Ijeremaya 25:8 - IWE ỌNỊNỊ

⁸ Avọọ Ẹnẹyịmavara Ochẹtẹẹngụ ka, agụvị ka wẹ yị saasa ịrẹyị anị nịnị.

Ijeremaya 25:8 ပူးပေါင်းရင်းမြစ်များ

2 Ịtọpa 24:19

Ẹnẹyịmavara ộ tụ́ ọnịsẹ ka ọ ka wa ọnọ ka ẹ varẹma ka ọnị vẹ. Ama ẹnịnị ẹ yị wụ́.

Ayịsaya 42:24

Ẹnẹ hụrẹ Ijekọvụ ụvọ yị aza ana kụ́ wa ẹnya? Ẹnẹ hụrẹ Isirẹrị ụvọ yị anako nịnị? Ẹnẹyịmavara ụvọta, ọnị ị mẹ̀ ebira odivi hii yọ nị. Yẹ̀ yị zẹẹ ka ya ra anka o mè sì, dị yẹ̀ yị zẹẹ ka ya saasa ọda anị nị.

Ijeremaya 19:15

Ẹnẹyịmavara Ochẹtẹẹngụ, Ohomorihi Anisirẹrị ọ́ sị ọ ka ka, ọnị vaa sị ụyaa rị Anijerusarẹmị nịnị ọnịrị avaba anẹkụra ana kara wa anka ọnị mẹ kà a, agụvị ka ẹnịnị aa mẹ ayị ọkatẹngụ, ẹnịnị ẹ yị saasa ịrẹyị anị.

Ijeremaya 22:21

Ụmẹ ọnị o si zee yi wụ nịnị, Ẹnẹyịmavara ộ kà ịrẹyịị ụ, ama ụ ka wẹ yị wụ nịnị. Avọọ ụ mẹ mẹ nịnị ụ́ mẹ hụrẹ vẹ ẹhẹ nịnị nị. Wẹ́ ma saasa ịrẹyị Ẹnẹyịmavara nịnị.

Ijeremaya 25:7

Ama Ẹnẹyịmavara kà wee yi ka wẹ yị wụ́ ịrẹyị anị nịnị. Waa mẹ ka ọnị ọ̀ kụ ayị hi u nịnị agụvị ori awụ nịnị, dị ụ sị kụ ụya tu ẹngụ awụ nịnị nị.

Ijeremaya 25:9

Ọnị vaa tụ́ụ hị́ avaba aza ene hi Ịbabịrọnị ọnịrị ozi ahụ anị, Inebukadineza, ohinọyị Ịbabịrọnị ka ẹ̀ kụ ịrẹkụ va ngụ Ijuda. E vee pè avaba aza ene hi Ijuda ọnịrị avaba ẹkụra ana kara waa kụ̀ ịrẹkụ. Ẹnẹyịmavara kà ọnị vee vu Ijuda ọnịrị aza ana kara wa ẹtẹ saka-saka ana ahịka aza èe ré e angwa vị ene vee hí wa pooro zịna-zịna.

Ijeremaya 29:19

Ẹnẹyịmavara kà aanị ọ́ mẹ vaa yà yị wa nị, agụvị ka ẹnịnị ẹ́ yị saasa ịrẹyị anị ọnị ọnị aa sịị tụ ezi ahụ anị ọnịsẹ nịnị hi wa. Ẹnịnị ee yí ka ẹnị ẹ yị wụ.

Ịzakaraya 1:4

Asị ẹ hama ebira ohiku ẹnịnị ịyẹẹyẹ ọnị ọnịsẹ nịnị kà yị ka Ẹnẹyịmavara Ochẹtẹẹngụ ka ẹ hụụnị ebira odivi ọnịrị ẹhẹ kẹnẹ-kẹnẹ ọnị ẹ yaa ra. Ẹnịnị ẹ̀ yị hyakụ sị ụtọ pe ịrẹyị ọnịsẹ ẹnẹẹ, a vị ka ẹ wụ́ chire Ẹnẹyịmavara.