Ijeremaya 25:3 - IWE ỌNỊNỊ

³ Ọ sị mẹ ịrayị ohurẹẹta ọnị Ẹnẹyịmavara hụrẹ ee pe ọnị kà ịrẹyị. Hụrị ịrayị ẹwụrẹta ọnị Ijosaya ozi Amọnị sị vị ohinọyị Ijuda pooro va ngụ ajịnị ọ́ vavọọ aa kà ịrẹyị yị ọnị nị. Ijeremaya ka, ẹ́ yị nyị ịsị Ẹnẹyịmavara kà yị ọnị ọnị ẹ̀ yị kà yị wa. Ama wẹ yị wụ nịnị.

Ijeremaya 25:3 ပူးပေါင်းရင်းမြစ်များ

Oyinyima 22:3

Ịzẹyịza, ẹnẹnẹ viri-viri ini eyinẹhẹ anị, dị ọ dà ọkụ ọnị ọ vaa sị rị ịsọvọ ọnọọ ịra, di o tenyi ịkẹrịkẹtẹ anị, Dị ọ kụ́ ezi ahụ aanị ẹẹva beri Ayiziiki, dị ẹ kwẹẹtẹ dị ẹ yaa nọ ịzị Ohomorihi kà yọ nị.

1 Ohinọyị 22:3

Ọ mẹ̀ vavọọ ne si tù ọ, di ohinọyị Anisirẹrị va hị́ ezi ahụ anị dị ọ ka, “Wáá va na yẹ nịnị ka ẹya nyị Ịramọtị-Igiriyadi nị? Mê ro ka â vọrọ ka ya na dọ ẹtẹ ọnọọ hụụnị ụvọ ohinọyị Anisiriya.” Di ohinọyị Anisirẹrị va kà a yi Ijehosahwati dị ọ ka, “Ụ wáá va saasa mị dị ya kụ́ ịrẹkụ ne tù Ịramọtị-Igiriyadi?”

2 Ohinọyị 17:13

Ẹnẹyịmavara ộ vịdị tụ́ avaba ọnịsẹ anị nịnị va ka Anisirẹrị ọnịrị Anijuda nịnị ọnọ ka, “Và hụụnị ẹhẹ edivi awụ nịnị, dị ụ waa saasa ọda amị nịnị, anka ọda ọnị mị mẹ yị ohiku awụ nịnị, dị mị sị tụ ọnịsẹ amị nịnị hi wu nịnị.”

2 Ịtọpa 24:19

Ẹnẹyịmavara ộ tụ́ ọnịsẹ ka ọ ka wa ọnọ ka ẹ varẹma ka ọnị vẹ. Ama ẹnịnị ẹ yị wụ́.

2 Ịtọpa 34:1

Ịrayị ịhịnta Ijosaya vị, dị ọ rị ohinọyị Ijuda, dị ọ mẹ̀ ẹ ịrayị ohurẹẹwụ tụra ọnya Ijerusarẹmị.

2 Ịtọpa 34:3

Ịnị ịrayị ana tụ́ ọ ịhịnta ọnị Ijosaya rị ohinọyị, ọ mẹ yị vị ozweyi, ó nyima aa hẹkẹ Ohomorihi ohiku anị Idevidi. Ịnị ịrayị ọhụna ana vatụra a, o nyima aa chata irehi ori nịnị ọnịrị ọchị ana bẹ́ mẹ uyi ori ọnẹẹ ana a hị́ Asẹra ọnịrị ori ana vọ.

2 Ịtọpa 34:8

Ịnị ịrayị ana tụ ọ ịrayị ẹwụrịhịnta ọnị Ijosaya rị ohinọyị ịrẹma ọnị ọ kụ́ ahẹkẹ ori kwooze hụrẹ ẹtẹ ịnị ẹkụra-ẹkụra ọnịrị irehi Ohomorihi, dị ọ tụ́ anọrụ ẹẹta ka ene tenyi irehi Ẹnẹyịmavara Ohomorihi nị. Anọrụ ẹ vị Isapanị ozi Azariya, Imaseya Ịgọvọnọ Ijerusarẹmị ọnịrị Ijowa ozi Ijowahazi ọdọvịdị ọbanyị ẹkụra.

2 Ịtọpa 36:15

Ẹnẹyịmavara, Ohomorihi ohiku ẹnịnị vịdị aa tụ́ ọnịsẹ nịnị ka ẹẹ kà aza anị ọnọ agụvị ka e yi si ka ọnị ọ vụ aza ọnịrị irehi anị ẹtẹ.

