Ijeremaya 25:27 - IWE ỌNỊNỊ

²⁷ Dị Ẹnẹyịmavara kà a yị Ijeremaya ka ọ̀ kà a yị yị avaba aza ka, ọnị Ẹnẹyịmavara Ochẹtẹẹngụ, Ohomorihi Anisirẹrị ọọ mẹ ọda yị wa ka ẹnịnị è hú eche ọnọnị ne tu ịjị aa mẹrị wa dị ẹyaa hẹrẹ nị, ẹ̀ vavọọ hú ọ ne tu ka ẹnịnị ẹ̀ sẹ ẹdụ dị asị ẹ́ kụkụ zụ kwẹẹtẹ, agụvị ka ọnị aa kụ́ ịrẹkụ nee tù wa.

Ijeremaya 25:27 ပူးပေါင်းရင်းမြစ်များ

Ayịsaya 51:21

Ịrẹyị o tu wụ ẹngụ, waa mẹrị eche ama we yi hu eche.

Ayịsaya 63:6

Ịnị ọyịkụ anị ọnị ộ sị avaba anẹhẹ mẹ ịyẹyẹ, dị ọnị gara wa, dị ọnị va ẹnịnị hi ịrẹsụ nị.

Ijeremaya 12:12

Aza ene eē du ịsaa ha ẹẹ wara hụụnị ụnọmị eyi ẹbẹẹba vẹ; ka ọnị Ẹnẹyịmavara ọ́ raa kụ ịrẹkụ ka è ve vu avaba ẹkụra Ijuda ọnịrị Ijerusarẹmị nịnị ẹtẹ, ẹ yị nyị ọza ana a kụkụ nyị ẹngwọọrọ.

Ijeremaya 13:13

Ọ kà ịjọnọọ, dị Ijeremaya vaa ka ẹ yị wa ọgọnị ka ọnị Ẹnẹyịmavara vaa và avaba anẹkụra ọnọnịị zí anka aza ana a kà eche avọọ. Ọ kà ohinọyị ẹnịnị ana yaatụ ịrẹsụ aga ohinọyị Idevidi vị ọnị ọnị vaa kà eche, ẹnị ohirẹsụ irehi Ohomorihi nịnị, ọnịsẹ nịnị ọnịrị avaba Anijerusarẹmị vị ọnị ọnị vaa kà eche.

Ijeremaya 22:10

Ijeremaya ka, ẹwụ nịnị Anijuda, asị ụ hụ agụvị ohinọyị Ijosaya jị òrèrè nịnị o. Asị ụ zị ẹngụ anị nịnị oo su. Ama waa jị òrèrè nịnị ẹtẹẹtẹrẹ agụvị ozi anị ana aa hị́ Ijowahazi. Aa vaa sị ọ hụrị ẹkụra ọnọnị ana a ma a tụ. Ẹ́ ma vana vavẹ va si eyi re e.

Ijeremaya 25:16

Ọ kà ẹnịnị ee hú ịnị anị, ọ vaa mẹrị wa, dị ẹnịnị ẹ́ yị kụkụ yẹ ịsị ẹyaa mẹ, agụvị ka ọnị aa kụ́ ịrẹkụ nee tù wa.

Ijeremaya 46:10

Ajịnị vị ẹkụhị Ẹnẹyịmavara Ochẹtẹẹngụ, Ananyị avaba ọda. Ajịnị aa họ̀ oponu nị. Ajịnị aa sị ụya rị ọnịvị anị nịnị nị. Aza vị ọnị ọ́ vaa wụ̀ pooro ne tu ịjị oo si du ọ eyi, dị ọ mẹ ka eteesu ò hú ẹnịnị pooro ne tu ka asị ó kuku zụ hu. Ajịnị Ochẹtẹẹngụ aa sị azaa mẹ̀ ịsọvọ eyi ẹbẹẹba ọ̀ sị gụrị Iyuhwuretisi nị.

