Ijeremaya 28:14 - IWE ỌNỊNỊ

¹⁴ Ẹnẹyịmavara Ochẹtẹẹngụ, Ohomorihi Anisirẹrị nịnị ka, ọnị vaa sị ọkẹẹkẹrẹ ana a sị enyusẹ mẹẹ tụ anẹkụra nịnị ọrọkọ. Ẹnịnị vaa kụụ hẹkẹ Inebukadineza, ohinọyị Anibabironi. Uye ịnị avị nịnị bẹẹ vị ana vaa hẹkẹ ẹ.

Ijeremaya 28:14 ပူးပေါင်းရင်းမြစ်များ

Ijeremaya 15:12

Ẹ yị nyị ọza ene zụ che enyusẹ, ọ̀ọ va vị ẹngụ enyusẹ ọkatẹngụ Anibabironi.

Ijeremaya 27:4

Ọ kà ọnị ọ̀ kà a yị wa ka, Ẹnẹyịmavara Ochẹtẹẹngụ, Ohomorihi Anisirẹrị ka, ẹnịnị ẹ̀ kà a yị ohinọyị ẹnịnị ka,

Ijeremaya 27:8

Ẹnẹyịmavara kà, ama, àa nyị anẹkụra ọnyọọnyị, àa vị ohinọyị ana ka ẹnị ẹ̀ yị dọ ka ohinọyị Inebukadineza ọ̀ mẹ ohinọyị tụra ẹnị ịrẹsụ, ọnị vaa kụ́ ịrẹkụụ tù wa beri ụngwẹ ọnị ụkụ, dị ọnị sị sị́ ụya rị wa. Avọọ ọnị mẹ vaa mẹ wa pooro nee tu ịjị ọnị ọọ raa mẹ ka Inebukadineza ò vu wa ẹtẹ samị-samị nị.

Ijeremaya 40:4

Inebuzaradani ka, ọnị aa ngwa ẹbaa hụrẹ ọnị ụvọ booro aanị, dị ọnị ọ̀ hụrẹ ọnị ụvọ. Ọ kà òo zee ọnị eyi ka ọnị aa nọ Ịbabịrọnị, ọnị ọọ dụ ọnịị vẹ. Ọnị vaa sị ụvọ ọyịzaa za ọnị. Ọnị ọ̀ọ va ka ọnị ẹ́ yị nọ, ọnị ẹ́ yị sị ụkata za ọnị. Ịzị ee zee ọnị eyi ịnị avaba ẹkụra ọnọnị kẹnẹ, ọnị ọ nyẹngụ aa na.

Arụwẹ 1:14

O re avaba ịvị ọnị ẹnị mẹ̀, dị ọ sụ́ ọ vabẹ nị; Dị ọ sị ọọ gẹ ẹnị ọrọkọ, dị ẹnya sị ngụ ẹnị nị. Ẹnẹyịmavara ộ sị ẹnị chire ọnịvị ẹnịnị ụvọ. Ẹ yị hyakụ nyị ịsị ẹnị zụ pe wa mẹ vụrụ-vụrụ.

Ịdanịyẹrị 2:38

Ohomorihi ọ mẹ ka ọọ mẹ ọda tụra avaba anẹhẹ ọnịrị uye ịnị avị beri inomi nịnị ịrẹsụ nị. Agụvị avọọ Inebukadineza ohinọyị ọ vị̀ ịrẹsụ ana a sị igooru mẹ̀ ịnị ịsa oni o re nị.

Ihoseya 10:11

Anehwireemi nịnị vịdị aa mẹ̀ ebira anka ozi ụnọ anaa pà ene si aā sị ọnị tụ́ ịsa ọyịna avọọ. Ẹnẹyịmavara kà a ọnị vaa da ẹnya tụ́ ịnị ọkẹkẹrẹ anị, dị ọọ mẹ̀ ụkọrọ ana katẹngụ hu avọọ. Ẹnịrị Anijuda nịnị ee du avị dị ẹ rẹ jị ịrụkụ anị.

Iwe Ọhụhị Imosiisi ana aa hị́ Ọyịvatụrọda 28:48

Agụvị avọọ, ụ vanaa hẹkẹ ọnịvị awụ nịnị ọnị Ẹnẹyịmavara vaa và eyirazịị ka wụ nịnị. Avaba ịsa vị ana vaa zwọ wụ nịnị; ụngwẹ ọnịrị onyi vaa kụ wụ nịnị, di u waa zị ahwaahụ nịnị. Ẹnẹyịmavara vaa sị ụyaa rị wụ divi-divi pooro di ọ̀ vu wu nịnị ẹtẹ.

Iwe Ọhụhị Imosiisi ana aa hị́ Ọyịvatụrọda 4:20

Ama Ẹnẹyịmavara vị ana dọ ẹnịnị ha hụrị Ijipiti ana sị mẹ anka ịra avọọ. Ọ kụ wụ nịnị jịnẹ hụụ ịzọọ ka ẹnịnị ẹ vị aza anị anka ẹ mẹ ya ajịnị aanị.