Ijeremaya 25:18 - IWE ỌNỊNỊ

¹⁸ Ọnị ộ sị ọ ne tu Anijerusarẹmị ọnịrị avaba ẹkụra ene hi Ijuda, beri ohinọyị ẹnịnị ọnịrị ọdọvịdị ẹnịnị, dị á mẹ ka avaba ẹnịnị è hú ịnị anị nị. Dị ẹnịnị hụ́ hụrị ẹkụra nị. Aza ene re e vị ọnị ọ́ za zizi dị angwa ee hí wa. Dị aza kụkụ aa sị ịrẹha ẹnịnịị chii hị́ aza pooro ve tu ajịnị nị.

Ijeremaya 25:18 ပူးပေါင်းရင်းမြစ်များ

1 Ohinọyị 8:24

Ịrẹyị ọnị ụ ka yị Idevidi ada amị ana vị ozi ahụ awụ vị ọnị ụ jẹẹ pè. Ịrẹyị ọnị ụ kà gẹdẹ-gẹdẹ ọnị ụ mẹ ajịnị aanị nị.

2 Ohinọyị 22:19

ka ô ro ịnẹ, dị ọ va ẹngụ anị nẹtẹ, dị ọ na awuru anị hi ẹngụ, dị ọ sụ ùnè agụvị ka ộ wụ́ ka oni o chi hi wa ka ọnị vaa sị ụya rị Ijerusarẹmị ọnịrị aza ene hi ịzọọ. Ẹnẹyịmavara kà ọnị ọ raà wụ́ aduwa anị.

2 Ịtọpa 29:8

Ẹnẹyịmavara vị ana nyayịnẹ du ayị hí Anijuda ọnịrị Anijerusarẹmị nịnị. Ịsị ọnị ọ mẹ̀ wa vi ene hi ọzọza angwa, dị ahị za wa. Ẹnịnị ẹ yẹ ọsọnị ẹtẹẹtẹrẹ.

Ẹzịra 9:7

Avaba ayị ọ sị ịvị rị hụụnị ụmẹ ohiku ayị. Agụvị avọọ ohinọyị a sị kụ yị, ohinọyị ayị nịnị beri ohirẹsụ irehi Ohomorihi ayị nịnị chire ohinọyị Anẹkụra ọsa nịnị ụvọ, dị ẹ wụ yị, dị ẹ za yị ọrịhị nị. Ệ kụ yị ẹnya, dị ẹ mẹ̀ ụhị nyị yị ẹtẹẹtẹrẹ pooro va ngụ ajịnị nị.

Inehemaya 9:36

Booro anị, ya kụkụ sị vara ọrịhị ịnị ẹtẹ ana nyị ịsa ọrọgọdọ ọnị ụ sị yị ada ayị nịnị.

Ahẹ Ụgama 60:3

Wa raà mẹ ka ẹyị aza awụ ọ̀ rị ụya ẹtẹẹtẹrẹ ị kụkụ aa gọ̀rụ́-gọ́rụụ zị ọ́za ene eche aa mẹrị avọọ nị.

Ayịsaya 40:23

Ohomorihi ọọ̄ va ohinọyị nịnị ana nyị ụkata nọ ẹtẹ nị. Ọnị ọ va wa nọ ẹtẹ nẹrẹ-nẹrẹ.

Ayịsaya 65:15

Aza amị ẹnị mị nyị vị ana vaa sị ịrẹha awụ nịnịị chìi hi ọza. Ẹmị Ẹnẹyịmavara Ohomorihi vaa mẹ ka we su nịnị. Ama mị vaa sị ịrẹha ọwọọwaa yị aza anaa saasa ịrẹyị amị.

Ijeremaya 1:10

Dị Ẹnẹyịmavara kà, hụrị ajịnị, ọnị ọ raa sị ụkata yị ọnị ka, ọnị ọ̀ nyị ẹbẹẹba avaba anẹkụra ọnịrị ohinọyị nịnị. Ọ kà, ọnị ọ̀ nee hu ịsaa hụrị ẹtẹ, dị ọnị oo wụ ẹnyị vàa hi ẹtẹ. Ọnị ọ̀ọ gara ịsa ẹnyị ha, dị ọnị ọ̀ọ chaka wa. Dị ọnị ọọ tenyi ịsa ẹnyị, dị ọnị ò re chire ịsa ẹnyị.

Ijeremaya 13:3

Dị Ẹnẹyịmavara kà a yị ọnị ụpọhụva ka,

Ijeremaya 13:9

Aanị ọnị mẹ vee du avaba ịsa ọnị Anijuda ọnịrị Anijerusarẹmị nịnị aa sị mẹ̀ eyii zịị ha nị.

