Ijeremaya 25:11 - IWE ỌNỊNỊ

¹¹ Ẹnẹyịmavara kà, avaba ẹtẹ Ijerusarẹmị vị ana vaa jị eburu. Avaba aza ana ra kara a vanaa kụ hẹkẹ ohinọyị Ịbabịrọnị mẹ ịrayị ẹtarẹwụ.

Ijeremaya 25:11 ပူးပေါင်းရင်းမြစ်များ

2 Ịtọpa 36:20

Aza chee ana ha, dị a za ọrịhị nọ Ịbabịrọnị, dị ẹ ozi ahụ ohinọyị ọnịrị ezi anị pooro ne tu ụmẹ ọnị Anipesiya va sị dọ wa ịjọva nị.

Ayịsaya 5:6

Di o kuku du ẹtẹ ọnọọ ha, dị ọ navọ ọchị ịvayịnị anị dị o yi tenyi ọ, dị ọ yị rẹ kụkụ bàrà hi ọ. Di ikeyi ọnịrị avị edivi-edivi kuku hi hi ọ. Ọ yị rẹẹ kụkụ vaa zẹẹ ka orihi ọ̀ zụ tụ́ ọ.

Ijeremaya 25:12

Ọ̀vavẹ ịrẹma anị, dị ọnị vaa sị ụyaa rị ohinọyị Ịbabịrọnị ọnịrị ẹkụra anị agụvị ebira odivi ẹnịnị. Ọ kà ọnị vee vu ẹkụra ọnọọ ẹtẹ dị ọnị jị ọ eburu tịtẹ pooro nị.

Ijeremaya 25:38

Ẹnẹyịmavara ọ raa para aza anị hu anka idu mẹẹ jịnẹ hụụ ịzị ọ yà avọọ. Ịrẹkụ ọnịrị ọyịkụ Ẹnẹyịmavara ọ sị ẹkụra ẹnịnị tụ osusu.

Ijeremaya 27:22

Ẹnịnị vị ana vaa kụ nee hi Ịbabịrọnị, dị ẹ kụkụ yà ịzọọ pooro nee tù ụmẹ ọnị ọnị ọọ sị va eyi vẹ ịnị ịrẹyị ẹnịnị. Dị ọnị kụ wa vavẹ va tụ aha anị ịzẹnị.

Ijeremaya 27:7

Avaba anẹkụra vị ana vaa kụụ hẹkẹ e. Ẹnịnị vaa kụụ hẹkẹ ezi anị ọnịrị aazị anị pooro nee tu ụmẹ ọnị ẹkụra anị ọnị rẹ vaa sị sẹ̀ ẹdụ. Dị anẹkụra anị ẹnị rẹ vaa kụụ hẹkẹ anẹkụra ọrụrụ-ọrụrụ ana nyị ụkata ẹtẹẹtẹrẹ ẹnịrị ohinọyị ẹbanyị-ẹbanyị nịnị.

Ijeremaya 28:14

Ẹnẹyịmavara Ochẹtẹẹngụ, Ohomorihi Anisirẹrị nịnị ka, ọnị vaa sị ọkẹẹkẹrẹ ana a sị enyusẹ mẹẹ tụ anẹkụra nịnị ọrọkọ. Ẹnịnị vaa kụụ hẹkẹ Inebukadineza, ohinọyị Anibabironi. Uye ịnị avị nịnị bẹẹ vị ana vaa hẹkẹ ẹ.

Ijeremaya 29:10

Ẹnẹyịmavara kà, ịjị waa raa mẹ ịrayị ẹtarẹwụ Ịbabịrọnị nịnị, ọnị vaa va eyi vẹ ịnị ịrẹyị awụ nịnị, dị ọnị kụ wụ nịnị và vẹ eehi anka ọnị mẹ vịdị kà a.

Ijeremaya 4:26

Ẹnẹyịmavara maa kụ ayị, ẹtẹ ana vịdị maanị zoza, ọ kụkụ sị vara ụnọmị; avaba ẹkụra anị ẹ sị jị eburu.

Ijeremaya 4:27

Ẹnẹyịmavara ộ vịdị sị ọ ka ka, ọnị vaa jị avaba ẹhẹ eburu, ama ọnị e yi vee vu avaba anị ẹtẹ saka-saka.

