Ijeremaya 23:39 - IWE ỌNỊNỊ

³⁹ Ọnị Ẹnẹyịmavara vee hí ayị ẹnịnị saka-saka. Ọnị vee ne ẹnịrị ẹkụra ọnị ọnị sị yị ẹnịrị ohiku ẹnịnịị ta huu nị.

Ijeremaya 23:39 ပူးပေါင်းရင်းမြစ်များ

Oyinyima 4:16

Di Ikeeni sị hụụ ịda Ẹnẹyịmavara, dị ọ nọ eyi ịzị ọyịị̄ zịị vẹ Edẹnị, dị ọ na yà ịnị ẹtẹ ana aā hị́ Inodi. Iruvo Inodi vị ọ̀yị ngụ ọ zịịzị nị.

Oyinyima 6:17

Ohomorihi ka ọnị ụvọta vaa kụ́ ọhaara enyi vẹ ịrẹsụ ẹtẹ dị ọnị sị wụ̀ avaba ịsa ana aa tụ́ ụhwẹ ịrẹsụ ẹtẹ ọnọnị. Avaba ịsa ene hi ịrẹsụ ẹtẹ bemi vee sú.

2 Ohinọyị 23:27

Ẹnẹyịmavara kà ọnị vaa mẹ Ijuda ịsị ọnị ọnị mẹ Isirẹrị. Ọ kà ọnị vaa dụ Anịjuda nini hụrẹ ọvịdị anị, dị ọnị yi Ijerusarẹmị ọnị ọnị nyị yị ẹngụ anị ọnịrị irehi anị ịzị ọnị ka aa ya hẹkẹ ọnị.

Ahẹ Ụgama 51:11

Navọ asị ụ kà ka waa dụ mịị hụrẹ ịdị awụ Navọ asị ụ rẹ sị Ụhwẹ Ọnịnị awụ hụụ ịnị ayị samị.

Ụhịrẹyị 13:13

Ọza ana sị eyi wụ ajuwe obooro vị eneē vu ama ọza ana a saasa a ọ vaa ha nị.

Ayịsaya 48:15

Ọnị aa hị́ Ịsayịrọsị ka ọnị ọ tụ ọ ụtụ nị. Ọnị vaa gụ ọ ụvọ ka o re mẹ.

Ayịsaya 51:12

Ẹnẹyịmavara kà ọnị aa sị ayị ẹnịnị nẹtẹ. Sị ẹ vẹ di e yee hí angwa ọzarẹyịrẹsụ ọnị ẹhẹ anịị̄ ta anka avị mẹẹ̄ wụ̀ avọọ.

Ijeremaya 12:7

Ẹnẹyịmavara kà, ọnị ọ sị va ịrẹma Anisirẹrị nịnị, ọnị ọ raa hụrẹ aza anị ụvọ. Ọnị ọ raa sị aza ọnị ọnị sì ịrẹyị anị chire ọnịvị ẹnịnị ụvọ.

Ijeremaya 23:33

Ẹnẹyịmavara ộ kà a yị Ijeremaya ka, àa nyị ọza ịnị ẹngụ aza anị, ọ̀ọ vị ọnịsẹ, ọ̀ọ vị ohirẹsụ irehi Ohomorihi ana họ̀ ọ use ka, ụtụ sị Ẹnẹyịmavara tụ́ kẹ? Ọ̀ kà a yị ọza ọnọọ ka ẹnya ẹ vị yị Ẹnẹyịmavara nị. Ẹnẹyịmavara vaa kụ wa kwooze.

Ijeremaya 23:38

Ọ kà, ẹnịnị ẹ̀ yị saasa ọda anị, dị ẹ́ naa kà a ka ụtụ ọnị Ẹnẹyịmavara tụ́ yị nị; ọ̀ kà a yị wa ka.

Ijeremaya 35:17

Avọọ, ọnị Ẹnẹyịmavara Ochẹtẹẹngụ, Ohomorihi Anisirẹrị vaa sị ụyaa rị ẹwụ nịnị Anijuda ọnịrị Anijerusarẹmị anka ọnị mẹ kà a tịtẹ. Ọ kà ọnị vavọọ aa mẹ wụ nịnị agụvị ọnị ộ kà ịrẹyị yị wụ nịnị ama wẹ yị wụ; ọnị ộ hị́ wụ nịnị, we yi tụ́ ohi.

Ijeremaya 36:31

Ẹnẹyịmavara kà ẹwụrị ezi ewu beri ọdọvịdị ana kara awụ, vị ọnị ọnị vaa sị ụyaa rị agụvị avaba ebira odivi ẹnẹ ẹ mẹ. Ọ kà ẹwụrị aza ene hi Ijerusarẹmị ọnịrị Ijuda ẹ́ yị wụ́ ịrẹyị anị ọnị maa kà wụ, nịnị ọnọ. Agụvị avọọ, avaba ụya ọnị ọnị wo oto ka ọnị vaa sịị rị wụ nịnị, vị ọnị ọnị vaa sịị rị wụ nịnị ịzẹyịza.

Ijeremaya 52:3

Dị ayị kụ Ẹnẹyịmavara tu Anijerusarẹmị nịnị ọnịrị Anijuda nịnị, dị ọ hụ́ wa hụrị ẹngụ anị eyi nị. Ịzẹdẹkaya ộ kụ̀ hịrẹ Inebukadineza ohinọyị Ịbabịrọnị.

