Ijeremaya 25:15 - IWE ỌNỊNỊ

¹⁵ Ẹnẹyịmavara, Ohomorihi Anisirẹrị ộ kà a yị Ijeremaya ka, ọ̀ dọ ịpa eche ọnị ọnị và ọyịkụ anị hi aanị hụrẹ ọnị ụvọ. Ọ kà Ijeremaya ọ̀ sị ọ ne tu avaba anẹkụra ọnị ọnị ọọ tụ ọ hi, dị ọ̀ mẹ ka ẹnịnị è hú ọ.

Ijeremaya 25:15 ပူးပေါင်းရင်းမြစ်များ

Ijoovu 21:20

Navọ wa ẹnị ụvọta ẹ rị ụya, dị ẹ yẹ Ohomorihi Ochẹtẹẹngụ mẹẹ kụ ayị hi ọza.

Ahẹ Ụgama 11:6

Ẹnẹyịmavara vị ana vaa zụ̀ orihi ịrịịra hi aza edivi ịrẹsụ Ịra ana a sị ohuru kà ọnịrị ahị ịrịịra ọ vaa vẹ ịrẹsụ aza edivi nị.

Ahẹ Ụgama 60:3

Wa raà mẹ ka ẹyị aza awụ ọ̀ rị ụya ẹtẹẹtẹrẹ ị kụkụ aa gọ̀rụ́-gọ́rụụ zị ọ́za ene eche aa mẹrị avọọ nị.

Ahẹ Ụgama 75:8

Ayị ana aa kụ́ Ohomorihi vị ana sị mẹẹ anka eche ana a kụ́ ịsa ana nyị ịrẹyị hi dị ọ sị tụ́ ini ako rị ụvọ. Avaba anị ọ vaa vàa yị aza edivi ene hi ịnị ẹhẹ ka è hú ọnị.

Ahẹ Ụgama 75:9

Ẹmị vị ana vị vaa kà ịrẹyị Ohomorihi oni Ijekọvụ hẹkẹ pooro, dị maa jị ahẹ gono o.

Ayịsaya 14:26

Ananyị yị ka ịsị ọnị vaa mẹ anẹhẹ ọ vị ọnọọ nị. Ọ kà ọnị vaa tana ụvọọ za avaba anẹhẹ.

Ayịsaya 34:2

Ẹnẹyịmavara aa kụ́ ayịị hi avaba anẹhẹ ọnịrị avaba isoja ẹnịnị. Avaba ẹnịnị vị ọnị ọ vaa mẹ ka à wụ và ha saka-saka.

Ayịsaya 51:17

Kwẹẹtẹ Ijerusarẹmị, ha kwẹẹtẹ, Ẹnẹyịmavara ọ raà ka wụ nịnị enyi ụya ịnị ọyịkụ anị. We reè hu ọ ẹnẹmẹhị ana mẹ ka ọọ mẹrị wụ, dị waa vanga nị.

Ayịsaya 51:22

Ẹnẹyịmavara Ohomorihi awụ nịnị anaā vụ ịrẹvụ yị aza anị kà, ọnị ọ raà dọ ako ọnị ọnị sị yị wa ịnị ọyịkụ. A yị kụkụ vaa sị ụkata-ụkata za wa ka e hu dị ọọ vaa mẹrị wa.

Ayịsaya 51:23

Ọnị vaa sị ako ọnọọ yị aza anaa mẹ ẹvaya yị wụ nịnị. Aza ana za wụ nịnị tana tụra ẹtẹ, dị ẹ yaa kụ ahụ hi wụ nịnị parahu anka edudu oze avọọ.

Ijeremaya 1:5

dị a va yẹ ka ee zyẹẹ aanị ọnị ộ yẹ ọnị, dị a va yẹ ka aa ma ọnị ọnị Ẹnẹyịmavara hụrẹ nyị ọnị ka ọnị vaa vị ọnịsẹ anị yị anẹhẹ nị.

Ijeremaya 36:2

Ọnị ọ̀ sị iwe ọgọdọ ana aā kara, dị ọnị ọ̀ chẹrẹ avaba ịrẹyị ọnị ọnị kà yị ọnị ịnị ịpa Isirẹrị ọnịrị Ijuda ọnịrị avaba ẹkụra ana vọ tụ ọ. Ọ kà ọnị ọ̀ chẹrẹ ẹ avaba ịrẹyị ọnị ọnị kà yị ọnị hụrị ụmẹ Ijosaya sị vị ohinọyị huuu va ngụ ajịnị.

Ijeremaya 43:11

Ẹnẹyịmavara kà, Inebukadineza vaa kụ́ ịrẹkụ ve Ijipiti, dị ọ nyị ẹbẹẹba nị. Aza anaa nyị ka ụkụ ọ̀ wụ, dị ụkụ wụ̀ wa, aza anaa nyị ka à za ọrịhị, dị a za wa ọrịhị. Aza anaa nyị ka à wụ ịnị ịrẹkụ ọnọọ, dị a wụ̀ wa.

Ijeremaya 45:5

Avọọ, asị ẹwụ Ibaruki kà a ka wee si ịsa ozoza-ozoza yị ẹngụ awụ, agụvị ka ọnị Ẹnẹyịmavara vaa kụ ẹngụkata tu avaba aza, ọ ka, ama ẹwụ Ibaruki, aha tụra aha ọnị waa nọ, ọnị ẹ́ yị vaa zẹẹ ka à nyị ịsị ẹ mẹ̀ ẹwụ.

