Ijeremaya 27:12 - IWE ỌNỊNỊ

¹² Ijeremaya ka ọnị ộ rẹ vavọọ kà a yị Ịzẹdẹkaya ohinọyị Ijuda ka, ọ̀ọ ka ọnịrị aza anị ẹ yàra, ọ̀ wụ́ chire ohinọyị Anibabironi, dị ẹẹ kụkụụ hẹkẹ ẹ.

Ijeremaya 27:12 ပူးပေါင်းရင်းမြစ်များ

Ụhịrẹyị 1:33

Ama ẹ yị nyị ịsị ẹ vaa mẹ̀ aza ana sị ụtọ pe ịrẹyị ịrẹyọyẹ. Angwa e yi vee hi wa.

Ijeremaya 17:4

Ọ kà ẹtẹ ọnị sị ụ nịnị vị ọnị ụ vaa hụrẹ ụvọ nịnị, dị ọnị mẹ ka wa naa kụụ yị ọnịvị awụ nịnị ịnị ẹtẹ ọnị wẹ yị yẹ ịsọnyịsọnyị ịnị ịpa anị nịnị, agụvị ka ọnị aa kụ́ ayị vị ọ sị mẹ anka ịra avọọ nị. Vị ọ́ vaa zaa pooro nị.

Ijeremaya 21:9

Ọza ana aa sị ahụ vaka ẹtẹ tu Ijerusarẹmị vị ọnị ịrẹkụ vaa rị; ẹ̀ yị vavọọ dị ụngwẹ à vị ụkụ wụ ọ. Ama ọza tụra ọza ana aa jịnẹ tụ ẹhẹ di ọ́ hụrẹ ẹngụ anịị ụvọ hẹẹ yị Anibabironi enee pe wa kụ ịrẹkụ booro aanị nị, e yi vee su.

Ijeremaya 27:8

Ẹnẹyịmavara kà, ama, àa nyị anẹkụra ọnyọọnyị, àa vị ohinọyị ana ka ẹnị ẹ̀ yị dọ ka ohinọyị Inebukadineza ọ̀ mẹ ohinọyị tụra ẹnị ịrẹsụ, ọnị vaa kụ́ ịrẹkụụ tù wa beri ụngwẹ ọnị ụkụ, dị ọnị sị sị́ ụya rị wa. Avọọ ọnị mẹ vaa mẹ wa pooro nee tu ịjị ọnị ọọ raa mẹ ka Inebukadineza ò vu wa ẹtẹ samị-samị nị.

Ijeremaya 28:1

Ijeremaya ka, ịnị ịrayị ọnọọ ọnyọọnya, ịnị ụhwẹ ọhụhị ịrayị ọhụna ọnị Ịzẹdẹkaya rị ohinọyị, â nyị ọnọrụ ana aā hị́ Ịhananịya ozi Azuri. Anẹkụra ana aā Igibiyọnị ọ́ vị nị. Dị ọ vị ọnịsẹ nị. Ịhananịya ọnọnị ộ kà a yị ọnị eyi ohirẹsụ irehi Ohomorihi nịnị ọnịrị eyi avaba aza ịnị irehi Ohomorihi ka,

Ijeremaya 28:2

Ẹnẹyịmavara Ochẹtẹẹngụ, Ohomorihi Anisirẹrị nịnị ka, ọnị ọ sị ọkẹẹkẹrẹ ohinọyị Anibabironi che va ha.

Ijeremaya 38:17

Ijeremaya ka dị ọnị vaa kà a yị Ịzẹdẹkaya ka, Ẹnẹyịmavara Ochẹtẹẹngụ, Ohomorihi Anisirẹrị ọ sị ọ ka ka, waa hụrẹ ẹngụ awụ ụvọ yị aza ohinọyị Ịbabịrọnị, ụ vaa há. Ọza ẹ̀ yị vaa rị ẹkụra ọnọnịị ịra. Ẹwụrị ovwoovu awụ vaa há.

Ijeremaya 42:11

Ẹnẹyịmavara kà, asị ụ re kuku hí angwa ohinọyị Ịbabịrọnị ọnị wee hí angwa anị nịnị aanị. Ọ kà ọnị jẹẹ pe wu nịnị, ọnị vaa dọ wụ nịnịị hụrẹ ụvọ.