Ijeremaya 23:8 - IWE ỌNỊNỊ

⁸ Ama ẹnịnị vanaa sị ọnịị hị́ eku anka Ohomorihi ana yára ana kụ Anisirẹrị nịnị hụrị ẹtẹ Ịbabịrọnị ọnịrị avaba aha ọnị ọnị dụ wa ne hi vẹ. Ẹnịnị vaa ra ịnị ẹtẹ ẹnịnị.

Ijeremaya 23:8 ပူးပေါင်းရင်းမြစ်များ

Ayịsaya 11:11

Ịhị ọnọọ Ananyị yị rẹ vaa sị ụkata kụ́ ọza anị ana vọ ene hi ẹkụra ẹnịnị vẹ: Asiriya, Ijipiti ụvẹtẹ ọnịrị ẹbẹẹba, Ikusi, Erami, Ịbabịrọnị, Ihamati ne beri ẹkụra ene hi ịnị akakana oku.

Ayịsaya 14:1

Ama Ẹnẹyịmavara ọnị vaa vayị ezi Ijekọvụ ana vị aza anị. Ọ rẹ vanaa kụ́ waa vẹ ka ẹ̀ va ra ịnị ẹtẹ ẹnịnị. Azọga va naa ra pè wa ịzọọ.

Ijeremaya 16:14

Ẹnẹyịmavara kà, ụmẹ aa vẹ ọnị aza ẹ̀ yị ma vana sị ọnị hụ́ eku ka; Ohomorihi ana kụ Anisirẹrị nịnị hụrị ẹtẹ Ijipiti vẹ ọ̀ọ yị yà ịzọọ.

Ijeremaya 16:15

Ama ẹnịnị vaa sị ọnịị hị́ eku ka: Ohomorihi ana kụ Anisirẹrị nịnị hụrị ẹtẹ Ịbabịrọnị ọnịrị avaba ẹkụra ịzị ọnị dụ wa ne hi vavẹ ẹkụra ọnị ọnị sị yị ohiku ẹnịnị, ọ̀ọ yị yà ịzọọ.

Ijeremaya 23:3

Ọ kà ọnị aa vaa kụ aza anịị gụ hụrị avaba ẹkụra ọnị ọnị dụ wa ne hi, dị ọnị kụ wa vavẹ eehi ẹnịnị. Ẹnịnị vaa mẹ ozi ọrụrụ-ọrụrụ, dị ẹyaa rụrụ hu avọọ.

Ijeremaya 29:14

Ẹnẹyịmavara kà, ịzẹyịza, u vee re ọnị nịnị, dị ọnị và ụ nịnị ịrẹma va tụ ịnị ẹtẹ awụ nịnị. Ọ kà ọnị kụ́ ụ nịnịị gụ hụrị avaba ẹkụra ọnị ọnị gara ụ nịnị ne hi. Ọnị vaa kụ́ ụ nịnị hụrị ẹkụra ana dị ụ nịnị ne hi, dị ọnị kụ ụ nịnị và vẹ ẹkụra awụ nịnị.

Ijeremaya 30:10

Ọ kà, ẹwụ nịnị aza anị, Anisirẹrị, asị ụ hí angwa nịnị; asị ayị hụrẹ ụ nịnị ịnẹ. Ẹnẹyịmavara kà ọnị vaa dọ ẹwụrị ezi ẹwụ nịnị ha hụrị aha ẹnẹẹnẹ ịzị a za awụ nịnị ọrịhị hi avọọ. Ụ vanaa nyị ẹngwọọrọ, dị ọnị ee sere ụ nịnị. É ma vana nyị ọza ana vaa mẹ angwaa hi wu nịnị.

Ijeremaya 30:3

agụvị ka ụmẹ aa vẹ ọnị ọnị Ẹnẹyịmavara vaa va aza anị Anisirẹrị nịnị ọnịrị Anijuda nịnị vẹ eehi ẹnịnị. Ọ kà nị vaa kụ wa vaavẹ ịnị ẹtẹ ọnị ọnị sị yị ohiku ẹnịnị.

Ijeremaya 31:8

Ọ kà, re, ọnị vaa kụ wa hụrị ẹtẹ Ịbabịrọnị vẹ, dị ọnị kụ wa gụ hụrị aha ẹnẹẹnẹ ịnị ẹhẹ. Ogweyi ọnịrị oswahụ, aza enee zyẹẹ ẹnịrị aza ẹnị ịrẹẹ aa zị vee hi ịnị ẹngụ ẹnịnị, dị ẹyaa vẹ gigirigi.