Ijeremaya 46:1

Ẹkụhị ọnya, Ijeremaya ka Ẹnẹyịmavara ộ ka ịrẹyị yị ọnị ịnị ịpa ẹkụra ọrụrụ-ọrụrụ.

Ijeremaya 48:26

Ọ kà à Animowabi nịnị eche, agụvị ka ẹnịnị ẹ́ raà kụ̀ hịrẹ ọnị. Ẹnẹyịmavara Animowabi nịnị vee muna ahẹrẹ ẹnịnị, dị aza ee nyị wa unyi.

Ijeremaya 49:12

Ẹnẹyịmavara kà, aza ẹnẹ ẹ̀ yị vọrọ ka ẹ̀ rị ụya ọnọnị eyee hú enyi hụụnị ako ụyọrị ọnọnị, ví u wéé ro nịnị ka ẹwụ nịnị vaa haa hụụnị anị nịnị nị? Éyiye de. Ẹ́ yị zụ nyị ka wẹ yị rị ụya nịnị.

Ijeremaya 51:7

Ẹnẹyịmavara kà, Anibabironi nịnị vị ana sị mẹẹ anka ako ana a sị igooru mẹ̀ ọnị ọnị sị rị ụvọ, dị ẹnịnị kà avaba anẹhẹ eche nị. Ẹkụra-ẹkụra ê hú eche anị, ẹnịnị ẹ̀ yị kụkụ yẹ ịsị ẹyaa mẹ.

Ezikẹẹrị 23:32

Ụ vaa sị ako ụyọrị onyeyiza awụụ hú enyi. Ako ọnọọ ọọ nyịnẹ, dị ọ gana nị. Aza vee nyị wu unyi, dị ẹyaa mẹ wụ isiya agụvị ka ụya ana ya ịnị ako ọnọọ ọọ dẹngụ.

Ezikẹẹrị 23:33

Ụya ọnị ụ vaa rị ọnịrị ayodu ene vee tu wu vị ana vaa mẹrị ẹwụ anka eche avọọ. Ụyọrị ana yà ịnị ako ọnọọ vee chire wu angwa dị ọọ tụ wụ osusu. Ako onyeyiza awụ Isamariya ọ vị ọnọọ nị.

Ezikẹẹrị 29:12

Ẹnẹyịmavara kà ọnị vaa tụ́ ẹtẹ Ijipiti osusuu huni avaba ẹtẹ ana vọ ịnị ẹhẹ. Ijipiti vaa jị eburuu mẹ ịrayị ẹbẹẹva; ẹ́ yị nyị ẹkụra ana a vavọọ jị eburuu da. Ọnị vaa mẹ ka Anijipiti nịnị è zwe na tẹ̀ ẹkụra irenyi-irenyi, dị ẹ kụkụ rá vahụra aza ẹnẹsa.

Ezikẹẹrị 36:5

Ẹnẹyịmavara Anahwọ ọ raà sị ọyịkụ-ọyịkụ kà ịrẹyị yị anẹkụra-ẹkụra ana kara Isirẹrị. Anedomi nịnị ayị hyakụ aa kụ ọnịị tùu hu nị. Ẹnịnị ẹ raà sị ẹtẹ anị mẹ ẹẹnịnị, dị ẹ sị ịzị aa kụ ịsụpa naa rị ka ẹnị ẹkụkụ nyị nị. Ẹnịnị vị anaa jẹ dị ẹ́ sị eyi wụ ọnị.

Ọbadaya 1:16

Anka ẹnịnị mẹ mẹ̀ aza Ẹnẹyịmavara ana ra ịrẹsụ ataba anị ẹsẹvẹsẹvẹ, avọọ gẹdẹ-gẹdẹ anẹkụra ana kara wa mẹ vaa sị eyi ẹnịnị re ẹẹva nị. Ẹnịnị vaa rị ụya ana ngụ ajẹ, di e su, dị ayị ẹnịnị hí ịnị ẹhẹ.

Ihabaku 2:16

Booro aanị, Ẹnẹyịmavara vaa mẹ̀ ụhị nyị ọ, dị ọ rẹ rị ụya ọnị ọ sị̀ yị aza rị. Dị aza ẹnị ree re ahwaahụ anị, dị ụhị nyị ọ eyi ẹnịnị.

Ẹtore 14:10

ọ vaa yẹ ọyịkụ Ohomorihi. Ọyịkụ anị ọnọọ vị ana sị mẹẹ anka ẹchịpa ohuru-ohuru avọọ, ọnọọ ká tụ́ ini ako ọyịkụ anị ana aza ẹnẹẹ vee hú. Dị ẹ yaa rị ụya ịnị ịra anaa sị ohuru tụ́ éyi anggẹẹrị ọnịnị nịnị ọnịrị Ozi Atẹmẹ ọnọọ.

Ẹtore 14:19

Dị anggẹẹrị sị ụhwọ anị tụ́ ịnị ẹhẹ, dị ọ há ẹtụtụ ịvayịnị nị. Dị ọ kụ́ ọọ và hi ụkọ ọbanyị ịzị a yàā kwọrọ ẹtụtụ ẹnẹẹ nị. Ọnọọ vị ana jẹẹ yị ọyịkụ Ohomorihi.