Ijeremaya 24:9

Ọ kà ọnị vaa kụ ẹngụkata odivi tù wa ana vaa mẹ angwaa hi anẹhẹ. Ọ kà aza vị ana vaa sị wa mẹ enyinyi, dị aa sị ịrẹyị ẹnịnị mẹ̀ isiya, dị a raa kụ wa ụhụ. Aha tụra aha ọnị ọnị ọọ dụ wa ne hi vị ana a vaa sị ịrẹha ẹnịnịị chii hi aza.

Ijeremaya 25:11

Ẹnẹyịmavara kà, avaba ẹtẹ Ijerusarẹmị vị ana vaa jị eburu. Avaba aza ana ra kara a vanaa kụ hẹkẹ ohinọyị Ịbabịrọnị mẹ ịrayị ẹtarẹwụ.

Ijeremaya 25:9

Ọnị vaa tụ́ụ hị́ avaba aza ene hi Ịbabịrọnị ọnịrị ozi ahụ anị, Inebukadineza, ohinọyị Ịbabịrọnị ka ẹ̀ kụ ịrẹkụ va ngụ Ijuda. E vee pè avaba aza ene hi Ijuda ọnịrị avaba ẹkụra ana kara waa kụ̀ ịrẹkụ. Ẹnẹyịmavara kà ọnị vee vu Ijuda ọnịrị aza ana kara wa ẹtẹ saka-saka ana ahịka aza èe ré e angwa vị ene vee hí wa pooro zịna-zịna.

Ijeremaya 26:6

Ọnị vaa mẹ irehi anị ọnọnị anka ẹkụra ana aā hi Isiro avọọ. Dị ọnị mẹ ka avaba anẹhẹ ẹ̀ kụkụụ sị Ijerusarẹmị chìi hị́ aza.

Ijeremaya 44:22

Agụvị avọọ, á jị ẹkụra awụ nịnị eburu, dị ẹ̀ yị nyị ọza ana kụkụ ra ịzọọ ajịnị anị nị. Aza enee kuku re e vị enee hí angwa, dị aza kụkụ aa sị ịrẹha anịị chii hi aza anị. Ẹnẹyịmavara kà ọnị ẹ yị kụkụ zụ sị ẹngụ dọ ịsa odivi-odivi ọnị waa mẹ nịnị.

Ezikẹẹrị 30:7

Ẹtẹ ọnọọ ọ vaa tụ́ osusuu hu avaba ẹtẹ ana vọ ịrẹsụ ẹtẹ nị. Ẹkụra-ẹkụra ene hi ịnị anị vị ana vaa jị eburu.

Ịdanịyẹrị 9:12

Dị ọnị kà a yị Ohomorihi ẹnịnị ka, ịsị ộ ka ọnị vaa mẹ ẹnịrị ọdọvịdị ẹnịnị ộ sị ọ mẹ. Ẹ́ẹ yị nyị anẹkụra ọsa ịrẹsụ ẹtẹ ọnị ọ maanị sị ụya rị da anka ọ mẹ sị ụya rị Anijerusarẹmị aanị.

Emọsị 2:5

Ẹnẹyịmavara kà ọnị vaa jị ịraa tụ́ Ijuda, dị ọ rị avaba irehi ohinọyị ẹnịnị ana ya Ijerusarẹmị ịra.

Emọsị 3:2

Ẹnẹyịmavara kà Anisirẹrị nịnị kẹnẹ ọnị nyị ịnị avaba Anẹkụra ene hi ịrẹsụ ẹtẹ nị. Agụvị avọọ ọnị vaa sị ụya ebira odivi ẹnịnị rị wa nị.

Imika 6:16

Ọda udivi Omiri Ohinọyị kẹnẹ ụ ta ụvọ ku nị. Waa hama ebira odivi Ahabị ọnịrị Omiri, Agụvị mị vaa sị wụ mẹ̀ apojuwe yị aza ana vọ avọọ mi vee vú ẹtẹ. Aza awụ vị ana a vaa sị mẹ̀ isiya. Aza ene ee re vị ene vee nyi wu unyi.

Ijosuwa 6:18

Ọ kà, asị ẹ na sị ịsa ọnyị-ọnyị hụụnị avaba ịsa ana ka e du ha aanị, ka ẹyị vavọọ ẹnị nyẹmba vị ene ve vú ẹtẹ saka-saka, dị ẹ ra kụ ẹngụkata ve tu avaba Anisirẹrị.

1Ipita 4:17

Ụmẹ ọkarẹyị o si tù, aza Ohomorihi Óhomorihi vaa vịdị aa mẹ̀ ọkarẹyị anị nị. Àa vị ịdị ẹyị aza Ohomorihi, ọkarẹyị nyima hụrẹ nị, si ụ ro ka ọ vaa vị ẹzẹtẹ aza ẹnẹ ẹ̀ yị dọ enube ọyịza Ohomorihi wụ́?