Ijeremaya 26:19 - IWE ỌNỊNỊ

¹⁹ Ihezekaya ohinọyị Ijuda ọnịrị Anịjuda nịnị ẹ́ yị hụvị avọọ wụ ọ. Ama Ihezekaya ô hí angwa Ẹnẹyịmavara dị ọ dá ịpẹ yọ nị. Ịzẹyịza Ẹnẹyịmavara ộ và hụụnị avaba ụya ọnị ọ ka ọnị aa sịị rị wa. Ẹ ka, vị ẹnị aa vaa kụ ẹngụkata odivi tù ẹngụ ẹnịnị aanị nị ọ.

Ijeremaya 26:19 ပူးပေါင်းရင်းမြစ်များ

2 Ịsamụwẹrị 24:16

Ịjị anggẹẹrị ana aa wụ̀ ọza tù Ijerusarẹmị, dị ọ za ụvọ jẹẹ nị. Dị Ẹnẹyịmavara jesi ayị hụụnị ịrẹyị odivi ọnị ọ kụ́ tù aza ẹnẹẹ nị. Dị Ẹnẹyịmavara kà a yị anggẹẹrị ana aa wụ̀ ọza dị ọ ka ọ̀ za ụvọ jẹẹ asị ọ kụkụ wụ̀ wa nị. Ịjọnọọ anggẹẹrị ọnọọ ọ sị tù aha ọnya aanị ịzị a yàa tụ́ ayị, ọnọrụ ana aā hị́ Arawuna ana vị Anijebusi ọ nyị ịzọọ nị.

2 Ịtọpa 32:20

Dị Ihezekaya ọnịrị Ayịsaya ọnịsẹ ana vị ozi Amozi mẹ̀ aduwa, di e sụ ùnè, dị ẹ da ịpẹ ka Ohomorihi ọ gụ ẹnị ụvọ nị.

2 Ịtọpa 34:21

Ka ẹnịnị ene tu Ẹnẹyịmavara yị ọnị ọnịrị aza ana vọ tụ Isirẹrị ọnịrị Ijuda. Di e re ịsị ana ya ịnị iwe ene e hee aanị. Ộ ka Ẹnẹyịmavara ô du ayị hi ẹnị agụvị ohiku ẹnịnị ana mẹ̀ akamawụ hi ịrẹyị anị, dị ẹ̀ yị saasa ịrẹyị anị.

Ọyịkụra 32:14

Ịzẹyịza dị Ẹnẹyịmavara varẹma ro o, dị ọ̀ yị va zẹẹ ka ịrẹyị odivi ò tù aza ẹnẹẹ anka ọ mẹ̀ vịdị yaanị mẹ nị.

Ayịsaya 26:21

Ẹnẹyịmavara ee chii hụrẹ ẹbẹẹba ịda anịị vẹ, dị ọ̀ va sị ụya rị aza ene hi ịnị ẹhẹ agụvị ebira odivi ẹnị ẹ yaa mẹ. Aza ana vịdị were wụ̀ ọza dị ọza ọ̀ yị yẹ vi oni iruvo ẹnịnị vaa tụ́ ẹhẹ. Aza ana a vavọọ wụ di e nē wa hi ịnị ẹtẹ vaa jịnẹẹ tụ́ ẹhẹ.

Ayịsaya 37:1

Ịjị Ihezekaya ohinọyị wụ́ enube ẹnịnị kẹnẹ, dị ộ na awuru anị, dị ọ sị achị anaā sịị zị ẹngụ chẹrẹ, dị ộ nọ irehi Ẹnẹyịmavara Ohomorihi nị.

Ayịsaya 37:4

Ẹyịyara Ẹnẹyịmavara Ohomorihi anị ộ wụ́ ịrẹyị isiya ọnị ohinọyị Anasiriya mẹ tụ ozi ahụ anị Irabisake hi Ohomorihi ẹnịnị ana yara. Agụvị avọọ, Ayịsaya ọ kwẹẹtẹ o mẹ̀ aduwa yị aza ẹnịnị ana vọ.

