Ijeremaya 23:9 - IWE ỌNỊNỊ

⁹ Ijeremaya ka, ayị anị ọ sị sị rugurugu. Ẹngụ anị aa dá ẹgahị. Ọnị ragaragaa zị ọza ene eche aa mẹrị avọọ. Ẹnẹyịmavara ọnịrị ịrẹyị ọnị ọ kà, ọnị kụkụ sị mẹ anka ọza ene hú eche ẹnẹmẹhị dị aa mẹrị ọ avọọ nị.

Ijeremaya 23:9 ပူးပေါင်းရင်းမြစ်များ

Ahẹ Ụgama 60:3

Wa raà mẹ ka ẹyị aza awụ ọ̀ rị ụya ẹtẹẹtẹrẹ ị kụkụ aa gọ̀rụ́-gọ́rụụ zị ọ́za ene eche aa mẹrị avọọ nị.

Ahẹ Ụgama 69:20

Isiya ẹnịnị aa vaa wụ̀ mị, me yi re ọza gụ mị ụvọ. Mee sì ka à nyị ọza ana hyakụ ro o mị, dị ọ sị ayị amị nẹtẹ, ana ẹ yị nyị ọza oni mi re.

Ayịsaya 28:1

Wa sị da nịnị, ẹwụ nịnị Anehwireemi ana aa mẹ eyii zị. Ụbanyị awụ nịnị aa sa anka amu ohinọyị ọnị ọdọvịdị awụ nịnị kú avọọ. Amu ọnọọ aa saa tụ́ ịrẹsụ ọdọvịdị awụ nịnị ana ahịka ohweche ẹnị vị nị. Wa sị dà, ẹwụ ọnọọ ana vị ohirẹsụ ẹtẹ ene zoza oni ohweche ene hi ịzọọ aa sịị mẹ eyi. Dị ẹ daka vavọọ aa mii mẹ eyi, eche vi ene hú wa ẹtẹ.

Ayịsaya 29:9

Wa mịị mẹ ụraa na, óò mè zee wu eyi nịnị. Sị ịsa kú eyi asị ụ zẹẹ ka we re ẹtẹ nịnị. We yi hú eche ama waa mẹrị eche nịnị.

Ayịsaya 51:21

Ịrẹyị o tu wụ ẹngụ, waa mẹrị eche ama we yi hu eche.

Ayịsaya 6:5

Di mi nowu za ẹtẹ, dị mị ka, “Ma sị dà, ịrẹyị ô tù mị. Ịsị mịị̄ si irenu amịị ka e yi zoza. Avọọ aza ẹnị ẹmịrị ra vabẹ ẹnị mẹ̀ rẹẹ kà ịrẹyị ene è yi zoza nị. Ẹmị ọnọọ ọ raà sị eyii re ohinọyị aanị nị. Ọnị ọ vị Ẹnẹyịmavara Ochẹtẹẹngụ nị.”

Ijeremaya 20:9

Ọnị ọ̀ọ va kà a ka ọnị aa sị ayị hụụnị ịrẹyị Ẹnẹyịmavara dị asị ọnị kụkụ ka a ịrẹyị anị, dị ịrẹyị anị aa rị ọnị ayị anka ịra avọọ. Ọnị ộ sị vụrị ka asị ọnị kà a ama ọnị ẹ yị zụ za a.

Ijeremaya 36:16

Ịjị ẹnịnị wụ́ avaba ịrẹyị ọnọnị, dị ẹnịnị kụkụ ee ré ẹngụ goro-goro angwa mee hi wa nị. Dị ẹ kà a yị Ibaruki ka aa nyị ka ẹnị ẹ̀ na ka ịrẹyị ọnọnị yị ohinọyị nị.

Ijeremaya 5:31

Ọnịsẹ nịnị kụkụ èe cheeche; ohirẹsụ irehi Ohomorihi nịnị vị ana kụkụ a sị ọda ẹngụ ẹnịnị mẹ ịsị ẹ yaa mẹ, dị aza anị vavọọ yị si ọ ka a vavọọ mẹẹ nị. Ama sị ụ vaa mẹ nịnị ịnị ẹzẹtẹ anị kẹ?

Ijeremaya 8:18

Ijeremaya ka, tee! ayodu anị ộ dà banyị kẹnẹ ịnẹ aa zị ọnị.

Ijeremaya 9:1

Ijeremaya ka, aa yẹ, ẹyị anị oo và enyi anka enyi anaa tụ̀ hụụnị eteesu avọọ. Dị ọnị oo jị òrèrè pooro kẹnẹ ọọdụ ọnịrị ịrahụ, agụvị aza anị ana a wụ̀ ha aanị.

Arụwẹ 3:15

Ohomorihi ọ raà dà ụya ana ngụ ajẹ yị ọnị rị, dị ọ sị àyodu mẹ enyi yị ọnị ka ọnị oo hú ọ nị.

Ezikẹẹrị 13:3

Ẹnẹyịmavara Ananyị ụkata hu kere-kere ka: ọnịsẹ ẹnẹnị anaa mẹ ụra aanị ẹ́ sị da, ụkata ẹngụ ẹnịnị ẹyaa sịị kà ịrẹyị nị, ẹnịnị é yi re ẹtẹ ọnyọọnyị.

Ezikẹẹrị 9:4

Ọ̀ ngụ avaba Ijerusarẹmị zịịzị, avaba aza enee du ayị agụvị ka aza aa mẹ ịsị aa nyị ọnị ịhyẹrẹ aanị ịnị ẹkụra, dị ọ̀ tọ̀ wa ịrẹwa ịnị ibe nị.

Ezikẹẹrị 9:6

Ọ kà, ẹnịnị ẹ̀ wụ ọnọrụ ọzọkụ-ọzọkụ, dị ẹ̀ wụ ezwọọmụha. Ẹnịnị ẹ̀ wụ ezwoorihi, ọnyị ozi nịnị ẹnịrị ezweyi bẹẹ. Ama asị ẹ́ kanyị ọza ọnyọọnyị ana a raa tọ̀ ịrẹwa ịnị ibe. Ọ kà ẹnịnị è nyima hụụnị irehi ọnị Ohomorihi Ịzẹyịza dị é nyima hụụ ịrẹsụ ẹnị ọdọvịdị ana jẹẹ ịnị Irehi Ohomorihi ịzọọ nị.

Ịdanịyẹrị 8:27

Ịdanịyẹrị ka ịrẹyị ọnọnị ộ za ọnị zizi, dị ọ vara ẹngụ aa zị ọnị nị. Ẹngụ ộ zị ọnị mẹ ẹkụhị chee, ịjị ọnị sị kwẹẹtẹ, dị ọnị naa mẹ̀ ụkọrọ ọnị ohinọyị sị yị ọnị nị. Ama ẹtẹ oni oni re aanị ô hi oni irenu; e yị re ye ọnị bẹẹ.

Ihabaku 3:16

Ịjị Ihabaku wụ́ avaba ịsa ẹnẹnị, dị ayị hụrẹ ẹ ịnẹ, dị ẹgahị ngụ ọ ẹngụ nị. Di o ne ku hẹẹ ee zi ịhị Ohomorihi vaa sị ụya rị ọnịvị ẹnịnị ana kụ́ ọ ka ẹnị ụhwẹ aanị nị.

Aniroomi 7:9

Ịjị mẹ̀ yị vịdị yẹ ọda, máa yàra, ẹ yị nyị ịrẹyị. Ịjị ọda vẹ, ịvị ọ sị ụkata nyị,