Ijeremaya 27:9 - IWE ỌNỊNỊ

⁹ Ọ kà, asị ụ wụ́ ịrẹyị ọnị ọnịsẹ awụ nịnị, aza eneē ré ẹtẹ wụ nịnị, aza anaā kà iruvo ụraa wụ nịnị ọ̀ọ va vị ọmahọnọ awụ nịnị aa kà. Ẹnịnị ka wẹ́ yị vaa kụụ hẹkẹ ohinọyị Anibabironi nịnị.

Ijeremaya 27:9 ပူးပေါင်းရင်းမြစ်များ

Ọyịkụra 22:18

Ọnẹẹ ana aa mẹ ẹbẹ vị ana a vaa wụ̀.

Ọyịkụra 7:11

Di Ihwarawo hị́ aza anị ana yẹ ịsa beri ọpọchị ọnịrị ọnịvọpa ene hi Ijipiti gụ nị. Dị ẹnị rẹ sị ịvọpa ẹnịnị mẹ̀ ịsa oni Imosiisi ọnịrị Eerọnị mẹ nị.

Ụhịrẹyị 19:27

Ozi emi, ụmẹ ọnị waa ka wẹ yị kụkụ wụ́ ịrẹyị ọza, ịrẹyọyẹ nyima aa hụrẹ wụ ụvọ avọọ nị.

Ayịsaya 8:19

Aza vaa kà a wụ ka wa nọ ịdị ọvavo ọnịrị ọpọchị nịnị ana aa kụ́ nyẹ̀ngụ̀-nyẹ̀ngụ̀ dị wa na zama ẹtẹ. Dị ẹ ka â vọrọ ka ọza ọ̀ daba na zama ẹtẹ ịda ori nịnị. Ama yẹ nịnị, o ka ịda Ohomorihi kẹnẹ a vọrọ ka ọza ò nee si oze ịrẹyị nị. Ụ mẹmẹ nyẹngụ hụ agụvị aza ana yà ẹẹhẹ dị waa naa zama ẹtẹ ịda aneku?

Ijeremaya 14:14

Ama dị Ẹnẹyịmavara tụ ohi ka, ọnịsẹ ẹnẹẹ vi enee cheeche ka maa tụ ẹnị ụtụ. Ọ kà ọnị ẹ́ yị tụ wa ụtụ, ọnị ọ yị rẹ mẹ ọda ọnyọọnyị yị wa. Ẹnẹyịmavara kà ọnị ẹ yị nyị ụvọ tụ ịnị ẹtẹ ẹnẹ ẹ ka ẹnị ee re zị; ịsẹ ẹnẹ ẹ yaa ka vị ịrẹyị kẹnẹ-kẹnẹ ẹnẹ ẹ yaa sị ayị ẹnịnịị rò.

Ijeremaya 23:16

Ẹnẹyịmavara Ochẹtẹẹngụ ộ kà a yị Anijerusarẹmị nịnị ka, Asị ẹ wụ́ ịrẹyị ọnị ọnịsẹ ẹnẹnị aa kà o; ịrẹyị ireche ẹyaa mẹ ka waa tụra eyi nịnị nị. Ọ kà, ịrẹyị ọnị ọnịsẹ ẹnẹnị rò tụ ịnị ayị ẹnịnị ẹyaa kà a yị wụ nịnị nị, ẹ yị vị ịsị ọnị kà yị wa.

Ijeremaya 23:25

Ẹnẹyịmavara kà, ọnị ộ wụ ịsị ọnịsẹ nịnị anaa sị ịrẹha anịị cheeche ka vị ẹnị aa kà ịsẹ anị nị aa kà. Ẹnịnị ka ọnị ô tụ́ ẹnị ụtụ ịnị ụra ọnị ẹnị ra.

Ijeremaya 23:32

Ẹnẹyịmavara kà, ịzẹyịza, ọnị ọ raa và eyirazị ka ẹnị ọnịsẹ enee cheeche ka vị ẹnị ra ụra aanị nị. Avọọ ẹ maa kà a dị ẹyaa sị ireche ẹbanyị-ẹbanyị ẹnịnị kụ aza anịị nyeeyi nị. Ama ọnị ẹ́ yị tụ wa ụtụ. Ẹ́ yị nyị aha ẹnịnị ana aza aa rị vụrụ-vụrụ.

Ijeremaya 29:8

Ọ kà ọnị Ẹnẹyịmavara, Ohomorihi Anisirẹrị aa kà wụ nịnị ọ̀nọ̀ ka, asị ụ zẹẹ ọnịsẹ ene hi ịnị akakana awụ nịnị ẹnịrị aza ana ka ẹnị ẹ zụ kà ịsị ana va mẹ ụhwọọ è vene ụ nịnị o. Asị ụ wụ́ ịrẹyị ụra ẹnẹ ẹ ka ẹnị aa rá avọọ o.

Ezikẹẹrị 21:29

Ọ kà ẹtẹ ọnị wee ré nịnị vị apẹ. Ịsẹ ọnị waa kà nịnị vị ireche osusu. Ọza ọhịmị ụ vị nịnị nị. Wee divi nịnị. Ama ụmẹ awụ nịnị aa vẹ, ọnị ụ vaa rị ụya awụ nịnị ọdịrẹma. A vaa sị ụhwọọ tụra awụ nịnị ọrọkọ.

