

Ẹnẹyịmavara kà ọnị vee vú Ijerusarẹmị ẹtẹ divi-divi. Avaba aza anaa parahu vị ọnị ọ́ vaa zaa zizi óoo me hi wa irenu.

Ijeremaya 24:10

Ẹnẹyịmavara kà ọnị vaa kụ́ ịrẹkụ, ụngwẹ ọnịrị ụkụ vee tù wa. Avọọ ọnị mẹ vaa mẹ wa pooro nee tu ka asị ọza ịnya kụkụ vọ tụ ịnị ẹtẹ ọnị ọnị sị yị ẹnịrị ohiku ẹnịnị nị.

Ijeremaya 24:9

Ọ kà ọnị vaa kụ ẹngụkata odivi tù wa ana vaa mẹ angwaa hi anẹhẹ. Ọ kà aza vị ana vaa sị wa mẹ enyinyi, dị aa sị ịrẹyị ẹnịnị mẹ̀ isiya, dị a raa kụ wa ụhụ. Aha tụra aha ọnị ọnị ọọ dụ wa ne hi vị ana a vaa sị ịrẹha ẹnịnịị chii hi aza.

Ijeremaya 25:9

Ọnị vaa tụ́ụ hị́ avaba aza ene hi Ịbabịrọnị ọnịrị ozi ahụ anị, Inebukadineza, ohinọyị Ịbabịrọnị ka ẹ̀ kụ ịrẹkụ va ngụ Ijuda. E vee pè avaba aza ene hi Ijuda ọnịrị avaba ẹkụra ana kara waa kụ̀ ịrẹkụ. Ẹnẹyịmavara kà ọnị vee vu Ijuda ọnịrị aza ana kara wa ẹtẹ saka-saka ana ahịka aza èe ré e angwa vị ene vee hí wa pooro zịna-zịna.

Ijeremaya 26:6

Ọnị vaa mẹ irehi anị ọnọnị anka ẹkụra ana aā hi Isiro avọọ. Dị ọnị mẹ ka avaba anẹhẹ ẹ̀ kụkụụ sị Ijerusarẹmị chìi hị́ aza.

Ijeremaya 27:8

Ẹnẹyịmavara kà, ama, àa nyị anẹkụra ọnyọọnyị, àa vị ohinọyị ana ka ẹnị ẹ̀ yị dọ ka ohinọyị Inebukadineza ọ̀ mẹ ohinọyị tụra ẹnị ịrẹsụ, ọnị vaa kụ́ ịrẹkụụ tù wa beri ụngwẹ ọnị ụkụ, dị ọnị sị sị́ ụya rị wa. Avọọ ọnị mẹ vaa mẹ wa pooro nee tu ịjị ọnị ọọ raa mẹ ka Inebukadineza ò vu wa ẹtẹ samị-samị nị.

Ijeremaya 29:17

Ẹnẹyịmavara Ochẹtẹẹngụ ka, ọnị aa kụ́ ịrẹkụ, ụngwẹ ọnịrị ụkụ vee tù wa. Ọnị vaa mẹ wa anka ihwigi ana vụ̀ pooro dị ẹ̀ yị kụkụ wụra rị avọọ.

Ijeremaya 29:22

Ịhị aza ana a za ọrịhị hụrị Ijerusarẹmị ne hi Ịbabịrọnị aanị ẹẹ ka ẹnị aa tụ ozirenuu hi ọza, ẹnịnị kụkụ vaa kà a ka; Ẹnẹyịmavara ọ̀ mẹ wụ anka ọ́ mẹ mẹ Ịzẹdẹkaya ọnịrị Ahabị ọnị ohinọyị Ịbabịrọnị hù irenyi-irenyi avọọ.

Ijeremaya 32:24

Wee re, Anibabironi nịnị ẹ sị kwẹẹtẹ tu yị, dị ẹ họ̀ kara Ijerusarẹmị ka ẹnị aa vaa za wa anị nị. Ịrẹkụ, ụngwẹ ọnịrị ụkụ, aza ẹnẹnị vị anaa za Ijerusarẹmị. Wee re ka vị avaba ịrẹyị ọnị ụ ka sị gẹ aanị nị.

