Ijeremaya 27:6 - IWE ỌNỊNỊ

⁶ Ọnị ọ sị avaba anẹkụra chire ozi ahụ anị, Inebukadineza ohinọyị Ibabironii ụvọ nị. Uye ịnị avị nịnị vị ọnị ọnị sị vakaa yọ bẹẹ ka, ẹnịnị ẹẹ kụụ hẹkẹ ẹ.

Ijeremaya 27:6 ပူးပေါင်းရင်းမြစ်များ

2 Ohinọyị 25:28

Evirimerodaki ộ sị ẹngwọọrọ pe Ijehoyakimi ka ịrẹyị, dị ọ sị ọ tụ́ ode ohinọyị ene huna ohinọyị ana vọ ana ya pe e Ịbabịrọnị nị.

2 Ịtọpa 36:23

Ịrẹyị ọnị ọ kà yịị, Ọ kà Ẹnẹyịmavara Ohomorihi ada ayị ẹbẹẹba ọ raà sị avaba ịjọva ịrẹsụ ẹtẹ chire ọnị ụvọ. Ọ raà nyị ọnị ka ọnị ọ dà irehi Ohomorihi yị ọnị tụ Ijerusarẹmị ịnị ẹtẹ Ijuda. Avaba aza ana vị aza Ẹnẹyịmavara ẹ varẹma nọ ịzọọ agụvị ụkọrọ ọnọọ. Ẹnẹyịmavara ọ vaa ya pè wu nịnị.

Ayịsaya 44:28

Mâ kà a yị Ịsayịrọsị ka, “Ẹwụ mị vana sịị mẹ ohinọyị nị. Ụ vaa mẹ ịsị mi sì ka wa mẹ. Ụ vaa kà a ka è tenyi Ijerusarẹmị varẹma dà, dị e re tenyi Irehi Ohomorihi kà ẹtẹ.”

Ijeremaya 21:7

Ọ kà ama Ịzẹdẹkaya, ọdọvịdị ẹkụra anị nịnị, ọnịrị aza ana vọ ịrẹma ịrẹkụ, ụngwẹ ọnịrị ụkụ ọnọọ, vị ọnị ọnị vaa hụrẹ ụvọ yị Inebukadineza ọnịrị ọnịvị ẹnịnị enee si wa isu. Ẹnẹyịmavara kà Inebukadineza vaa wụ̀ wa, ọza ịnyara ẹ yị yaa vọ. Ẹ yị vaa vayị ẹnịnị vụrụ-vụrụ.

Ijeremaya 22:25

Ọ kà ọnị vaa sị ọ chire aza enee si o usu, ọnị ọ́ vavọọ ee hí angwa anị avọọ ụvọ. Ọnị vaa sị ọ chire Inebukadineza, ohinọyị Ịbabịrọnị ọnịrị isoja anị nịnị ụvọ.

Ijeremaya 24:1

Ijeremaya ka Ẹnẹyịmavara ộ sị uji ẹẹva ana a kụ ihwigi hi dị asị tụ ọvịdị irehi Ohomorihi zụ ọnị. Ịjọnọọ, Inebukadineza ohinọyị Ịbabịrọnị ọ́ va raa za Ijehoyakimi, ohinọyị Ijuda, ana vị ozi Ijehoyakimi ọrịhị hụrị Ijerusarẹmị ne hi Ịbabịrọnị. Ọnịrị avaba ọdọvịdị Ijuda beri ẹnị anaa mẹ ụkọrụvọ ọnịrị aza ana yára mẹ̀ ụkọrọ irenyi-irenyi ọ́ kụ́ na nị.

Ijeremaya 25:9

Ọnị vaa tụ́ụ hị́ avaba aza ene hi Ịbabịrọnị ọnịrị ozi ahụ anị, Inebukadineza, ohinọyị Ịbabịrọnị ka ẹ̀ kụ ịrẹkụ va ngụ Ijuda. E vee pè avaba aza ene hi Ijuda ọnịrị avaba ẹkụra ana kara waa kụ̀ ịrẹkụ. Ẹnẹyịmavara kà ọnị vee vu Ijuda ọnịrị aza ana kara wa ẹtẹ saka-saka ana ahịka aza èe ré e angwa vị ene vee hí wa pooro zịna-zịna.

Ijeremaya 28:14

Ẹnẹyịmavara Ochẹtẹẹngụ, Ohomorihi Anisirẹrị nịnị ka, ọnị vaa sị ọkẹẹkẹrẹ ana a sị enyusẹ mẹẹ tụ anẹkụra nịnị ọrọkọ. Ẹnịnị vaa kụụ hẹkẹ Inebukadineza, ohinọyị Anibabironi. Uye ịnị avị nịnị bẹẹ vị ana vaa hẹkẹ ẹ.

Ijeremaya 43:10

Ọ kà, ọnị ọ̀ọ vavọọ sị ọ mẹ, dị ọnị kà a yị Anisirẹrị nịnị ka, ọnị Ẹnẹyịmavara Ochẹtẹẹngụ, Ohomorihi Anisirẹrị nịnị ka, ọnị vaa naa sị ozi ahụ anị Inebukadineza, ohinọyị Ịbabịrọnị vẹ ịzị ẹnị, dị ọ sị aga ohinọyị anị yaatụ ịrẹsụ ịrẹta ọnị ọnị sị chire ẹtẹ aanị. Ọ vaa kà ivori ohinọyị anị kú ịrẹta ẹnẹnị.

Ijeremaya 49:30

Ẹnẹyịmavara kà, ẹwụ nịnị Anịhazọ, ọnị aa kà wụ nịnị ọ̀nọ̀ ka we zwe dị wa na tẹ̀ nịnị. Inebukadineza, ohinọyị Ịbabịrọnị o sị eyi awụ nịnị gẹ.

Ezikẹẹrị 29:12

Ẹnẹyịmavara kà ọnị vaa tụ́ ẹtẹ Ijipiti osusuu huni avaba ẹtẹ ana vọ ịnị ẹhẹ. Ijipiti vaa jị eburuu mẹ ịrayị ẹbẹẹva; ẹ́ yị nyị ẹkụra ana a vavọọ jị eburuu da. Ọnị vaa mẹ ka Anijipiti nịnị è zwe na tẹ̀ ẹkụra irenyi-irenyi, dị ẹ kụkụ rá vahụra aza ẹnẹsa.

Ezikẹẹrị 30:24

Ọnị vaa sị ụkata yị ohinọyị Ịbabịrọnị, dị ọnị sị́ ụhwọ anị chire e ụvọ. Ama ọnị vee che ohinọyị Ijipiti ụvọ. Ó vee rimanya, dị ọ sú tụ ọvịdị ọnịvị anị nị.

Ịdanịyẹrị 4:12

Avị ọchị ọnọọ ee zoza ẹtẹẹtẹrẹ, dị ọchị ọnọọ rẹ nyayịnẹ tụ ẹtụtụ nị. Ẹtụtụ anị ộ hụ avaba anẹhẹ rị. Uye ịnị avị nịnị vaa tụ́ ụhwọ́ iruvo anị, dị inomi nịnị ẹnị rẹ mẹ ịrẹngwẹ hi ịnị avọ anị nị. Avaba ịsa anaā tụ́ ụhwẹ aa rị ẹtụtụ ọchị ọnọọ nị.

Ịdanịyẹrị 4:22

Inebukadineza ohinọyị ọ vị ọchị ọnọọ nị. Ọ kà, udi anị ộ ta ka hịrẹ, dị aa mẹ ọdaa tụ ịrẹsụ avaba anẹhẹ nị.