Ịdanịyẹrị 4:7

Ịzẹyịza, â kụ avaba ẹnịnị eneē rè ẹtẹ, ọmahọnọ nịnị, ẹnẹbẹ nịnị, ẹnịrị aza ọkatẹngụ ene hi ịnị ẹkụra vẹ ọvịdị anị. Ịjị ẹ vẹ, ọnị ộ kà a yị wa ụra ọnị ọnị ra, ama ẹnịnị ẹ yị zụ ka iruvo anị yị ọnị.

Imika 3:7

Ụhị ọ vaa nyị ẹwụ nịnị ene eē re ẹtẹ nị. Mị ka ụhị vaa nyị wụ nịnị agụvị ka Ohomorihi ọ yị kụkụ vaa sị ịrẹyịị zụ̀ wụ nịnị.

Ịzakaraya 10:2

Ori nịnị ẹ yị ka ịrẹyọyẹ, ọhẹva nịnị vị ene cheeche, aza ana ka ụra vị enee vene aza. Agụvị avọọ aza aa woowo zị anka atẹmẹ ene vu avọọ nị. Ẹnịnị ẹẹ nyị ẹngụkata agụvị ka ẹnịnị ẹ yị ọza ene sere wa.

Ịmarakayị 3:5

Ẹnẹyịmavara Ochẹtẹẹngụ ka, ọnị vaa ka pe wa dị ọnị ọ mẹ̀ ọkarẹyị yị wa. Dị ọnị ụsẹ jị ịvị yị aza ana aa mẹ ẹbẹ, ọnịrị ọsẹrẹka nịnị, ne beri aza ana aa hị́ eku iruku, ọnịrị aza ana aa mẹ anụkọrọ rị, aza ana aa mẹ ẹvaya yị osoku nịnị ọnịrị ozi oku nịnị ne beri azọga ọnịrị aza ẹnẹ ẹ yị nyị angwahi anị.

Odeyi 8:11

Ệ saasa a, agụvị ka o si kù ọnọọ hụrẹ aa sị ẹbẹẹ mẹ̀ ịsa ene hí wa irenu.

Anẹhwẹsọsị 5:6

Asị ụ zẹẹ ka ọza ọ̀ sị ịrẹyị kẹnẹ-kẹnẹ vene wu nịnị! Agụvị ịsa ẹnẹẹ Óhomorihi vaa sị sị ụyaa rị aza ẹnẹ ẹ̀ yị mā wụ́ ịrẹyị anị nị.

Iwe Ọhụhị Imosiisi ana aa hị́ Ọyịvatụrọda 13:2

Ịrẹyị ọnị ọ kà ọ̀ọ sị sẹ, dị ọ kụkụ ee tụra wụ na hẹkẹ ori nịnị ọnị wẹ yị vịdị hẹkẹ da.

Iwe Ọhụhị Imosiisi ana aa hị́ Ọyịvatụrọda 18:14

Anẹkụra ọnị ụ waa na ra ịnị ẹtẹ ẹnịnị vị anaa saasa ịrẹyị aza anaā kà ịsẹ, ọnịrị ịrẹyị ọhẹva nịnị, ama Ẹnẹyịmavara Ohomorihi awụ nịnị ẹ yị dọ ka wa vavọọ mẹ nịnị.

Ijosuwa 13:22

Ịbaraamị ana vị ozi Ịbẹyọ ana vị ọhẹva vị ọnị Anisirẹrị nịnị wụ̀ beri aza ana vọ.

Ẹtore 18:23

Ọza e mē vene re ẹtohweyi ozotupa ịnịnẹ anị paa; ọza ọ mā rẹ vana wụ́ ka ọnọrụ aa nyị ọnẹẹ ịnịnẹ anị paa. Ọ kà osohu Anibabironi nịnị ẹ vịdị vị azẹbanyị ẹhẹ nị. Ịbabịrọnị ọ raà sị ẹbẹ anị vene avaba anẹhẹ.

Ẹtore 21:8

Ama anangwahi ọnịrị aza ẹnẹ ẹ̀yị vị ọdọwụ, beri aza ana aā mẹ̀ ịsa enyisi, ọnịrị ọwọza nịnị beri ọsẹrẹka nịnị beri ẹnẹbẹ ọnịrị aza anaā hẹkẹ ori, ọnịrị avaba onireche nịnị vaa nyị aha ẹnịnị ini adagu ịra anaa sị ohuru tụ́; ọnọọ ọ vị isu ụpẹ ọhụva nị.”

Ẹtore 22:15

Eyi ẹhẹ ẹ́ngụ aza ẹnẹnị vee hi nị: aza edivi nịnị ọnịrị ẹnẹbẹ nịnị beri ọsẹrẹka nịnị ọnịrị ọwọza nịnị ne beri aza ana aa hẹkẹ ori, ọnịrị aza ene sì ịrẹyị ireche, di e re yee cheeche.

Ẹtore 9:21

E yi ro ịnẹ varẹma ka asị ẹnị rẹ̀ kụkụ wụ̀ ọza, dị asị ẹnị rẹ̀ mẹ ẹbẹ, dị asị ẹnị rẹ̀ sẹ̀ ịrẹka, à vị ka dị à sị ẹnị rè kuku yi oyi.