Ijeremaya 7:14

Avọọ, ịsị ọnị mẹ Isiiro avọọ, vaa mẹ irehi anị ọnọnị ọnị ụ vavọọ sị ayị tụra nịnị nị. Ọ kà, ọnị ọ vịdị sị ịzọọ yị ẹwụrị ohiku awụ nịnị nị.

Ijeremaya 7:15

Ọ kà vị ọnị vaa dụ wụ nịnị hụrị ẹngụ anka ọnị mẹ mẹ ẹyịnyara awụ nịnị, Anehwireemi nịnị avọọ nị.

Arụwẹ 5:20

Sị ẹ vẹ dị Ẹnẹyịmavara maanị hi ayị ayị gọdọ? Sị ẹ vẹ dị ụ maanị và ịrẹma ayị gọdọ?

Ezikẹẹrị 34:11

Ọnị Ẹnẹyịmavara Ochẹtẹẹngụ aa kà a yị wụ nịnị ka, ọnị-ụvọta venee sì atẹmẹ, dị ọnị aa tẹsị ẹnịnị.

Ezikẹẹrị 34:20

Avọọ, ọnị Ẹnẹyịmavara Ochẹtẹẹngụ aa kà a booro aanị ka, ọnị vaa mẹ̀ ọkarẹyị ịrẹyị ẹwụ nịnị atẹmẹ ana nyị ụkata ọnịrị ẹnị ana tụ ọkụmị.

Ezikẹẹrị 5:8

Ẹnẹyịmavara kà ọnịrị ẹwụ nịnị Anijerusarẹmị ọ́ raa sị eyi gẹrị ẹngụ. Ọnị vaa sị́ ụyaa rị wụ nịnị dị avaba anẹkụra ana vọ nịnị è ré e.

Ezikẹẹrị 6:3

ẹwụ nịnị ataba ene hi Isirẹrị ọ̀ wụ́ ịrẹyị Ẹnẹyịmavara Ohomorihi. Ọ kà ọnị ọ̀ kà a yị ẹnị ataba ọnịrị inozi nịnị ka, ọnị Ẹnẹyịmavara vaa mẹ ka à kụ́ ịrẹkụ ve du ịzị aza vaa mẹ ori ịnị ẹnịnịị ha.

Ezikẹẹrị 8:18

Avọọ, ọnị vaa sị ọyịkụ anịị zụ wa ẹtẹẹtẹrẹ. Ọnị ẹ́ yị vaa sị eyi kwooze yị wa, ọnị ẹ́ yị vaa vayị ẹnịnị. Ẹnịnị vaa mẹ̀ aduwa, dị eyee nowu boro-boro, ama ọnị ẹ́ yị vee tu wa ohi.

Ezikẹẹrị 9:6

Ọ kà, ẹnịnị ẹ̀ wụ ọnọrụ ọzọkụ-ọzọkụ, dị ẹ̀ wụ ezwọọmụha. Ẹnịnị ẹ̀ wụ ezwoorihi, ọnyị ozi nịnị ẹnịrị ezweyi bẹẹ. Ama asị ẹ́ kanyị ọza ọnyọọnyị ana a raa tọ̀ ịrẹwa ịnị ibe. Ọ kà ẹnịnị è nyima hụụnị irehi ọnị Ohomorihi Ịzẹyịza dị é nyima hụụ ịrẹsụ ẹnị ọdọvịdị ana jẹẹ ịnị Irehi Ohomorihi ịzọọ nị.

Ihoseya 4:6

Ẹnẹyịmavara kà eyogu aa wụ́ aza anị. Ohirẹsụ irehi anị nịnị ẹ yaa mẹ̀ akamawụ hị́ ọnị. Ọnị o yi wa tịtẹ agụvị ka ẹnịnị e hi ayị ịrẹyị anị. Agụvị avọọ ọnị ẹ yị vaa tamayị ezi ẹnịnị.

Ihoseya 5:14

Ohomorihi ka ọnị vavẹ ịrẹsụ Isirẹrị ọnịrị Ijuda anka idu anaa kụ́ ayị avọọ nị. Ọnị ọ na wa dị ọnị kụ́ wa, dị ẹ yị nyị ọza ene zụ họ̀ use.

Ireevi 26:28

Ọnị rẹ vaa mẹ̀ ịsa ọnị ẹnịnị è yi sii hi wa, dị ọnị ụvọta sị ụya ịvị ẹnịnị rị wa hu avọ oze ịhịmba.

Imatiwu 25:41

Dị ọ va vara eyi, dị ọ kà a yị aza ene hi eyi ụvọha anị ka: ‘Hụụ ịda amị nịnị, ẹwụ nịnị aza oyivu! Waa nọ ịnị ịra ene è yi mē mi pooro, ana a kà tịtẹ yị Echu ọnịrị anggẹẹrị anị.

Iwe Ọhụhị Imosiisi ana aa hị́ Ọyịvatụrọda 32:39

Aanị ka wẹ yị yẹ ka ẹmị ịnyara ọ vị Ohomorihi? Ẹ yị nyị Ohomorihi ọsa ịrẹma amị. Ẹ maa sị ụhwẹ yọ ọza, ẹmaa rẹ dọ ọza ụhwẹ nị. Ẹmaa tọ ọza ụnava, dị mị rẹ mẹ ụkụ nị. Ẹ yị nyị ọza ana hụụ za mị jẹẹ.

2 Anịtẹsaronika 1:9

Ụya ẹnẹ ẹ vaa rị ọ vị ka ẹnịnị vee vú ẹtẹ pooro zịna-zịna, ẹnịnị e yi vee re eyi Ananyị yị ọnịrị igirima anị beri ụkata anị paa.