Ijeremaya 34:17

Avọọ, ọnị Ẹnẹyịmavara kà, wẹ́ yị saasa ịrẹyị anị nịnị. Ụ ka wẹ́ yị hụrẹ anda awụ nịnị ụvọ; agụvị avọọ, ọnị vaa hụrẹ ẹwụ nịnị ka we ne sú ha eyirẹkụ nịnị, dị ụkụ ọnịrị ụngwẹ ẹ̀ wụ̀ wụ nịnị va ha. Ọ kà ịsị ọnị ọnị vaa mẹ ẹwụ nịnị vee chire avaba anẹhẹ angwa.

Ijeremaya 42:18

Ẹnẹyịmavara Ochẹtẹẹngụ, Ohomorihi Anisirẹrị nịnị ka, ayị mẹ kụ ọnị tu Anijerusarẹmị nịnị avọọ, avọọ ayị mẹ rẹ vaa kụ ọnị tu wu nịnị wàa nọ Ijipiti nịnị nị. Ọza enee ré wu nịnị, vị ana angwa vee hí; Aza vị anaa vànaa sị wụ nịnị mẹ ịyẹyẹ, dị we yi me vene re ẹkụra ọnọnị nịnị.

Ijeremaya 44:12

Avaba Anijuda ana vọ, dị ẹ ka vị ẹnị aa naa ra Ijipiti nị, ọnị vaa mẹ ka è vú avaba ẹnịnị ẹtẹ. Avaba ẹnịnị vị ene vee su vaa hi Ijipiti, ẹ̀ẹ vị ọzọkụ, ẹ̀ẹ vị ozweyi. Enee su ịnị ịrẹkụ, dị ụngwẹ wụ̀ wa. Angwa vị ene vee hi aza enee re wa. Vị a vanaa si eyii wụ̀ wa, dị aza aa sị ịrẹha ẹnịnịị chi hi aza nị.

Ijeremaya 44:22

Agụvị avọọ, á jị ẹkụra awụ nịnị eburu, dị ẹ̀ yị nyị ọza ana kụkụ ra ịzọọ ajịnị anị nị. Aza enee kuku re e vị enee hí angwa, dị aza kụkụ aa sị ịrẹha anịị chii hi aza anị. Ẹnẹyịmavara kà ọnị ẹ yị kụkụ zụ sị ẹngụ dọ ịsa odivi-odivi ọnị waa mẹ nịnị.

Ezikẹẹrị 12:15

Ịjị ọnị ọọ vavọọ sị wa gara hi ozi ẹkụra-ẹkụra, ẹnịnị vaa yẹ ka ọnị ọ vị Ẹnẹyịmavara nị.

Ezikẹẹrị 22:15

Ọnị vaa gara wụ nịnịị hi avaba ẹkụra, dị ọnị dọ wụ ebira odivi awụ nịnị va ha.

Ezikẹẹrị 23:46

Ẹnẹyịmavara Ananyị ụkata hu ka, à hàrà aza vẹ ene vee chire anẹẹ ẹnẹnị angwa, dị ẹnịnị ẹ̀ sị ụkata dọ wa ịsị ẹ nyị.

Ezikẹẹrị 36:19

Ọnị ộ jị ịvị yị wa agụvị ẹngụ ẹhẹ ẹnẹ ẹyaa ra ọnịrị ebira ẹnẹ ẹyaa mẹ. Dị ọnị gara wa hi ẹkụra ọsa zịịzị nị.

Ezikẹẹrị 5:15

Ẹnẹyịmavara kà ịjị ọnị ọọ raa sị ọyịkụ-ọyịkụ sị ụya rị wụ nịnị, angwa vee hí avaba anẹkụra ana kara wụ nịnị, vị́ ụ vanaa nyị wa ịhyẹrẹ nịnị isiya nị.

Ezikẹẹrị 6:8

Ẹnẹyịmavara kà ọnị vaa navọ aza ẹnyị ka asị á wụ̀ wa, Ẹnị ẹnẹẹ vị ana a vaa garaa hi avaba ẹkụra ọsa. Ịjị aa vavọọ sị wa gara hị́ ẹkụra ọsa, dị a za wa ọrịhị hi ịzọọ.