Ijeremaya 43:10

Ọ kà, ọnị ọ̀ọ vavọọ sị ọ mẹ, dị ọnị kà a yị Anisirẹrị nịnị ka, ọnị Ẹnẹyịmavara Ochẹtẹẹngụ, Ohomorihi Anisirẹrị nịnị ka, ọnị vaa naa sị ozi ahụ anị Inebukadineza, ohinọyị Ịbabịrọnị vẹ ịzị ẹnị, dị ọ sị aga ohinọyị anị yaatụ ịrẹsụ ịrẹta ọnị ọnị sị chire ẹtẹ aanị. Ọ vaa kà ivori ohinọyị anị kú ịrẹta ẹnẹnị.

Ijeremaya 44:22

Agụvị avọọ, á jị ẹkụra awụ nịnị eburu, dị ẹ̀ yị nyị ọza ana kụkụ ra ịzọọ ajịnị anị nị. Aza enee kuku re e vị enee hí angwa, dị aza kụkụ aa sị ịrẹha anịị chii hi aza anị. Ẹnẹyịmavara kà ọnị ẹ yị kụkụ zụ sị ẹngụ dọ ịsa odivi-odivi ọnị waa mẹ nịnị.

Ezikẹẹrị 12:19

Ọ kà ọnị ọ̀ kà a yị avaba anẹkụra ka ụtụ ọnị ọnị Ẹnẹyịmavara Ananyị ụkata hu kere-kere tụ́ hi Anijerusarẹmị nịnị ana yị ra hi ẹtẹ Isirẹrị yị o: Ẹnịnị àaa rị, eyee hú, vị ene vee hí angwa, dị ẹyaa dá ẹgahị. A vaa tụ ẹtẹ ẹnịnị osusu, agụvị ka avaba aza ana ra ịzọọ vị anaa mẹ kẹnẹ-kẹnẹ o me zee wa eyi.

Ezikẹẹrị 29:11

Ẹ́ yị ma vana nyị ọza à vị ịsụpa anaa vanaa zị avọọ paraahu, ọ́ vaa mẹ ịrayị ẹbẹẹva, ẹ́ yị nyị ịsị ẹẹ vanaa ra ịzọọ.

Ezikẹẹrị 6:14

Ọ kà ọnị vaa tana ụvọ za wa, dị ọnị tụ́ avaba ẹkụra ẹnịnị osusu, dị ọ jị eburu. Avọọ ọnị mẹ vaa mẹẹ hụụnị ụnọmị eyi ụvẹtẹ huu naa ngụ ịzị aā hị́ Iribira eyi ẹbẹẹba nị.

Ịdanịyẹrị 9:2

Ịdanịyẹrị kà ịnị ịrayị ịpaapa ọnị ộ rị ohinọyị, dị ọnị àa ka iwe Ohomorihi. Dị ọnị re ka Ẹnẹyịmavara ộ vịdị kà a yị Ọnịsẹ Ijeremaya ka, Ijerusarẹmị vànaa mẹ̀ ịrayị ẹtarẹwụ dị aza ẹ̀ vana và nọ ịnị anị na ra nị.

Ireevi 26:32

Ẹnẹyịmavara kà ọnị vee vú ẹtẹ ẹnịnị ẹtẹ saka-saka dị evu-ẹtẹ ọnọọ za ọnịvị nịnị ene ve hi ịzọọ zizi.

Imika 7:13

Avaba aha ana vọ ịnị ẹhẹ vị ana vaa chakaa ha. Ebira odivi aza ene hi ẹhẹ ọ vaa kụ́ ọnọọ vẹ nị.

Ịzakaraya 1:12

Dị anggẹẹrị ọnọọ họ̀ Ẹnẹyịmavara Ochẹtẹẹngụ ka ịzị o vee ku ne tù dị ọ vaa nyị ayamva yị Ijerusarẹmị ọnịrị ẹkụra ene hi ịnị ẹtẹ Ijuda? Ộ sị mẹ ịrayị ẹtarẹwụ ọnị ọ hụrẹ aa kụ́ ayị hi anẹkụra ẹnẹẹ.

Ịzakaraya 7:5

Ọ kà Ịzakaraya ọ ka yị aza ana ra ịnị ẹtẹ ọnọọ ọnịrị ohirẹsụ irehi Ohomorihi nịnị ka ẹ yị vị agụvị anị ẹnịnị aa zị ẹngụ, dị ẹ yị rị ịsa ịnị ụhwẹ ẹẹhị ọnịrị ụhwẹ ịhịmba ịrayị hụrị ịrayị ẹtarẹwụ ana para hu.