Ahẹ Ụgama 81:13

Àa vị ka Anisirẹrị aza amị yaanị zẹẹ ka ẹnị ẹ̀ wụ́ ịrẹyị amị,

Ọyịkụra 8:20

Dị Ẹnẹyịmavara rẹ hị́ Imosiisi dị ọ ka: Ọ̀ kwẹẹtẹ ẹnẹnẹ viri-viri dị ọ̀ vara gẹrị Ihwarawo aa nọ ini okuha. Ọ kà dị ọ kà a yọ kà ọ̀ hụrẹ aza anị ụvọ vị ẹ̀ na dị ẹ̀ na hẹkẹ ọnị.

Ayịsaya 55:2

Sị ẹ vẹ di ú wee du ẹkẹhị awụ nịnịị ha tụ ịnị ịsa ẹnẹ ẹ̀ yị vaa ha ọza ịnẹ? Sị ẹ vẹ dị ụ́ waa mẹ̀ ụkọrọ, dị ụ́ wàa kụ̀ ẹkẹhịị ha nịnị, dị ụngwẹ aa yịị kụ̀ wụ nịnị? Sị ụtọ pe mi nịnị, dị ụ waa rị ịsa ene zoza nịnị. Ụ vaa rị ịsa ọyịza-ọyịza nịnị dị ayị awụ nịnị ee hine.

Ijeremaya 1:2

Ịrẹyị ana tụ ọ ịrayị ẹwụrẹta ọnị Ijosaya ana vị ozi Amọnị sị rị ohinọyị Ijuda Ẹnẹyịmavara maanị kà ịrẹyị yị Ijeremaya nị.

Ijeremaya 11:7

Ẹnẹyịmavara kà, ọnị mẹ kụ ohiku ẹnịnị hụrị Ijipiti ọnị ộ kà wa ọnọ ẹtẹẹtẹrẹ ka ẹnịnị ẹẹ saasa ịrẹyị anị. Vị va ngụ ajịnị vị ọnị ọnị aa kịị kà wa ọnọọ.

Ijeremaya 19:15

Ẹnẹyịmavara Ochẹtẹẹngụ, Ohomorihi Anisirẹrị ọ́ sị ọ ka ka, ọnị vaa sị ụyaa rị Anijerusarẹmị nịnị ọnịrị avaba anẹkụra ana kara wa anka ọnị mẹ kà a, agụvị ka ẹnịnị aa mẹ ayị ọkatẹngụ, ẹnịnị ẹ yị saasa ịrẹyị anị.

Ijeremaya 22:21

Ụmẹ ọnị o si zee yi wụ nịnị, Ẹnẹyịmavara ộ kà ịrẹyịị ụ, ama ụ ka wẹ yị wụ nịnị. Avọọ ụ mẹ mẹ nịnị ụ́ mẹ hụrẹ vẹ ẹhẹ nịnị nị. Wẹ́ ma saasa ịrẹyị Ẹnẹyịmavara nịnị.

Ijeremaya 25:4

Ẹnẹyịmavara ộ tụ ezi ahụ anị, ọnịsẹ nịnị hi wu nịnị pooro, wee yi ka wẹ yị sị ụtọ pe ẹtẹ dị wa wụ nịnị.

Ijeremaya 26:5

ẹnịnị ẹ̀ yị saasa ịrẹyị ezi ahụ anị ọnịsẹ nịnị ọnị ọ naa tụụ hi wa pooro dị ẹ ka ẹnị ẹ́ yị wụ aanị.

Ijeremaya 29:19

Ẹnẹyịmavara kà aanị ọ́ mẹ vaa yà yị wa nị, agụvị ka ẹnịnị ẹ́ yị saasa ịrẹyị anị ọnị ọnị aa sịị tụ ezi ahụ anị ọnịsẹ nịnị hi wa. Ẹnịnị ee yí ka ẹnị ẹ yị wụ.

Ijeremaya 32:33

Ọ kà, ẹnịnị ệ varẹma ka ọnị, ọnị ọ ka ịrẹyị yị wa pooro ẹnịnị ẹ́ yị wụ́ ịrẹyị anị.

Ijeremaya 35:14

Ẹnẹyịmavara kà ezi Irekabi ệ saasa ọda ọnị Ijonadabị ohiku ẹnịnị mẹ yị wa ka asị e hú eche. Ịzẹyịza ẹnịnị e yi hú eche pooro ve tu ajịnị. Ama ọnị ộ kà ịrẹyị yị ụ nịnị pooro wẹ yị wụ nịnị.

