Ijeremaya 25:34 - IWE ỌNỊNỊ

³⁴ Ẹnẹyịmavara kà, ẹwụ nịnị ọdọvịdị enee sere aza anị anka oseratẹmẹ avọọ ọọ jị òrèrè boro-boro. Waa zị ẹngụ nịnị dị wa kụ ẹngụ awụ nịnị muna ezi. Ụmẹ ana a va sii wụ̀ wụ nịnị o si tù. Vị a vaa wụ̀ wụ nịnị anka ịdẹba avọọ nị.

Ijeremaya 25:34 ပူးပေါင်းရင်းမြစ်များ

2 Ịtọpa 36:10

Ịnị ụmẹ ị̀rẹ̀sụ̀ Inebukadineza va sị sị Ijehoyakini na tụ́ ẹngwa Ịbabịrọnị, dị ọ kụ̀ ẹnya irehi Ohomorihi saasa a na nị. Dị Inebukadineza sị Ịzẹdẹkaya ọnyara anị rị ohinọyị tụ́ udi anị nị.

Ahẹ Ụgama 2:9

Ịjọva ọkatẹngụ ụ vaa mẹẹ tụra wa nị di waa chaka waa vaa ha anka ụnọkọ avọọ.

Ayịsaya 10:12

Ama Ananyị yị ọnị ka ọnị ọ̀ọ sị ịsị ọnị ka ọnị aa mẹ mẹ hụrẹ ụvọ ịnị ataba ọnịrị Ijerusarẹmị, ọnị vaa sị ụyaa rị Anasiriya, agụvị irenu ẹnị ẹ vavọọ aa nyị, dị ẹ rẹ yaa mẹ eyi avọọ.

Ayịsaya 2:16

Ọ vaa za ẹpa ẹbanyị ene zoza oni osohu nịnị aa ngụ di o du wa ngụ enyi.

Ayịsaya 30:14

Avọọ ụ mẹ̀ vaa sẹ̀ rugu-rugu anka irura avọọ dị ọza ọ yị hyakụ re sị ịnị anị na nyị ịra hụụnị arasị. Ọza ọ yị hyakụ vee re ana hụ kụ́ enyi hụụnị okunsere va ha.

Ayịsaya 33:1

Wa sị dà, ẹwụ nịnị ana maanị aa wụ̀ aza, dị à yị nyị ọza ana aa wụ nịnị. Mị ka wa sị da, ẹwụ nịnị onireche ene ee vene ọza dị ọza ò yi vene ẹwụ nịnị. Ụ màa wụ̀ ọza nịnị aanị, ịjị ụmẹ awụ nịnị ọ̀ọ ta, a rẹ vaa wụ̀ ẹwụ nịnị. Ịjị wè yi rè kuku vene ọza nịnị, ụmẹ ọnọọ e vee vene wu nịnị nị.

Ayịsaya 34:6

Ụhwọ Ẹnẹyịmavara vị ana vaa vị anyaanya, dị ụhị maanị para a. Vị ọ va sị mẹẹ anka ụhwọ ana a sị na vọ uye ịsọvọ ọnị ịdẹba ọnịrị ẹvụ ne beri ụhị ẹnịnị para hi hi ẹtẹ nị. Anẹkụra Ịbọrịza ọnịrị Edomi ọ vavọọ vaa sị mẹ̀ ịsọvọ ọnọọ nị.

Ayịsaya 34:7

Aza ẹnẹẹ vị ana a vaa wụ̀ anka ụnọ ọnịrị ẹya avọọ. Di a vavọọ jị wa và hi ẹtẹ, dị ọnịrị ụhị ẹnịnị vavọọ chaka hi ẹtẹ ini eteesu.

Ijeremaya 18:22

Ọnị ka asị Ẹnẹyịmavara kà wa ọnọ, dị ọ̀ tụ enezigi nịnị va kụ wa ẹnya irehi. Ọ̀ navọ ọ̀ mẹ ayị hụrẹ wa ịnẹ, dị ẹ̀ jị òrèrè. Ẹnịnị ẹ sị ụsị chị̀ ka ọnị ò ve horo ngụ ọ. Ẹ́ sị ịrẹpa và ee zi ọnị.

Ijeremaya 22:28

Ijeremaya ka, vị ohinọyị Ijehoyakimi kụkụ sị ya anka ụnọkọ ana sị chaka ẹnẹ ẹ̀ yị nyị ọza ene kuku ee sị̀, dụ ọnịrị ezi anị ne hi ẹkụra ẹnẹ ẹnịnị ẹ̀ yị vị dị yẹ́?

Ijeremaya 23:1

Ẹnẹyịmavara kà, oseratẹmẹ nịnị ana a wụ̀ aza anịị ha, dị ẹyaa gara wa aanị, ẹ sị da.

Ijeremaya 25:12

Ọ̀vavẹ ịrẹma anị, dị ọnị vaa sị ụyaa rị ohinọyị Ịbabịrọnị ọnịrị ẹkụra anị agụvị ebira odivi ẹnịnị. Ọ kà ọnị vee vu ẹkụra ọnọọ ẹtẹ dị ọnị jị ọ eburu tịtẹ pooro nị.

Ijeremaya 25:23

ẹtẹ Ịdẹdanị, Ịtẹma, Ibuzi ẹnịrị avaba aza anaā yẹrẹ ụtọ-ụtọ ẹyị ẹnịnị;

Ijeremaya 25:36

Wú oseratẹmẹ nịnị maa jị òrèrè, dị ẹnị ọdọvịdị aza ee nowu ayị ẹnịnị mee du, agụvị ka Ẹnẹyịmavara ee du ịzị ịsụpa ẹnịnị naa rị avịị ha.

