Ijeremaya 27:22 - IWE ỌNỊNỊ

²² Ẹnịnị vị ana vaa kụ nee hi Ịbabịrọnị, dị ẹ kụkụ yà ịzọọ pooro nee tù ụmẹ ọnị ọnị ọọ sị va eyi vẹ ịnị ịrẹyị ẹnịnị. Dị ọnị kụ wa vavẹ va tụ aha anị ịzẹnị.

Ijeremaya 27:22 ပူးပေါင်းရင်းမြစ်များ

2 Ohinọyị 25:13

Dị Anibabironi nịnị chaka ọhẹ ana asị enyusẹ ana aā hị́ ibironzi mẹ, ọnịrị ịkẹkẹ ịrẹkụ ana ya ịnị irehi Ẹnẹyịmavara nị. Ệ rẹ chaka uruku enyi ọbanyị ana sị ibironzi mẹ. Dị ẹ kụ́ avaba enyusẹ ẹnẹẹ nọ Ịbabịrọnị nị.

2 Ịtọpa 36:21

Aanị ịrẹyị ọnị Ẹnẹyịmavara tụ Ijeremaya ka ọ kà mẹmẹ sẹ nị. Ộ kà a ka ẹtẹ Ijuda vaa tụ́ ụhwọ́, dị ọ vị osusu mẹ ịrayị ẹtarẹwụ anka ọnịsẹ mẹ kà a.

Ẹzịra 1:11

Avaba ẹnya igooru ọnịrị isiriva ana a varẹma yị Isesibaza vẹ Ijerusarẹmị vị achuchu ọnya (5,400) tụra akahị beri akava.

Ẹzịra 7:19

Ọ kụ avaba ẹnya ana a kụ vẹ ka a sị mẹ̀ ụkọrọ ini irehi Ohomorihi vẹ ọvịdị Ohomorihi.

Ẹzịra 7:9

Ộ kwẹẹtẹ hụrẹ Ịbabịrọnị ịnị ẹkụhị ịpaapa ịnị ụhwẹ ịpaapa ịrayị, dị Ohomorihi gụ ọ ụvọ, dị ọ na ngụ Ijerusarẹmị ịnị ẹkụhị ịpaapa ịnị ụhwẹ ọhụhị nị.

Ụhịrẹyị 21:30

Ẹ nyị ịsị ịrẹyọyẹ ọnịrị eyohweyi ọza vị ọvịdị Ẹnẹyịmavara.

Ijeremaya 20:5

Ẹnẹyịmavara kà ọnị vaa sị avaba ogu Ijuda ọnịrị ịsa anaa mẹ ịnị anịị chire ọnịvị ẹnịnịị ụvọ ka ẹ̀ kụ ọ. Ọ kà avaba ịsa ene e sì ịrẹyị anị hu kere-kere ọnịrị avaba ogu ohinọyị ẹnịnị vị ọnị ọnị ve sii chire ọnịvị ẹnịnịị ụvọ. Ọnịvị ẹnịnị vaa kụ ogu ẹnịnị nee hi Ịbabịrọnị.

Ijeremaya 27:21

Ẹnẹyịmavara Ochẹtẹẹngụ, Ohomorihi Anisirẹrị ka, avaba ẹnya ana navọ tụ ịnị irehi anị ọnịrị ịnị irehi ohinọyị ana yà Ijerusarẹmị aanị.

Ijeremaya 27:7

Avaba anẹkụra vị ana vaa kụụ hẹkẹ e. Ẹnịnị vaa kụụ hẹkẹ ezi anị ọnịrị aazị anị pooro nee tu ụmẹ ọnị ẹkụra anị ọnị rẹ vaa sị sẹ̀ ẹdụ. Dị anẹkụra anị ẹnị rẹ vaa kụụ hẹkẹ anẹkụra ọrụrụ-ọrụrụ ana nyị ụkata ẹtẹẹtẹrẹ ẹnịrị ohinọyị ẹbanyị-ẹbanyị nịnị.

Ijeremaya 29:10

Ẹnẹyịmavara kà, ịjị waa raa mẹ ịrayị ẹtarẹwụ Ịbabịrọnị nịnị, ọnị vaa va eyi vẹ ịnị ịrẹyị awụ nịnị, dị ọnị kụ wụ nịnị và vẹ eehi anka ọnị mẹ vịdị kà a.

Ijeremaya 32:5

Ọ kà, ọ vaa sị Ịzẹdẹkayaa nọ Ịbabịrọnị, dị ọ yà ịzọọ pooro nee tu ụmẹ ọnị ọnị ve sii tụ́ ohi ịrẹyị nị. Ẹnẹyịmavara kà Ịzẹdẹkaya ọọ daka gẹ Anikaridi ịrẹvụ, é yi ree mẹ.

Ijeremaya 34:2

Ọ kà, Ẹnẹyịmavara, Ohomorihi Anisirẹrị nịnị ộ kà a yị ọnị ka, ọnị ọ̀ na kà a yị Ịzẹdẹkaya, ohinọyị Ijuda ka, ọnị Ẹnẹyịmavara vaa hụrẹ ẹkụra ọnọnị ụvọ yị ohinọyị Ịbabịrọnị dị ọ rị ọ ịra.

Ijeremaya 34:3

Ẹnẹyịmavara kà ẹwụ Ịzẹdẹkaya ẹ yị vaa ha, vị á vaa za wụ dị aa sị ụ ne chiree ụvọ nị, ọ ka ẹwụrị ọ vaa và eyi ka ẹngụ, dị u re e dị ẹwụrị aa kà ịrẹyị; dị wa vaa nọ Ịbabịrọnị ọgọnị.

Ijeremaya 34:5

A vaa rị eturare ịra yị oku awụ anka a mẹ mẹ̀ ẹ yị oku ohiku awụ nịnị ana vịdị rị ohinọyị dị o ve tu u. Aza awụ vaa jị òrèrè awụ dị ẹ ka, ohinọyị ẹnịnị oo wusu ee.

Ịdanịyẹrị 5:23

Ọ kà ọ raà sị ẹngụ anị tụ ẹba huni Ananyị yị ana nyị ẹbẹẹba agụvị ka ộ kụ ako ọnịrị ẹnya ana a kụ hụụnị irehi Ohomorihi dị ọnịrị ọdọvịdị ẹkụra anị nịnị, ese anị beri onyeehi anị nịnị ee sii hú eche nị. Ako ọnịrị ẹnya ẹnẹnị ẹ yee sii hú eche dị ẹ yaa ka ẹngụrẹhaa ku ori ana a sị igooru ọnịrị isiriva beri enyusẹ ana vọ ọnịrị ọchị beri ịrẹta mẹ ẹngụ nị. Ori ene è yị re ẹtẹ, ẹ yị wụ́ ịrẹyị, di ẹ̀ yị hyakụ va yẹ ịsa ọnyọọnyị. Ama ẹ yị va sị ụbanyị yị Ohomorihi ana nyị ụhwẹ ana aza aa tụ́, dị ọ rẹ nyị ụkata avaba ịsa anaā mẹ.

Ịdanịyẹrị 9:2

Ịdanịyẹrị kà ịnị ịrayị ịpaapa ọnị ộ rị ohinọyị, dị ọnị àa ka iwe Ohomorihi. Dị ọnị re ka Ẹnẹyịmavara ộ vịdị kà a yị Ọnịsẹ Ijeremaya ka, Ijerusarẹmị vànaa mẹ̀ ịrayị ẹtarẹwụ dị aza ẹ̀ vana và nọ ịnị anị na ra nị.