Ijeremaya 26:15

Ọ kà, ama ẹnịnị ẹ̀ yẹ ọsọnị ka, ẹnịnị ẹ̀ẹ wụ ọnị ẹnịrị avaba Anijerusarẹmị vaa rị ịvị ka ẹnị ệ wụ̀ ọza ẹnẹ ẹ̀ yị nyị ịsị ọ mẹ. Ẹnẹyịmavara ọ ka ọnị ọ̀ va maanị kà wa ọnọ nị.

Ijeremaya 26:3

Ẹnẹyịmavara kà ẹyịyara, ẹnịnị vaa wụ́, dị ẹẹ và hụụnị ebira odivi ẹnịnị. Ẹnịnị èe ro ịnẹ varẹma, ọnị vaa vàa hụụnị ẹngụ ọnị ọnị tenyi ka ọnị ee vu wa ẹtẹ agụvị ebira odivi ẹnịnị.

Ijeremaya 44:7

Ẹnẹyịmavara Ochẹtẹẹngụ, Ohomorihi Anisirẹrị ka, ọnị aa họ̀ wụ nịnị ka, sị ẹ vẹ dị waa mẹ ẹngụ ịsa edivi ẹnẹnị hi ẹngụ awụ nịnị aanị? Vị́ wee si ka we vú ẹngụ awụ nịnị ẹtẹ, dị asị a nyị ọza ana kụkụ vọ nị?

Emọsị 7:3

Dị Ẹnẹyịmavara kà ẹ yị vavọọ vaa ya. Dị ọ va ahụ vẹ ịrẹma nị.

Ihabaku 2:10

Ụhị ẹ yaa mẹ nyị ovwoovu ẹnịnị nị. Ee vee vú ẹtẹ anka ẹ mệ mẹ̀ aza nị.

Ịzakaraya 7:2

Aza ana ra Ịbẹtẹrị ệ tụ́ Ịsarẹzẹrị ọnịrị Ịrẹgẹmị-Ịmẹrẹkị beri anọrụ ẹnịnị ka ẹ vẹ ịnị irehi Ẹnẹyịmavara Ochẹtẹẹngụ ka ẹ na da ịpẹ ka Ẹnẹyịmavara ọ vayị ẹnịnị.

Ịrịka 16:38

Aza ẹnịnị vị ene su agụvị ọnị ẹ mẹ. Ẹnya eturare ẹnịnị vị ọnịnị agụvị ka ẹ̀ kụ wa vẹ ọvịdị Ẹnẹyịmavara. Dị Ẹnẹyịmavara kà Eriyaza ọ kụ wa vabẹ dị a sị ihama tu ọ dị a sị mẹ oku ụta, dị ọ ka aza ana vọ ọnọ.

Imatiwu 23:35

Agụvị avọọ ịrẹsụ ẹwụ nịnị anya avaba ọnịrẹyịzẹyịza ana a wụ̀ aa vẹ nị, hụụnị Ebẹrị ọnịzẹyịza ana a wụ̀ na ngụ usu Ịzakaraya, ozi Ibarakaya ọnị ụ wụ ịnị akakana irehi Ohomorihi ọnịrị ụta ịsọvọ nịnị.

Odeyi 5:39

Ama àa vị Ohomorihii yọ nị, we yi zụ vú ọ ẹtẹ nịnị. Ẹ̀ yị vị avọọ, u vee re ka we si nyima ee pe Ohomorihi zyaazị nịnị.”

Ẹtore 16:6

Ệ wụ̀ aza awụ beri ọnịsẹ awụ nịnị, dị e che anya ẹnịnị sẹ́ ẹtẹ nị. Ẹwa rẹ raà sị anya yị wa ka èe hụ́ ọọ. Ịsị ẹ vọrọ tụra wa gẹdẹ-gẹdẹ ọ vị ọnọọ nị.