Ijeremaya 25:13 - IWE ỌNỊNỊ

¹³ Ẹnẹyịmavara kà avaba ẹngụkata odivi ọnị ọnị wo oto ka ọnị vaa kụụ tu ẹkụra ẹnẹnị ịnị ịrẹyị ọnị ọnị ka yị Ijeremaya avọọ, ọnị vaa sị sị ụyaa rị Ịbabịrọnị nị. Á mẹ chẹrẹ ẹ tụ ịnị iwe gẹdẹ-gẹdẹ avọọ ọnị vaa mẹ̀ ẹ nị.

Ijeremaya 25:13 ပူးပေါင်းရင်းမြစ်များ

Ayịsaya 55:11

Avọọ gẹdẹ-gẹdẹ ịrẹyị ọnị mị kà mẹ yà nị. Ẹ yị vaa vàa ka mịị vẹ osusu, ama ọ vaa mẹ ịsị mị mẹ eto anị; ọ vaa mẹ avaba ịsị mị tụ́ ọ ka ọ̀ na mẹ.

Ijeremaya 1:10

Dị Ẹnẹyịmavara kà, hụrị ajịnị, ọnị ọ raa sị ụkata yị ọnị ka, ọnị ọ̀ nyị ẹbẹẹba avaba anẹkụra ọnịrị ohinọyị nịnị. Ọ kà, ọnị ọ̀ nee hu ịsaa hụrị ẹtẹ, dị ọnị oo wụ ẹnyị vàa hi ẹtẹ. Ọnị ọ̀ọ gara ịsa ẹnyị ha, dị ọnị ọ̀ọ chaka wa. Dị ọnị ọọ tenyi ịsa ẹnyị, dị ọnị ò re chire ịsa ẹnyị.

Ijeremaya 1:5

dị a va yẹ ka ee zyẹẹ aanị ọnị ộ yẹ ọnị, dị a va yẹ ka aa ma ọnị ọnị Ẹnẹyịmavara hụrẹ nyị ọnị ka ọnị vaa vị ọnịsẹ anị yị anẹhẹ nị.

Ijeremaya 30:2

Ọ̀ chẹrẹ avaba ịrẹyị ọnị ọnị kà yọ tụ ịnị iwe,

Ijeremaya 36:2

Ọnị ọ̀ sị iwe ọgọdọ ana aā kara, dị ọnị ọ̀ chẹrẹ avaba ịrẹyị ọnị ọnị kà yị ọnị ịnị ịpa Isirẹrị ọnịrị Ijuda ọnịrị avaba ẹkụra ana vọ tụ ọ. Ọ kà ọnị ọ̀ chẹrẹ ẹ avaba ịrẹyị ọnị ọnị kà yị ọnị hụrị ụmẹ Ijosaya sị vị ohinọyị huuu va ngụ ajịnị.

Ijeremaya 36:29

Ẹnẹyịmavara kà ọnị ọ̀ kà a yị ohinọyị ka, ọ́ sị iwe ọgọdọ ọnọọ rị ịra, á vị daa họ̀ Ijeremaya ka, sị ẹ vẹ dị ọ chẹrẹ ẹ ka ohinọyị Ịbabịrọnị vee du ẹkụra ẹnịnịị ha ahẹ. Dị aa họ̀ bẹẹ ka sị ẹ vẹ dị ọ ka ohinọyị Ịbabịrọnị vaa wụ̀ anẹkụra anị ọnịrị ịsụpa a ha.

Ijeremaya 36:4

Ijeremaya ka, ịzẹyịza, dị ọnị hị́ Ibaruki ana vị ozi ọnọrụ ana aā hí Ịnẹraya, dị ọnị za avaba ịrẹyị ọnị Ẹnẹyịmavara kà yị ọnị ịrịka hi ẹtẹ yọ nị. Dị Ibaruki chẹrẹ wa hi ịnị iwe gọdọ ọnọọ nị.

Ịdanịyẹrị 5:28

ỊPẸRẸẸSỊ ọ vị ka Ohomorihi ọ sị ẹtẹ ọnị ohinọyị áa mẹ ịjọva anị gà yị Animeedi ọnịrị Anipesiya nịnị.

Ịdanịyẹrị 5:31

Dị ọnọrụ ọnyara ana aā hị́ Ịdarịyọsị ana vị Animeedi vana rị ohinọyị tụ ẹkụra ọnọọ nị. Ịdarịyọsị ọnọnị vị ịrayị ẹbẹẹta tụra ẹẹva ịnị ụmẹ ọnị ọ sị rị ohinọyị.

Ẹtore 10:11

Dị ọ ka, â nyị ka ma rẹẹ kà ịsẹẹ yị aza ọrụrụ-ọrụrụ ọnịrị anẹkụra ọrụrụ-ọrụrụ ana aa kà ẹkụra irenyi-irenyi, beri ohinọyị nịnị nị.