Ijeremaya 32:37

Ọ kà, re, ọnị vanaa kụ wa gụ hụrị avaba ẹkụra ọnị ọnị sị ọyịkụ-ọyịkụ dụ wa ne hi. Ọnị vanaa kụ waa vaavẹ ịzị ẹnị, dị ọnị mẹ ka ẹnịnị ẹ̀ ra ẹngwọọrọ-ẹngwọọrọ.

Ijeremaya 8:3

Ẹnẹyịmavara Ochẹtẹẹngụ ka, ẹnị anaa vọ ịpa evere aza edivi ẹnẹnị aha tụra aha ịzị ọnị ọọ dụ wa ne hi, vanaa va ụva isu ka aayẹ ẹnị è vene su.

Ezikẹẹrị 28:25

Ọ kà ọnị vanaa varẹma kụ Anisirẹrị nịnị gụ hụrị avaba ẹkụra ọnị ọnị gara wa ne hi. Ọnị vaa sị zụ ịnị akakana ẹnịnị ka ọnịnị ọnị vị nị, dị avaba aza ree. Anisirẹrị nịnị vaa ra hi ịnị ẹtẹ ọnị ọnị sị yị ozi ahụ anị ana aā hi Ijekọvụ.

Ezikẹẹrị 34:13

Ọnị vaa kụ waa gụ hụrị ẹkụra ọsa, dị ọnị kụ wa vavẹ eehi ẹnịnị. Ọnị vaa kụ wa varẹma naa rị ịzị avị ọyịza-ọyịza hi ịnị ataba Isirẹrị, dị ọnị aa kụ wa nee hú enyi ịnị okuha ene hi Isirẹrị.

Ezikẹẹrị 36:24

Ọnị vaa kụ wụ nịnị hụrị avaba ẹkụraa varẹma vẹ ịnị ẹtẹ awụ nịnị.

Ezikẹẹrị 36:35

Dị avaba aza aa kà a ka ẹtẹ ọnọnị ana vị ụnọmị tịtẹ ịhị ọnọọ, ọ kụkụ ya anka ụbazị Edẹnị aanị nị. Dị ẹ rẹ ka, wéé re ẹkụra ana a gara và ha, dị á kụ wa ẹnya, dị a jị wa eburu và hi ẹtẹ ịhị ọnọọ, ọnị a maanị va ra hi ịnị anị, dị a jị ọvọ kara a aanị nị?

Ezikẹẹrị 37:25

Ẹnịnị vaa rá ịnị ẹtẹ ọnị ọnị sị yị ozi ahụ anị Ijekọvụ, ịzị ohiku ẹnịnị vịdị ra. Ịzọọ ẹnịnị vanaa rá pooro zịna nị. Ezi ẹnịnị ẹnịrị ụnanka ẹnịnị vị ana vaa rá ịzọọ. Ohinọyị ọnya anka ozi ahụ anị Idevidi ọ vaa vị ohinọyị ẹnịnị pooro zịna nị.

Ezikẹẹrị 39:28

Aza anị vaa yẹ́ ịjị ọnọọ ka ọnị ọ vị Ẹnẹyịmavara, Ohomorihi ẹnịnị nị, ka ọnị ộ mẹ̀ ka à za wa ọrịhị ne hi aha ọsa, ama ọnị ọ rẹ raa kụ́ wa gụ booro aanị, dị ọnị kụ́ wa vavẹ ịnị ẹtẹ ẹnịnị ụvọta nị. Ọnị ẹ́ yị hụrẹ ọza ọnyọọnyị ẹnịnị ụvọ tụ ẹkụra ọnịvị ẹnịnị.

Ijowẹrị 3:7

Ama Ẹnẹyịmavara kà ọnị vaa kụ́ ọ hi Anisirẹrị ayị ka ẹ vaa vẹ eehi ẹnịnị, dị ọnị mẹ anẹkụra ẹnẹẹ ịsị ẹ mẹ̀ aza anị.

Imika 7:15

Ohomorihi ka ọnị vaa mẹ ka ẹnịnị è re ịvọpa Irima ịvọpa ọnọọ e re, ẹ mẹ̀ hụrẹ Ijipiti aa vẹ.

Ịzẹhwanaya 3:20

Ẹnẹyịmavara kà, ụmẹ aa vẹ ọnị ọnị vaa kụ́ aza ana gara hi ẹhẹ vavẹ eehi ẹnịnị. Ọnị vaa mẹ̀ ka ẹ ngụrẹyị ịnị avaba ẹhẹ Ẹnẹyịmavara kà ọnị vaa mẹ̀ ka ọ varẹma zee yị avaba ẹnịnị.