Ijeremaya 26:9 - IWE ỌNỊNỊ

⁹ Ẹ ka, sị ẹ vẹ dị ọ ka Ẹnẹyịmavara ọ tụ ọnị ka ọnị ọ̀ kà a ka, irehi Ohomorihi ẹnịị vaa yà anka Isiro? Sị ẹ vẹ dị ọ ka e vee vu Ijerusarẹmị ẹtẹ dị ọza ẹ yị ma vana ra ịnị anị? Ijeremaya ka, dị aza họ̀gụ kara ọnị nị.

Ijeremaya 26:9 ပူးပေါင်းရင်းမြစ်များ

2 Ịtọpa 25:16

Ọ maa kà ụtụ yọ, Amaziya da jị ọ, dị ọ kà ọ yịị mẹ hẹẹ ọnị a wụ́ ọ nị. Ọnị wáá mẹ̀ ẹ anajuwe anị nị?

Ayịsaya 29:21

Aza ene eē cheechee kú ọza, dị ẹ̀ yị mà zẹẹ ka aza, ana mẹ̀ ịsa odivi ẹ̀ rị ụya, di e re yee cheechee kú ọza ẹnị ẹ̀ yi nyị ịsị ọ mẹ ka à jị ịvị yọ vị oni Ohomorihi vaa wụụ vàa ha.

Ijeremaya 32:3

Ọ kà ohinọyị Ịzẹdẹkaya ọ jị ọnị ẹngwa tụ ịzọọ nị, agụvị ka ọnị ộ va kà a ka Ẹnẹyịmavara kà ọnị vaa sị Ijerusarẹmị chire ohinọyị Ịbabịrọnị ụvọ dị ọọ nyị ẹbẹẹba ẹnịnị.

Ijeremaya 33:10

Ẹnẹyịmavara kà, aza aa kà a ka ịzị ẹnị ọ sị tụ osusu, ẹ́ yị kụkụ nyị aza à vị ịsụpa ịnị anị vụrụ-vụrụ. Ịzẹyịza yọ nị, ẹkụra ene hi Ijuda ẹnịrị oze Ijerusarẹmị kụkụ vị osusu; ẹ́ yị nyị aza, ẹ́ yị nyị ịsụpa ịzọọ. Ama ịzị ẹnị ọnọnị ọnyọọnya ụ vanaa wụ ka,

Ijeremaya 36:29

Ẹnẹyịmavara kà ọnị ọ̀ kà a yị ohinọyị ka, ọ́ sị iwe ọgọdọ ọnọọ rị ịra, á vị daa họ̀ Ijeremaya ka, sị ẹ vẹ dị ọ chẹrẹ ẹ ka ohinọyị Ịbabịrọnị vee du ẹkụra ẹnịnịị ha ahẹ. Dị aa họ̀ bẹẹ ka sị ẹ vẹ dị ọ ka ohinọyị Ịbabịrọnị vaa wụ̀ anẹkụra anị ọnịrị ịsụpa a ha.

Ijeremaya 9:11

Ọ kà, Ijerusarẹmị vị ọnị ọnị vaa jị eburu dị ahịka irezi ịnị avị ẹ kụkụ aa ngụ ịnị anịị zị ụmẹ tụra ụmẹ nị. Ọnị vaa tụ ẹkụra ene hi Ijuda osusu, dị ẹ yị nyị ọza ana kụkụ ra ịnị anị.

Arụwẹ 4:13

Ama ebira odivi ọnịsẹ nịnị ọnịrị ohirẹsụ irehi Ohomorihi nịnị ọ mẹ ka aa wụ̀ aza ana aa mẹ ịzẹyịzaa ha nị.

Emọsị 5:10

Anisirẹrị nịnị vi ana nyị ịhyẹrẹ aza ana sị ịzẹyịza mẹ̀ ọkarẹyị, dị ê sị ẹyị wụ̀ aza ana ka ịzẹyịza.

Imika 2:6

Dị ọnịsẹ ireche nịnị, ka asị mị rẹ kà ịrẹyị yị ẹnị nị. Ẹ ka asị mị rẹ ka ẹngụ ịrẹyị ẹnẹẹ yị ẹnị Ẹ ka Ohomorihi ọ yị vavọọ vaa mẹ ụhịị nyị ẹnị. Anisirẹrị, ọ́ọ́ vọrọ ka wa maanị kà nịnị

Imatiwu 21:23

Ijeesu ọ rẹ vavẹ ini irehi Ohomorihi. Ọ màa zụ̀ aza ịsa, dị ohirẹsụ ẹbanyị irehi Ohomorihi beri ọdọvịdị nịnị ve tù ọọ nị. Dị ẹ họ̀ ọ ka, “Ọda ịsị ụ maanị aa sịị mẹ? Ẹnẹ sị ọda ọnọnịị wụ ka wa maanịị mẹ?”