Ijeremaya 35:15

Ọ kà pooro kẹnẹ ọnị aa tụ ezi ahụ anị ọnịsẹ nịnịị hi u nị. Ẹnịnị ệ kà a wụ nịnị ka ọzọza ọ̀ và hụụnị ebira odivi dị waa mẹ̀ ịsa ana vọrọ nịnị. Ệ kà wụ nịnị ọ̀nọ̀ ka asị ụ na hẹkẹ ori nịnị; agụvị wa zụ ra ịnị ẹtẹ ọnị ọnị sị yị ẹwụrị ohiku awụ nịnị. Ama wẹ yị wụ́ ịrẹyị anị nịnị.

Ijeremaya 36:1

Ijeremaya ka, ana tụ ọ ịrayị ọhụna ọnị Ijehoyakimi ozi Ijosaya rị ohinọyị Ijuda, Ẹnẹyịmavara ộ kà a yị ọnị ka,

Ijeremaya 36:2

Ọnị ọ̀ sị iwe ọgọdọ ana aā kara, dị ọnị ọ̀ chẹrẹ avaba ịrẹyị ọnị ọnị kà yị ọnị ịnị ịpa Isirẹrị ọnịrị Ijuda ọnịrị avaba ẹkụra ana vọ tụ ọ. Ọ kà ọnị ọ̀ chẹrẹ ẹ avaba ịrẹyị ọnị ọnị kà yị ọnị hụrị ụmẹ Ijosaya sị vị ohinọyị huuu va ngụ ajịnị.

Ijeremaya 44:4

Ẹnẹyịmavara kà, ọnị ộ tụ́ ezi ahụ anị ọnịsẹ nịnị hi wụ nịnị pooro, ka wa hụụnị ịsị edivi ẹnẹnị ọ̀yị mẹ agụvị ka ọnị ẹ́ yi sì ịrẹyị anị.

Ijeremaya 7:13

Ẹnẹyịmavara kà, ụ mẹ maanị aa yịị mẹ̀ ebira odivi ọnọnị nịnị, ọnị ộ ka ịrẹyị wụ nịnị pooro, ama ụka wẹ yị wụ nịnị, ọnị ộ hị́ ụ nịnị ama we yị tụ́ ohi nịnị.

Ijeremaya 7:25

Ẹnẹyịmavara kà, hụrị ụmẹ ọnị ohiku awụ nịnị sị hụrẹ Ijipiti pooro va ngụ ajịnị, eyinị-eyinị ọnị aa tụ ọnụtụ anị nịnị ana vị ọnịsẹ hi ụ nịnị nị.

Ezikẹẹrị 33:4

Ọza ana àa wụ, dị èe sere ẹngụ anị dị ọnịvị ẹnịnị vẹ dị ẹ va wụ ọ nị, ọnị ụvọta a vaa tụ́ ohuvọ nị.

Ịzakaraya 1:4

Asị ẹ hama ebira ohiku ẹnịnị ịyẹẹyẹ ọnị ọnịsẹ nịnị kà yị ka Ẹnẹyịmavara Ochẹtẹẹngụ ka ẹ hụụnị ebira odivi ọnịrị ẹhẹ kẹnẹ-kẹnẹ ọnị ẹ yaa ra. Ẹnịnị ẹ̀ yị hyakụ sị ụtọ pe ịrẹyị ọnịsẹ ẹnẹẹ, a vị ka ẹ wụ́ chire Ẹnẹyịmavara.

Ịmaakị 1:35

Ẹnẹnẹ eyinẹhẹ anị, ẹ́tẹ mèe yii vee hweyi kẹnẹ dị Ijeesu kwẹẹtẹ, dị ọ jịnẹ nọ aha ọnya aanị ịzị aza ẹ̀ yị yà nị, dị ọ na mẹ̀ aduwa ịzọọ nị.

Ịjọọnụ 8:2

Ẹnẹnẹ viri-viri eyinẹhẹ anị, dị ọ rẹ vavẹ ini irehi Ohomorihi nị. Dị aza rẹ wara ve tù ọọ nị. Dị Ijeesu yaayịtẹ, dị aa zụ̀ wa ịsa nị.

Ịjọọnụ 8:47

Ọza ana àa vị ozi Ohomorihi vị anaā wụ́ ịrẹyị Ohomorihi; ama ẹwụ nịnị ọ mā wụ́ ịrẹyị Ohomorihi, agụvị ka ẹ yị vị ezi Ohomorihi ụ vị nịnị.”

2 Itimoti 4:2

ka, waa kà enube ọyịzaa yị aza! Waa kà a ịnị ụmẹ ana aza èe sì ọnịrị ịnị ụmẹ ana aza è yi sì! Waa tụ́ wa ohuvọ, waa kà wa ọnọ, dụ wa rẹẹ tụ́ wa ọtụtụrụma! Re ka wáa nyị isuuru ẹtẹẹtẹrẹ, ụ màa zụ̀ wa ịsa!