Ireevi 26:33

Ọ kà ọnị vaa kụ ịrẹkụ vee tù wa, dị ọnị gara wa ne hi ẹtẹ anẹkụra ọsa nịnị. Ẹtẹ ẹnịnị vaa tụ́ osusu, dị ẹkụra ẹnịnị jị eburu.

Emọsị 9:9

Ọ kà ọnị vaa mẹ̀ ọda, dị ọnị ziizi Anisirẹrị nịnị beri avaba anẹkụra ana vọ anka aā mẹ sị ọbanyịsa banyị ịsa avọọ. Ẹ yị vaa nyị ọza ọyịza ikonya ene ve che ne ta.

Imika 6:16

Ọda udivi Omiri Ohinọyị kẹnẹ ụ ta ụvọ ku nị. Waa hama ebira odivi Ahabị ọnịrị Omiri, Agụvị mị vaa sị wụ mẹ̀ apojuwe yị aza ana vọ avọọ mi vee vú ẹtẹ. Aza awụ vị ana a vaa sị mẹ̀ isiya. Aza ene ee re vị ene vee nyi wu unyi.

Ịzakaraya 7:14

Ọnị vaa sị opomi gara wa hi avaba ẹhẹ, dị ẹtẹ ẹnịnị dụ osusu, dị ọza ẹ yị zụ ngụ ọ, ẹ yị zụ jịnẹ. Aanị ẹkụra ọyịza ọnọọ mẹ vaa dụ osusu nị.

Ịzakaraya 8:13

Ịnị ịyẹẹyẹ, anẹkụra ọsa nịnị vene chi hi aza ka o divi yị wa anka Ijuda ọnịrị Isirẹrị, avọọ Ẹnẹyịmavara kà ọnị vaa dọ wa ha, dị aa kụkụ a sị ize ẹnịnị hị́ ọsa yị aza. Avọọ ẹnịnị ẹ nyị ọtụtụrụma, asị e hí angwa.

Ịrịka 5:27

Áa vị ka ọnyẹnẹẹ ọnọọ ộ sẹ̀ ịrẹka, enyi ọnị o hu aanị vaa vị ka ozirenu ọ za a. Dị ị̀rẹ̀ka anị o wu, di ịhị ozi va ngụ ọ ẹngụ, dị ẹ yị kụkụ zụ ma ozi. Dị ọvị ọza ozirenu ini akakana aza anị.

Iruuku 21:24

A vaa sị ụhwọọ wụ̀ aza ẹnyị, dị a rẹ za aza ẹnyị ọrịhị ne hi ẹkụra irenyi-renyi. Dị anarịmadọwụ nịnị du Ijerusarẹmị ha saka-saka, pooro dị ụmẹ ẹnịnị ọ̀ va ta.”

Iwe Ọhụhị Imosiisi ana aa hị́ Ọyịvatụrọda 28:25

Ẹnẹyịmavara vaa mẹ ka ọnịvị awụ nịnị ẹ̀ nyị ẹbẹẹba awụ. Ụ vaa zi oze ọnya nọ ịrẹkụ ọnịvị awụ, ama dị ẹ dụ wụ zi oze ịhịmba. Avaba anẹhẹ vee re ịsị ẹ mẹ tù wu nịnị, dị angwa hi wa.

Iwe Ọhụhị Imosiisi ana aa hị́ Ọyịvatụrọda 28:37

Anẹkụra ana vọ èe re ịsị ẹ mẹ wụ nịnị, ọ vaa za waa zizi ẹtẹẹtẹrẹ. Ẹnịnị vị ana vaa kụ́ wụ isiya, di e yee nyị wu nini unyi.

Iwe Ọhụhị Imosiisi ana aa hị́ Ọyịvatụrọda 28:64

Ẹnẹyịmavara vaa gara wụ nịnịị hi ịnị akakana avaba anẹkụra ana vọ hi avaba ẹhẹ. Ụ vaa yà ịzọọ dị ụ waa hẹkẹ ori ana a sị ịrẹta ọnị ọchị mẹ. Ẹ yị nyị ọza awụ nịnị, àa vị ohiku awụ nịnị ana vịdị yẹ ori ẹnẹẹ da.