Ijeremaya 28:16 - IWE ỌNỊNỊ

¹⁶ Avọọ, Ẹnẹyịmavara kà ọnị vaa sị ụ hụrị ẹhẹ. Wee sú dị ịrayị ọnọnị ọ̀ gẹ, agụvị ka wàa sị ịrẹyị irenu awụụ kụ̀ụ hịrẹ Ẹnẹyịmavara.

Ijeremaya 28:16 ပူးပေါင်းရင်းမြစ်များ

Oyinyima 7:4

Ọ kà ẹkụhị ịhịmba ọ̀ọ sị gụ, ọnị aa vaa mẹ ka orihi ọ̀ zụ̀ hi ịnị ẹhẹ ọọdụ ọnịrị ịrahụ pooro dị ọ̀ mẹ ẹkụhị ẹbẹẹva. Dị ọnị wụ̀ avaba ịsa ana nyị ụhwẹ ọnị ọnị mẹ tụ́ ịrẹsụ ẹtẹ.

1 Ohinọyị 13:34

Ịrẹyị ọnọnị ọ vana sị vara ebira odivi tù ini eehi Ijerobowami. Ọnị ọ mẹ ka è vu avaba ẹnịnị ẹtẹ saka-saka hụụnị ẹtẹ ọnọọ nị.

Ọyịkụra 32:12

Wàa vavọọ mẹ, wáā yẹ ka vị Anijipiti vaa kà a ka ịsa odivi u ro tụ́ ịnị ayị dị ụ kụ́ wa jịnẹ vẹ ka wa va wụ̀ wa hi ịnị ataba ịzẹnị nị. Dị ẹ ka ụ sì ka we vu wa ẹtẹ hụụnị ẹhẹ nị. Aarịhịnị navọ wa nyị isuuru, di u we ro o, dị asị ụ zẹẹ ka ịsa odivi ò tù aza awụ ẹnẹnị.

Ijeremaya 20:6

Ọ kà àa vị ẹwụ Ipasihuri yọ, ẹwụrị avaba aza awụ vana vaa za ọrịhị nee hi Ịbabịrọnị bẹẹ. Ẹwụrị avaba ọta awụ ẹnẹ ẹwụrị cheeche ka vị Ohomorihi tụ wụ nịnị ụtụ avọọ vene vee sú tụ ịzọọ.

Ijeremaya 28:17

Ịzẹyịza, dị Ịhananịya sú ịnị ụhwẹ ọhụhịmba ịrayị ọnọọ nị.

Ijeremaya 28:3

Ọ kà Ẹnẹyịmavara kà, ịnị akakana ịrayị ẹẹva, ọnị vaa kụ avaba ẹnya ọnị ohinọyị Inebukadineza kụ hụụnị irehi Ohomorihi ne hi Ịbabịrọnị vaavẹ ịzị ẹnị.

Ijeremaya 29:32

Re, ọnị vaa sị ụyaa rị Isemaya ana vị Anineherami ọnịrị evere anị; ẹ́ yị nyị aza ẹngụ anị ana vaa sị eyi re ịsị ọyịza ọnị ọnị vaa mẹẹ yị aza anị, agụvị ka ọ raa sị ịrẹyị irenu anị kụ̀ hịrẹ Ẹnẹyịmavara.

Emọsị 7:17

Dị Emọsị ka ẹnịnị wụ́ ịsị Ẹnẹyịmavara kà booro aanị, Ẹnẹyịmavara kà ịrẹkụ aa vaa rị ezi anọrụ ọnịrị anẹẹ ẹnịnị. A vaa za wa ọrịhị nọ ẹkụra anikinami. Ịzọọ anọrụ ẹnịnị vee su hi nị. Dị ose ẹnịnị vara ọsẹrẹka hi ịnị ẹkụra. Dị anẹkụra ọsa vaa dọ ẹtẹ ẹnịnị dị ẹ ga hi ẹngụ ụvọ.

Emọsị 9:8

Ẹnẹyịmavara, Ochẹtẹẹngụ ka ọnị ô re avaba udivi Anisirẹrị nịnị. Agụvị avọọ ọnị vee vu wa ẹtẹ dị ahịka aza chee ẹnịnị kẹnẹ ọnị navọ tụ́ ẹhẹ nị.

Ịrịka 14:37

avọọ Ẹnẹyịmavara tụ ụkụ odivi ka ọ wụ̀ wa nị.

Ịrịka 29:32

Ịhyẹgwịhịmba anị, Ẹ sị ụnọ ịhịmba, ịdẹba ẹẹva ọnịrị ozi ịdẹba ịrayị ọnya ẹnẹ ẹ yị nyị ụkụ.

Iwe Ọhụhị Imosiisi ana aa hị́ Ọyịvatụrọda 6:15

Wàa vavọọ mẹ Ẹnẹyịmavara ana vị Ohomorihi awụ vaa kụ́ ayị hi wu ẹtẹẹtẹrẹ. Ọ vaa vu wu hụrẹ ịrẹsụ ẹtẹ agụvị ka ọnị ana ya pe wu vị Ohomorihi anaā kụ́ ụhị.