Ijeremaya 25:31 - IWE ỌNỊNỊ

³¹ Avaba ẹhẹ vaa dọ ọ ọngwẹ Ẹnẹyịmavara ọnịrị avaba anẹkụra ẹẹ nyị ịrẹyị, ọ vaa mẹ̀ ọkarẹyị yị avaba aza, dị ọ wụ̀ avaba aza edivi ha.

Ijeremaya 25:31 ပူးပေါင်းရင်းမြစ်များ

Ayịsaya 33:3

Anẹkụra nịnị mè re ka wâ kwẹẹtẹ di u nowu ịrẹsụ, ẹnịnị e kú zwe, ẹ sị gara hi.

Ayịsaya 34:2

Ẹnẹyịmavara aa kụ́ ayịị hi avaba anẹhẹ ọnịrị avaba isoja ẹnịnị. Avaba ẹnịnị vị ọnị ọ vaa mẹ ka à wụ và ha saka-saka.

Ayịsaya 34:8

Ịhị ọnọọ Ẹnẹyịmavara vee si atọ ịsa ana a mẹ Anịzayọnị, dị ọ dọ Anịzayọnị há nị.

Ayịsaya 66:16

Ịra ọnịrị ụhwọ ọ vaa sị sị ụya rị avaba anẹhẹ ana rị ịvị anị. Aza ọrụrụ vị ene vee su.

Ijeremaya 2:35

dị waa yị ka nịnị ka ẹ yị nyị ịsị ụ mẹ nịnị nị. Waa kà a nịnị ka ịzẹyịza, Ẹnẹyịmavara ẹ yị kụkụ kụ ayị hi u. Ama ọnị, Ẹnẹyịmavara vaa sị ụya rị ụ nịnị agụvị ka waa kà a nịnị ka wẹ yị mẹ̀ ebira odivi nịnị.

Ijeremaya 23:19

Re, Ẹnẹyịmavara àa kụ ayị, vị ọ sị mẹ anka opomi avọọ nị. Ọ vaa tụ́ ne ku aza edivi ịrẹsụ anka okoruwa avọọ nị.

Ijeremaya 45:5

Avọọ, asị ẹwụ Ibaruki kà a ka wee si ịsa ozoza-ozoza yị ẹngụ awụ, agụvị ka ọnị Ẹnẹyịmavara vaa kụ ẹngụkata tu avaba aza, ọ ka, ama ẹwụ Ibaruki, aha tụra aha ọnị waa nọ, ọnị ẹ́ yị vaa zẹẹ ka à nyị ịsị ẹ mẹ̀ ẹwụ.

Ezikẹẹrị 30:3

Ẹkụhị ọnị Ẹnẹyịmavara vaa sị mẹ ịrẹyị ọ sị gụrị ẹtẹ. Ẹkụhị ọnị ịsa ọrụrụ-ọrụrụ vee du, dị ọ vị ẹngụkata yị ẹkụra ọrụrụ-ọrụrụ ọ́ vị̀ nị.

Ezikẹẹrị 38:22

Ọ kà ụkụ ọnịrị isu ịrịịra ọnị vaa sịị sị́ ụyaa rị ọ nị. Ọnị vaa zụ̀ orihi ọnịrị ata orihi ku ọ ịrẹsụ hara-hara. Ọnị vaa và ịra ọnịrị ohuruu kụ ọnịrị avaba isoja anị ne beri avaba anẹkụra-ẹkụra ana na yà pè e.

Ihoseya 12:2

Ẹnẹyịmavara kà Anijuda nịnị ẹ nyị ịrẹyị anị. Ộ ka ọnị vaa sị ụya ebira Anisirẹrị nịnị rị wa. Ọnị vee si wa atọ ịsị ẹnẹ ệ mẹ̀.

Ihoseya 4:1

Ẹwụ Anisirẹrị batọ wa wụ́ ịrẹyị Ẹnẹyịmavara nịnị. Ộ kà ẹwụ nịnị ana ra ịnị ẹtẹ ọnọnị ọ nyị ịrẹyị anị. Ẹ yị nyị ọza awụ nịnị ana mẹ̀ ịzẹyịza, a vị sì ịrẹyị anị. Ẹ yị nyị ọza ana tẹsị anị.

Ijowẹrị 3:2

Ọnị vaa kụ́ avaba anẹkụra nịnị gụ́ ịnozi Ijehosahwati ịzị ọnị vaa họ̀ oponu. Ọnị vaa sị ụya rị wa agụvị ịsị ẹ mẹ̀ aza anị. Ệ dụ aza anị Anisirẹrị ne hi ẹkụra ọsa, dị ẹ ga ẹtẹ ẹnịnị hị́ ẹngụ ụvọ nị.

Imika 6:2

Ẹwụ nịnị ataba, wụ́ ịsa ọnị Ẹnẹyịmavara kà oni ô re. Ẹwụ nịnị ịsị ẹhẹ jẹẹ ịrẹsụ anị ọ̀ wụ́ ịrẹyị Ẹnẹyịmavara Ộ kà a nyị ịsị aza anị mẹ̀ ọnị. Aa vaa kà a ịsị Anisirẹrị mẹ̀ ọnị.