Imatiwu 27:20

Dị ohirẹsụ ẹbanyị irehi Ohomorihi beri ọdọvịdị nịnị tụ́ aza ịrẹyị ka ẹ̀ kà a ka Ipayireti ọ̀ vana hụrẹ Ibaraba ụvọ yị ẹnị, dị ọ̀ wụ Ijeesu nị.

Ịmaakị 15:11

Dị ohirẹsụ ẹbanyị irehi Ohomorihi tụ́ aza ịrẹyị ka ẹ̀ kà a ka Ipayireti ọ̀ vana hụrẹ Ibaraba ụvọ yị ẹnị.

Ịjọọnụ 8:20

Ịrẹyị ẹnẹnị vị oni Ijeesu kà, ọ mẹ yà ịzị aā tụ́ ẹkẹhịị tụ́ ini irehi Ohomorihi dị aa zụ̀ aza. Ẹ yị nyị ọza ana sị ụvọ kanyị ọọ, agụvị ka ụmẹ anị oò yi tù.

Ịjọọnụ 8:59

Dị ẹ kụ́ ụvọ kụ́ ịrẹta, ka eni è ne e hi Ijeesu nị, ama dị Ijeesu sị ẹngụ anị tẹ yị wa, di o hụụnị irehi Ohomorihi nị.

Odeyi 13:50

Dị Aniju nịnị tụ́ ohirẹsụ ẹkụra ọnọọ ịrẹyị nị, ne beri anyẹnẹẹ ẹnẹ ẹ̀ yị vị Aniju, ana aa hẹkẹ Ohomorihi dị ẹ nyị udi ẹtẹẹtẹrẹ tụ́ ịnị ẹkụra. Di e nyima dị ẹyaa sị ụyaa rị Ịpọọrụ ọnịrị Ịbanabasị nị. Dị ẹ dụ wa hụụnị ẹkụra ẹnịnị nị.

Odeyi 21:30

Avaba ẹkụra ọnọọ ọ sị vazi, dị avaba aza ee zwee va gụ nị. Dị ẹ za Ịpọọrụ, di e turaa jịnẹ hụụnị irehi Ohomorihi, dị ẹ wụsẹ gu oze irehi Ohomorihi nị.

Odeyi 22:22

Aza ẹnẹẹ ệ sị ụtọ pe ịrẹyị Ịpọọrụ pooro dị ọ va kà ọsọnị. Ọ mẹ̀ sị ọsọnị kà kẹnẹ, di e nowu zẹtẹ, dị ẹ ka, “Wụsẹ sị ọọ kwooze! À wụ ọọ, ka ẹ yị vọrọ ka ẹngụ ọza ọnọnị ọ̀ ra ẹ́hẹ!”

Odeyi 3:11

Oswahụ ana a mẹ ụkụ aanị, ộ ta Ipita ọnịrị Ịjọọnụ kú. O si hí avaba aza irenu, dị ẹ wụsẹ zwe ne tù ọọ ịzị aā hị́ ajẹhẹ Isoromọnị nị.

Odeyi 5:12

Apositeri nịnị ệ mẹ̀ ụkọrọ ohyozirenu ọnịrị apọtẹrẹwa irenyi-irenyi ịnị akakana aza. Dị avaba ọdọwụ nịnị và ịnẹ bẹ, dị ẹyaa kụ́ụ gụ ịnị ajẹhẹ Isoromọnị nị.

Odeyi 5:28

“Aanịka yẹ́ẹ́ kà wụ nịnị ọ̀nọ̀ ka asị ụ kụkụ sị ịrẹha ọnọnị zụ̀ aza ịsa nịnị? Wee re nịnị! Ịsị ụ waa sịị zụ̀ aza nịnị, ọ sị gara hi avaba Ijerusarẹmị. Wee sì ka à kà a ka ẹ ya mẹ ka a wụ̀ nị.”

Odeyi 6:14

Yâ wụ́ ka ộ kà a ka Ijeesu Anịnazarẹtị ọnọnị vee wú irehi Ohomorihi ọnọnị, dị ọ rẹ vara ịsa ohiku oni Imosiisi si chire yi ụvọ.”

Ijosuwa 18:1

Ịrẹma ọnị Anisirẹrị nịnị raà dọ avaba ẹtẹ ọnọọ ta, dị ẹ avaba ẹnịnị kụ ẹngụ gụ Isiro, dị ẹ jị ajẹngụ ịzị ẹnịrị Ohomorihi aa gẹ nị.