Ijeremaya 46:14

Ọnị ọ̀ na kà ịrẹyị ọnọọ ẹkụra ana aā hị́ Imigidọrị, Imemihwisi, ọnịrị Itapanihesi ịnị ẹtẹ Ijipiti. Ọ kà ọnị ọ̀ kà a ka: Ọzọza o tenyi ẹngụ, dị ọ̀ vụ̀ ịrẹvụ ka asị a nyị ịsị ẹ mẹ̀ ọnị; agụvị ka a vaa kụ ịrẹkụ vee du avaba ịsị ụ nyịị ha nịnị.

Ijeremaya 50:35

Ẹnẹyịmavara kà, avaba Anibabironi ọnịrị aza ana ra hi Ịbabịrọnị vị ene vee súu ha. Ọdọvịdị ẹnịnị ọnịrị aza ana yẹ ịrẹyị hi ịzọọ vị ene vee súu ha.

Ijeremaya 51:39

Ẹnẹyịmavara kà, ịjị aa raa hị́ wa ịrẹkụ kẹnẹ, ọnị vaa mẹ ịsọyịrị yị wa, dị ọnị kà wa eche, di ẹyaa jẹ. Ẹnịnị vanaa sụ̀ dị ẹ yị ma vana ha.

Ijeremaya 51:57

Ọnị vaa kà ọdọvịdị ẹnịnị ọnịrị aza ana yẹ ịrẹyị hị́ ịzọọ eche. Ọnị vaa kà Ịgọvọnọ ẹnịị ọnịrị isoja ẹnịnị eche. Ẹnịnị vanaa sụ̀ dị ẹ́ yị ma vanaa ha kwẹẹtẹ. Ọnị ohinọyị ọ kà avọọ nị. Ịrẹha anị ọ rị Ẹnẹyịmavara Ochẹtẹẹngụ nị.

Arụwẹ 4:21

Ẹwụ nịnị Anedomi ọnịrị Anuzi waa jẹ ịrajẹ, dị waa mẹrị nịnị booro aanị. Ama yẹ́ ka ụyọrị awụ nịnị aa vẹ ịsọnsọọnị. U vee hu ụya anka eche dị aa mẹrị wụ, dị ụ tụ ẹngụ awụ ahwaahụ.

Emọsị 8:14

Aza ana a sị ori Anịsamarịya, Anịdanị aa vị ori Anịbẹẹsẹba hị́ eku vaa hyẹdụ di ẹ́ yị ma vana zụ kwẹẹtẹ.

Ịnahụmị 3:11

Anininivẹ vaa vanga anka ọza ọnị eche aa mẹrị avọọ. Ẹ vaa sị vụrụ ka ẹnị e zwe ẹ̀ yị ọnịvị ẹnịnị nị.

Ihabaku 2:16

Booro aanị, Ẹnẹyịmavara vaa mẹ̀ ụhị nyị ọ, dị ọ rẹ rị ụya ọnị ọ sị̀ yị aza rị. Dị aza ẹnị ree re ahwaahụ anị, dị ụhị nyị ọ eyi ẹnịnị.

Iwe Ọhụhị Imosiisi ana aa hị́ Ọyịvatụrọda 32:42

Ọpa anị vee hú anyị ọnịvị anị, dị ụhwọ anị vaa wụ̀ avaba aza ana va eyi ịrazị ka ọnị. Ẹ yị nyị ọza ana va eyi ịrazị ka ọnị ana vaa ha Ọnị vee vu aza ana tọ̀ ụnava ọnịrị anịnẹngwa nịnị ẹtẹ.

Ẹtore 14:10

ọ vaa yẹ ọyịkụ Ohomorihi. Ọyịkụ anị ọnọọ vị ana sị mẹẹ anka ẹchịpa ohuru-ohuru avọọ, ọnọọ ká tụ́ ini ako ọyịkụ anị ana aza ẹnẹẹ vee hú. Dị ẹ yaa rị ụya ịnị ịra anaa sị ohuru tụ́ éyi anggẹẹrị ọnịnị nịnị ọnịrị Ozi Atẹmẹ ọnọọ.