Ijeremaya 29:12 - IWE ỌNỊNỊ

¹² Ịjọnọọ, ụ kụkụ vaa hị́ ọnị nịnị, Ẹnẹyịmavara kà ụ vaa vẹ vaa mẹ̀ aduwaa hi ọnị nịnị, dị ọnị tu u nini ohi.

Ijeremaya 29:12 ပူးပေါင်းရင်းမြစ်များ

2 Ịtọpa 33:13

Ohomorihi ộ wụ́ aduwa Ịmanasẹ, dị ọ navọ ka ọ varẹma nọ Ijerusarẹmị na mẹ̀ ohinọyị anị nị. Ọsọnị ộ mẹ̀ ka Ịmanasẹ ọ ye ka Ẹnẹyịmavara ọ vị Ohomorihi nị.

2 Ịtọpa 6:38

Ẹnịnị ẹ̀ẹ sị ịzẹyịza ro ịnẹ ịzọọ, dị ẹ mẹ̀ aduwa yị ẹtẹ ọnịrị ẹkụra ne beri irehi awụ ọnị ọnị da yị wụ nị.

Ijoovu 22:27

Ọ̀ọ mẹ̀ aduwa, Ohomorihi vaa sị ohi yị wụ, ụ vaa zụ́ sị ụvọ za avaba ịsa ọnị ụ wo oto anị.

Ahẹ Ụgama 10:17

Ẹnẹyịmavara, mâ yẹ ka ụ vaa wụ́ ịpọda oniruwa nịnị, ụ rẹ vaa gụ wa ụvọ.

Ahẹ Ụgama 145:19

Ịsị aza ene hí angwa anị ee sì vị ọnị ọọ̄ sịị yị wa. Ọọ̄ wụ́ ịpẹ ẹnịnị, dị ọ dọ wa tụ́.

Ahẹ Ụgama 50:15

Ọ kà waa vavọọ aa mẹ, ịhị wàa nyị ẹngụkata dị ụ hị́ ọnị nị, di e re Ọ kà vị ọnị aa vaa dọ wụụ tụ́ nị Ịjọnọọ ụ vaa sị ụbanyịị yị ọnị

Ayịsaya 26:16

Ẹnẹyịmavara, wâ sị ụya rị aza awụ. Ayị ẹnịnị ô du, dị ẹ vẹ ịda awụ dị ẹ vụrị aa mẹ̀ aduwa nị.

Ayịsaya 30:19

Ẹwụ nịnị Anijerusarẹmị we yi kuku vee sụ ùnè nịnị. Ẹnẹyịmavara vị anaā vayị ọza. Wèe nowu na za a, ọ vaa ba wụ nịnị owu.

Ayịsaya 65:24

Dị à va nyị ka ẹnịnị ẹẹ hị́ mị, mi vee tu wa ohi. Ẹ̀ẹ yaa kà ịrẹyị kẹnẹ, mị vaa wụ́.

Ijeremaya 31:9

Ọ kà, aza anị vaa vàa vẹ dị eyee sụ ùnè, ọnị ọọ kụ wa aa vàa vẹ dị ẹyaa mẹ̀ aduwa. Ọnị vaa zụ wa oze naa ngụ ịnị okuha ana nyị enyi, ọnị vaa kụ wa vaa tụra oze ana swa, ẹnịnị ẹ́ yị vaa vangga. Ọ kà, Ada ọnị vị yị Anisirẹrị nịnị nị, dị Ehwireemi vị ozi ịpaapa anị nị.

Ijeremaya 33:3

wa hị́ ọnị ka ọnị vee tu u ohi, dị ọnị ka ịsị ẹbanyị-ẹbanyị ọnị ọza ẹ̀ yị yẹ́ iruvo anịị yị ụ. Ịsa ọnị wẹ yị yẹ.

Ijeremaya 50:4

Ẹnẹyịmavara kà, ịjị ụmẹ ọnọọ oo tu, Anisirẹrị nịnị ẹnịrị Anijuda nịnị vaa jị òrèrè, dị eyee sì ọnị, Ohomorihi ẹnịnị.

Ijeremaya 51:50

Ẹnẹyịmavara ộ kà a yị aza anị ene hi Ịbabịrọnị ka. Wa sị ha hụrị ụvọ isu nịnị, waa na nịnị booro aanị. Asị ụ jẹẹ nịnị o. Ọ kà, dị ụ da ka ị noze rịrị eehi nịnị aanị, waa tamayị ọnị, Ẹnẹyịmavara nịnị, dị asị u hi ayị Ijerusarẹmị nịnị.

Ezikẹẹrị 36:37

Ẹnẹyịmavara Ochẹtẹẹngụ ka, ọnị vanaa zẹẹ ka Anisirẹrị nịnị ẹ̀ họ̀ ọnị use ka ọnị ọ̀ gụ ẹnị ụvọ. Ọnị vaa mẹ ka ẹnịnị ẹ̀ rụrụ atẹmẹ ọrụrụ ana aa pa avọọ.

Ihoseya 14:9

Aza ana àa yẹ ịrẹyị vaa yẹ avaba ịsa ẹnịnị. Aza ene eyi anị hweyi ẹẹ yẹ ẹ. Oze Ẹnẹyịmavara ọ vọrọ ọnị aza ana yẹ ịrẹyị aa sị mẹ ẹhẹ ẹnịnị nị. Ama ọnịvị nịnị vị ana vaa vanga, dị ẹ hyẹdụ agụvị ka ẹ sị eyi wụ̀ ịrẹyị anị.

Ịzakaraya 13:9

Ẹnẹyịmavara Ohomorihi kà a ẹnị ana vọ vị ọnị ọnị vaa zama a re anka á mẹẹ sị ịraa nyịna isiriva avọọ. Ọnị vaa zama wa re anka a mẹẹ̄ sị ịraa zama igooru avọọ. Ịjị ọnọọ ẹnịnị ẹ̀ẹ hị́ ọnị, ọnị vaa wụ́ wa. Ọnị vaa kà a ka aza anị ẹ vị nị, dị ẹnị rẹ kà ọnị ọ vị Ẹnẹyịmavara Ohomorihi ẹnịnị nị.