Ijeremaya 25:6 - IWE ỌNỊNỊ

⁶ Ọnịsẹ ẹnẹẹ ka asị ụ rẹ hẹkẹ ori nịnị, dị asị ụ kụ hẹkẹ wa nịnị ka ụ va sị ịsa ọnị ụ sị ụvọ awụ nịnị mẹ mẹ ayị kụ Ẹnẹyịmavara nịnị. Wàa yaanị saasa ịrẹyị Ẹnẹyịmavara nịnị, ẹ́ yị yaanị sị ụya rị ụ nịnị.

Ijeremaya 25:6 ပူးပေါင်းရင်းမြစ်များ

1 Ohinọyị 14:22

Anijuda ệ mẹ̀ ebira odivi ini eyi Ẹnẹyịmavara. Ẹnịnị ệ mẹ ayị kụ́ Ẹnẹyịmavara huna avaba ohiku ẹnịnị, ini oze ebira odivi ẹnị ẹnịnị mẹ.

2 Ohinọyị 17:35

Ẹnẹyịmavara ọnịrị wa ê wo oto yị ẹngụ, dị ọ kà a yị wa ka, “A si ụ hẹkẹ ori nịnị o; a sị u ku ẹtẹ yị wa nịnị; a sị ụ hẹkẹ wa nịnị; dị a sị ụ mẹ̀ ịsọvọ hi wa nịnị.”

Ọyịkụra 20:23

Wẹ yị nyayịnẹ na sị igooru àa vị enyusẹ akàaka bẹ ori dị waa mẹẹ nịnị ne beri ẹmị ọnị ụ waa hẹkẹ nịnị.

Ọyịkụra 20:3

Wẹ yị nyayịnẹ mẹ ori ọnyọọnyị. Ẹmị ịnya kẹnẹ ụ vaa hẹkẹ nị.

Ijeremaya 32:30

Ẹnẹyịmavara kà hụrị ụmẹ ọnị Anisirẹrị ọnịrị Anijuda sị nyima ẹhẹ ẹnịnị, ayị anị é yi hine tu wa. Avaba ịsị ẹnịnịị mẹ vị ẹnẹ ẹ sịị mẹ ayịị kụ ọnị pooro.

Ijeremaya 35:15

Ọ kà pooro kẹnẹ ọnị aa tụ ezi ahụ anị ọnịsẹ nịnịị hi u nị. Ẹnịnị ệ kà a wụ nịnị ka ọzọza ọ̀ và hụụnị ebira odivi dị waa mẹ̀ ịsa ana vọrọ nịnị. Ệ kà wụ nịnị ọ̀nọ̀ ka asị ụ na hẹkẹ ori nịnị; agụvị wa zụ ra ịnị ẹtẹ ọnị ọnị sị yị ẹwụrị ohiku awụ nịnị. Ama wẹ yị wụ́ ịrẹyị anị nịnị.

Ijeremaya 44:7

Ẹnẹyịmavara Ochẹtẹẹngụ, Ohomorihi Anisirẹrị ka, ọnị aa họ̀ wụ nịnị ka, sị ẹ vẹ dị waa mẹ ẹngụ ịsa edivi ẹnẹnị hi ẹngụ awụ nịnị aanị? Vị́ wee si ka we vú ẹngụ awụ nịnị ẹtẹ, dị asị a nyị ọza ana kụkụ vọ nị?

Ijeremaya 44:8

Ọ kà, sị ẹ vẹ dị waa mẹ ayị kụ ọnị nịnị? Waa va ra Ijipiti nịnị, dị waa mẹ ori nịnị, dị waa mẹ̀ ịsọvọ hi wa nịnị nị. Vị́ waa maanị aa mẹ ka we si vu ẹngụ awụ nịnị ẹtẹ, dị avaba anẹhẹ ẹ̀ kụkụụ si eyi wụ wụ nịnị, dị ẹẹ sị ịrẹha awụ nịnịị chìi hi aza nị?

Ijeremaya 7:6

Wẹ yị kụkụ mẹ ẹvaya yị azọga nịnị, ezi-oku nịnị avị osoku nịnị, dị wẹ̀ yị kụkụ wụ̀ ọza ẹnị ẹ yị nyị ịsị ọ mẹ ịzẹnị nịnị nị; wẹ yị kụkụ na hẹkẹ ori nịnị ene vee vu u nịnị ẹtẹ.

Ijeremaya 7:9

Ọ kà, á vị wee ne sị oyi yi nịnị di ụ sị ọza wụ̀ nịnị nị, waa na raa sẹ̀ ịrẹka nịnị di ụ sị eku ireche hị́ nịnị nị, waa na raa mẹ̀ ịsọvọ yị ori anaā hị́ Ịbaarị nịnị dị ụ na raa hẹkẹ ori ọnị wẹ yị vịdị yẹ nịnị nị,

Ihoseya 1:7

Ama ọnị vaa vayị evere Ijuda, dị ọnị dọ wa ha agụvị ka ọnị ọ vị Ẹnẹyịmavara ana vị Ohomorihi ẹnịnị nị. Ẹ yị vaa nyị ka ẹ kụ ọpa ọnịrị ọkịta, ụ̀hwọ̀ ọnịrị umaata nọ ịrẹkụ, dị ẹ sị dọ ẹngụ ẹnịnị ha.

Iwe Ọhụhị Imosiisi ana aa hị́ Ọyịvatụrọda 13:2

Ịrẹyị ọnị ọ kà ọ̀ọ sị sẹ, dị ọ kụkụ ee tụra wụ na hẹkẹ ori nịnị ọnị wẹ yị vịdị hẹkẹ da.

Iwe Ọhụhị Imosiisi ana aa hị́ Ọyịvatụrọda 28:14

Ama a sị ụ na mẹ akamawụ, dị ụ wa ha hụụnị zi oze ọnyọọnyị ọsa, ọ̀ọ vị eyi ụvọrị, ọ̀ọ vị eyi ụvọha.

Iwe Ọhụhị Imosiisi ana aa hị́ Ọyịvatụrọda 6:14

Asị ụ hẹkẹ ori ọnị aza ana kara wụ aa hẹkẹ.

Iwe Ọhụhị Imosiisi ana aa hị́ Ọyịvatụrọda 8:19

Wèe ne hi ayị Ẹnẹyịmavara naa dụ ori zị, mee hu wu ụvọ ọyaanị ka we yị vaa rị ọ.

Ijosuwa 24:20

Ẹnịnị èe yi Ẹnẹyịmavara, dị ẹ naa hẹkẹ ori ọzọga nịnị nị, ọnị vaa vara eyi ịrazị tu wa, dị ọnị sị ụya rị wa, dị ọnị wụ̀ wa, ịrẹma ọyịza ọnị ọnị vịdị mẹ̀ yị wa.