Ijeremaya 27:7

Avaba anẹkụra vị ana vaa kụụ hẹkẹ e. Ẹnịnị vaa kụụ hẹkẹ ezi anị ọnịrị aazị anị pooro nee tu ụmẹ ọnị ẹkụra anị ọnị rẹ vaa sị sẹ̀ ẹdụ. Dị anẹkụra anị ẹnị rẹ vaa kụụ hẹkẹ anẹkụra ọrụrụ-ọrụrụ ana nyị ụkata ẹtẹẹtẹrẹ ẹnịrị ohinọyị ẹbanyị-ẹbanyị nịnị.

Ijeremaya 3:19

Ẹnẹyịmavara kà ọnị ô rò o ka vị ọnị vaa sị ụvọ za awụ nịnị anka ezi anị avọọ nị. Ọnị sì ka ọnị ọ̀ sị ẹtẹ ene zoza hu kere-kere ịnị ẹhẹ yị wụ nịnị nị. Ọnị ô zi ka vị ẹwụ nịnị va hị́ ọnị Ada awụ nịnị, dị wa a saasa ọnị nịnị pooro nị.

Ijeremaya 48:26

Ọ kà à Animowabi nịnị eche, agụvị ka ẹnịnị ẹ́ raà kụ̀ hịrẹ ọnị. Ẹnẹyịmavara Animowabi nịnị vee muna ahẹrẹ ẹnịnị, dị aza ee nyị wa unyi.

Ijeremaya 48:38

Ẹnẹyịmavara kà, wèe tu avaba enoze irehi Imowabi ọnịrị ịnị orere ẹnịnị, wé yi re ịsị ọsa huni ka ọzọza aa zị ẹngụ. Ẹyaa zị ẹngụ agụvị ka ọnị ọ sị Imowabi gara ha anka ụnọkọ ọnị ọzọza ka ẹ́ yị nyị ịsị ọnị aa sịị mẹ avọọ.

Ijeremaya 50:27

Wụ avaba isoja ẹnịnị và ha. Anibabironi nịnị ẹ sị da, ka ụmẹ o si tu ka ẹnịnị ẹ̀ rị ụya.

Ijeremaya 6:26

Ẹnẹyịmavara ọọ kà a yị aza anị ka, ẹ̀ kụ ịta suku-suku hi ẹngụ, di è ku ẹngụ ẹnịnị atịtọ. Ọ kà, ẹnịnị ẹẹ jị òrèrè ọngwọọngụ anka ozi ikonya ọnị ọza ma oo sú avọọ, agụvị ka evu-ẹtẹ vị ana vaa sụ̀ wa avaavo.

Arụwẹ 4:21

Ẹwụ nịnị Anedomi ọnịrị Anuzi waa jẹ ịrajẹ, dị waa mẹrị nịnị booro aanị. Ama yẹ́ ka ụyọrị awụ nịnị aa vẹ ịsọnsọọnị. U vee hu ụya anka eche dị aa mẹrị wụ, dị ụ tụ ẹngụ awụ ahwaahụ.

Ezikẹẹrị 34:20

Avọọ, ọnị Ẹnẹyịmavara Ochẹtẹẹngụ aa kà a booro aanị ka, ọnị vaa mẹ̀ ọkarẹyị ịrẹyị ẹwụ nịnị atẹmẹ ana nyị ụkata ọnịrị ẹnị ana tụ ọkụmị.

Ịdanịyẹrị 11:8

Ori Anisiriya nịnị ẹnị ẹ bẹ vene ịsị irenyi-irenyi vị ọnị ọ vaa kụ ne hi ẹtẹ Ijipiti. Ẹnya ana sị igooru mẹ ọnịrị ana sị isiriva mẹ ẹnẹ sịị̄ hẹkẹ ori ẹnẹẹ vị ọnị ọ vaa kụ vaka a bẹẹ. Ọ vaa sị ịrayị chee tịtẹ ka a sị mẹ ẹngwọọrọ.

Ihoseya 8:8

Anikinami nịnị ẹ raà za Anisirẹrị nịnị rị. Ẹnịnị ẹ yị nyị ịsị ẹ vị ịnị akakana anẹkụra nịnị ana vọ

Emọsị 5:11

Ẹnịnị vị anaa sị ụvọ hi onosiye za ẹtẹ, dị ẹ yaa ba wa uchuvọta dọ ẹkẹhị irehi, dị ẹ ne ẹkẹhị irehi na hịrẹ. Agụvị avọọ ẹnịnị ẹ yị vaa ra ịnị irehi ẹnị ẹ da. Ẹnịnị ẹ yị rẹ vị hú eche hụụnị ụbazị ịvayịnị ẹnị ẹ kụ́ ụrụkụ anị.

Ịzakaraya 10:3

Ẹnẹyịmavara kà ọnị ee du ayị hi anikinami ana mẹ ịjọva tụra aza anị ịrẹsụ. Ọnị vaa sị ụya rị wa. Ọ kà Anijuda nịnị vị aza anị, ọnị Ẹnẹyịmavara Ochẹtẹẹngụ vaa tẹsị ẹnịnị. Ẹnịnị ẹ vaa vị umaata ịrẹkụ anị ana nyị ụkata nị.

Ịzakaraya 11:3

Ọdọvịdị nịnị ee nowu booro-booro, ụbanyị ẹnịnị ộ ta. Batọ owu idu nịnị; iruku ana vị eehi ẹnịnị ana gụrị Ijodani ộ ta.

Ijemiisi 5:5

Ama ẹwụ nịnị ọ́ọ ta dẹngụ, ụ maa kụ́ ịsaa rị, anka uye ana aa pá naa wụ; ama wẹ yị yẹ ka aa vaa wụ̀ wụ nịnị.