Ijeremaya 25:17 - IWE ỌNỊNỊ

¹⁷ Ijeremaya ka, ịzẹyịza dị ọnị dọ ako ọnọọ hụụnị ụvọ Ẹnẹyịmavara nị. Ọnị ộ sị ọ ne tu avaba anẹkụra ọnị Ẹnẹyịmavara tụ́ ọnị hi, dị ọnị mẹ ka ẹnịnị è hú ịnị anị nị.

Ijeremaya 25:17 ပူးပေါင်းရင်းမြစ်များ

Ijeremaya 1:10

Dị Ẹnẹyịmavara kà, hụrị ajịnị, ọnị ọ raa sị ụkata yị ọnị ka, ọnị ọ̀ nyị ẹbẹẹba avaba anẹkụra ọnịrị ohinọyị nịnị. Ọ kà, ọnị ọ̀ nee hu ịsaa hụrị ẹtẹ, dị ọnị oo wụ ẹnyị vàa hi ẹtẹ. Ọnị ọ̀ọ gara ịsa ẹnyị ha, dị ọnị ọ̀ọ chaka wa. Dị ọnị ọọ tenyi ịsa ẹnyị, dị ọnị ò re chire ịsa ẹnyị.

Ijeremaya 25:28

Ọ kà ẹnịnị ẹẹ ka ẹnị ẹ́ yị dọ ako ọnọọ hụrị Ijeremaya ụvọ dị ẹnị è hú eche ọnọọ, ọ̀ kà a yị wa ka Ẹnẹyịmavara Ochẹtẹẹngụ ọ sị ọ ka ka, ẹnịnị ee sì, ee yi, vị eyee hú ọ nị.

Ijeremaya 25:9

Ọnị vaa tụ́ụ hị́ avaba aza ene hi Ịbabịrọnị ọnịrị ozi ahụ anị, Inebukadineza, ohinọyị Ịbabịrọnị ka ẹ̀ kụ ịrẹkụ va ngụ Ijuda. E vee pè avaba aza ene hi Ijuda ọnịrị avaba ẹkụra ana kara waa kụ̀ ịrẹkụ. Ẹnẹyịmavara kà ọnị vee vu Ijuda ọnịrị aza ana kara wa ẹtẹ saka-saka ana ahịka aza èe ré e angwa vị ene vee hí wa pooro zịna-zịna.

Ijeremaya 27:3

Dị Ẹnẹyịmavara kà ọnị ọ̀ tụ ụtụ hi ẹnị ohinọyị ẹtẹ Edomi, Imowabi, Amọnị, Ịtaya ọnịrị Ịsịdọnị nị. Ọ kà ọnị ọ̀ tụ́ odeyi ẹkụra ẹnẹẹ ana vaa vẹ Ijerusarẹmị vee re ohinọyị Ịzẹdẹkaya.

Ezikẹẹrị 29:2

Ozi-ọza, ọnị ọ̀ và eyi ka ohinọyị Ijipiti dị ọnị ọ̀ kà a yị ọ, ọnịrị aza anị mẹmẹ vaa rị ụya.

Ezikẹẹrị 3:2

Ịzẹyịza, dị ọnị ha irenu anị, dị ọ sị iwe ọnọ yị ọnị ka ọnị ọ̀ rị ọ nị.

Ezikẹẹrị 43:3

Ọ kà ẹtẹ ọnị ọnị ré aanị vị ana sị mẹẹ anka ẹngụ ọnị ọnị ré ụmẹ ọnị Ohomorihi sị ve vú Ijerusarẹmị ẹtẹ. Ô re vene ẹngụ ẹtẹ ọnị ọnị ré ụtọ irehu Ịchẹẹba ụmẹ ọnya aanị. Dị ọnị ne ẹngụ anị nyẹtẹ, dị ọnị và eyi ku ẹtẹ nị.

Ihabaku 2:16

Booro aanị, Ẹnẹyịmavara vaa mẹ̀ ụhị nyị ọ, dị ọ rẹ rị ụya ọnị ọ sị̀ yị aza rị. Dị aza ẹnị ree re ahwaahụ anị, dị ụhị nyị ọ eyi ẹnịnị.